blaðið - 06.09.2005, Page 6

6 I INNLENDAR FRÉTTIR
ÞRIÐJUDAGUR 6. SEPTEMBER 2005 blaöiö
Samheitalyf
við þunglyndi
á Bandarikja-
markað
I gegnum dótturfélag sitt, Amida
Pharmaceutical Inc., hefur Actavis
Group fengið samþykki bandarísku
matvæla- og lyfjastofnunarinnar
fyrir markaðsleyfi á lyfinu Mirtaz-
apine í Bandaríkjunum. Lyfið er
samheitalyf sem notað er við með-
ferð á þunglyndi. Árleg sala á frum-
lyfinu í Bandaríkjunum er um íoo
milljónir dala en gert er ráð fyrir að
sala á hinu nýja samheitalyfi hafi
óveruleg áhrif á afkomu Actavis
samstæðunnar.
Höfuðstöðvar Amida Pharmaceutical í
Bandarikjunum.
Norðurmjólk
Sparar millj-
ónir á breyttri
orkunotkun
Norðurmjólk á Akureyri hyggst
spara milljónir króna árlega í
rekstri með breyttri orkunotkun.
Markmiðið er að ná umtalsverðum
sparnaði í orku- og vatnsnotkun og
hafa samningar náðst um heildarút-
tekt í fyrirtækinu. Takmarkið er að
lækka afltopp um 15% og minnka
notkun á heitu og köldu vatni um
helming. ■
Sífellt færri sækjast eftir að
starfa í björgunarsveitum
Aukin samkeppni um frítíma fólks
hefur áhrif á fjölda þeirra sem
sækjast eftir því að starfa í björg-
unarsveitum landsins. Þetta segir
Hallgrímur Kristinsson, varafor-
maður Flugbjörgunarsveitarinnar,
en sveitin leitar nú að nýliðum til
að taka þátt í starfi hennar. Eng-
in bein tölfræði er til um þennan
minnkandi áhuga en Hallgrímur
bendir á að fyrir fáum árum var
ekki óalgengt að um 100 manns
mættu á kynningarfundi hjá sveit-
inni þegar nýir menn voru teknir
inn í hana. Nú sé hinsvegar algengt
að 20 til 40 manns mæti á þessa
fundi.
Aðeins einn eftir
Annað dæmi sem Hallgrímur minn-
ist á er að af nokkrum nýliðum
sem hófu störf hjá annarri björg-
unarsveit á höfuðborgarsvæðinu
í fyrra er aðeins einn eftir. Vegna
þessarar þróunnar hefur flugbjörg-
unarsveitin farið í mikla skipulags-
vinnu að undanförnu.
„Við erum að nútímavæða okk-
ur til að mæta breyttu þjóðfélagi.
Björgunarsveitir þurfa að breyast
til að lifa af og við erum einfald-
lega að færa okkur nær fólkinu”,
segir Hallgrímur.
Mikil ókeypis þjónusta
Björgunarsveitir veita félagsmönn-
um sínum í raun mikla þjónustu
sem ekki er rukkað fyrir. Meðal
annars er boðið upp á margvísleg
námskeið, svo sem í skyndihjálp,
rötun, fjallamennsku sem og akst-
ur á vel búnum jeppum og björgun-
artækjum. Félagar í sveitinni eiga
að geta fengið hluti á borð við lík-
amsrækt og fjallaferðir án þess að
það kosti það krónu. Hallgrímur
bendir á að allir geti gengið í björg-
unarsveitir.
„Við erum að leita að fólki á öllum
aldri en ekki bara 18 ára ungling-
um. Allir sem hafa áhuga á fjalla-
mennsku og björgunarmálum eru
velkomnir”, segir hann að lokum.
Hótelgestum fjölgar milli ára
Gistinóttum á hótelum í júlí fjölgaði
um 3% milli ára samkvæmt tölum
Hagstofunnar. Hlutfallslega mesta
aukningin varð á Suðurnesjum,
Vesturlandi og Vestfjörðum þar
sem nóttum fjölgaði um 15%. Á höf-
uðborgarsvæðinu er fjölgunin 3%, á
Austurlandi 2% en á Norðurlandi og
Suðurlandi var fækkun upp á -3%.
