Morgunblaðið - 04.11.2011, Blaðsíða 3

þriggja
kvöld
iðið í
mætir
K og ÍF á
Magnúsi
n er
þjálfari
ögurra í
Dan-
Sig-
n í lok
elli í
ÍÞRÓTTIR 3
MORGUNBLAÐIÐ FÖSTUDAGUR 4. NÓVEMBER 2011
Knattspyrnu-maðurinn
Tryggvi Sveinn
Bjarnason hefur
skrifað undir
nýjan tveggja
ára samning við
Stjörnuna í
Garðabæ. Varn-
armaðurinn stóri
og sterki hefur leikið með Garða-
bæjarliðinu frá árinu 2008 en þar
áður með ÍBV og KR. Tryggvi kom
við sögu í 18 leikjum Stjörnunnar í
Pepsi-deildinni í sumar og skoraði í
þeim 3 mörk.
  
Þýski landsliðsmaðurinn BastianSchweinsteiger viðbeinsbrotn-
aði í sigurleik Bayern München
gegn Napoli í Meistaradeildinni í
fyrrakvöld. Miðjumaðurinn öflugi
gekkst undir aðgerð í gær og verð-
ur hann frá keppni út þetta ár að
sögn forráðamanna Bayern-liðsins.
Schweinsteiger verður útskrifaður
af sjúkrahúsi í dag en aðgerðin
heppnaðist vel að sögn lækna.
  
Antonio Cassano framherjiítalska knattspyrnuliðsins AC
Milan mun gangast undir hjarta-
ðgerð í Mílanó í dag. Cassano veikt-
ist eftir leik AC Milan og Roma um
síðustu helgi og var í kjölfarið lagð-
ur inn á sjúkrahús. Við skoðun þar
kom í ljós að framkvæma þarf að-
gerð í hjartagátt leikmannsins og
verður hann frá keppni nokkra
mánuði.
  
Suður-Kóreumenn tryggðu sér ígær sæti á Ólympíuleikunum í
London næsta sumar þegar þeir
báru sigurorð af Japönum, 26:21, í
úrslitaleik í undankeppninni í Asíu.
Áður höfðu Argentínumenn tryggt
sér farseðilinn til London með því
að vinna undankeppnina í Suður-
Ameríku. Frakkar fá ólympíusæti
sem ríkjandi heimsmeistarar og þá
eru Bretar með lið sem gestgjafar.
Annað sætið tryggði Japönum
keppnisrétt í undankeppni fyrir Ól-
ympíuleikana en þar keppa einnig
lönd eins og Ísland, Brasilía, Chile,
Danmörk, Svíþjóð, Spánn, Króatía
og Ungverjaland.
  
