Morgunblaðið - 16.04.2012, Qupperneq 2

Morgunblaðið/Golli
Met Jóhanna Gerða Gústafsdóttir setti Íslandsmet í 400 metra fjórsundi, bætti það um þrjár sekúndur, og er hér á fullri ferð á baksundssprettinum.
Eygló Ósk Gústafsdóttir, Jóhanna
Gerða Gústafsdóttir, Sarah Blake
Bateman og Sigrún Brá Sverris-
dóttir. Sveit SH setti Íslandsmet í
4x100 metra skriðsundi karla,
3:33,08 mínútur. Sveitin átti sjálf
fyrra metið, 3:34,64 mín. Sveitina
skipuðu Aron Örn Stefánsson, Orri
Freyr Guðmundsson, Árni Guðna-
son og Kolbeinn Hrafnkelsson.
Sarah fyrst undir mínútuna
Þessi sex met bættust við önnur
níu met sem sett voru fyrri keppn-
isdagana en á föstudaginn féllu þrjú
Íslandsmet. Sarah bætti eigið met í
100 metra flugsundi en hún fór þá
fyrst íslenskra kvenna undir mínútu
í greininni. Nýja metið er 59,93 sek-
úndur. Þá setti Eygló Ósk Gúst-
afsdóttir eitt af sjö Íslandsmetum
sínum, að þessu sinni í 100 metra
baksundi. Þá var hún í sveit Ægis
sem setti Íslandsmet í 4x100 metra
skriðsundi á tímanum 3:51,64 en það
var bæting um tæpar sex sekúndur.
Sveitina skipuðu auk Eyglóar: Jó-
hanna Gerða Gústafsdóttir, Sarah
Blake Bateman og Sigrún Brá
Sverrisdóttir.
Sundfólk úr Ægi var áberandi á
mótinu og nægir þar að nefna Söru
Blake Bateman, Anton Svein McKee
og Eygló Ósk Gústafsdóttur. Eygló
átti til að mynda afrek mótsins í 200
metra baksundi þegar hún synti á
nýju Íslandsmeti og undir Ólympíu-
lágmarki, eini íslenski sundmaður-
inn til að ná A-lágmarki. Fyrir það
sund hlaut hún bæði Forseta- og
Kolbrúnarbikarana. Þá hlaut Jakob
Jóhann Sveinsson bæði Pétursbik-
arinn og Sigurðarbikarinn.
Sá strax hversu
efnileg Eygló var
Þjálfari Eyglóar bindur miklar
vonir við hana sem og aðra sund-
menn hjá Ægi og á Íslandi. „Síðustu
tvö árin hefur hún lagt mikið á sig.
Sérstaklega á síðasta ári hefur hún
stefnt að því að komast á Ólympíu-
leikana. Til þess að komast þangað
vissi Eygló að hún þyrfti að leggja
hart að sér og æfa mjög vel og það
hefur hún gert,“ sagði Frakkinn
Jacky Pellerin. Hann benti jafn-
framt á að fyrir átta árum hefði tími
Eyglóar í 200 metra baksundinu
dugað henni til þess að verða heims-
meistari í greininni.
Spurður hvort hann hafi séð
möguleikana í Eygló þegar hann
kom hingað til að þjálfa fyrir fjórum
árum sagði Pellerin: „Að sjálfsögðu.
Ég sá það strax að í Ægi og á Íslandi
var mikill efniviður. Ég hef unnið
með þeim og er mjög ánægður að sjá
hversu vel hefur gengið hjá Eygló,
Antoni og Söruh, sem og öðrum.“
Spurður út í Ólympíuleikana og
möguleika Eyglóar sagði Pellerin:
„Nú er hún kominn í stóra heiminn,
með atvinnusundfólki. Þess vegna
þarf hún að æfa sem slíkur, það duga
engar afsakanir. Auðvitað er draum-
ur minn að Eygló nái í úrslit á leik-
unum og þá getur allt gerst.“
Vitum hvernig skal ná þangað
Pellerin sagði það vel raunhæft.
