Hermes - 01.12.1960, Page 2

Ritstjórnargrein
Góðir félagar.
Hermes hefur nú göngu sína og knýr á dyr ykkar. Það
er komið undir ykkur, hvort hann fer aðra ferð
eða fleiri, því sá gestur, sem ekki mætir gestrisni,
þreytist fljótt á flakkinu og heldur sig heima úr því.
En ekki er að efast um það, að móttökurnar verða
góðar. Hermes er ætlað að flytja andblæ gamla skólans
okkar, og fréttir af félögunum, sem með okkur
voru. Við þekkjum kannski ekki alveg alla, en
fjölmarga höfum við heyrt nefnda, og þá ekki sízt, sem
eftir skólaveruna hafa eins og gengið aftur í skólann
og orðið að þjóðsöguhetjum þar.
Útgáfa þessa litla rits er ekki dýr, miðað við pyngju
félagsskapar, sem einhverja veltu hefur, en sé
miðað við litla kassann okkar, sem Magnea Sigurðar-
dóttir sýslar um að mikilli hagsýni og ráðdeild, er
það a.m.k. ekki gefið. Þó höfum við á allan hátt
fengið mjög góða fyrirgreiðslu og komizt að prýðileg-
um samningum. PRENTSMIÐJA JÓNS HELGA-
SONAR gerði tilboð, sem var rúmlega 500 krónum
neðan við hið næsta fyrir ofan, en rúmu þúsundi
neðan við hið hæsta. RAFMYNDIR HF. gera mynda
mótin fyrir okkur, og reikna þau öll á lágmarki,
en myndamót frá Rafmyndum h.f. eru þó
nokkuð ódýrari en frá öðrum myndamótagerðum.
Einnig hefur okkur tekizt að stilla dreifingarkostnað-
inum mjög í hóf.
Lauslega áætlað reiknum við því með, að heildar-
kostnaður verði rétt á þriðja þúsund, en ef Hermes
nær tilgangi sínum, er þessu fé vel varið.
Okkur væri mjög kærkomið, að lesendur ritsins sendu
Framhald á 15. síðu.
2
HERMES