Morgunblaðið - 14.03.2012, Blaðsíða 4
4 ÍÞRÓTTIR
MORGUNBLAÐIÐ MIÐVIKUDAGUR 14. MARS 2012
HANDBOLTI
Guðmundur Hilmarsson
gummih@mbl.is
Sveinn Þorgeirsson hefur stimplað
sig vel inn í lið Hauka í vetur.
Skemmst er að minnast frammi-
stöðu hans þegar Haukar lögðu
Fram í úrslitaleik bikarkeppninnar í
síðasta mánuði en í þeim leik skor-
aði hann hvert markið á fætur öðru
með þrumufleygum og var maður
leiksins. Sveinn átti flottan leik með
Haukaliðinu í fyrrakvöld þegar
Haukarnir lögðu Akureyringa og er
leikmaður 18. umferðar hjá Morg-
unblaðinu. Hann hefur á síðustu vik-
um komið æ meira við sögu í sókn-
arleik bikarmeistaranna og hefur
nýtt tækifærið vel.
„Við náðum svo sannarlega að
rífa okkur upp á rassgatinu eftir
ófarirnar á móti Gróttu í síðustu
viku. Það var nauðsynlegt í þessari
hörðu toppbaráttu. Menn voru langt
niðri eftir leikinn á móti Gróttu en
við tókum okkur saman í andlitinu.
Undirbúningurinn fyrir leikinn á
móti Akureyri hófst strax í klef-
anum úti á Nesi og það var allt ann-
að að sjá til liðsins. Við sýndum
hvað í okkur býr,“ sagði Sveinn við
Morgunblaðið.
Stöðugleikann hefur vantað
eftir áramótin
Gengi Haukanna eftir áramótin
hefur ekki verið neitt sérlega gott.
Liðið vann að vísu glæsilegan sigur í
bikarúrslitunum en Haukar hafa að-
eins unnið tvo af sex leikjum á árinu
í deildinni eftir að hafa verið nær
ósigrandi fyrir áramót.
„Það sem einkenndi liðið fyrir
áramótin var mikill stöðugleiki. Við
áttum fáa lélega leiki og vorum jafn-
ir en eftir áramótin hefur stöð-
ugleikann vantað. Ef við erum ekki
tilbúnir og 100% einbeittir töpum
við en vonandi erum við komnir á
rétta braut. Fyrsta skrefið er að
komast í úrslitakeppnina og síðan
að tryggja okkur heimaleikjarétt-
inn. Við eigum þrjá mjög erfiða leiki
eftir og ef allt gengur upp verðum
við deildarmeistarar en við getum
ekki leyft okkur annað en að hugsa
um næsta leik, sem er á móti HK,“
sagði Sveinn en auk þess að mæta
HK á útivelli eiga Haukar eftir að
taka á móti Aftureldingu og FH.
„Leikurinn við FH gæti orðið
hreinn úrslitaleikur um deild-
armeistaratitilinn og það væri gam-
an að fá slíkan leik. Full höll og al-
vörustemning.“
Hef bara notið þess
Sveinn, sem er 25 ára gamall, er á
öðru ári hjá Haukunum en hann
kom til liðsins frá Víkingi. Á síðustu
leiktíð kom hann mest við sögu í
varnarleik liðsins en á þessu tíma-
bili, og þá sérstaklega seinni part-
inn, hefur hann fengið fleiri tæki-
færi í sóknarleiknum og ekki er
hægt að segja annað en hann hafi
nýtt það vel.
„Aron hefur aðeins breytt upp-
stillingunni á byrjunarliðinu í sókn-
inni. Ég hef fengið að spila mikið í
sókn í síðustu leikjum og hef bara
notið þess. Ég fagna því að fá aukna
ábyrgð í sókninni. Ég er alveg með
skýr skilaboð frá Aroni að skjóta á
markið þegar ég er inná og ég reyni
að nýta mér það,“ segir Sveinn, sem
þykir hafa töluvert óvenjulegan
skotstíl.
„Menn höfðu áhyggjur af því þeg-
ar ég var í yngri flokkunum að ég
færi alveg með öxlina. Ég meiddist í
öxlinni í fyrra sem kom í veg fyrir
að ég spilaði meira en það var nú
bara vegna þess að það var rifið aft-
an í mig.“
Lífið er handbolti og íþróttir
Sveinn er íþróttafræðingur að
mennt og vonast til að ljúka mast-
ersnámi í vor. Hann starfar við
Borgarholtsskóla í Grafarvogi.
„Ég er að þjálfa afreksbraut í
Borgarholtsskóla sem Fjölnir er
óbeint aðili að og svo sinni ég þjálf-
un yngri flokkanna hjá Fjölni þar
sem ég er yfirþjálfari. Lífið er bara
handbolti og íþróttir hjá mér og mér
leiðist það svo sannarlega ekki.“
Í viðræðum við Hauka
Um framtíðarplönin segir Sveinn:
„Það er svolítið óráðið. Ég útskrif-
ast vonandi úr mastersnáminu í vor
og að óbreyttu verð ég áfram í
Haukum. Samningur minn við
Hauka klárast eftir tímabilið en við-
ræður um nýjan samning eru komn-
ar aðeins af stað. Auðvitað gælir
maður við að komast út en ég þyrfti
að fá ansi freistandi tilboð því ég hef
það svo fínt hérna heima og er
ánægður í starfi mínu og að spila
með Haukunum. Tímabilið í fyrra
hjá Haukum var óvenjulegt þar sem
liðið vann engan titil en núna eru
tveir komnir í hús og við erum ekki
hættir. Við stefnum á að vinna
deildarmeistaratitilinn og svo auð-
vitað þann stóra í vor,“ sagði
Sveinn.