„Við komum til með að æfa með það
að markmiði. Ég þjálfaði sundmann
sem náði bronsverðlaunum á Ólymp-
íuleikunum fyrir 20 árum. Ég hef
þjálfað sundfólk sem hefur komist í
úrslit, þannig að við vitum hvernig
skal ná þangað. Nú er það í þeirra
höndum sem fara á leikana, hvort
þau vilji ná þangað, þó það kosti
nokkur tár og nokkur öskur á þjálf-
arann,“ sagði þessi viðkunnanlegi
Frakki með bros á vör.
Eygló Ósk getur náð í
úrslit á Ólympíuleikunum
 Svo segir þjálfari hennar  15 Íslandsmet féllu  Sundfólk úr Ægi áberandi
Í LAUGARDAL
Ólafur Már Þórisson
omt@mbl.is
Íslandsmeistaramótinu í sundi í 50
metra laug lauk í gær og bættust sex
Íslandsmet í safnið á lokadeginum
en mótið var haldið í Laugardals-
lauginni. Sarah Blake Bateman úr
Ægi setti tvö þeirra og átti þátt í því
þriðja.
Sarah setti met í 50 metra bak-
sundi, 29,00 sekúndur, en eldra met-
ið var 29,07 sekúndur. Jóhanna
Gerða Gústafsdóttir úr Ægi setti Ís-
landsmet í 400 metra fjórsundi,
4:57,46 mínútur. Hún bætti eldra
metið um tæpar þrjár sekúndur.
Sarah var aftur á ferð þegar hún
setti Íslandsmet í 50 metra flug-
sundi, 27,32 sekúndur. Eldra metið
var 27,41 sekúndur. Anton Sveinn
McKee úr Ægi sló eigið Íslandsmet í
400 metra fjórsundi um tæpar þrjár
sekúndur, synti á 4:23,64 mínútum.
Sveit Ægis setti Íslandsmet í
4x100 metra fjórsundi kvenna,
4:18,19 mínútur. Ægir átti fyrra
metið, sem var bætt um rúmar 8
sekúndur. Sveitina skipuðu þær
2 ÍÞRÓTTIR
MORGUNBLAÐIÐ MÁNUDAGUR 16. APRÍL 2012
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Víðir Sigurðsson, vs@mbl. is Auglýsingar sími 5691111 netfang augl@mbl. is Bréfsími 5691110 Prentun Landsprent ehf.
Pétur Eyþórsson úr Ármanni hafði
metnað og burði til að gyrðast
Grettisbeltinu í sjöunda skiptið á níu
árum þegar Glímumót Íslands fór
fram um helgina á Ísafirði. Þetta er
jafnframt fjórða árið í röð sem belt-
ið góða, sem er farandgripur, dvelur
hjá Pétri. Hann sagði að keppnin
hefði verið mikil að þessu sinni enda
ungir og efnilegir glímukappar að
vaxa úr grasi. „Ég verð að koma af
fullum krafti og má hvergi slaka á
til að halda beltinu. Enda þótt þessir
strákar séu flestir um tvítugt eru
þeir miklir að burðum,“ sagði Ís-
landsmeistarinn sem er fæddur árið
1978 og því töluvert eldri en keppi-
nautarnir.
Hann hefur nú jafnað Ingiberg
Jón Sigurðsson sem vann Grett-
isbeltið sjö sinnum á árunum 1996 til
2002. Pétur sagði það afar ánægju-
legt. „Það var alltaf takmarkið að
jafna hann í það minnsta og jafnvel
fara fram úr honum. Það er alltaf
gott að hafa þannig gulrót. Þegar
hann var upp á sitt besta var ég ung-
ur æfingafélagi hans. Maður sá
hann því sem fyrirmynd.“
Pétur segist verða að þakka Orra
Björnssyni fyrir undirbúninginn að
Íslandsmótinu. Honum hafði ekki
gengið vel í mótinu á undan og fékk
því Orra til að þjálfa sig fyrir mótið.
