Fréttablaðið - 10.07.2012, Blaðsíða 14

14 10. júlí 2012 ÞRIÐJUDAGUR
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Elín Albertsdóttir elin@365.is og Vera Einarsdóttir vera@365.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
greinar@frettabladid.is
Ólafur Þ.
Stephensen
olafur@frettabladid.is
SKOÐUN
FRÁ DEGI TIL DAGS
HALLDÓR
Landsmót hestamanna var haldið í Reykjavík 25. júní til 1. júlí, og var
aðstandendum sem og þátttakendum
til mikils sóma. Með velheppnuðu móti
hefur höfuðborgin sannað gildi sitt
sem frábær landsmótsstaður enda voru
aðstæður á Fákssvæðinu í Víðidal eins
og best verður á kosið.
Landsmót hefur mikla þýðingu fyrir
hestaíþróttina og félagsstarf hesta-
manna. Hestafólk á öllum aldri fær eitt-
hvað við sitt hæfi hvort sem það starfar
við fagið eða stundar hestamennsku sér
til gamans. Ásamt því að vera skemmti-
legur fjölskylduviðburður er mótið líka
mikil mannlífsupplifun enda koma þátt-
takendur hvaðanæva að af landinu.
Landsmótið var haldið af Lands-
sambandi hestamanna og Bændasam-
tökunum í góðu samstarfi við Hesta-
mannafélagið Fák og Reykjavíkurborg.
Í október 2009 lýsti borgarráð yfir
stuðningi við umsókn Fáks og í árs-
byrjun 2010 var ákveðið að landsmót-
ið yrði haldið í Reykjavík. Mótið ber
upp á níutíu ára afmælisári Fáks og má
með sanni segja að afmælisveislan hafi
staðið í viku.
Þar sem Landsmótið er alþjóðlegt
stórmót eru miklar kröfur gerðar til
aðbúnaðar og umgjarðar. Víðidalur er
sannkölluð útivistarperla og gott starf
hefur verið unnið við að fegra dalinn og
bæta aðstöðu þar til hestamennsku og
annarrar útiveru.
Talið er að nú séu um 220 þúsund
íslenskir hestar til í heiminum og þar
af eru um 140 þúsund erlendis. Íslenski
hesturinn er því vinsæll sendiherra,
sem ber hróður landsins víða. Í ljósi
þess þarf engan að undra að Landsmót
er einn stærsti viðburður ársins í ferða-
þjónustu á Íslandi. Þúsundir útlendra
gesta komu á landsmótið og luku margir
lofsorði á framkvæmd þess. Ástæða er
til að skoða möguleika á frekari eflingu
ferðaþjónustu í tengslum við hesta-
mennsku og þar gæti Fákssvæðið í
Víðidal gegnt mikilvægu hlutverki. Til
dæmis mætti skoða hvort ekki væri
hægt að fjölga þar viðburðum og mótum
og nota afl ferðaþjónustunnar til að
markaðssetja þá erlendis. Í ljósi nýrrar
hótelspár fyrir Reykjavík má jafnframt
skoða hug aðila í ferðaþjónustu til þess
að reisa hótel í nágrenni við Fákssvæðið
og aðra frábæra útivistarkosti á þeim
slóðum; t.d. sund, stangveiði og skíði.
Glæsilegt landsmót í Reykjavík
Ferða-
þjónusta
Kjartan
Magnússon
borgarfulltrúi
FERÐAFÉLAG BARNANNA
Grasaferð og galdralækningar
Á morgun, miðvikudag 11. júlí, kl. 17:00
Þátttaka er ókeypis – allir velkomnir
Ferðafélag barnanna býður í galdra-
og grasalækningaferð á morgun,
miðvikudaginn 11. júlí. Leitað
verður að blómum og jurtum til að
setja í salat, búa til lækningasmyrsl
og svalarseið. Grasalæknir er með
í för. Munið eftir plöntuhandbók,
nesti og ílátum til að tína í.
Mæting á bílastæðinu við Rauðhóla
í Heiðmörk, kl. 17:00. Gert er ráð
fyrir að ferðin taki um 2 klst.
Sjá nánar á heimasíðu Ferðafélags
barnanna: www.allirut.is
N
æstu átján árin vantar 14.500 nýjar íbúðir í Reykjavík,
samkvæmt áætlunum borgaryfirvalda. Samkvæmt
endur skoðuðu aðalskipulagi borgarinnar, sem vonazt er
til að taki gildi fyrir næsta vor, á að byggja langstærstan
hluta, eða 12.200 íbúðir, vestan Elliðaáa og ekki reisa
nein ný úthverfi, eins og fjallað var um í Fréttablaðinu í gær.
Þetta er tímabær stefnumörk-
un, en þó ekki algjörlega ný af
nálinni. Svipuð stefna var í gildi í
aðalskipulagi Reykjavíkur nýlið-
inn fyrsta áratug aldarinnar en
henni var ekki framfylgt nema að
afskaplega litlu leyti. Borgin hélt
áfram að þenjast út til austurs og
þéttist lítið. Reykjavík er áfram
strjálbýl bílaborg með svefn-úthverfum sem bera hvorki eigin verzl-
unar- og þjónustustarfsemi né almennilegar almenningssamgöngur.