Hef skýr skila-
boð um að
skjóta á markið
Sveinn Þorgeirsson hefur komið sterkur upp í sóknarleik
Haukanna Fagnar því að fá meiri ábyrgð í sókninni
Morgunblaðið/Golli
Skytta Sveinn Þorgeirsson hefur verið öflugur með Haukum í vetur.
Aron Rafn
Eðvarðsson
Haukum
Hjalti
Pálmason
FH
Róbert Aron
Hostert
Fram
Sveinn
Þorgeirsson
Haukum
Hversu oft leikmaður
hefur verið valinn í lið
umferðarinnar
2
Sveinbjörn Pétursson Akureyri 275
Hlynur Morthens Val 271
Daníel F. Andrésson FH 267
Lárus H. Ólafsson Gróttu 225
Magnús G. Erlendsson Fram 204
Davíð Hl. Svansson Aftureld.180
Björn Ingi Friðþjófsson HK 172
Aron Rafn Eðvarðsson Haukum 163
18. umferð í N1-deild karla 2011 - 2012
Lið umferðarinnarVarin skot
Brottvísanir / rauð spjöld
Markahæstir
Ingimundur
Ingimundarson
Fram
Atli Ævar
Ingólfsson
HK
Varnarmaður
Haukar 150 mín. 1
Afturelding 134 mín. 4
Akureyri 130 mín. 5
FH 126 mín. 2
Grótta 120 mín. 3
Fram 108 mín. 1
Valur 104 mín. 2
HK 102 mín. 2
Bjarni Fritzson Akureyri 138
Bjarki Már Elísson HK 133
Anton Rúnarsson Val 127
Ólafur B. Ragnarsson HK 104
Ólafur Gústafsson FH 100
Sturla Ásgeirsson Val 100
Gylfi Gylfason Haukum 95
Oddur Gretarsson Akureyri 92
Atli Ævar Ingólfsson HK 89
Þorgrímur S. Ólafsson Gróttu 82
Einar Rafn Eiðsson Fram 73
Finnur Ingi Stefánsson Val 69
Róbert Aron Hostert Fram 68
Stefán R. Sigurmannss. Haukum 68
Jóhann G. Jóhannesson Gróttu 64
Guðmundur H. Helgason Akureyri 63
Sverrir Hermannsson Aftureld. 63
Sveinn Aron
Sveinsson
Val
Bjarki Már
Elísson
HK
7 4 2
3
2
2
3
4
Guðmundur Hilmarsson
gummih@mbl.is
Brotið verður blað í sögu Fram í kvöld
en þá leikur meistaraflokkur liðsins í
knattspyrnunni sinn fyrsta leik á nýjum
gervigrasvelli í Úlfarsárdal þar sem
Framarar hafa verið að hreiðra um sig
en höfuðstöðvar félagsins eru sem fyrr í
Safamýrinni. Haukar, undir stjórn Ólafs
Jóhannessonar, fyrrverandi landsliðs-
þjálfara, verða fyrstu gestir Framara en
liðin eigast við í Lengjubikarnum.
„Okkur langar að prófa að spila á vell-
inum og Óli Jó er spenntur að finna
muninn á þessu grasi og öðru. Það er
enn nokkuð hrátt í kringum völlinn en
það eru komin flóðljós og verið að setja
upp girðingar svo ekkert kemur í veg
fyrir að spila nema ef veðrið verður ekki
til friðs,“ sagði Þorvaldur Örlygsson,
þjálfari Fram, við Morgunblaðið.
Þorvaldur segir að grasið sé af nýj-
ustu kynslóð gervigrass. „Völlurinn er
mjög mjúkur og skemmtilegur og hann
er mikil lyftistöng fyrir hverfið. Und-
irlagið er miklu mýkra og boltinn skopp-
ar öðruvísi en á þeim gervigrasvöllum
sem við höfum verið að spila á. Ég finn
mikinn mun en auðvitað verða svona
vellir aldrei eins og náttúrulegir gras-
vellir. Tíminn mun leiða í ljós hvort
starfsemi félagsins flyst alfarið þarna
upp eftir en það er mikið af krökkum og
unglingum á þessu svæði,“ sagði Þor-
valdur.
Þorvaldur segir að búið sé að sá í
grasvöll í svæðinu og þá sé kominn skúr
og búningsaðstaða.
Betra að vinna en tapa
Frömurum hefur gengið afar vel á
undirbúningstímabilinu og segja má að
þeir hafi haldið áfram á sömu braut og
þeir enduðu tímabilið í fyrra. Fram varð
Reykjavíkurmeistari með því að bursta
Íslands- og bikarmeistara KR, 5:0, í úr-
slitaleik og hefur unnið alla fjóra leiki
sína í Lengjubikarnum.
„Það er betra að vinna leiki en tapa og
skiptir þá engu hvaða árstími er. Þetta
hefur rúllað vel hjá okkur og menn hafa
haldið sama dampi og þeir enduðu tíma-
bilið í fyrra,“ sagði Þorvaldur.
Ljósmynd/Fram
Úlfarsárdalur Fram tekur á móti Haukum á nýjum slóðum.
Fram á nýjum heimavelli
Mætir Haukum í Úlfarsárdalnum í kvöld Langaði að prófa völlinn