blaðið - 09.08.2005, Blaðsíða 14
blaði
Útgáfufélag: Árogdagurehf.
Stjórnarformaður: Sigurður G. Guðjónsson.
Ritstjóri: Karl Garðarsson.
ENGUM TIL FRAMDRATTAR
æðingaorlofslögin frá árinu 2000 voru mikil bót í
málefnum fjölskyldunnar. Þau tryggja börnum aukna
umgengi við foreldra sína fyrstu mánuði lífs síns,
mánuði sem skipta öllu máli fyrir tengslamyndun ungbarna.
Nýlegar rannsóknir hafa sýnt að sú tengslamyndun markar
framtíðarheill einstaklingsins og skiptir því gríðarmiklu fyrir
bæði hann og samfélagið. Það er börnum ákaflega mikilvægt
að vera í samvistum við foreldra sína, þá sem mesta umhyggju
hafa að bera. Það er ekki einungis barninu, einstaklingnum
mikilvægt heldur einnig samfélaginu öllu. Þau börn sem
njóta umhyggu og leiðsagnar foreldra sinna, njóta góðra
uppeldisskilyrða, munu að sjálfsögðu eiga aukin og betri
tækifæri til að lifa góðu lífi og leggja til síns samfélags. Lögin
voru því mikið framfaraskref sem mikilvægt var að taka ekki
síst vegna aukins hraða í markaðsvæddu samfélagi. Reyndin
hefur einnig sýnt að vinnuvika íslendinga hefur á undanförnum
árum verið að aukast á sama tíma og dagvistun íslenskra barna
eykst hröðum skrefum.
Margir hafa skoðað Iögin sem réttarbót í málefnum feðra en
í reynd snýr réttarbótin að börnum.
Með fæðingaorlofslögunum stóðu einnig vonir til þess að
jafna mætti launamun kynjanna enda mátti ætla að lögin
jöfnuðu ábyrgð kynjanna á uppeldi barna sinna og þar með
myndu þau jafna aðgengi kynjanna að vinnumarkaði. Það
hefur þó ekki gengið eftir og hafa ýmsir bent á að slíkur
jöfnuður muni ekki nást á meðan viðhorf atvinnurekenda
breytast ekki í takt við aðra þróun í samfélaginu. Þar er ekki við
ríkisvaldið að sakast því hað hefur gengið á undan með góðu
fordæmi. Málefni framkvæmdastjóra KEA og samskipta hans
við stjórn fyrirtækisins vegna ætlunar um töku fæðingaorlofs
eru skýrt og klárt dæmi um slíka hugsun. Hugsun sem á með
engum hætti við í fyrirtækjarekstri i nútímanum. Þau viðhorf
sem stjórnarformaður fyrirtækisins hefur viðrað í fjölmiðlum
undanfarna daga eru líkt og tal fortíðardrauga sem ekki fylgja
breyttum tíðaranda og hljóta því að daga uppi. Slík viðhorf
geta ekki verið nokkru fyrirtæki til framdráttar. Ábyrgð
atvinnurekenda er mikil í þessum efnum.
Auglýsingastjóri: Steinn Kári Ragnarsson. Ritstjórn & auglýsingan Bæjarlind 14-16,201 Kópavogur.
Aðalsími: 510 3700. Símbréf á fréttadeild: 510.3701. Símbréf á auglýsingadeild: 510.3711.
Netföng: vbl@vbl.is, frettir@vbl.is, auglysingar@vbl.is.
Prentun: Prentsmiðja Morgunblaðsins. Drelfing: Islandspóstur.
FRJ/ ÍLST
hla< Mft—
14 I ÁLZT
ÞRIÐJUDAGUR 9. ÁGÚST 2005 blaöiö
Hvalveiðunum
kennt um að ósekju
í frétt á vef Ríkisút-
varpsins í síðustu
viku var haft eftir
Ásbirni Björgvins-
syni, formanni
ferðasamtaka á
Norðurlandi eystra
og formanni Hvala-
Hjörtur J.Guð-
mundsson
P » . , sagnfræðinemi
skoðunarsamtaka ...............
