Verktækni - 15.10.1996, Side 2

VERKTÆKNI
Leiðarinn
Um launajafnrétti
Nokkuð hefur verið fjallað um launamismun kynja á
vinnumarkaði. Reykjavíkurborg lét nýlega gera
könnun meðal eigin starfsmanna (og starfskvenna) á
launamun kynja. Niðurstöður eru um margt athygli-
verðar. Fram kom að launamunur kynja á samnings-
bundnum grunnlaunum er ekki mikill sé tekið tillit
starfsaldurs, innan sömu starfsstétta osfrv. Hins veg-
ar sé nokkur munur á heildargreiðslum og ýmsum
aukagreiðslum til kynjanna.
Borgarstjóri hefur í tilefni af þessum niðurstöðum
gefið út yfirlýsingar um áherslur í komandi kjara-
samningum þar sem nú skuli sem áður leggja sér-
staka áherslu á að jafna launahlut hefðbundinna
kvennastarfa. Enginn skyldi efast um að laun í hefð-
bundnum kvennastörfum eru lág, alltof lág. Það á því
að leggja áherslu í næstu samningum að hækka laun
þeirra stétta umfram það sem almennt mun gerast á
vinnumarkaðinum en ekki nota þessi viðhorf til að
halda niðri eðlilegum kaupmáttarauka hefðbundinna
karlastétta enda skaðlegt samstöðu kynjanna um
launajafnrétti.
Það er staðreynd að til að framfleyta meðalfjölskyldu
á íslandi, þarf tvo útivinnandi einstaklinga. Það að
halda niðri launum annars þeirra eða beggja krefst
einfaldlega meira vinnuframlags af þeim er hefur
hærri tekjur. Það er í flestum tilfellum karlmaðurinn
þó munur hjá Reykjavíkurborg sé lítill á grunnlaun-
um og þar af leiðandi lítill munur á yfirvinnukaupi.
Vegna óhóflegrar skattpíningar á Islandi og þeirrar
staðreyndar að grunnlaun hjá t.d. Reykjavíkurborg
eru skammarlega lág, þá þarf óhóflegt vinnuframlag
að koma til, til að tekjur aukist að einhverju marki
með aukinni vinnu. Þessar fjarvistir, oftast heimilis-
föðursins bitna fyrst og fremst á heimilinu og móta
viðhorf afkomenda til heimilisstarfa og hvort foreldri
skuli vera fyrirvinnan.
Einfaldasta leiðin til að tryggja jafnrétti innan hverr-
ar starfsstéttar er að setja inn í annars hlægilega taxta
allar hefðbundnar aukagreiðslur t.d. óunna yfirvinnu.
Nú er lag í næstu samningum að jafna hlut kven-
tæknifræðinga og -verkfræðinga með því að setja all-
ar aukagreiðslur inn í launin og tryggja þannig að
samkvæmt gerðum samningum væru greidd sömu
laun jafnt til kvenna og karla. Samkvæmt könnun
Reykjavíkurborgar er þetta nefnilega best tryggt í
kjarasamningum. Þetta er ekki stórt skref fyrir
Reykjavíkurborg þar sem t.d. 35 af 45 félagsmönn-
um SV starfandi hjá Reykjavíkurborg eru í Lífeyris-
sjóði verkfræðinga og hefði ekki afgerandi áhrif á
heildar launakostnað Reykjavíkurborgar ef auka-
greiðslur væru teknar inn í föst laun.
A almennum markaði er ekki óalgengt að nýútskrif-
uðum verkfræðingum sé greitt um það bil 140.000 -
150.000 krónur á mánuði. Það eru byrjunarlaun sem
verkfræðingar og tæknifræðingar hjá Reykjavíkur-
borg geta bara látið sig dreyma um.
Það getur ekki verið aðlaðandi fyrir kvenverkfræðing
eða kventæknifræðing (frekar en karla) að ráða sig
eftir fjögurra til sex ára háskólanám til Reykjavíkur-
borgar á launum sem eru á bilinu 70.000 - 80.000
krónur á mánuði fyrir skatt! Slíkum vinnustöðum
ætti beinlínis að vara við.
Tillaga undirritaðs til kvenmanna í tæknigreinum er
því þessi:
Leitið frekar á vinnumarkað þar sem kynjum er ekki
mismunað af vinnuveitanda og þar sem samið er um
laun sem sannarlega eru greidd.
Jónas G. Jónasson verkfr.
Framkvœmdastjóri SV
Breyting á
skattmati í
staðgreiðslu
frá 1. júní
Frá og með 1. júní 1996 breytist skattmat á
kílómetragjaldi og dagpeningum.
