blaðið - 17.10.2005, Blaðsíða 2

18 I MATUR
MÁNUDAGUR 17. OKTÓBER 2005 blaðiö
„Are you
hungry tonight?"
-banabitar Elvis teknir saman í hentugu hefti
Flestir eru fullmeðvitaðir um að
rokkkonungurinn Elvis Presley var
mikill matgæðingur. Hann elskaði
að borða og gaf þá lítið fyrir hvort
gumsið væri lífrænt ræktað eða ekki.
Beikon og smjör, kökur og kjöt, hefð-
bundin suðurríkjamatargerð i bland
við það besta úr brasi allra heima
- þetta var fæðið sem Elvis lifði á og
fyrir. I hinni frægu matreiðslubók
,Are you hungry tonight?: Elvis’ favo-
rite recipes“ eru uppáhaldsuppskrift-
ir kappans týndar saman. Allt frá
hundraðþúsundhitaeininga steiktu
hnetusmjörs-og-banana samlok-
unni til tertunnar sem borin var
fram í brúðkaupi hans og Priscillu
ásamt mörgu öðru.
Bókin, sem kom fyrst út fyrir
rúmum áratug, er yfirleitt talin
best þeirra fjölda bálka sem fjallað
hafa um mataræði konungsins og er
hentugur leiðarvísir fyrir unnendur
bandarískrar matargerðar svo og
þá sem hyggja á að hækka kóleste-
rólmagnið í blóðinu. Til að hjálpa
áhugasömum áleiðis birtist hér upp-
skrift af samlokunni frægu.
Steikt hnetusmjörs-
og bananasamloka að hætti Elvis
Vei þroskaður banani
2 sneiðar franskbrauð
3 matskeiðar hnetusmjör
2 matskeiðar smjör
Brauðið skal rista við vægan
hita.Á meðan ristavélin mallar
er gott að mauka bananann með
skeið í lítilli skál. Þegar brauðið
er tilbúið er bananamaukinu
smurt á aðra sneiðina og hnetu-
smjörinu á hina. Að lokum skal
samlokan steikt í bráðnu smjöri
þar til hvor hlið er gullinbrún
að lit. Samlokuna skal skera í
þríhyrninga og bera fram heita.
I henni eru 36 grömm af fitu.
Culinaria bœkurnar fara
með manni i ferðalag
Ár hvert er gefinn út fjöldinn allur
af matreiðslubókum, hérlendis sem
erlendis. Er þar er um að ræða allt
frá hefðbundnum uppskriftabók-
um til stórra og þungra uppfletti-
rita sem láta sér ekki nægja að fara
í helstu grunnatriði matargerðar
heldur freista þess að nálgast hana
sem listform út af fyrir sig. Blaðinu
lék forvitni á að vita hvað væri eftir-
tektarvert í heimi matreiðslubóka
um þessar mundir og heimsótti því
Þórhall Björgvinsson, deildarstjóra
erlendra fræðibóka hjá bókaverslun
Máls og menningar við Laugaveg.
„Við fáum hingað mikið magn
matreiðslubóka i hverjum mánuði,
svo mikið að við eigum oft í vand-
ræðum með að koma þeim fyrir.
Sérfæðimatreiðslubækur eru alltaf
jafn vinsælar, en „frægafólks“ kokka-
bækur eru hvað mest móðins núna.
Þær eru oft einhvers konar blanda
af matreiðslu- og minningabókum.
Meðal þeirra sem hafa sent frá sér
svoleiðis eru Maya Angelou og Sop-
hia Loren. En ef ég ætti að tilgreina
einhverja sérstaka sem er mér að
skapi og er jafnframt góð í sölu væri
það helst einhver af bókunum úr
Culinaria-seríu þýska útgefandans
KÖENEMANN. Þar er sjónum beint
að matargerðalist og -hefð í tiltekn-
um löndum. Þetta eru stór og vegleg
rit af þeirri gerð sem fólk langar oft
í en tímir ekki að kaupa fyrir sjálft
sig heldur gefur vinum og ættingj-
um í von um að þeir launi greiðann.
