Árbók Læknafélags Íslands - 01.01.1933, Blaðsíða 16
16
almennar lækningar, enda geta ekki aðrir en þeir orðið varð-
læknar.
Undanþegnir skyldu þessari mega þó vera þeir læknar, sem
orðnir eru 50 ára að aldri, svo og aðrir læknar, er félagið kann
að veita undanþágu.
10. gr. — Félagslæknar hafa á hendi læknisstörf fyrir sjúkra-
samlög, eftir sérstökum samningum, enda skal það tilskilið, að
utanfélagslæknar taki ekki þátt í þeim störfum, meðan samn-
ingar standa.
Félagsmenn verða ásáttir um sameiginlega gjaldskrá fyrir
læknisstörf.
11. gr. — Félagsmenn skulu skyldir að hlýta „codex ethicus“
L. í., en auk þess getur félagið sett meðlimum sinum nánari regl-
ur um hegðun í félags- og stéttarmálefnum.
12. gr. — Nú vill einhver gerast félagsmaður, og skal hann
þá tilkynna það stjórninni. Getur hún þá veitt honum upptöku
til bráðabirgða, en bera skal hún hann upp til samþykkis á næsta
reglulegum fundi.
13. gr. — Félagið getur kosið heiðursfélaga og kjörfélaga,
lækna, vísindamenn eða velunnara félagsins. Skal það gert á
fundi, enda greiði •% fundarmanna því atkvæði.
14. gr. — Stjórnin getur til bráðabirgða vísað mönnum úr
félaginu, ef hún telur ástæðu til; en stjórnin skal bera brott-
rekstursmálið upp til úrskurðar á næsta reglulegum félagsfundi.
Sakborningur getur þó vísað úrskurðinum til gerðardóms samkv.
codex ethicus. Ekki hefir þó málskot hans áhrif á brottrekstur-
inn meðan á því stendur.
15. gr. — Nú greiðir félagsmaður ekki gjöld sín til félagsins
samfleytt í 2 ár, og getur hann þá ekki lengur talist félagsmað-
ur, unz hann greiðir gjöld sín að fullu.
Læknar, sem hættir eru læknisstörfum fyrir aldurs sakir eða
sjúkdóms, skulu undanþegnir félagsgjöldum, svo og þeir aðrir,
sem félagið ákveður.
16. gr. — Lögum þessum má breyta á aðalfundi, enda skulu
þá tillögur um breytingar fylgja fundarboðinu. Lagabreytingar
eru því að eins lögmætar, að fullur helmingur félagsmanna sé
á fundi og % þeirra greiði þeim atkvæði.
Nú er aðalfundur ólögmætur sakir ónógrar þátttöku, og skulu
þá breytingatillögurnar bornar upp á næsta fundi, sem stjórnin
kveður til innan mánaðar, og ræður þá afl atkvæða.