Vesturland - 19.12.2013, Blaðsíða 6

V m - F é l a g V é l s t j ó r a o g m á l m t æ k n i m a n n a - S t ó r h ö f ð a 2 5 - 1 1 0 R e y k j a v í k - 5 7 5 9 8 0 0 - w w w. v m . i s
Veiðikortið 2013
Veiðikortið 2013 fór í sölu á skrifstofu Vm í desember. sjá nánar á heimasíðu Vm.
Félagsmönnum býðst kortið á sama verði og í fyrra, eða á 3.000 kr.
Stjórn og starfsfólk VM
óskar félagsmönnum sínum og
fjölskyldum þeirra gleðilegra jóla
og farsældar á komandi ári.
Þökkum árið sem er að líða
5 desember 2012 tímarit vm
6 19. desember 2013
Aðgerðaráætlun ríkisstjórnarinnar um höfuðstólslækkun húsnæðislána:
Leiðrétting verðtryggðra
húsnæðislána snertir sennilega
efnahag flestra landsmanna
Ríkisstjórnin kynnti sl. laugar-dag aðgerðaáætlun með það að markmiði að lækka húsnæð-
isskuldir heimila í landinu. Annars
vegar er um að ræða lækkun höfuðstóls
verðtryggðra húsnæðislána og hins
vegar skattaívilnun vegna séreignarlíf-
eyrissparnaðar sem fellur til eftir að
aðgerðin er komin til framkvæmda.
Unnt verður að ráðstafa séreignarlíf-
eyrissparnaði til lækkunar höfuðstóls
og býðst sú leið öllum þeim sem skulda
húsnæðislán óháð lánsformi.
Leiðrétting verðtryggðra
húsnæðislána
Verðtryggð húsnæðislán verða færð
niður um fjárhæð sem samsvarar
verðbótum umfram 4,8% sem féllu til
á tímabilinu desember 2007 til ágúst
2010. Þetta samsvarar um 13% leið-
réttingu á vísitölu neysluverðs til verð-
tryggingar. Hámarksfjárhæð niðurfær-
slu á heimili verður 4 m. kr. Um 90%
heimila sem rétt eiga til leiðréttingar
verða ekki fyrir skerðingu vegna há-
marksins, þ. e. lán sem stóðu í allt að
30 m. kr. í lok árs 2010. Til frádráttar
koma fyrri úrræði til lækkunar höfuð-
stóls sem lántakandi hefur notið. Þau
lán sem skapa rétt til leiðréttingar eru
verðtryggð húsnæðislán vegna kaupa
á fasteign til eigin nota. Leiðrétting er
að frumkvæði lántaka og þarf að sækja
um hana hjá lánveitanda sem er með
húsnæðislán á fremsta veðrétti á um-
sóknardegi. Lagt er til að sá lánveitandi
verði umsjónaraðili leiðréttingar og
annist framkvæmd hennar í samræmi
við þá aðferðafræði sem lýst er í skýrslu
sérfræðingahóps um höfuðstólslækkun
verðtryggðra húsnæðislána.
Skattleysi séreignar­
lífeyrissparnaðar
Þau heimili sem skulda húsnæðislán
geta nýtt greiðslur sem ella rynnu inn
í séreignarsjóði til þess að greiða inn
á húsnæðislán sín. Ríkissjóður gefur
eftir tekjuskatt af allt að 4% iðgjaldi
launþega og allt að 2% mótframlagi
vinnuveitenda í séreignarlífeyris-
sparnað gegn því að þeim fjármunum
sé varið til inngreiðslna á höfuðstól
húsnæðislána. Skattleysi takmarkast
við 500 þúsund kr. á ári. Úrræðið gildir
í þrjú ár. Aðgerðin takmarkast við þá
sem skulduðu húsnæðislán fyrir 1.
desember 2013. Sá hópur sem hefur
þegar fengið niðurfellingar skulda
getur nýtt sér skattleysi séreignarlíf-
eyrissparnaðar og þannig gagnast að-
gerðin sem flestum.