„Hann hjálpaði mér mikið og alltaf
þegar hann hefur hjálpað mér hef
ég unnið með fullu húsi,“ sagði
glímukóngurinn að lokum sem er
hvergi nærri hættur.
Marín Laufey Davíðsdóttir úr
HSK varði einnig titil sinn í Íslands-
glímunni. Hún vann, líkt og Pétur,
allar sínar viðureignir eða fimm
vinninga. Frekari úrslit má finna á
mbl.is. omt@mbl.is
Búinn að jafna átrúnaðargoðið
Ljósmynd/Benedikt Hermannsson
Meistarar Pétur Eyþórsson og Marín Laufey Davíðsdóttir með Grettis-
beltið og Freyjumenið í mótslok á Ísafirði á laugardaginn.
Katrín Ómars-dóttir skor-
aði annað marka
Kristianstad þeg-
ar liðið tapaði 5:2
fyrir Svíþjóð-
armeisturum
Malmö í Íslend-
ingaslag í sænsku
úrvalsdeildinni í
knattspyrnu í gær. Katrín jafnaði
metin í 2:2 í seinni hálfleiknum og
Kristianstad var sterkari aðilinn
framan af leiknum. Malmö komst yf-
ir á ný og skoraði tvívegis á lokakafl-
anum. Katrín og Sif Atladóttir fyr-
irliði léku allan leikinn með
Kristianstad og þær Sara Björk
Gunnarsdóttir og Þóra B. Helga-
dóttir léku allan leikinn með Malmö,
sem hefur nú fengið 6 stig úr fyrstu
tveimur leikjunum.
  
Vonir íslenska stúlknalandsliðsinsí knattspyrnu um að komast í
undanúrslit Evrópumótsins dvínuðu
í gær þegar það tapaði, 0:1, fyrir
Sviss í milliriðlinum i Ieper í Belgíu.
Riðillinn er þó galopinn því England
vann Belgíu, 1:0. Fyrir lokaumferð-
ina á miðvikudag er Sviss með 4 stig,
Ísland 3, England 3 og Belgía 1 stig.
Ísland leikur við Belgíu og þarf að
vinna þann leik og treysta á að Sviss
vinni ekki Englandi. Takist það, fer
Þorlákur Már Árnason þjálfari með
liðið í fjögurra liða úrslit á EM ann-
að árið í röð.
  
Ítalski fótbolta-heimurinn
lamaðist al-
gjörlega á laug-
ardaginn þegar
Piermanio Mo-
rosini, leikmaður
B-deildarliðsins
Livorno, hneig
niður og lést í leik
liðsins við Pescara. Í framhaldi af
því var öllum leikjum helginnar í A-
deildinni frestað. Morosini var 25
ára gamall og liðsmaður A-deildar-
liðsins Udinese en var í láni hjá Li-
vorno. Hann lék áður með ítalska 21-
árs landsliðinu.
  
Björn Bergmann Sigurðarsonfékk mikið hrós fyrir frammi-
stöðu sína með Lilleström eftir að
liðið gerði jafntefli, 1:1, við Våle-
renga í norsku úrvalsdeildinni í
knattspyrnu í gærkvöld. Magnus
Haglund, þjálfari Lilleström, sagði
við VG að Björn minnti sig á Zlatan
Ibrahimovic, þann fræga Svía. Hann
væri með sömu hráu hæfileikana og
Zlatan hefði sýnt á svipuðum aldri:
fljótur, sterkur og jafnvígur á báða
fætur.
Flestir fjölmiðlar voru á því að
Björn hefði átt að fá vítaspyrnu í
fyrri hálfleik þegar markvörður
Vålerenga virtist brjóta á honum.
Björn sagði við VG að hann hefði al-
gjörlega verið rændur marktæki-
færi og það hefði verið svekkjandi að
fá ekki vítaspyrnu.
Fólk sport@mbl.is