íslands, að hval-
veiðar Islendinga hefðu skaðað ferða-
þjónustuna á Norðurlandi í sumar
og að ferðamönnum í hvalaskoðun
hefði fækkað á milli ára. Athyglis-
vert var að þessu fylgdi alls enginn
rökstuðningur. Ennfremur sagði
Ásbjörn i fréttinni að flest ferðaþjón-
ustufyrirtæki á Norðurlandi hafi
fundið fyrir einhverjum samdrætti
á þessu sumri, sérstaklega í „lausa-
traffík“ sem um megi kenna rysj-
óttri tíð fyrri hluta sumars. Nú? Var
ekki samdrátturinn hvalveiðunum
að kenna rétt áðan?
Ásbjörn sagði síðan að nú væri
hins vegar farið að rætast úr veðri
og reynslan væri sú að seinni hluti
sumars og haust væri góður tími fyr-
ir ferðaþjónustuna og að fólk innan
hennar væri bjartsýnt og sæi ýmis
sóknarfæri. Nú er það auðvitað af-
skaplega gott að það ríki bjartsýni í
ferðaþjónustunni og þó það hafi orð-
ið einhver samdráttur á þessu ári er
alveg út í hött að kenna hvalveiðun-
um um það, sérstaklega þegar því
fylgir ekki einu sinni tilraun til rök-
stuðnings. Ferðamannastraumur-
inn til Islands hefur aukist stórlega
á undanförnum árum og þá ekki
síst eftir að við hófum hvalveiðar í
ágúst 2003. Ekkert bendir til þess
að veiðarnar hafi haft þar neikvæð
áhrif á. Og fyrst þær hafa ekki skað-
að ferðaþjónustuna til þessa, og þar
með talin hvalaskoðunarfyrirtækin,
hvers vegna í ósköpunum ætti slíkt
þá að gerast fyrst núna?
I Fréttablaðinu 10. júlí á síðasta ári
viðurkenndi Guðmundur Gestsson,
varaformaður Hvalaskoðunarsam-
takanna, einmitt að hvalveiðarnar
hefðu ekki skaðað hvalaskoðunar-
iðnaðinn hér á landi þvert á fyrri
hrakspár hans og fleiri. Og hvað
hefur breyst síðan? Jú, íslenska krón-
an hefur styrkst mjög mikið og því
væri nær að leita skýringa í þeirri
þróun ef samdráttur hefur orðið í
ferðaþjónustunni hér á landi (eitt-
hvað sem Samtök ferðaþjónustunn-
ar kvörtuðu einmitt undan fyrr á
þessu ári) í stað þess að hengja bak-
ara fyrir smið og kenna hvalveiðun-
um um.
www.sus.is
Búið að slátra bestu
mjólkurkúnni
Það hafa aldrei
þótt búhyggindi
að slátra bestu
mjólkurkúnni. En
nú hefur ríkið gert
það. Ríkið hefur
losað sig við besta
ríkisfyrirtækið, Sí-
mann. Þetta fyrir-
tæki hefur skilað 2-
3 milljörðum í hreinan hagnað á ári
mörg undanfarin ár. Það má segja,
að þetta vel rekna ríkisfyrirtæki hafi
malað gull fyrir ríkið. Fyrir 4 árum
átti að selja fyrirtækið einkaaðilum.
En þá klúðraðist salan og hætt var
við hana í það skiptið.Síðan hefur
fyrirtækið hækkað um 27 milljarða
að verðmæti til. Það seldist nú á 67
milljarða króna. Ríkið hefur því stór-
grætt á því að hætt skyldi við söluna
fyrir 4 árum.Ríkið hefur bæði fengið
árlegan hagnað fyrirtækisins sl. 4 ár
og verðmætisauka fyrirtækisins. Á
þessu ári hefur ríkið fengið greidda
6-7 milljarða í arð af Símanum.
Ríkið hefur grætt í kring-
um 40 milljarða
Ríkið hefur grætt í kringum 40
milljarða á Símanum sl. 4 ár ef verð-
mætisauki fyrirtækisins er talinn
með. Óskiljanlegt er hvers vegna
ríkinu var svona mikið í mun að
losa sig við þessa gullkvörn. Einka-
aðilarnir sem fengu Símann verða
ekki lengi að græða fyrir kaupverð-
inu sem þeir greiða fyrir fyrirtækið.
