Fjarðarpósturinn - 15.02.1996, Qupperneq 2
2 Fjarðarpósturinn
Ibúar í nágrenni
gamla Hauka-
vallarins á
Holtinu safna
undirskriftum
Vilja að
völlurinn
verðileik-
svæði fyr-
ir börn
íbúar í nágrenni gamla Hauka-
vallarins á Holtinu standa nú f'yrir
undirskriftasöfnun þar sem þess
er krafist að völlurinn verði leik-
svæði fyrir börn og skipulagður
sem grænt svæði. Bæjaryfirvöld
hyggjast hinsvegar skipuleggja
þar byggð og byggja þar blokkir.
í bréfi sem Fjarðarpóstinum hefur
borist frá íbúunum um málið segir
m.a.: „Við sem búum í nágrenni
vallarins erum vægast sagt ósátt við
að eyðilagt verði eina leiksvæðið
sem börnin okkar hafa og eru örugg
á, því öðru megin við okkur er Suð-
urbrautin með öllurn sínum umferð-
arþunga og hinum megin er iðnaðar-
hverfi svo við spyrjum: Hvar eiga
bömin okkar að leika sér?“
Guðbjörn Ólafsson einn þeirra
sem standa að undirskriftasöfnuninni
segir að listar hafi verið lagðir fram í
alla söluturna á svæðinu og að við-
brögð þau sem komið hafa frá öðr-
um íbúum hafi verið jákvæð. „Við
vitum að þetta mál er nú til umræðu í
skipulgsnefnd og viljum að okkar
sjónarmið komist á framfæri," segir
Guðbjöm.
TILSÖLU
Til sölu vettlingar og prjóna-
vörur. Uppl. í síma 555 4423 milli
kl. 16 og 19
Mjúkir og loðnir Silfur persa
kettlingar til sölu. Seljast ódýrt
en eru hreinræktaðir. Uppl. í
síma 551 3732
Til sölu er vel með farinn Sil-
ver Cross barnavagn (bátalaga).
Uppl. í síma 565 2154
HÚSNÆÐI
Óska eftir 3ja - 4ra herb. íbúð
sem fyrst. Helst sem næst Engi-
dalsskóla. Greiðslugeta allt að 40
þús. á mánuði. Uppl. í síma 555
1440
ATVINNA
Óska eftir góðri konu eða
stúlku til að koma á heimili í
Hafnarfirði og passa 2 börn, 1
árs og 5 ára. Vinnutími frá 9-15.
Barngóð og skemmtileg. Uppl. í
síma 555 2028. Guðrún
Oska eftir atvinnu. Helst eftir
hádegi. Margt kemur til greina.
Er vön alls konar þjónustustörf-
um. Uppl. í síma 555 1440
Nemendur fylgjast áhugasamir með. A innfelldu invndinni sést Magnús
Scheving leiðbeina nemendum.
Heimsækja skólana
og ræða við börnin
Að undanförnu hafa þeir Gissur
Guðmundsson, rannsóknarlög-
reglumaður og Magnús Seheving,
fimleikameistari farið í skólana hér
í Hafnarfirði og rætt við ungling-
ana um fíkniefni og lífið án þeirra.
Blaðamaður Fjarðarpóstsins fékk
að fylgjast með þegar þeir heimsóttu
Hvaleyrarskóla klukkan átta einn
morguninn.
Gissur byrjaði að ræða við krakk-
ana um þá áhættu sem þau væru að
taka með því að byrja að neita áfeng-
is eða annarra vímuefna. Sagði hann
þeim frá nokkrum sorglegum dæm-
um um ungt fólk sem hafði orðið
vímefnunum að bráð. Einnig ræddi
hann við þau um hvernig þau gætu
brugðist við ef þau lentu í vanda og
hvatti þau að hafa samband við sig ef
þeim lægi eitthvað á hjarta, sem þau
ættu erfitt með að ræða við aðra.
Magnús Scheving kom hress að
vanda og ræddi við krakkana um lífið
án vímu og hvað það væri gott að lifa
slíku lífi. Hann sagði þeim á
skemmtilegan hátt frá starfsemi lík-
amans, frá hvemig hætta er á að ein-
hverjunr forystusauðum í hópi nem-
enda takist að ráða ferðinni með for-
tölum og þrýsting og hvernig á að
segja nei við slíku. Var skemmtilegt
að fylgjast með hvernig Magnúsi
tókst að fá krakkana smá saman til að
tjá sig og verða ófeimin.
Ekki var á krökkunum að sjá að
klukkan væri bara átta að morgni, all-
ir voru vel vakandi og áhugasöm.
Eftir þessa skemmtilegu morgun-
stund I Hvaleyrarskóla með nemend-
um, kennurum og þeim Gissuri og
Magnúsi, er ekki efi á því í huga
blaðamannsins að þarna er verið að
vinna mjög gott forvarnarstarf gegn
þessum ógnvald.
