Morgunblaðið - 14.03.2012, Blaðsíða 1

„Óendanlega stoltur
af mínum stúlkum“
Ljósmynd/Skúli B. Sigurðsson
Skottilraun Hildur Björg Kjartansdóttir úr Snæfelli reynir skot að körfu Keflvíkinga í
leik liðanna í gærkvöld en Jaleesa Butler nær ekki að stöðva hana.
KÖRFUBOLTI
Skúli B. Sigurðsson
sport@mbl.is
Annan leikinn í röð náðu Keflavíkurstúlkur ekki að tryggja
sér deildarmeistaratitilinn í körfuknattleik en í gærkvöldi
töpuðu þær á heimavelli gegn Snæfelli, 59:61, í afar döpr-
um leik.
Með sigrinum tryggði Snæfell sér hinsvegar sæti í úr-
slitakeppninni og það var markmið þeirra fyrir mót að sögn
Inga Þórs Steinþórssonar þjálfara.
„Ég er óendanlega stoltur af mínum stúlkum. Þær koma
hingað á heimavöll Keflavíkur, gefa allt í þetta og landa
sigri á einu sterkasta liði mótsins í vetur. Nú viljum við
bara klára þetta með stæl, sigra Fjölni heima í næstu um-
ferð og tryggja þriðja sætið,“ sagði Ingi Þór við Morg-
unblaðið eftir leik.
Leikurinn var alls ekki fallegur og bæði lið spiluðu frek-
ar illa. Hjá Keflavík var algert áhugaleysi hjá leikmönnum
að undanskilinni Pálínu Gunnlaugsdóttir sem skilaði prýð-
isleik.
Helmingurinn mætti ekki
„Helmingurinn af liðinu mætir ekki til leiks og það er
bara skammarlegt. Þetta er ekki boðlegt fyrir stuðnings-
menn okkar. En það má ekki taka af Snæfelli að þær eru
með hörkulið. Þrátt fyrir þetta ætlum við okkur að taka
deildarmeistaratitilinn,“ sagði Pálína eftir leik.
Eftir þessi úrslit er ljóst að það verða Njarðvík, Keflavík
og Snæfell sem fara í úrslitakeppnina en það eru svo slags-
mál hjá Haukum og KR um síðasta sætið þar inn.
 Besti árangur Snæfells sem er komið í úrslitakeppnina  Útisigur gegn
Keflvíkingum sem þar með klúðruðu öðru tækifæri til að vinna deildina
MIÐVIKUDAGUR 14. MARS 2012
íþróttir
Handbolti Sveinn Þorgeirsson úr Haukum er leikmaður Morgunblaðsins í 18. umferð Íslands-
mótsins. Hefur fengið skýr skilaboð um að skjóta á markið. Fagnar því að fá meiri ábyrgð 4
Íþróttir
mbl.is
Steven Gerrard
hélt upp á sinn
400. úrvalsdeild-
arleik með Liver-
pool með því að
skora þrennu í
sætum sigri á
erkifjendunum í
Everton, 3:0, á
Anfield í gær-
kvöld. Þetta er
stærsti sigur Liv-
erpool á grönnu sínum í 29 ár.
Gerrard skoraði tvö markanna eftir
undirbúning Luis Suárez. „Luis á
sérstakan heiður skilinn. Hann
færði mér tvö mörk á silfurfati. Við
höfum ekki spilað mikið saman en
gengur það hinsvegar mjög vel,“
sagði Gerrard við BBC.
vs@mbl.is
Gerrard skaut
Everton í kaf
með þrennu
Steven
Gerrard
Þýski knatt-
spyrnumaðurinn
Mario Gomez
skoraði fjögur
mörk í gærkvöld
þegar Bayern
München rót-
burstaði Basel frá
Sviss, 7:0, í seinni
leik liðanna í 16
liða úrslitum
Meistaradeildar
Evrópu. Sigur Basel í fyrri leiknum,
1:0, dugði því skammt. Arjen Robben
skoraði tvö mörk og Thomas Müller
eitt.