I því efni munu þeir einskis svífast.
Þeir munu hækka símgjöldin ef þeir
telja það nauðsynlegt til þess að auka
gróðann og fá næga peninga fyrir
kaupverðinu á skömmum tíma. Sím-
inn er svo mikið öflugra fyrirtæki
en Og Vodafone að það síðarnefnda
mun ekki stöðva hækkanir þó sam-
keppni sé nokkur.
Bakkavararbræður keyptu
Fjárfestingarfélagið Exista ásamt
KB banka og nokkrum lífeyrissjóð-
um keypti Símann.Félag þessara að-
ila heitir Skipti. Það er sá aðili sem
bauð í Símann og hefur nú eignast
hann. Exista á 45% en KB banki 30%.
Hlutur KB banka verður seldur al-
menningi síðar. Exista er að mestu
í eigu Bakkavararbræðra. Forstjóri
Símans, Brynjólfur Bjarnason, var
til skamms tíma í stjórn Bakkavarar
en Grandi lagði fé í Bakkavör á með-
an Brynjólfur var forstjóri Granda.
Það voru því náin tengsl á milli
þeirra aðila sem fengu Símann og
núverandi forstjóra fyrirtækisins.
Gagnrýni á einkavæðingarferlið
Leiðtogar stjórnarandstöðunnar
hafa gagnrýnt ýmislegt i sambandi
viðeinkavæðinguSímans.Steingrím-
ur J. Sigfússon, formaður Vinstri
grænna, hefur látið það koma skýrt
fram að hann er andvígur sölunni
en einnig hefur hann gagnrýnt fram-
kvæmd hennar. Ingibjörg Sólrún
Gísladóttir, formaður Samfylkingar-
innar, hefur gagnrýnt framkvæmd
sölu Símans á mjög málefnalegan
hátt. Hún hefur m.a. sagt að vera
Brynjólfs Bjarnasonar, forstjóra Sím-
ans, í stjórn Bakkavarar veki upp
spurningar um það hvort þarna hafi
verið um óeðlileg tengsl að ræða. For-
stjóri Símans sagði sig úr stjórninni
snemma á þessu ári vegna gagnrýni
er kom fram á stjórnarsetu hans í
Bakkavör. Spurningar formanns
Samfylkingarinnar eru mjög eðlileg-
ar.Ljóst er að forstjóri Símans hefur
haft möguleika á því að láta eigend-
ur Bakkavarar fá meiri upplýsingar
en aðra um Símann og meiri upplýs-
ingar en aðrir áttu kost á að fá.Slík-
ar upplýsingar hafa getað hjálpað
Bakkavör að meta raunverulegt
verð Símans og hafa getað gert eig-
endum Bakkavarar kleift að bjóða
hærra verð en aðrir.Hér skal þó ekki
fullyrt að forstjóri Símans hafi nýtt
sér möguleika sína í þessu efni.
Engin erlend tilboð
Þá hefur Ingibjörg Sólrún einnig
vakið athygli á því að engin erlend
tilboð bárust í Símann enda þótt er-
lendir aðilar létu um tíma mikinn
áhuga í Ijós á Símanum. Sú spurning
hlýtur að vakna hvort erlendir fjár-
festar og erlend simafyrirtæki hafi
ekki treyst íslenskum stjórnvöldum.
Hentistefna ríkisstjórnarinnar við
einkavæðingu bankanna og Símans
hefur spurst til útlanda. Reglur um
einkavæðingu hafa verið hnoðað-
ar til að vild af stjórnvöldum. Þær
hafa stöðugt breyst og verið lagaðar
að þörfum einkavina stjórnarflokk-
anna. Erlendir fjárfestar geta ekki
fjárfest hér í stórfyrirtækjum á með-
an ástandið er þannig.
Björgvin Guðmundsson
Björgvin
Guömundsson
Tenerife
Loksins fyrir Islendinga
7
www.sumarferdir.is
575 1515R-BÓKAÐU ALLAN SÓLARHRINGINN
n'
UrHAR
alltaf
A RÉTTU VERÐI