blaðið - 06.02.2006, Blaðsíða 7

blaðiö MÁNUDAGUR 6. FEBRÚAR 2006
I 21
Meðlimir klúbbsins eru á öllum aldri
Félagar í Fornbílaklúbbi íslands gera meira en að rúnta um göturnar á gömlum glœsivögnum
Það vekur iðulega athygli þegar
meðlimir Fornbílaklúbbs fslands
koma saman og
aka glæsivögnum
sínum um götur
borgarinnar.
Klúbburinn gerir
meira en að rúnta
því innan hans fer
fram geysiöflug
félagsstarfsemi.
Jón S. Loftsson, meðlimur í stjórn
Fornbílaklúbbsins, fræddi blaða-
mann um starfsemina og fornbíla-
bakteríuna sem hrjáir hundruði
landsmanna.
„Þetta gengur kannski í meginat-
riðum út á að vera með starfsemi
fyrir félaga klúbbsins í kringum
fornbílana," segir Jón. „Á sumrin
erum við með ferðir, bæði kvöld-
rúnta og eins helgarferðir þar sem
við förum út á land og grillum og
svona. Á veturna erum við svo með
myndasýningar, safnarakvöld og
ýmsar uppákomur. Allt árið eru svo
haldnir vikulegir fundir, alltaf á
miðvikudögum." Meðlimir klúbbs-
ins eru 620 en hann var stofnaður
árið 1977. „Það hefur verið mikil
fjölgun í klúbbnum á síðustu árum
og það er nánast á hverjum degi sem
við fáum fyrirspurnir frá fólki sem
hefur áhuga á að kynnast klúbbnum
eða ganga í hann,“ segir Jón.
Jón segir að meðlimir klúbbsins
séu bókstaflega á öllum aldri. „Sá
yngsti er 14 ára og sá elsti er rúmlega
níræður. Þannig að þetta spannar al-
veg allt bilið og meðlimirnir koma
úr öllum stéttum þjóðfélagsins." Jón
segir ennfremur að starfsemin sé
afar fjölskylduvæn. „Það er mjög vin-
sælt að taka alla fjölskylduna með í
ferðirnar okkar. Það eru kannski
100 manns sem fara í ferð en bara 25
bílar," segir Jón. „Svo eru alltaf fleiri
og fleiri konur að ganga í klúbbinn,“
segir Jón en enn sem komið er eru
þær í miklum minnihluta.
Erfitt að komast yfir góða fornbíla
Jón segir misjafnt hvernfg menn fái
áhugann fyrir fornbílum og sumir
einfaldlega fæðist með hann. „Oft
á tíðum byrjar þetta seih venjuleg
bíladella og þróast svo út í áhuga á
gömlum bílum eins og voru á upp-
vaxtarárunum, kannski eins og
pabbi átti. Svo er það hreinlega bara
áhugamál hjá mörgum að gera upp
svona bíla. Þeir eiga ekki endilega
fornbíl en hafa bara gaman að þvi
að gera þá upp,“ segir Jón. Til þess
að bílar teljist til fornbila þurfa þeir
að hafa náð 25 ára aldri. „Núna er
miðað við árið 1981 en bílarnir sem
eru í gangi ná alveg aftur til ársins
1920,“ segir Jón.
Jón segir næsta ómögulegt að
komast yfir fornbíl með öðrum
hætti en að flytja hann til landsins.
„Áður fyrr voru menn oft heppnir og
fundu lítið notaða gamla bíla sem
höfðu verið geymdir, t.d. í hlöðum
úti á landi. En það er búið að þurrka
allt upp í dag,“ segir Jón og segir
að viðskipti með fornbíla fari mest-
megnis fram í gegnum Internetið og
bílasýningar.
„Verðið á þessum bílum er rosalega
misjafnt. Það fer bara eftir tegund,
árgerð og ástandi bílsins. Menn
hafa verið að koma með bíla hingað
á götuna á um og undir milljón ef
þeir eru heppnir. En ef þetta eru eft-
irsóttir bílar þá getur þetta kostað
alveg nokkrar milljónir," segir Jón
aðspurður um það verð sem tíðkast
á fornbílum.
Opinn og skemmtilegur
félagsskapur
Jón hvetur alla til að kíkja á vefsíðu
Fornbílaklúbbsins en þar segir hann
að finna megi allar upplýsingar um
klúbbinn og fá svör við ýmsu sem
fólk er forvitið um. Jón er einmitt
vefstjóri síðunnar og hefur verið
duglegur við að uppfæra hana. „Svo
er bara endilega að mæta á fundi
hjá okkur sem eru alltaf á miðviku-
dögum eða að kíkja á okkur á sumrin
þegar við erum að rúnta. Fólk á bara
að vera algjörlega ófeimið og um að
gera að vaða upp að næsta manni og
spyrja hann spjörunum úr,“ segir
Jón.
Það má Hka taka það fram að
það eru mjög margir í klúbbnum
sem eiga ekkei fornbíl en hafa bara
áhuga á þessu. „Þetta er gríðarlega
skemmtilegur félagsskapur og það
snýst auðvitað ekkert allt um bíla.
Þetta er bara hópur fólks sem sam-
einast í þessu áhugamáli og hefur
gaman,“ segir Jón að lokum
Heimasíða Fornbílaklúbbs Islands
er á slóðinni www.fornbill.is.
bjorn@bladid.net
17. júní 1 Árbæjarsafni
Skoðunardagur 2005, alltaf í byrjun maí og fyrsta ferð sumars

1946 International og 1941 Ford I kvöldrúnti
I Árbæjarsafni, aðstaða klúbbsins f vetur og næsta sumar.
Bfll Jóns, Dodge Royal Monaco Brougham 1976
1955 Packard Clipper Custom
(ö)ö©©D©
Full búð af aukahlutum
allt á útsölu
Opið virka daga 8-18
Sportstýri, petalar, felgur ofl.
Neonljós, Xenon perur,
girhnúar ofl.
m%
Biltæki, bassabox ofl.
ÁG Mótorsport - Klettháls 9
110 Reykjavik - s. 587 5547
Verslun á netinu : www.agmotorsport.is