Gistinætur í júlí voru 157.170 en i
fyrra voru þær 153.220 á sama tíma.
islendingar nota
hótelin í auknum mæli
Islendingar nýttu sér hótelin mun
meira þetta árið en árið á undan og
varð fjölgun gistinótta langmest á
meðal innlendra hótelgesta, eða 21%.
Árið 2004 voru gistinætur Islend-
inga á hótelum í júlí 14.250 en í ár
fjölgaði þeim í 17.250. Fjölgun gisti-
nótta varð mun minni á meðal er-
lendra gesta en þeim fjölgaði um 1%
og fóru úr 139.010 í 139.910.1 þessum
tölum er aðeins um að ræða gistinæt-
ur á hótelum sem eru opin allt árið
en ekki gistiheimili og hótel sem að-
eins eru opin yfir sumartímann.
Einnig fjölgun fyrstu
fímm mánuði ársins
Gistinóttum á hótelum og gistiheim-
ilum fjölgaði um tæp 5% fyrstu
fimm mánuði ársins og varð fjölg-
un í öllum landshlutum að Norður-
landi vestra undanskildu. Mesta
aukningin er á Vestfjörðum þar sem
fjölgunin er 33%. Ef mánuðirnir eru
skoðaðir kemur í ljós að janúar bæt-
ir mest við sig, eða 13%, en í febrúar
og mars dregst fjöldinn hins vegar
saman. ■
Viðskiptahallinn
aldrei meiri
Viðskiptahallinn um þessar mundir
mælist um helmingi meiri en hann
var á sama tíma í fyrra og er meiri
en hann hefur nokkurn tímann áð-
ur mælst hér á landi. Þetta kemur
fram í Morgunkorni Islandsbanka
í gær. Þar segir að aukinn vöruinn-
flutningur vegi þar þungt en inn-
flutningur vara jókst úr 113 milljörð-
um á fyrri hluta 2004 í tæplega 135
milljarða á sama tímabili á þessu
ári. Tekjur af útflutningi hafa hins
vegar dregist nokkuð saman, far-
ið úr 99,1 milljarði í 98,5 milljarða
króna. Ástæðuna má einkum rekja
til hækkunnar gengis krónunnar.
„Hallinn hefur aukist umtalsvert
frá fyrra ári enda ýtir hátt gengi
krónu bæði undir neyslu- og fjárfest-
ingagleði landsmanna, dregur úr
verðmæti vöruútflutnings í krónum
talið og fælir frá erlenda ferðamenn.
Líklegt er að hallinn muni þegar
kemur fram á næsta ár grafa undan
styrk krónunnar", segir í Morgun-
korni Islandsbanka í gær.
Sjávarútvegs-
syning rís
I Smáranum í Kópavogi eru menn
í óða önn við að koma saman átt-
undu sjávarútvegssýningunni á
Islandi. Fyrsta sýningin af þessu
tagi var haldin árið 1984 og síðan
þá hafa þær verið haldnar á þriggja
ára fresti. Sýningin árið 2002 var sú
stærsta hingað til og heppnaðist í
alla staði mjög vel. Bjarni Þór Jóns-
son, fulltrúi sýningaraðilans Nexus
Media Communications Ltd., segir
að sýningin i ár sé stór og yfirgrips-
mikil. „Hér er þéttsetin hver einasta
þvertomma af sýningarsvæði“, seg-
ir hann sem dæmi um aðsóknina.
Sýningin hefst á morgun og stend-
ur fram á laugardag.
Þegar Ijósmyndari Blaðsins kom við f
Smáranum í gaer voru iðnaðarmenn í
óða önn að reisa sýningarbása, leggja
rafmagn og klára þau smáverk sem vinna
þarf fyrir slfka sýningu. Þeir sem settu
upp þennan færeyska bás virðast þó hafa
ruglast aðeins f rýminu.
Bloðlð/Gúndi
Blandið saman allt að 3 réttum úr hitaborði
Tilboöin gilda ekki meö heimsendingu
Sóltún 3 S 562 9060 Bæjarlind 14-16 S 564 6111