Marseille sló Inter út í Mílanó eftir
mikla dramatík í lokin. Brandao jafn-
aði í uppbótartíma fyrir Marseille,
1:1. Þar með skipti ekki máli þó að
markvörður liðsins væri rekinn af
velli og Inter skoraði úr vítaspyrnu í
blálokin, 2:1. Marseille komst áfram á
markinu á útivelli. vs@mbl.is
Gomez með
4 gegn Basel
Mario
Gomez
ÍR-ingar, undir
stjórn Bjarka
Sigurðssonar,
færðust skrefi
nær úrvalsdeild-
arsæti í hand-
knattleik karla í
gærkvöld. Þeir
sigruðu Fjölni,
29:24, í Aust-
urbergi á meðan
Stjarnan lagði
Víking, 22:21, í Garðabæ. Þar með
er ÍR fjórum stigum á undan Vík-
ingi þegar þremur umferðum er
ólokið en liðin mætast í næstsíðustu
umferðinni. Selfoss vann góðan sig-
ur gegn ÍBV í Eyjum, 23:21, og er
komið í baráttuna um sæti í um-
spilinu. vs@mbl.is
ÍR skrefi nær
að fara upp
Bjarki
Sigurðsson
Kristján Bernburg í Belgíu
sport@mbl.is
Gunnlaugur Hlynur Birgisson, 16 ára piltur úr Breiðabliki, er á leið
til belgíska knattspyrnufélagsins Club Brugge frá og með 1. júlí í
sumar. Gunnlaugur hefur dvalið hjá félaginu í tvígang, fyrst í tvær
vikur á síðasta ári, og í framhaldi af því var honum boðið að vera í
tvo mánuði. Hann er nú á heimleið eftir að hafa verið í herbúðum
Club Brugge síðan 15. janúar. Belgíska félagið býður honum í aka-
demíu sína frá og með 1. júlí en hyggst síðan bjóða honum atvinnu-
samning í desember.
Gunnlaugur kvaðst mjög ánægður með dvölina hjá Club Brugge
og sagði að þar væri unnið af mikilli fagmennsku. „Ég hlakka mikið
til að koma aftur út og leika fyrir svona stórt félag þó það sé með
unglingaliðinu til að byrja með,“ sagði Gunnlaugur.
Club Brugge er eitt stærsta og sigursælasta félag Belgíu en það
hefur orðið meistari 13 sinnum, síðast árið 2005, og 10 sinnum bik-
armeistari, síðast árið 2007. Í dag er liðið í öðru sæti, á eftir And-
erlecht.
Gunnlaugur lék sjö leiki með drengjalandsliði Íslands á síðasta
ári og skoraði eitt mark en Gunnar Guðmundsson, þjálfari liðsins,
valdi hann eftir að hafa fengið skýrslu frá þjálfurum Club Brugge.
Gunnlaugur fer
til Club Brugge
 Með belgíska liðinu frá 1. júlí
Ljósmynd/Kristján Bernburg
Efnilegur Gunnlaugur Hlynur Birgisson í leik
með unglingaliði Club Brugge.
Jakob Örn Sigurðarson skoraði 24
stig fyrir Sundsvall gegn LF Basket
í lokaumferð sænsku úrvalsdeildar-
innar í körfuknattleik í gærkvöld
en það dugði þó skammt. Sundsvall
tapaði, 105:83, endaði í þriðja sæt-
inu og mætir einmitt LF Basket,
sem endaði í sjötta sæti, í 8 liða úr-
slitunum.
Logi Gunnarsson og félagar í
Solna töpuðu fyrir botnliði Örebro.
Þeir enduðu í 7. sæti og mæta Sö-
dertälje, sem hafnaði í 2. sæti.
Helgi Már Magnússon og félagar
í 08 Stockholm unnu toppliðið
Norrköping á útivelli en enduðu í 8.
sæti og þurfa að glíma við Norrköp-
ing í úrslitakeppninni.
Brynjar Þór Björnsson og sam-
herjar í Jämtland töpuðu fyrir Sö-
dertälje, enduðu í 9. sæti og hafa
lokið keppni í vetur.
Tölfræði íslensku leikmannanna í
gærkvöld er að finna á bls. 2.
vs@mbl.is
Jakob drjúgur
en Sundsvall
fékk skell