Morgunblaðið - 09.07.2012, Blaðsíða 12
12 FRÉTTIRInnlent
MORGUNBLAÐIÐ MÁNUDAGUR 9. JÚLÍ 2012
Texti: Ingveldur Geirsdóttir
Ljósmyndir: Styrmir Kári
Í Auðsholtshjáleigu í Ölfusi tekur
Kristbjörg Eyvindsdóttir á móti
blaðamanni og ljósmyndara. Hún er
sólbrún og sæl eftir vel heppnað
landsmót. Úti á túni er nýslegnu
grasi snúið og úti í móa eru hestar
reknir á fjórhjóli. „Það er verið að
koma skikki á allt eftir mótið. Við er-
um í heyskap og það er verið að taka
á móti hryssum undir stóðhestana,
nú fara þeir að vinna vinnuna sína. Þá
þarf að koma þeim hrossum sem eru
búin að hafa það náðugt í stand og
svo hefur aðeins verið að koma af út-
lendingum að skoða hross,“ segir
Kristbjörg.
Mörg hrossabú höfðu opið hús í
vikunni eftir landsmót, með það að-
allega í huga að ná til erlendra gesta
mótsins áður en þeir héldu heim á
leið aftur. Auðsholtshjálega var með
kynningarbás á landsmótinu, þar
sem útflutningur á hrossum var
kynntur, ræktun búsins og söluhross.
Kristbjörg segir básinn tölvert hafa
verið skoðaðan, þá hafi útlendingar
boðað heimsókn á búið eftir landsmót
og sumir ætli að koma aftur í haust
eða hafa samband á netinu. „Útlend-
ingar nýta tækifærið þegar þeir eru á
landinu til að leita sér að hestum til
kaups, en þeir eru líka að skoða
hvaða stóðhesta þeir vilja halda und-
ir. Salan er alltaf í gangi og hrossin
reytast út. Þetta tekur oft tíma og
salan er kannski ekki í höfn fyrr en
eftir læknisskoðun. Það er augljóst
að svona mót hleypir lífi í hesta-
mennskuna, fólk fer að klæja í fing-
urna að fá góð hross.“
Fimmtán folöld á vori
Kristbjörg býður upp á kaffi og
snúð í kaffistofunni í hesthúsinu.
Myndir af gæðingunum frá Auðs-
holtshjálegu prýða veggina auk verð-
launagripa. Nokkur hross eru inni í
stíum, aðallega stóðhestar sem eru á
leiðinni í merastóðið sitt.
Fimmtán folöld fæðast í Auðs-
holtshjáleigu hvert vor, hrossin eru í
heildina um hundrað talsins. „Við
reynum að vinna vel úr því sem við
erum með og seljum mest það sem er
frá okkur. Við teljum mikilvægt að
hafa góða yfirsýn yfir hrossahópinn
og því viljum við ekki hafa þetta
stærra,“ segir Kristbjörg.
Þau voru með fimmtán hross á
landsmótinu núna og þeim fylgdu um
sex manneskjur. Síðasta vetur voru
fjórir í vinnu við að temja og ríða út.
Kristbjörg og systir hennar eru alltaf
tvær á skrifstofunni og sjá um út-
flutninginn. Utanumhaldið er mikið á
stóru hestabúi.
Þægilegasta aðstaðan
Umræðan um landsmótið heldur
áfram. Kristbjörg segir að það hafi
verið áberandi meira af útlendingum
á þessu landsmóti en í Skagafirðinum
í fyrra. „Þeir voru margir búnir að
plana með löngum fyrirvara að koma
á þetta mót. Reykjavík er drauma-
staður fyrir útlendinga, þar er hægt
að fá góða gistingu, fara í ferðir og út
að borða.“
Nokkuð hefur verið rætt um hvar
eigi að halda Landsmót hestamanna,
staðirnir eru nú þrír; Vind-
heimamelar í Skagafirði, Gaddstaða-
flatir við Hellu og Víðidalurinn í
Reykjavík. Kristbjörg segir að eftir
þetta mót vilji hún alltaf hafa lands-
mótið í Reykjavík. „Þetta er svæði
sem er í notkun allan ársins hring.
Þarna er langþægilegasta aðstaðan
fyrir knapana og aðstandendur hest-
anna. Það er mikið öryggi fyrir þá
sem eru með hesta að geta haft þá í
húsum og losna við vinnuna og kostn-
aðinn við að keyra hestana fram og til
baka. Hvar best er að halda landsmót
þarf nú að skoða vel frá grunni og út
frá hagkvæmni.“
Í þessum töluðu orðum kemur
Gunnar Arnarson inn í kaffistofuna.
Hann er mjög ánægður með mótið í
Reykjavík og er sammála konu sinni
um að þar ætti alltaf að halda lands-
mótin. „Ef maður er búinn að venjast
einhverju sem er ofboðslega gott er
erfitt að sætta sig við eitthvað verra.
Hin sveitarfélögin verða þá að bjóða
upp á sambærilega aðstöðu og
Reykjavík býður upp á. Næsta mót
verður á Hellu, þá fer það norður og
svo aftur til Reykjavíkur. Næstu sex
ár eru ákveðin og menn eiga að nota
þann tíma til að hugsa og fara í gegn-
um það hvernig þeir sjá landsmót ná-
kvæmlega verða í framtíðinni.“
Mikil og góð hvatning
Heimsmeistaramót íslenska hests-
ins fer fram í Berlín í Þýskalandi á
næsta ári. Kristbjörg segir að fjöl-
skyldan stefni þangað og býst við að
margir Íslendingar haldi út. „Fólk er
þegar farið að bóka sig út. Ég held að
það verði sprengja í því hvað margir
mæta þangað.“
Nú er glæsilegu landsmóti lokið,
glæsilegasta heimsmeistaramót ís-
lenska hestsins verður líklega haldið
á næsta ári, býst hún við mikilli upp-
sveiflu í vinsældum og sölu íslenska
hestsins í kjölfarið á þessum tveimur
stóru viðburðum? „Maður veit það
aldrei fyrir, en ég er viss um að það
verður mikil og góð hvatning,“ segir
Kristbjörg að lokum.
Lífið að loknu landsmóti
Auðsholtshjáleiga Gunnar Arnarson og Kristbjörg Eyvindsdóttir með 6 vetra hryssuna Virðingu sem er í hvíld eftir að hafa sýnt sitt besta á landsmótinu.
Glæsihross Frá ræktunarbússýningu Auðsholtshjáleigu á Landsmóti hesta-
manna 2012. Búið var með fimmtán hross á mótinu þetta árið.
Lífið var að komast á rétt
ról hjá þeim hestamönn-
um á Suðurlandi sem
Morgunblaðið sótti heim í
liðinni viku. Landmóti
hestamanna lauk sunnu-
daginn 1. júlí og heima
biðu ýmis verk sem setið
höfðu á hakanum lands-
mótsvikuna. Sumir voru
að byrja í heyskap, aðrir
að sæða merar og svo
þarf að sinna þeim hest-
um sem biðu í haganum
heima á meðan gæðing-
arnir á bænum sýndu sig
á landsmóti.
Við tökum vel á móti þér