blaðið - 02.05.2006, Blaðsíða 27

blaðiö ÞRIÐJUDAGUR 2.MAÍ 2006
AFPREYING I 35
Reykjavík rokkar 2006
sig
Iggy Pop tónleikarnir sem haldnir
verða á morgun, miðvikudaginn
3. maí hafa verið færðir frá Laugar-
dalshöllinni yfir í Listasafn Reykja-
víkur, Hafnarhúsinu í Tryggva-
götu. Miðar í sæti og stæði gilda
áfram þrátt fyrir þessa brey tingu.
Húsið opnar kl 19.30 og upphit-
unarsveitin Dr. Spock hefur sinn
flutning um klukkan 20.30. Eins
og fram hefur komið má búast við
mikilli sýningu frá þeim, nýjum
búningum og ýmsum óvæntum
atburðum.
Iggy kvöld á Sirkus
Iggy og hljómsveit hans, the
Stooges, komu til landsins í dag
og ætla að nýta daginn vel. Þeir
munu ferðast um og skoða land og
þjóð, en hafa einnig hug á að skoða
skemmtanalíf Reykjavíkur í kvöld.
í tengslum við tónleikana mun sjón-
varpsstöðin Sirkus bjóða uppá sér-
stakt Iggy kvöld frá 22.00 til 01.00
með ýmsum uppákomum. Tónlist
Iggys yfir árin verður spiluð sem
og tónlist þeirra fjölmörgu hljóm-
sveita sem Iggy hefur haft áhrif á í
gegnum árin.
Miðasala er enn í gangi en
vegna flutningsins eru nú aðeins
fáir miðar í stæði eftir, en miðar í
sæti eru uppseldir.
Tónlistarhátíðinni Reykjavík rokkar
var hleypt af stokkunum síðasta
sumar þegar fram komu hljómsveit-
irnar Duran Duran, Foo Fighters,
Queens of the Stone Age, Leaves og
Minus. Um 20.000 manns sóttu há-
tíðina í fyrra sem heppnaðist vel.
Hátíðin Reykjavík rokkar 2006
ber nú undirtitillinn - tónlistarhá-
tið alþýðunnar og mun fara fram í
Laugardalshöll fimmtudaginn 29.
júní, föstudaginn 30. júní og laugar-
daginn 1. júlí.
Reykjavík rokkar blandan í ár
er býsna góð þar sem erlendar og
íslenskar stórstjörnur munu koma
fram. Ákveðið hefur verið að gera
okkar íslensku tónlistarmönnum
hærra undir höfði og búist við að
það fyrirkomulag muni halda sér
í framtíðinni. Islensku hljómsveit-
irnar sem koma fram munu ekki
vera í upphitunarhlutverki, eins og
oft tíðkast með framkomu þeirra
á stærri viðburðum, heldur verður
þeim og áheyrendum boðið upp á
alvöru umgjörð og tónleika í fullri
lengd.
Metalglys uppskrift dagsins
I ár mun hljómsveitir á borð við met-
alsveitina Motörhead með Lemmy í
fararbroddi mæta á svæðið, bresku
Hawkins glysbræðurnir og félagar
i The Darkness, enski ballöðusjar-
mörinn David Gray ásamt 5 manna
hljómsveit, hin hressa sveit Ham
(sem kemur saman aftur í tilefni
komu Motörhead), angurværa þrí-
eykið Ampop, rokkararnir í Mínus
(sem frumflytja nýtt efni í takt
við eldra) og glyssprengjusveitin
Trabant.
Ekki er búið að loka dagskránni
iggy
íœrir
endanlega og verða viðbætur
kynntar á næstu dögum. Forsala að-
göngumiða á Reykjavík rokkar 2006
hefst fimmtudaginn 18. maí kl. 11:00
og verður nánara fyrirkomulag
ásamt útsölustöðum kynnt í næstu
viku.
Samstarfsaðilar Reykjavík rokkar
2006 eru útvarpstöðvarnar Bylgjan
og X-ið 97,7 og byrjaði það samstarf
í kringum hátíðina í fyrra með
góðum árangri. Bæði Bylgjan og
X-ið 97,7 koma myndarlega að fram-
gangi Reykjavík rokkar 2006.
Ham og Trabant eru meðal þeirra hljómsveita sem munu spila á Reykjavík rokkar.
Fiesta Blue Ember
59.900 kr.
Fiesta Gusto Cabinett
23.900 kr.
Grillaðu í kvöld!
Hja ESSO fæst úrval gasgrilla á sjóðheitu verði. Þú getur
fengið grillið sent heim án endurgjalds, samansett
og tilbúið til notkunar. Auðveldara getur það ekki
verið. Grillaðu með ESSO í sumar!
tsso
Fiesta Gusto 38040
13.900 kr.