Heildarumfang aðgerðarinnar er
metið á um 150 milljarða króna sem
dreifist yfir fjögurra ára tímabil. Þar af
er umfang leiðréttingar verðtryggðra
húsnæðislána um 80 milljarðar króna
og höfuðstólslækkun með nýtingu sér-
eignarlífeyrissparnaðar um 70 millj-
arðar króna. Þess ber að geta að þetta
mat er háð nokkurri óvissu. Aðgerðin
krefst þess að ríkissjóður hafi milli-
göngu um fjármögnun og framkvæmd
hennar. Ekki er þörf á stofnun leið-
réttingarsjóðs þar sem aðgerðin verður
að fullu fjármögnuð. Gert er ráð fyrir
því að hrein áhrif á ríkissjóð verði
óveruleg fyrir hvert ár á tímabilinu
2014-2017.
Ráðherrarnir telja aðgerðirnar aflétta
efnahagslegri óvissu er varða skulda-
mál heimilanna. Skuldir heimilanna
eru nú 108% af vergri landsframleiðslu,
sem er hátt hlutfall í alþjóðlegum
samanburði. Samhliða lækkun skulda
mun aðgerðin auka ráðstöfunartekjur
heimila og hvetja til sparnaðar með
skattleysi séreignarlífeyrissparnaðar. Þá
myndast aukinn hvati til fjárfestingar
þegar heimilin öðlast styrk á ný og hafa
meira svigrúm til fjárfestinga. Helstu
niðurstöður í greiningu sem ráðgjafa-
fyrirtækið Analytica ehf. vann fyrir
hópinn eru þær að miðað við gefnar
forsendur þá eru þau þjóðhagslegu
áhrif þeirra aðgerða sem sérfræðinga-
hópurinn leggur til tiltölulega mild,
þótt talsverðra örvandi áhrifa geti gætt
á fjárfestingu í íbúðarhúsnæði. Sjá má
áhrif aðgerðanna á einstaka efnahags-
stærðir miðað við fráviksspá Analytica
við þjóðhagsspá Hagstofu Íslands frá
nóvember 2013.
Tímarammi aðgerðarinnar
Gera má ráð fyrir því að verði tillagan
samþykkt, sem og nauðsynlegar laga-
breytingar, verði að öllu forfallalausu
hægt að framkvæma niðurfærslur
um mitt ár 2014. Nokkurn undirbún-
ingstíma þarf til að endurreikna lán.
Aðgerðir sem varða skattleysi sér-
eignarlífeyrissparnaðar sem miða að
því að lækka höfuðstól húsnæðislána
gætu hafist um svipað leyti.
sigmundur davíð Gunnlaugsson forsætisráðherra og bjarni benediktsson
fjármála- og efnahagsmálaráðherra kynna aðgerðaráætlun ríkisstjórnarinnar
á síðasta degi nóvembermánaðar í Kaldalóni í Hörpu.
Landbúnaðarháskólinn á Hvanneyri:
Formenn búnaðarfélaga,
Hollvinafélag og starfs-
menn standa vörð um
framtíð skólans
Formenn búnaðarfélaga á Vest-urlandi ályktuðu á dögunum um málefni Landbúnaðarhá-
skóla Íslands þar sem þeir skora á yf-
irvöld og hagsmunaaðila að standa
vörð um starfsemi skólans. Ályktunin
er ekki sú fyrsta sem beint hefur verið
til yfirvalda í tengslum við LbhÍ en
meðal annars hafa starfsmenn skól-
ans og Hollvinafélag LbhÍ sent frá sér
skilaboð vegna framtíðar Landbúnað-
arháskóla Íslands.
Í ályktun formannafundarins segir:
„Formannafundur Búnaðarsamtaka
Vesturlands haldinn á Hvanneyri 28.