Mat á endurgreiddum bifreiðakostnaði til
launamanns vegna afnota launagreiðanda af
bifreið hans, sem halda má utan staðgreiðslu,
verður:
Almennt gjald
Fyrstu 10.000 km Næstu 10.000 km Umfram 20.000 knt kr. 35,15 pr. km kr. 31,45 pr. km kr. 27,75 pr. km
Kílómetragjaldið sem miðast við „sérstakt gjald” eða „torfærugjald” sem Ferðakostnaðarnefnd ákveður verður:
Sérstakt gjald
Fyrstu 10.000 km Næstu 10.000 km Umfram 20.000 km kr. 40,50 pr. km kr. 36,25 pr. km kr. 31,95 pr. km
Torfærugjald
Fyrstu 10.000 km Næstu 10.000 km Umfram 20.000 km kr. 51,55 pr. km kr. 46,15 pr. km kr. 40,70 pr. km
Hlunnindamat vegna takmarkaðra afnota
Hlunnindi vegna takmarkaðra afhota af biffeið
launagreiðanda verða 35,15 pr. km ffá og með I. júní.
Dagpeningar erlendis
Mat á dagpeningum erlendis til greiðslu á
gistingu, fæði og fargjöldum frá og að flugvöllum
og öðrum sambærilegum fargjöldum erlendis
verður sem hér segir:
Almennir dagpeningar
Gisting Annað Samtals
Svíþjóð, Bretland og Sviss SDR 95 86 181
New York SDR 97 65 162
Asía SDR 125 100 225
Annars staðar SDR 78 86 164
Dagpeningar vegna þjálfunar,
náms eða eftirlitsstarfa
Gisting Annaö Samtais
Svíþjóð, Bretland og Sviss SDR 61 55 116
New York SDR 62 41 103
Asía SDR 81 65 146
Annars staðar SDR 51 55 106
Dagpeningar innanlands
Mat á dagpeningum til greiðslu á gistingu og fæði
innanlands verður:
Gisting og fæði í einn sólahring kr. 8.400
Gisting í eina nótt kr. 4.900
Fæði hvern heilan dag, minnst
10 tíma ferðalag kr. 3.500
Fæði hálfan dag, minnst
6 tíma ferðalag kr. 1.750
Skilyrði fyrir því að halda megi dagpeninga-
greiðslum utan staðgreiðslu eru þau að
fyrirliggjandi liggi gögn um tilefni ferðar og
fjölda dvalardaga, fjárhæð ferðapeninga eða
dagpeninga eða eftir atvikum reikningar frá þriðja
aðila, svo og nafn og kennitala launamanns.
Nýir félagsmenn í Tæknifræðingafélagi íslands
Aðalsteinn Þórhallsson, f.
30.10.68. Nám: Stúdent frá
MK 1988. B.Sc. í byggingatækni-
fræði frá TÍ 1993. Sveinspróf frá
FB 1995. Starfar hjá Hönnun og
ráðgjöf hf. Reyðarfirði. Maki:
Stefanía Baldursdóttir, kennari.
Bjarni Bentsson, f. 21.08.60.
Nám: Vélskóli íslands II stig.
BS í véltæknifræði frá Odense
Teknikum 1985. Starfar hjá Vinnu-
eftirliti ríkisins. Maki: Klara Björg
Olsen, tækniteiknari. Börn: Helga
Dagný (f. 92) og María Kristín (f.
94).
Amar Pálsson, f. 18.07.65.
Nám: Stúdent frá Fjölbr. Ár-
múla 1965. Iðnrekstrarfræðingur
fráTÍ 1989. Iðnaðartæknifræði
frá TÍ 1992. Starf: Deildartækni-
fræðingur hjá Pósti og síma.
Maki: Hildur Ruth Markúsdóttir,
leikskólakennari.
Einar Már Jóhannesson, f.
20.12.64. Nám: Raungreina-
próf frá TÍ 1992. B.Sc. í bygg-
ingatæknifræði frá TÍ 1995.
VERKTÆKNI er gefin út af Verkfræðingafélagi íslands, Stéttarfélagi verkfræðinga og
Tæknifræðingafélagi Islands og er dreift ókeypis til félagsmanna. Upplag blaðsins er 2200 eintök.
Ritstj og ábm: Birgir Jónsson
Prentun: ísafoldarprentsmiðja
Blaðnefnd: Guðmundur R. Jónsson (VFÍ) formaður, Árni Geir Sigurðsson (SV) og Charles Ó.
Magnússon (TFI) auk ritstjóra.
Óheimilt er að nota efni úr VERKTÆKNI til birtingar annars staðar án leyfis ritstjórnar eða
greinarhöfunda í þeim tilfellum sem það á við. Skoðanir sem settar eru fram í blaðinu samrýmast ekki
endilega viðhorfum útgefenda.
VERKTÆKNI
Engjateigi 9 • 105 Reykjavík
Sími: 568 8510 • Símbréf: 568 9703
Tölvupóstur: sv@centrum.is
2