Stundum hafa menn reynt að útskýra hina dreifðu borg með því
að nýir borgarbúar hafi verið í nánum tengslum við náttúruna og
hafi áfram viljað hafa rúmt um sig í borginni. Nú virðist það vera
að breytast; ný kynslóð borgarbúa hefur vaxið úr grasi og vill búa
þar sem borgin er þéttust, í eldri og grónari hverfum. „Allar kann-
anir á markaði segja okkur að straumurinn liggi inn í borgina. Við
sem borgaryfirvöld hljótum að svara því,“ segir Hjálmar Sveinsson,
varaformaður skipulagsráðs Reykjavíkur, í Fréttablaðinu í gær.
Skýr hagkvæmnisrök eru fyrir því að þétta byggðina í borginni.
Hjálmar bendir á að gatnakerfið sé orðið meira en 1.000 kílómetra
langt og dýrt í rekstri eftir því. Með því að þétta byggðina í eldri
hverfum er fjárfesting í gatna- og veitukerfum nýtt betur og
almenningssamgöngur verða hagkvæmari. Hækkandi eldsneytis-
verð og áherzla margra á vistvænni samgönguhætti ýtir undir að
borgin sé skipulögð þannig að auðveldara sé að ganga, hjóla eða taka
strætó í vinnu eða skóla og einkabíllinn sé ekki konungur borgar-
skipulagsins.
Þéttari borg á líka að geta verið betri, skemmtilegri og mannlegri
borg þar sem götulíf þrífst og íbúarnir geta sótt verzlun og þjónustu
í eigin hverfi.
Það er samt alls ekki einfalt verkefni að þétta byggðina. Fram-
kvæmdir við nýja íbúðabyggð inni í eldri hverfunum eru oft flóknari
og dýrari en nýbyggingar á jaðri borgarinnar, meðal annars vegna
þess að lóðir eru dýrari og taka þarf tillit til þeirrar byggðar sem
fyrir er. Fólkið sem fyrir er í grónu hverfunum er oft alls ekki hrifið
af meiri þéttingu byggðarinnar og þá hefur það reynzt umtalsverð
áskorun fyrir arkitekta að fella nýbyggingar að einkennum og svip
eldri hverfanna. Stefnunni um þéttingu byggðar þarf að fylgja
stefna um hvernig byggt er af virðingu fyrir því sem fyrir er.
Meðal annars vegna kostnaðar og fyrirhafnar hefur tilhneiging
verktaka verið sú að byggja fyrst og fremst „lúxusíbúðir“ eða íbúðir
fyrir eldri borgara í grónum hverfum. Eigi þétting byggðarinnar
að skila tilætluðum árangri og svara eftirspurn fólks á öllum aldri
og með mismunandi efni eftir húsnæði, þurfa stjórnvöld að styðja
við verktaka sem vilja líka byggja ódýrar íbúðir fyrir ungt fjöl-
skyldufólk til kaups eða leigu.
Áform um þéttingu byggðar vestan Elliðaáa:
Þéttari byggð,
betri borg
Allt samkvæmt plani
Tveir hælisleitendur komust inn
í flugvél Icelandair og földu sig á
klósettinu. Þar fundust þeir við
hefðbundna skoðun áhafnar áður
en farið var á loft. Fyrirtækið Isavia
sér um öryggissvæðið sem flugvélin
stóð á og hefur nú gefið út tilkynn-
ingu um að öryggiskerfið hafi virkað.
Þetta er athyglisvert. Það er sem sagt
gert ráð fyrir því að menn geti valsað
inn og út um flugvélarnar áður en
þær taka á loft og ef áhöfnin
finnur vesalings
mennina og fimm tíma seinkun
verður á flugi, hafi kerfið virkað.
Vissulega stóð flugáhöfnin undir sínu
og fór eftir því sem henni var fyrirlagt.
Það kemur Isavia þó lítið við. Þarna
var um örvæntingarfulla flóttamenn í
leit að betra lífi að ræða. Hvað ef ein-
hverjir aðrir hefðu verið á ferð, sem
farið hefðu í eftirlitslausa vélina, skilið
eitthvað eftir og haldið á braut áður
en áhöfnin kom. Hefði Isavia líka sagt
kerfið virka þá?
Dýr skráning
Háskóli Íslands hækkaði skráningar-
gjöld sín í ár og kostar nú 60 þúsund
að skrá sig. Það er dýr skráning og
ekki örgrannt um að sá grunur læðist
að manni að þarna sé einfaldlega
um skólagjöld að ræða, en hlutirnir
séu fegraðir með öðrum heitum.
Háskólastofnun ætti kannski að
ganga á undan með góðu fordæmi
og kalla hlutina sínum réttu nöfnum.
kolbeinn@frettabladid.is