Fjarðarpósturinn - 15.02.1996, Síða 4

4 Fjarðarpósturinn
ÚtgefandúFJARÐARPOSTURINN hf. Bæjarhraun 16, 220 Hafnar-
fjörður. Símar, ritstjóm 565 1945,auglýsingar 565 1745, símbréf 565 0835.
Framkvæmdastjóri: Óli Jón Olason, ritstjóri: Friðrik Indriðason
■ þróttir og heilsa: Björn Pétursson, innheimta og dreifing: Steinunn
Hansdóttir, umbrot: Fjarðarpósturinn, prentun: Steinmark
Fjarðarpósturinn er aðili að Samtökum bæjar- og héraðsfréttablaða
Grunnskólinn
Eins og kunnugt er þá munu sveitafélögin taka við rekstri
grunnskólanna. Lögð hefur verið mikil vinna í undirbúning-
inn og allir virðast vilja vanda vel til verksins.
Samtök sveitafélaga á höfuðborgarsvæðinu skipuðu sér-
staka nefnd í kjölfar aðalfundar samtakanna 7. október s.l.
1 nefndinni eiga sæti fulltrúar allra sveitarfélaga á höfuð-
borgarsvæðinu. Nefndin hefur skilað áfangaskýrslu og hald-
ið verður málþing nú í febrúar, þar sem efni skýrslunnar
verður rætt og farið betur yfir stöðu hinna einstöku mála-
flokka.
Þó að nefndin sé búin að skila áfangaskýrslu til skoðunar
og umfjöllunar innan hinna einstöku sveitarfélaga, þá er
mikil vinna eftir og vinna við hina ýmsu málaflokka mis-
langt á veg komin og ekki eru neinar endanlegar tillögur í
þessari áfangaskýrslu.
Af helstu niðurstöðum í vinnu nefndarinnar má nefna að
lagt er til að sveitafélögin komi sér saman um sameiginleg-
an rekstur, stjórnun og skipulag móttökudeilda fyrir nýbúa á
grunnskólaaldri.
Bent er á að það sé ríkið sem ákvarði um hve tnargir út-
lendingar setjist hér að og því hljóti ríkið að verða að taka
þátt í kostnaði við fræðslu þeirra.
Talið er að talsvert hagræði geti skapast nreð satnvinnu
við nýja kennslugagnamiðstöð Kennaraháskóla íslands, sem
fyrirhugað er að reisa.
I nám- og fagstjórn er bent á tvær leiðir, annars vegar að
sveitafélögin annist þessa þjónustu sjálf og hins vegar að á
höfuðborgarsvæðinu verði starfrækt ein skólaþróunardeild.
Bent er á í skýrslunni ýmsa kosti og galla þessara leiða.
Nefndin leggur áherslu á að núverandi skipulag í kennslu
í sérskólum og sérdeildum á vegum ríkisins verði óbreytt,
fyrst um sinn og vistun nemenda verði metin á faglegum
forsendum og að aðgengi nemenda alls staðar af landinu
verði tryggt.
Það er ánægjulegt til þess að vita að allir virðast stefna að
því marki að þessar fyrirhuguðu rekstrarbreytingar á grunn-
skólunum verði skólastarfinu til framdráttar og sveitafélög-
in virðast sjá kosti þess að vinna saman að þeim málum sem
hægt er að standa saman að og eiga bæði að getað sparað
þeim peninga og veitt skólunum betri þjónustu.
Hinu ber ekki að leyna að kennarar virðast hafa verið
nokkuð uggandi um sinn hag og finnst mörgum þeirra að
þeir hafi ekki fengið nóg til málanna að leggja. Það sama
má segja um marga áhugasama foreldra, sem finnst að ekki
hafi verið tekið nægjanlegt tillit til þeirra skoðana og óska.
Nú eftir það málþing sem sveitafélögin ætla að halda nú t'
febrúar og þar sem þau finna vonandi sameiginlega stefnu,
þá er tími til kominn til að farið verði að vinna með foreldr-
um og kynna þeitn málið. Þeir eiga rétt á því og það getur
eytt óþarfa ugg þeirra um hag barna sinna. Foreldrarnir vita
hvað þeir hafa og vilja fá að vita hvað þeir eiga að fá.
Óli Jón Ólason.
Friðjón Skúlason, forinaður H jálparsveitur skáta í Hafnarfiröi við snjóbílinn, sem er fullkomnasti sn jóbíll
landsins um |>essar mundir og m.a. búinn fullkominni staðsetningartölvu með landakorti, sem hefur komið
sér vel |>egar verið er á ferð í óveðri og ekki sér út úr augum.
Hjálparsveit skáta í Hafnarfirði 45 ára 19. febrúar
Opið hús á laugardag
-tækjasýning, sviðsett slys og snjósleðaferðir (ef snjór leyfir)
Hjálparsveit skáta í Hafnarllrði
verður 45 ára nk. mánudag, 19.
febrúar. Hún er meðal elstu starf-
andi bjálparsveita skáta í landinu
og í starfi hennar hefur aldrei orð-
ið inessufall ef svo má segja, á með-
an starf ýmissa annarra hjálpar-
sveita í landinu hefur lagst í dróma
tímabundið. Hjálparsveitin ætlar
að minnast afmælisins á laugardag
17. febrúar með því að liafa opið
hús í húsakvnnum sínuin við
Hraunbrún 57 frá kl. 13-17. Þar
verða lielstu tæki og tól sveitarinn-
ar til sýnis og notkun þeirra út-
skýrð, en búnaður til hjálparsveit-
arstarfa er margvíslegur og dýr og
verðmæti þeirra tækja sem Hjálp-
arsveit skáta í Hafnarfirði á nú,
skipta eflaust nokkrum tuguin
milljóna. Einnig kvnnir sveitin
starfsemi sína, sviðsetur bílslys og
björgun við slíkar aðstæður, blást-
ur eða lífgun og yngstu kynslóðinni
veröur boðið í snjósleðaferð niður
á Víðistaðatún, þ.e.a.s. ef snjór
leyfir. Hafnfirðingar sem og aðrir
eru að sjálfsögðu velkomnir á opið
hús sveitarinnar.