Danir höfðubetur gegn
Þjóðverjum,
29:26, á Super-
Cup hand-
boltamótinu sem
hófst í Þýska-
landi í gærkvöld.
Danir, án nokk-
urra sterkra leik-
manna, voru einu marki undir eftir
fyrri hálfleikinn, 14:13, en strák-
arnir hans Ulrik Wilbeks sneru tafl-
inu við í seinni hálfleik og fögnuðu
sigri. Patrick Grötzki var marka-
hæstur í liði Þjóðverja með 6 mörk
en hjá Dönum voru þeir voru þeir,
Hans Óttar Lindberg, Kasper Irm-
ing og Nikolaj Markussen með 5
mörk hver.
Fólk folk@mbl.is
LANDSLIÐIÐ
Ívar Benediktsson
iben@mbl.is
Guðmundur Þórður Guðmundsson,
landsliðsþjálfari karla í handknattleik,
segir að sá möguleiki sé fyrir hendi að
ekki verði mögulegt að stilla upp
sterkasta hópnum á Evrópumeist-
aramótinu sem fram fer í Serbíu 15. –
29. janúar á næsta ári. Ákveðin hættu-
merki séu uppi vegna meiðsla Björg-
vins Páls Gústavssonar, markvarðar,
og Ólafs Stefánssonar, sem verið hef-
ur óskoraður leiðtogi landsliðsins, ut-
an vallar sem innan, síðustu mörg ár.
Björgvin Páll hefur glímt við
meiðsli í hægri öxl síðasta mánuðinn.
Komi til þessað hann þurfi að gangast
undir aðgerð á næstunni séu hverf-
andi líkur á að hann standi í marki
landsliðsins á EM í Serbíu.
Ólafur hefur ekki spilað leik síðan í
júní vegna meiðsla í hné og því miður
virðast ekki vera líkur á að hann leiki
eitthvað á næstunni með danska stór-
liðinu AG Köbenhavn, sem hann gekk
til liðs við í sumar. Bakslag kom fyrir
þremur vikum í þann bata sem Ólafur
hafði fengið eftir aðgerð í ágúst.
Mjög mikilvægir hlekkir
„Auðvitað er það áhyggjuefni ef
Björgvin er það illa meiddur að hann
verður að fara í aðgerð á næstunni.
Hann er aðalmarkvörður landsins og
mjög mikilvægur hlekkur í keðjunni
okkar.
Ólafur er enn ekki farinn af stað
með liði sínu og óvíst hvenær af því
verður. Þá vona ég ennfremur að fleiri
bætist ekki í þennan hóp, sem að
minnsta kosti óvissa ríkir um, því við
höfum ekki úr fjölmennum hópi að
velja,“ sagði Guðmunur í samtali við
Morgunblaðið í gær.
„Vonandi eru áhyggjur okkar af
Björgvini óþarfar, þegar upp verður
staðið, og meiðslin hans gangi til
baka,“ segir Guðmundur og bætir við
að „staðan á Ólafi [sé] ef til vill krít-
ískari ef eitthvað er.
Í fyrsta lagi hefur hann ekkert spil-
að síðan í landsleiknum við Austurríki
hér heima í júní og enginn veit hve-
nær hann getur farið að spila á nýjan
leik. Þá er allt á huldu hvernig ástand-
ið á honum verður þegar hann getur
farið að spila á nýjan leik. Þá þarf
hann kannski að fara í algera endur-
uppbyggingu og fleira í þeim dúr. Í
ljósi þessa er alveg óvíst að Ólafur
verði með okkur á EM,“ segir Guð-
mundur.
Ólafur hefur allt frá því í vor glímt
við meiðsli á hné sem tengja liðþófa en
slík meiðsli eru afar erfið viðureignar.
Guðmundur segir að ekki þurfi að
fjölyrða um hversu mikið áfall það
væri geti Ólafur ekki tekið þátt í Evr-
ópumeistaramótinu af fullum krafti
með félögum sínum í íslenska lands-
liðinu. Vissulega eigi landsliðið fleiri
örvhenta leikmenn en skarð Ólafs
verði vandfyllt eigi að síður.
„Sökum fjarveru Ólafs valdi ég
Rúnar Kárason í landsliðshópinn sem
æft hefur þessa vikuna. Hann hefur
staðið sig vel á æfingum sem er já-
kvætt og síðan eru Alexander Pet-
ersson og Ásgeir Örn Hallgrímsson
einnig í landsliðshópnum.
Allt eru þetta vangaveltur ennþá,
bæði með Björgvin og Ólaf en um ára-
mótin mun staðan væntanlega liggja
fyrir og þá munum við vinna úr
henni.“
Vantar fleiri hávaxna
Guðmundur Þórður segir að sá hóp-
ur leikmanna sem hann hafi úr að
velja í landsliðið sé ekki mjög fjöl-
mennur. „Við erum fljótir að finna
fyrir því ef flísast úr hópnum menn
eins og Björgvin og Ólafur.
Ég held að menn verði að átta sig á
að sá hópur sem ég hef úr að velja er
ekki stór. Okkur vantar t.d. fleiri há-
vaxna varnarmenn sem geta spilað á
miðjunni og geta m.a. leyst Sverre
Jakobsson af hólmi. Ég hef ekki fund-
ið þá ennþá, þeir eru kannski á leið-
inni. Ég veit um tvo hávaxna leikmenn
sem gætu verið á leiðinni. Annar er í
Haukum og hinn er í HK. Okkur vant-
ar klárlega fleiri varnartröll í íslensk-