Arsskrýrsla
hundaeftirl itsins
Alls voru
413 út-
köll á síö-
asta ári
Samkvæmt ársskýrslu hunda-
eftirlitsmanns bæjarins urðu út-
köll á síðasta ári 413 talsins en rétt
rúmlega 200 hundar eru nú skráð-
ir í Hafnarfirði. Algengast var að
útköllin kæmu á kvöldin og um
helgar en frá lögreglu komu þau í
84 skipti og frá almenningi í 329
skipti.
A árinu bárust 123 kvartanir
vegna hundahalds en þeim má skipta
í þrennt. í fyrsta lagi er kvartað und-
an slæmri meðferð eigenda eða um-
sjónarmanns, í öðru lagi vegna
ónæðis frá hundum og í þriðja lagi
vegna sóðaskaps, þ.e. að eigendur
þrífi ekki hunda sína.
Innborgða hundagjald á árinu nam
rétt tæplega 2 milljónum kr., skrán-
ingargjald nam tæplega 170.000 kr.
og handtökugjöld og fl. námu
127.000 kr. Þessar tölur eru í sam-
ræmi við áætlanir sem gerðar voru í
upphafi ársins.
Filmur og framköllun hlaut verðlaun
sem besti Kodak Express staðurinn
Síðustliðinn laugardag var
haldinn árleg uppskeruhátíð
Kodak Express staðanna og þar
hlaut Filmur og framköllun í
Hafnarfirði verðlaun.
Einn hluti dagskrárinnar er að
útnefna besta Kodak Express
staðinn á árinu.
Það er Hans Petersen hf, um-
boðsmaður Kodak á íslandi, sem
það gerir en einnig fylgjast óháðir
aðilar s.s. Ráðgarður með starf-
semi staðanna allt árið. Fylgst er
með öllum þáttum þjónustunnar og
ennfremur er lögð mikil áhersla á
gæði framleiðslunnar. Mikil sam-
keppni er meðal Kodak Express
staðanna um toppsætið og greina
vanalega örfá stig milli verslan-
anna.
Það voru þau í Filmum og
Framköllun sem hlutu þennan eft-
irsótta titil að þessu sinni, en þau
hafa verið við toppinn ár hvert og
einu sinni áður orðið hlutskörpust.
Þau voru því að vonum ánægð
þegar FP hitti þau að máli á mánu-
daginn í Miðbænum þar sem verið
var að hengja upp skjalið með
„Gullfilmunni" en svo nefna þeir
hjá Kodak verðlaunin.
FP óskar Filmum og Framköllun
til hamingju með þennan frábæra
árangur sem sýnir metnað í starfi
og þjónustugleði gagnvart við-
skiptavinum fyrirtækisins.
GAFLARIVIKUNNAR
Fullt nafn? Gunnar Andrésson.
Fæðingardagur? 29. 2. 1960.
Fjölskylduhagir? Einhleypur og
á einn strák.
Bifreið? Opel Ascona '84.
Starf? Rafvirki.
Fyrri störf? Rafvirki.
Helsti veikleiki? Óskipulagður.
Helsti kostur? Heiðarleiki.
Eftirlætismatur? Lambakjöt og
soðin ýsa.
Versti matur? Hrogn.
Eftirlætistónlist? Flest nema
þungarokk.
Eftirlætisíþróttamaður? Magnús
Scheving
A hvaða stjórnmálamanni hefur
þú mestar mætur? Jóni Baldvin
Hannibalssyni.
Eftirlætissjónvarpsefni? Bíó-
myndir og góðir framhaldsþættir.
Leiðinlegasta sjónvarpsefni?
Beinar fótboltaútsendingar.
Besta bók sem þú hefur lesið?
Brýrnar í Madison-sýslu.
Hvaða bók ertu að lesa núna? F
eins og í flótti.
Uppáhaldsleikari? Sigurður Sig-
urjónsson.
Besta kvikmynd sem þú hefur
séð? Forrest Gump.
Hvað gerirðu í frístundum þín-
um? Hvaða frístundum?
Fallegasti staður sem þú hefur
komið til? Þórsmörk.
Hvað meturðu mest í fari ann-
arra? Heiðarleika.
Hvað meturðu síst í fari ann-
arra? Óheiðarleika.
Hvern vildirðu helst hitta?
Systkinin sem búa erlendis.
Hvað vildirðu helst í afmælis-
gjöf? Eitthvað sem kemur
ánægjulega á óvart.
Hvað myndirðu gera ef þú ynnir
2 millj. í happadrætti? Borga
skuldir.
Hvað mvndirðu gera ef þú værir
bæjarstjóri í einn dag? Flytja
skiptistöð strætisvagna og sýslu-
mann aftur í miðbæinn.
Ef þú værir ekki manneskja,
hvað værirðu þá? Ekki mitt að
ákveða það.
Uppáhalds Hafnarfjarðar-
brandarinn þinn? Það var uppá-
koman á fundi Ferðamálanefndar
nýlega. Meðan á fundinum stóð
hringdi þýskur ferðamaður og
vildi fá að vita hvað það kostaði
að fara Krýsuvíkurhringinn.
Nefndin settist niður og reiknaði
alllengi. Málinu var að lokum
frestað þegar formaðurinn stundi
upp: „Þetta er ekki hægt. Við vit-
um ekki hvort maðurinn vill fara
aðra leiðina eða báðar!“