Kópavogur - 26.04.2013, Síða 10

10 26. apríl 2013
Árni Páll Árnason skrifar:
Stöðugleika strax!
Á laugardaginn göngum við öll að kjörborðinu og fáum að marka stjórnmálastefnu
næstu fjögurra ára. Ég bið þig um að
styðja Samfylkinguna.
Við verðum að setja efnahagslegan
stöðugleika í öndvegi. Við getum ekki
haldið áfram með hina endalausu
hringrás milli bólu og kreppu. Við
verðum að marka nýja leið, sem skapar
okkur öllum betri lífskjör. Við höldum
hvorki í okkar bestu fyrirtæki, né okkar
besta fólk með sama áframhaldi.
Brýnasta verkefnið er að verja
efnahagslegt sjálfstæði þjóðarinnar.
Við getum ekki verið leiksoppar
lánardrottna um ókomna tíð. Ábyrg
ríkisfjármál og stöðugt gengi eru lyk-
ilatriði til að halda niðri verðbólgu og
vöxtum. Ekkert skapar meiri kjarabót
fyrir heimilin. Ekkert skiptir meira
máli til að fjölga atvinnutækifærum.
Verkefnið okkar er einfalt: Að afla
meiru en við eyðum.
Við horfðumst í augu við vandann
sem við blasti og við tókum á honum.
Með sama hætti horfumst við núna í
augu við tækifærin sem bíða og viljum
nýta þau.
Við þurfum að leyfa atvinnulífinu að
blómstra og tryggja að fyrirtæki geti
greitt góð laun og fjölgað starfsfólki.
Með því sköpum við ný verðmæti.
Þannig vinnum við líka á vanda heim-
ilanna því einungis meiri verðmæta-
sköpun getur gert okkur kleift að ná
endum saman. Eina örugga leiðin til
að vinna á skuldum er með auknum
tekjum.
Við verðum líka að treysta þjóðinni
að kjósa um aðild að Evrópusam-
bandinu. Annað væri ábyrgðarleysi.
Við eigum ekki að loka leiðum að
óþörfu og verðum að halda öllum
dyrum opnum sem geta gert okkur
auðveldara að halda í okkar besta fólk
og fyrirtæki.
Við þurfum að tryggja jafnaðar-
mönnum öfluga rödd á næsta kjör-
tímabili. Það er mikið í húfi. Sjaldan
hefur jafn mikill þrýstingur á að
málum verði hagað í þágu sérhags-
muna afmarkaðra samfélagshópa. Jafn-
aðarmenn hafa alltaf staðið gegn slíku
og barist fyrir opnu hagkerfi, frjálsri
samkeppni og öflugri velferð.
Þess vegna þurfum við þinn stuðn-
ing.
Höfundur er oddviti Samfylkingar-
innar í Suðvesturkjördæmi
Eygló Harðardóttir skrifar:
Stöndum með
íslenskum heimilum
Í kosningunum næstkomandi laugar-dag stendur þjóðin frammi fyrir skýru vali. Við munum geta valið
raunverulegar breytingar. Ríkisstjórn
sem leiðréttir þann forsendubrest sem
íslensk heimili urðu fyrir, tryggir að
fortíðarvandi verði ekki að framtíðar-
vanda með því að afnema verðtryggingu
neytendalána og skapar góð lífskjör með
öflugu atvinnulífi. Ríkisstjórn undir
forystu okkar framsóknarmanna sem
stendur með íslenskri þjóð gegn er-
lendum kröfuhöfum.
Við getum líka valið meira af því
sama. Ríkisstjórn sem mun standa
vörð um verðtrygginguna og líta svo
á að íslensk heimili eigi ekki inni leið-
réttingu eftir hrunið. Ríkisstjórn sem
hefur verið tilbúin að beygja sig undir
kröfur erlendra kröfuhafa. Ríkisstjórn
Samfylkingar og Sjálfstæðisflokks.
Í okkar huga er leiðrétting skulda og
afnám verðtryggingar ekki aðeins sann-
gjörn og réttlát krafa. Hún er skynsama
leiðin. Heimilin eru gangverk efnahags-
lífsins. Þau munu alltaf á endanum
standa undir útgjöldum ríkissjóðs í
gegnum skattgreiðslur sínar. Ef heimilin
eru að drukkna í skuldum, kaupa þau
ekki vöru og þjónustu. Fyrirtæki hækka
þá ekki laun starfsmanna, ráða ekki nýtt
fólk, fara ekki í nýjar fjárfestingar. Tekjur
ríkissjóðs standa þá í stað eða dragast
saman.
Þetta er ástæða þess að fjárfestingar
hafa verið í sögulegu lágmarki, þetta
er ástæða þess að hagvaxtaspár ganga
ekki eftir.
Með því að leiðrétta skuldirnar fer
gangverkið aftur af stað.
Forgangsmálið er því að gera heim-
ilum og fyrirtækjum kleift að vaxa og
dafna. Það gerum við með því að létta af
þeim skuldafjötrunum. Þannig aukum
við tekjur ríkissjóðs og gerum honum
kleift að greiða niður skuldir sínar.