an handknattleik.“
Einblínt um of á sóknarleik
Guðmundur segir að þessi staða, að
fleiri hávaxna varnarmenn vanti, leiði
hugann enn einu sinni að því að hlúa
verði betur að hávöxnum leikmönnum
í þjálfun yngri flokka hér á landi. For-
veri hans, Alfreð Gíslason, hafði uppi
svipaðar áhyggjur, fyrir fjórum árum.
„Það þarf að finna þá stráka sem
eru hávaxnir og hafa hæfileika til að
leika í vörn og einnig sem línumenn í
sókn. Þeim þarf að gefa tækifæri í
yngri flokkum til að þroskast og fá
tækifæri. Mig grunar að á tíðum sé
einblínt of mikið á sóknarleik í hand-
bolta hér á landi á kostnað varnarleiks
og þá þeirrar staðreyndar hversu
mikilvægir hávaxnir handboltamenn
eru fyrir íþróttina þegar horft er á hið
alþjóðlega umhverfi,“ segir Guð-
mundur og bendir að oft sé það sagt
að góður sóknarleikur vinni leiki en
góður varnarleikur vinni mót.
„Ég segi oft við mína menn í Rhein-
Neckar Löwen fyrir leiki í þýsku
deildinni að úrslit leikja ráðist oft á
varnarleik, markvörslu og hraðaupp-
hlaupum. Það eru ekki ný sannindi í
handabolta.“
Beðið eftir svörum
Tíminn líður og það er alveg ljóst að
ég sem landsliðsþjálfari þarf að fá
svör frá þeim drengjum hér heima
sem eiga möguleika á því að verða
mjög góðir varnarmenn. En til þess
að þeir geti orðið það og gefið mér
svör þá verða þeir að æfa mjög og
taka sig taki,“ sagði Guðmundur.
Spurður við hverja hann ætti svaraði
Guðmundur. „Heimir Óli í Haukum er
einn þeirra sem ég bíð eftir svari frá,
Bjarki Már Gunnarsson í HK er ann-
ar. Ég hef fylgst með þeim og vona að
þeir taki áskoruninni,“ sagði Guð-
mundur Þórður Guðmundsson, lands-
liðsþjálfari í handknattleik karla.
Hefur áhyggjur af Ólafi og
Björgvini Páli vegna EM
Morgunblaðið/Golli
Undirbúningur Guðmundur Þ. Guðmundsson, landsliðsþjálfari, á tali við Óskar Bjarna Óskarsson, aðstoðarmann sinn.
 „Krítísk“ staða á fyrirliðanum  Vill svör frá Heimi Óla og Bjarka Má
Ragna Ingólfsdóttir veitti Tine Baun,
sjöundu bestu badmintonkonu heims,
harða keppni á Bitburger-mótinu í Saar-
brücken í gær en tapaði fyrir henni og er
úr leik.
Þær Ragna og Tine mættust í 16
manna úrslitum mótsins og fyrri lotan
var afar jöfn og tvísýn, en sú danska
þurfti framlengingu til að sigra Rögnu,
26:24. Í þeirri síðari vann Tina hinsvegar
öruggan sigur, 21:11.
Mótið í Saarbrücken er geysilega
sterkt og nokkrar af bestu badmintonkonum heims eru á
meðal keppenda. Þó Tine Baun sé í 7. sæti heimslistans er
henni raðað inn sem aðeins þriðji sterkasti keppandinn á
mótinu. vs@mbl.is
Ragna stóð í Baun
Ragna
Ingólfsdóttir
Íslenskt karatefólk verður fjölmennt á
opna Stokkhólmsmótinu í höfuðborg
Svíþjóðar um helgina en þar verður
keppt í bæði kata og kumite. Íslend-
ingar hafa verið sigursælir á mótinu
undanfarin ár en í fyrra komu íslensku
keppendurnir heim með fimm gull-
verðlaun og um þrjátíu verðlaun alls. Í
fararbroddi verða Kristján Helgi Car-
rasco og Aðalheiður Rósa Harðardóttir
sem voru valin karatefólk ársins 2010.
Ferðin er liður í keppnisröð landsliðs-
fólksins á þessum vetri og landsliðsþjálfarinn í kata,
Magnús Kr. Eyjólfsson, er með í för. Fleiri fara utan en
landsliðsfólkið og alls verða um 25 íslenskir keppendur á
mótinu. vs@mbl.is
Margir til Stokkhólms
Aðalheiður Rósa
Harðardóttir
Birgir Leifur Hafþórsson, kylfingur úr GKG,
mun hefja leik á 2. stigi úrtökumótanna fyrir
bandarísku PGA-mótaröðina hinn 16. nóv-
ember næstkomandi. Birgir komst í gegnum
1. stigið í Norður-Karólínu í síðasta mánuði
og vann sér þar með þátttökurétt á 2. stiginu.
Birgir mun að þessu sinni keppa á Plant-
ation-vellinum á Flórída en keppt verður á
sex stöðum á þessu stigi úrtökumótanna.
Birgir staðfesti þetta við netmiðilinn Kylf-
ing.is.
Gert er ráð fyrir því að um fimmtán til tutt-
ugu kylfingar komist áfram á 3. og síðasta stigið en þá er um eitt
lokamót að ræða og mun það einnig fara fram á Flórída. Birgir
ætlar að dvelja ytra við æfingar líkt og hann gerði í aðdraganda
mótsins á 1. stiginu. kris@mbl.is
Birgir keppir á Flórída
Birgir Leifur
Hafþórsson