Nú fer reyndar hver að verða síðast-
ur að tryggja sér eintak af þessum
finu bókum því útgáfan hefur lagt
upp laupana og margir titlanna eru
þegar uppseldir.
Culinaria-bækurnar fást m.a. í bókaversl-
un Máls og menningar og kosta 3.995
krónur.
í augnablikinu eigum við Culin-
aria-bækur um m.a. Spán, Ítalíu,
Grikkland og evrópska sérrétti en
serían teygir sig mun víðar og telur
fjölda titla. Þrátt fyrir að þær snúist
fyrst og siðast um matargerð má
allt eins skoða þær sem ljósmynda-
bækur, uppflettirit eða jafnvel
ferðahandbækur. Farið er í mata-
gerðalist tiltekinna landa af mikilli
nákvæmni, eftir héruðum, hráefni
o.fl. á litríkan og skemmtilegan hátt.
Það er þessi aðferðafræði sem heill-
ar. Gaman er að fræðast um rétti
sem þykja einkennandi fyrir matar-
gerð og menningar- og sögulegan
bakgrunn héraðanna sem þeir eru
ættaðir frá og ljúka svo fræðslunni
með því að spreyta sig sjálfur við
eldamennskuna. Mér finnst ég oft
vera á ferðalagi þegar ég glugga í
þær,“ segir Þórhallur. Hann féllst á
að deila einni uppáhaldsuppskrift
sinni úr bókunum með lesendum
Blaðsins en hún er úr Grikklandsút-
gáfunni:
haukur@vbl.is
Pastitsáda Vasilikí
- Svínaragú með spagettí
Efnl:
200 ml. grísk„extra virgin" ólífuolía
1 kg. teningaskorin svínalöpp
6 stórir laukar, skornir fínt
10 hvítlauksgeirar, fínt skornir
250 grömm niðurskornir hýðislausir
tómatar
200 mi. þurrt hvítvfn
1 lárviðarlauf
2 kanilstangir
'/«teskeið múskat
'h búnt steinselja, fínt skorin
2negulnaglar
3 greinar basilikum
500 grömm spaghettí
100 grömm rifinn Kefalotiri-ostur (grísk-
ur geitaostur f þéttari kantinum)
Salt og nýlega mulinn svartur pipar
Hitið ólffuolfuna á pönnu, steikið kjötið
og mýkið laukana. Bætið því næst
tómötum og víni f blönduna. Krydd-
unum er stráð yfir og nægilega miklu
vatni til þess að þekja kjötið. Náið upp
suðu, minnkið hitann og látið malla
í um klukkustund, þar til kjötið er
eldað. Meðan beðið er skal spaghettfið
soðið, þurrkað og þakið smjöri. Komið
pastanu fyrir á stórum diski með kjöt-
inu og sósunni, stráið svo ostinum og
steinseljunni yfir. Berist fram heitt með
basilikum til skrauts.
Tandoori
Frábært á
fisk, kjöt,
kjúkling og
grænmeti.
RmAGALDRAR
llfrit’itt rivkMéur viirur frti 1974
Múslí
.....gefur orku sem endist
allan daginn
Er unnid úr lifrænt ræktuðu korni, þurrkudum ávöxtum, hnetum og
fræjum. Þad fæst í mörgum tegundum. Ávaxtamúslí innilieldur 40%
þurrkada ávexti og Original-músli inniheldur heilar ristaðar helslihnetur,
þurrkaða ávexti og fræ. Enginn vlðbættur sykur er i þessum tegundum.
....góð byrjun á góðum degi
Fæst i heilsubúðum og helstu matvörumörkuðum.
I ____ 1
1 f mDreifing:Yggdrasill ehf. i
j |simi:5444270 |
■RAPUN2EL
la í sumarhúsinul