Fréttablaðið - 11.02.2013, Blaðsíða 11

MÁNUDAGUR 11. febrúar 2013 | FRÉTTIR | 11
SPRENGIDAGSSALTKJÖT
Fyrsta flokks hráefni er grunnurinn að góðri
máltíð. Goða saltkjöt er sérvalið og framleitt
af sannkölluðum fagmönnum.
Borðaðu vel á sprengidaginn!
VINNUMÁL Dæmi eru um hjúkrunarfræð-
inga sem ekki ætla að snúa aftur til starfa
á Landspítalanum sama hvað kemur út úr
viðleitni til að bæta kjör þeirra.
„Mig langar að vinna hér heima og á
Landspítalanum, sem er spennandi vinnu-
staður. Þar gerast hlutirnir á Íslandi,“
segir Bergþóra Eyjólfsdóttir hjúkrunar-
fræðingur. Hún er ein þeirra sem sagt
hafa upp störfum á spítalanum. Um leið
áréttar Bergþóra að hún tali bara fyrir
sjálfa sig. Þá viti hún líka líka af nokkr-
um hjúkrunarfræðingum sem ekki ætla
að snúa aftur til starfa við spítalann vegna þess
að þeir hafi þegar tryggt sér vinnu annars staðar.
„En ég er spennt yfir þessum fréttum
um að spítalinn og ríkið vilji leggja fjár-
muni í að ná samningum og taka um leið
á kynbundnum launamun í landinu,“ segir
Bergþóra. Hún kveðst því munu skoða
með opnum hug hvað út úr samningun-
um komi og snúa þá mögulega aftur til
starfa við spítalann. „En á móti kemur svo
að þegar ég sagði upp þá var ég alveg til-
búin að fara annað að vinna, annaðhvort
úti í Noregi eða á öðrum starfsvettvangi,“
bætir hún við. Hún muni því ekki sætta
sig við hvað sem er þegar kemur að bætt-
um kjörum við spítalann.
- óká
Hjúkrunarfræðingur sem sagt hefur upp kveðst helst vilja vinna á LSH:
Ákveðinn hluti hættir sama hvað býðst
BERGÞÓRA
EYJÓLFSDÓTTIR
FUNDUR Hjúkrunarfræðingar höfnuðu á mánudag upp-
leggi að nýjum stofnanasamningi. FRÉTTABLAÐIÐ/VILHELM
BELGÍA Límið aftan á frímerkj-
unum í Belgíu er nú blandað
súkkulaði, að því er póst-
þjónustan þar í landi fullyrðir. Á
viðskiptavefnum e24.no er greint
frá því að fengnir hafi verið sér-
fræðingar frá Hollandi, Þýska-
landi og Sviss til aðstoðar við
þróun frímerkjanna.
Fyrstu frímerkin af þessari
tegund eiga að kosta 6,20 evrur
og koma á markaðinn í mars. Þau
eru fyrst og fremst ætluð á póst-
sendingar til annarra landa. - ibs
Betra bragð þegar sleikt er:
Súkkulaðibragð
af frímerkjum
HOLLAND, Fjölmargir hollenskir
borgarar berjast með uppreisnar-
mönnum í Sýrlandi og gætu snúið
heim enn róttækari en áður að
sögn Robs Bertholee, yfirmanns í
hollensku leyniþjónustunni.
Bertholee segir þetta áhyggju-
efni vegna þeirrar reynslu sem
mennirnir fá í bardaga og áfalla
sem þeir verða fyrir.
Hann telur að hundruð manna
frá Evrópu og margir frá Hol-
landi hafi farið til Sýrlands til
að slást í hóp uppreisnarmanna í
heilögu stríði til að koma Assad
forseta frá völdum. - gój
Baráttan gegn Assad:
Hollendingar í
borgarastríði
BLÓÐUG ÁTÖK Hollendingar eru meðal
erlendra ríkisborgara sem hafa tekið
virkan þátt í borgarastríðinu í Sýrlandi.
NORDICPHOTOS/AFP
LONDON, AP Tveir leigumorðingj-
ar sem fóru húsavillt og stungu
ungling til bana í London árið
2010 voru í síðustu viku dæmdir í
40 ára fangelsi.
Dómarinn sagði mennina, Ben
Hope og Jason Richards, sem
voru langt leiddir fíkniefna-
neytendur, ekki hafa sýnt iðrun
vegna morðsins á hinum 17 ára
Aamir Siddiqi.
Hope og Richards höfðu fengið
1.000 pund hvor að launum fyrir
að myrða mann vegna skuldar
við kaupsýslumann. Þess í stað
myrtu þeir Siddiqi við heimili
hans. - gój
Dæmdir í 40 ára fangelsi:
Myrtu ungling
fyrir mistök
ÍRAN, AP Hugmyndir Bandaríkj-
anna um beinar viðræður við
Írana þjóna engum tilgangi á
meðan bandarísk stjórnvöld hóta
landinu með refsiaðgerðum, segir
Ayatollah Ali Khameini, leiðtogi
Írans, en hann ræður mestu um
veigamiklar ákvarðanir íranskra
stjórnvalda.
Mahmoud Ahmadinejad, for-
seti Írans, tók undir þessi orð
Khameinis á blaðamannafundi í
Kaíró í Egyptalandi á fimmtudag.
Íran neitar enn að hafa í hyggju
að koma sér upp kjarnorku-
vopnum, þrátt fyrir að áfram sé
haldið uppbyggingu kjarnorku-
vinnslu í Íran. - gb
Íran hafnar viðræðum:
Vilja ekkert við
Bandaríkin tala