blaðið - 23.05.2006, Blaðsíða 18

26 1 FJÖLSKYLDAN
ÞRIÐJUDAGUR 23. MAÍ 2006 blaöiö
Jónas Guðmundsson segir mikil upplifun að ferðast innanlands. BlalmtemarHugi
1Jtivera íyrír hinn al-
menna íerðamann
I næstu viku kemur út nýtt tölublað
útivistatímaritsins Útiveru. Jónas
Guðmundsson segir þetta tölu-
blað verða óvenju efnismikið eða
íoo blaðsíður og þar verði fjallað
um gönguleiðir, sagt frá spenn-
andi útivistarsvæðum hérlendis
sem erlendis, gerð búnaðarúttekt
á bakpokum og farið í hvernig
bakpokar henti best í ferðirnar.
„í tengslum við tímaritið Útiveru
er vefslóðin utivera.is þar sem
finna má margar góðar ráðlegg-
ingar og annað sem viðkemur úti-
vist. Þannig er á síðunni viðburða-
dagatal þar sem gefur að líta þær
gönguferðir sem eru í gangi frá
degi til dags.“
Jónas segir að nýlega hafi síðan
verið endurbætt og meðal nýjunga
er umræðuvefur sem er öllum op-
inn en þar getur fólk leitað ráða
varðandi ferðalög, auglýst eftir
ferðafélögum og fleiru. Á síðunni
er einnig að finna þjónustuskrá og
þar er hægt að finna upplýsingar
um útivistarverslanir, ferðaþjón-
ustuaðila og aðra sem tengjast
útivist og ferðalögum. „I síðustu
tölublöðum Útiveru hefur verið
fjallað um Landið sem hverfur og
í þessu tölublað lýkur þeirri ritröð
með grein Hallveigar Thorlacius
um fossaröð Jökulsár á Fjöllum.
Þess má geta að nú í sumar eru síð-
ustu forvöð að sjá þetta svæði sem
hverfur undir vatn með tilkomu
Ká rah nj úkavirkjunar."
Upplýsingavefur um tjald-
stæði væntanlegur
Þá segir Jónas að nú i lok maí verði
opnaður nýr vefur, www.tjaldsta-
edi.is þar sem verður að finna
lista yfir tjaldstæði, verð á gist-
Útivera er full af fróðleik fyrir áhuga-
fólk um ferðalög.
ingu á þeim og áhugaverða staði í
nágrenni þeirra auk annars efnis
fyrir tjaldferðalanga.
Jónas hefur sjálfur starfað sem
leiðsögumaður og stundað göngu-
ferðir áratugum saman. „Það
er mikil upplifun að ferðast inn-
anlands og bæði afslöppun fyrir
sál og líkama að vera í þögninni
sem íslensk náttúra hefur upp á
að bjóða.“ Jónas segir að síðustu
árin hafi orðið mikil breyting á
lífsstíl íslendinga og sá hópur sem
stundar útivist hafi stækkað. „Þá
má að sjálfsögðu ekki gleyma sófa-
ferðamanninum sem upplifir ferð-
irnar í gegnum umfjöllun í blað-
inu úr sófanum heima hjá sér og
fær kannski ferðabakteríuna upp
úr því.“ Jónas segir tímaritið Úti-
veru að stærstum hluta vera fyrir
hinn almenna útivistarmann en
hluta þess fyrir lengra komna.
h ugrun@bladid. net
BARNABÍLSTÓLAR
HJÁ OKKUR FÁIÐ ÞIÐ MIKIÐ ÚRVAL AF B ARNABILSTÓLUM
Blaðið/lngó
Það margborgar sig að undirbúa ferðalög innanlands vel til að þau verði sem ánægjulegust fyrir alla og að fjölskyldan komi heil heim.
Gátlisti fyrir ferðalagið
Blaðið/EinarJ.
Án efa eru margir farnir að huga að
sumarfríi fjölskyldunnar um þessar
mundir enda bíður sumarið handan
við hornið þrátt fyrir hryssingslegt
veður og kulda að undanförnu. Að
mörgu er að hyggja áður en lagt er
í ferðalag og góður undirbúningur
getur gert ferðalagið mun ánægju-
legra en ella.