Þess vegna þorum við að standa með
íslenskum heimilum.
Höfundur er þingmaður
Framsóknarflokksins og oddviti flokks-
ins í Suðvesturkjördæmi
kopavogur.is
Kópavogsbær leigir út matjurtagarða, sk. garðlönd, á nokkrum stöðum
í bænum. Hvert garðland er 25 m2 að stærð og leigugjald er 4.200 kr.
Hver leigjandi getur verið með tvo skika, en skilyrði fyrir úthlutun er að eiga
lögheimili í Kópavogi.
Enn eru laus garðlönd á eftirfarandi stöðum:
• við Fossvogsbrún í Blesugróf, sunnan við Gróðrarstöðina Mörk
• neðan Kjarrhólma í austanverðum Fossvogsdal, í trjásafninu
• neðan Víðigrundar í vestanverðum Fossvogsdal, við skólagarða
• við Arnarnesveg, á mótum Sala- og Kórahverfis
Allar nánari upplýsingar er að finna á www.kopavogur.is/gardlond
og í Þjónustuveri Kópavogsbæjar að Fannborg 2, sími 570 1500.
Garðlönd í Kópavogi
Hvernig væri að rækta
grænmeti í sumar?
PI
PA
R\
TB
W
A
•
S
ÍA
•
1
31
16
0
Margrét Tryggvadóttir skrifar:
Lýðræði er svarið
Á yfirborðinu virðist Ísland vera þróað, lýðræðisríki. Maður þarf þó ekki að kafa djúpt til
að sjá og skilja að það er í raun blekking.
Við erum komin mun styttra í lýðræðis-
legum þroska. Saga lýðveldisins Íslands
er ekki löng. Við vorum nýlenda öldum
saman og sá veruleiki virðist hafa haft
dýpri og meiri áhrif á okkur en margir
vilja viðurkenna. Oft finnst mér sem
Íslendingar virðist almennt upplifa sig
valdalausa.
Fyrir rétt rúmlega tvö hundruð árum
yfirtók Jörundur hundadagakonungur
landið með því að handtaka Trampe
greifa og hengja upp miða á nokkurra
daga fresti í miðbæ Reykjavíkur. Þar
stóð meðal annars Ísland er laust og lið-
ugt frá Danmerkur Ríkisráðum. Og það
varð; Íslendingar voru um stund lausir
undan oki nýlenduherranna.
En hvað svo? Tveimur mánuðum
síðan undirritaði embættismannastéttin
yfirlýsingu sem ógilti auglýsingar Jör-
undar og þjóðin varð aftur undir stjórn
Dana. Og hvað gerðu landsmenn í því?
Ekki neitt. Hversu auðvelt hefði það
verið skerast í leikinn? Sennilega hefði
ekki þurft mikið til þess.
Hefur þetta breyst mikið á síðustu
tvö hundruð árum? Hefur fólkið tekið
völdin í sínar hendur? Við gerðum það
í janúar 2009 en ætlum við virkilega að
afsala okkur þeim aftur?
Við leyfum stjórnmálamönnum að
komast upp með loforðaflaum í að-
draganda kosninga en svik daginn eftir.
Því verður að linna.
Staðreyndin er sú að í litlu samfélagi
geta einstaklingar haft mikil og sterk
áhrif. Það eina sem þeir þurfa að gera
er að rísa upp og láta til sín taka. Því að
vera borgari fylgja ekki einungis réttindi
heldur líka skyldur. Sem borgarar
berum við ábyrgð á að grípa í taumana
þegar stjórnmálamenn eru úti á túni eða
vilja ekki lúta þjóðarvilja.
Allt vald er komið frá fólkinu. Við
framseljum það einungis tímabundið
til fulltrúa okkar á Alþingi og við eigum
að gera þá kröfu að þeir standi við orð
sín, standi við gefin loforð. Við eigum að
gera þá kröfu að þeir vinni að þjóðarhag
en ekki í þágu sérhagsmunaafla, hvaða
nafni sem þau nefnast eða í þágu eigin
hagsmuna.
Fyrir síðustu Alþingiskosningar lof-
uðu fjögur þeirra framboða sem náðu
kjöri endurskoðun á stjórnarskránni.
Þau fjögur hlutu samtals 76,3% atkvæð-
anna. Auk þess sagðist Sjálfstæðisflokk-
urinn vilja vinna áfram að breytingum
á stjórnarská og flokkurinn tók þátt í
upphafi þess ferlis sem við sjáum nú
fyrir endan á.
Eigum við ekki að gera þá kröfu að
þeir standi við stóru orðin?
Margrét Tryggvadóttir, skipar 1. sæti á
lista Dögunar í Suðvesturkjördæmi.
Árni páll Árnason.
Margrét Tryggvadóttir,
Eygló Harðardóttir.
Auglýsingasíminn er
578 1190
Netfang:
auglysingar@fotspor.is
www.fotspor.is