Að sögn Friðjóns Skúlasonar, sem
er núverandi formaður Hjálparsveit-
ar skáta í Hafnarfirði, hafa um |>að bil
500 manns starfað á vegum sveitar-
innar frá upphafi, en „fjöldi þeirra
sem eru virkir í dag er í kringum 100.
Þetta er breiður hópur, allt frá ungum
strákum og upp í menn á sextugsaldri
sern hafa verið virkir í starfi í áratugi.
Friðjón segir það ánægjulega þróun,
hve margir ungir fullhugar eru nú að
koma til liðs við sveitina. „Við erum
nú með 24 unglinga á aldrinum 15-
16 ára í eins konar undirbúningsdeild
en þeir verða nýliðar 17 ára og ganga
síðan formlega í hjálparsveitina 18
ára gamlir. Og þetta eru svo áhuga-
samir strákar að þeir heimta að fá nú
þegar að taka þátt í starfinu og gera
sem mest, en það hefur reyndar alltaf
verið starfað af miklum krafti í sveit-
inni,“ segir Friðjón.
Allt í sjálfboðavinnu
„Eldri félagar í sveitinni einbeita
sér frekar að fjáröflunarstarfmu, sem
er ekki síður mikilvægt en starfið
sjálft og náttúrlega unnið í sjálfboða-
vinnu eins og allt starf á þessum vett-
vangi. Við erum með nijög dýr tæki,
þau bestu fáanlegu í dag,“ segir Frið-
jón og bætir við að þar á meðal sé
einn best útbúni og dýrasti snjóbíll
landsins sem kostar með öllum
hjálpartækjum um 11 milljónir króna,
en að auki hefur sveitin til umráða 3
fólksflutningabíla og 4 snjósleða.
Svo það liggur í augum uppi að til
þess að tjármagna slíkt starf þarf um-
talsverða fjármuni og hvernig fer
hjálparsveit skáta að því?
„Helsta fjáröflunarleið okkar um
langt skeið hefur verið sala jólatrjáa,"
svarar Friðjón. „Hún hefur hins vegar
dregist töluvert saman síðastliðin ár
vegna vaxandi samkeppni. Hafnar-
fjarðarbær hefur verið okkur velvilj-
aður og stutt starfsemi okkar vel og
síðan fáurn við fjármuni í gegnunt
Landsbjörgu. Þetta eru helstu póst-
amir en fleiri fjáraflanir eru í gangi
og almennt má segja að mikill tími
og starf fari í að afla fjár til starfsins."
Eina sveitin
með sporhunda
Hjálparsveit skáta í Hafnarfirði er
eina hjálparsveitin á landinu sem hef-
ur haldið sporhunda en nú eru rúm-
lega 30 ár síðan sveitin fékk fyrsta
sporhundinn. „Það er mjög dýrt að
halda sporhunda og mikill tími sem
fer í að þjálfa þá.“ segir Friðjón. „Það
er æft tvisvar í viku og það eru 3
menn sem koma að meira eða minna
leyti að því starfi og að fara með þá í
útköll. Þeir hafa hins vegar sannað
sig vel á þessum tíma við leitarstörf,
en útköll með sporhunda eru að jafn-
aði 50-70 á ári,“ sagði Friðjón
Skúlason, formaður Hjálparsveitar
skáta í Hafnarfirði að lokum.
Áfangasigur hjá Aðalskoðun hf.
í nýjasta fréttabréfi Aðalskoð-
unnar lif. er greint frá því að skoð-
unarfyrirtækið liafi unnið áfanga-
sigur því dómsmálaráðuneytið hef-
ur ákveðið að levfa faggiltum skoð-
unarfvrirtækjum að sérskoða,
breytingarskoða og skráningar-
skoða ökutæki frá 1. maí að tel ja.
Þessi skoðunarsvið liafa hingað til
alfarið verið í höndum Bifreiða-
skoðunar Islands.
I fréttabréfinu segir m.a.: „Vissu-
lega er það áfangasigur fyrir Aðal-
skoðun hf. að geta boðiö fieiri þjón-
ustuþætti tengda skoðun og skráningu
ökutækja. Samt sem áður verður að
gæta að því að hér eiga nýju skoðun-
arfyrirtækin að vinna í nokkurskonar
umboði Bifreiðaskoðunar Islands og
eftir sem áður verður samkeppni á
þessu sviði og öðrum mjög ójöfn."
Fram kemur að eftir breytinguna
muni viðskiptavinir Aðalskoðunnar
jrurfa í mörgum tilfellum að leita ann-
að t.d. ef um eigendaskipti eða skrán-
ingar er að ræða. Því sé Bifreiða-
skoðun Islands enn tryggð markaðs-
og stjórnunarleg yfirburðastaða. Það
er hinsvegar von forráðamanna Aðal-
skoðunnar að þessi breyting nú hafi
síðar meir í för með sér frekari breyt-
ingar sem tryggi frjálsa samkeppni á
þessum markaði.