Kynnið ykkur þann stað sem
þið hyggist heimsækja áður en
þið leggið í hann. Lesið ykkur til í
bókum og aflið upplýsinga á Netinu.
Finnið út hvað hægt er að sjá og gera
sér til skemmtunar. Eru einhver
söfn eða náttúruperlur á staðnum
sem gaman væri að skoða? Hvað
hefur staðurinn upp á að bjóða fyrir
börnin? Síðast en ekki síst er gott
að kynna sér sögu þeirra staða sem
maður hyggst heimsækja enda fær
maður miklu meira út úr ferðalag-
inu ef maður getur tengt það sem
maður sér við nafnkunnugt fólk frá
fyrri tíð og sögulega atburði. Ekki
er vitlaust að hafa bæklinga og ferða-
mannabækur í hanskahólfinu.
Spyrjið heimamenn
Gerið grófa áætlun um hvað þið
viljið sjá og skoða en verið jafn-
framt tilbúin til að breyta út af
áætluninni ef eitthvað annað
kemur upp á. Ekki hika við að leita
ráða hjá heimamönnum enda gefa
þeir manni oft ábendingar um
skemmtilega og áhugaverða staði
sem er ekki endilega fjallað um í
ferðamannabæklingum.
Skynsamlegt er að ganga frá
bókun gistingar áður en haldið er út
á þjóðveginn enda er ekki skemmti-
legt að uppgötva þegar maður
kemur örþreyttur á áfangastað eftir
langa ökuferð að öll gistipláss séu
uppbókuð.
Ekki halda vanbúin af stað. Miðið
farangur og útbúnað við aðstæður
hverju sinni og gleymið ekki að ís-
lensk veðrátta getur sýnt á sér margar
hliðar, jafnvel um mitt sumar.
Er bíllinn í lagi?
Gangið úr skugga um að bíllinn sé
í góðu ástandi og að allur búnaður
hans virki sem skyldi áður en lagt
er út á þjóðveginn. Hafið með ykkur
nauðsynlega varahluti, athugið
stöðu vökva, ástand hjólbarða og
svo framvegis. Verið viss um að
varadekkið sé í lagi enda getur verið
heldur leiðinlegt að komast að því
að svo sé ekki þegar springur á dekk-
inu fjarri mannabyggðum.
Takið ykkur hvíld frá akstri öðru
hverju til að hreyfa ykkur eða mat-
ast. Löng ökuferð og hreyfingarleysi
leiðir til stirðleika, þreytu og van-
líðan ökumanns og farþega. Sérstak-
lega er mikilvægt að börnin fái tæki-
færi til að hreyfa sig öðru hverju
enda þreytast þau fyrr en fullorðnir
í bíl og verða eirðarlaus.
Takið með bækur, leikföng, spil
til að stytta börnunum stundir í
bílnum. Einnig er ekki vitlaust að
taka með hljóðbók eða geisladisk
með barnaefni til að gera þeim öku-
ferðina bærilegri. Ekki er síður mik-
ilvægt að barnaefni á geisladiskum
sé foreldrum þolanlegt.
Skiptist á að aka ef þið hafið tök
á því. Það er lýjandi fyrir einn og
sama ökumanninn að sitja lengi
undir stýri og eftir því sem hann
verður þreyttari eykst hætta á að
hann geri mistök eða verði eitthvað
á í umferðinni.
Góða ferð!
Þumalína í 30 ár
fyrir mæður og börn
Silkimjúkar ungbarnagærur
með gæoastimpli ISO 19001
Umhverfisvænar bleyjur:
Engir ruslahaugar, engin mengun, \
engin sveppasýking, engin vandræði
og kostar Irtið.
t*. r t
9*jf***
•'4& * >
Yndisleg ullarteppi, húfur, sokkar, vettlingar,
nærföt og fyrirburafatnaður í úrvali.
I heilsuhorni Þumalínu
færðu gullverðlauna-
hljóðbylgjutækið
NOVAFON
til heimanotkunar
Lífrænar meðgöngu- og
barnasnyrtivörur, heilsudrykki,
eðalolíur og krem fyrir alla fjölskylduna.
r •' s * m
Kíktu inn
M
Þumalína í 30 ár, Skólavörðustíg 41 s.551-2136 www.thumalina.is