nóvember sl. skorar á skólayfirvöld
Landbúnaðarháskóla Íslands og aðra
hagsmunaaðila að standa vörð um
starfsemi skólans. Aukin menntun og
rannsóknir í landbúnaði er mikilvæg
forsenda þess að íslenskur landbún-
aður geti þróast, vaxið og dafnað til
framtíðar.“
Stjórn Hollvinafélags Landbún-
aðarháskóla Íslands skorar á stjórn-
endur LbhÍ og stjórnvöld að styrkja
starfsemi skólans til framtíðar. Með
sameiningu Garðyrkjuskóla ríkisins
að Reykjum, Landbúnaðarháskólans
á Hvanneyri og Rannsóknastofnunar
landbúnaðarins í upphafi árs 2005 var
ætlunin að til yrði öflug rannsókna-
og kennslueining á sviði landbúnaðar
og garðyrkju. Af hálfu skólastjórn-
enda frá þeim tíma hefur verið unnið
markvisst að ná fram hagræðingu í
starfi nýrrar stofnunar í ljósi takmark-
aðra fjármuna sem veittir hafa verið til
skólans síðustu ár. Að mati stjórnenda
skólans verður ekki lengra gengið til
hagræðingar án þess að til komi skert
þjónusta skólans að óbreyttum fjár-
framlögum.
Stjórn Hollvinafélags Landbún-
aðarháskólans hvetur stjórnendur
skólans og stjórnvöld að tryggja
nauðsynlegt fjármagn til skólans svo
hægt verði áfram að veita þá nauðsyn-
legu þjónustu sem kveðið er á um í
lögum. Benda má í því sambandi
að Landbúnaðarháskóli Íslands á
umtalsverðar eignir, m. a. einstaka
jarðir er nýtast ekki beint markmiðum
skólans til kennslu eða rannsókna, en
þær mætti að hluta selja til að greiða
upp uppsafnaðan halla skólans og að
auki treysta rekstrargrundvöll hans.
Samstarf við aðra háskóla, eins og
Háskóla Íslands, er sjálfsagt að efla
eins og kostur er. Hins vegar þarf sjálf-
stæði Landbúnaðarháskóla Íslands að
vera fyrir hendi, ekki síst til að tryggja
starfsmenntanám við skólann, hvort
sem um er að ræða hefðbundið bú-
fræði- eða garðyrkjunám. Á sama
hátt er Landbúnaðarháskóli Íslands
nauðsynlegur þáttur í að rækta rann-
sókna- og kennslustarf á háskólastigi í
samvinnu við atvinnuveginn og aðrar
háskólastofnanir á hverjum tíma.“
Skólinn fastur í förum
gamals fyrirkomulags
„Nú í haust var birt niðurstaða gæða-
úttektar á starfi Landbúnaðarháskóla
Íslands segir í samþykkt starfsmanna.
„Úttektin er unnin á vegum gæða-
ráðs íslenskra háskóla af erlendum
sérfræðingum. Sérstaða háskólans er
mjög mikil á sviði náttúrunýtingar,
landbúnaðar og umhverfisfræða.
Enginn annar sinnir kennslu og
rannsóknum á þessum fræðasviðum
með sambærilegum hætti hérlendis.
Niðurstaða úttektarinnar er sú að
trausti er lýst á skólastarfinu og
gæðum þeirrar kennslu og þjónustu
sem hann veitir. Þetta er ekki sjálfsögð
niðurstaða heldur ávöxtur þrotlausrar
vinnu starfsmanna við uppbyggingu
háskólans. Ásókn í nám hefur aukist
og við sækjum fast að helmingi rekstr-
arfjár í formi sértekna árlega. Á sama
tíma og við höfum byggt upp nýjan
háskóla hafa fjármunir til reksturs
hans rýrnað um 30% á síðustu fimm
árum. Við höfum mætt niðurskurði
og undirfjármögnun með gríðar-
legum hagræðingaraðgerðum. Það
er samdóma álit allra sem skoðað hafa
rekstrarforsendur skólans að ekki sé
hægt að draga meira saman í rekstri
nema til komi algjör uppstokkun á
starfseminni. Sú uppstokkun getur
ekki orðið nema með aðkomu stjórna-
valda. LbhÍ hefur yfir að ráða veru-
legum eignum en það virðist óger-
legt að fá leyfi stjórnvalda að breyta
hluta af þessum eignum í aðstöðu
sem myndi nýtast skólanum til sjálf-
bærs reksturs og í rauninni bjartrar
framtíðar. Hann er fastur í hjólförum
gamals fyrirkomulags sem löngu er
gengið sér til húðar.“
Hvanneyri að vetrarlagi.