Morgunblaðið - 27.07.2012, Blaðsíða 11

ingjar og fleiri bætast við eru þátt-
takendur við Úlfljótsvatn frá hálfs
árs til að nálgast 100 ára.
Víkingar, mýrarbolti og
gönguferðir
Yfirskrift mótsins í ár er ævin-
týrið heldur áfram sem vísar til 100
ára sögu skátastarfsins og þess upp-
gangs sem orðið hefur í starfinu á
undanförnum árum. Fjögur dag-
skráþemu ráða ríkjum á mótinu og
hafa sérstök torg verið sett upp í
tengslum við þau. Í torginu Álfar og
tröll fara krakkarnir í gönguferðir
allt frá klukkutíma upp í sólarhring,
hjólaferðir og fleira. Í Orku jarðar
eru íþróttir í fyrirrúmi og fleira til að
fá útrás fyrir orkuna innra með sér
auk þess sem horft er til orku jarðar
og vísinda. Innan þessa torgs hefur
mýrarbolti slegið í gegn og klifur-
turninn sem skátar hafa klifið ótal
sinnum. Í Á víkingaslóð kynna
krakkarnir sér lifnaðarhætti forfeðra
okkar og hafa eldað lambaskrokkana
yfir eldi auk þess að vinna með ull,
leður og tré. Fjórða torgið kallast
Leiktu þitt lag og þar gefast tækifæri
til að syngja, dansa og hanna föt svo
fátt eitt sé nefnt. Kallast þemun vel á
við þá hugmynd í skátastarfi að það
sé fjölbreytt og að flestir geti fundið
eitthvað við sitt hæfi.
Fjölskyldubúðir fyrir alla
„Margt er í boði innan skáta-
starfsins og fólk getur valið sína leið í
gegnum starfið. Fyrst og fremst er
þetta frábær félagsskapur og mjög
fræðandi starf. Útilegurnar og kvöld-
vökurnar krydda síðan starfið og á
móti sem þessu gefst frábært tæki-
færi fyrir áhugasama að koma og
heimsækja okkur til að kynna sér
starfið,“ segir Gunnlaugur Bragi. En
fjölskyldubúðirnar eru opnar fyrir
alla og verður á stóra sviðinu útiball á
föstudagskvöldið þar sem Ingó og
Veðurguðirnir halda uppi fjörinu.
Laugardagurinn verður helgaður
100 ára afmæli skátahreyfingarinnar
en um kvöldið verður hátíðar kvöld-
vaka og slit í framhaldinu.
Friðarþing og sýningar
Saga skátastarfsins hefur varð-
veist vel og er nú sýning á skáta-
munum á Árbæjarsafninu og ljós-
mynda- og minjasýning í
Ljósafossstöð nálægt Úlfljótsvatni.
Þá kemur fyrra bindi sögu um skát-
ana á Íslandi sem nær til 1941 þegar
skátar fengu svæðið á Úlfljótsvatni.
„Það er búið að draga fram ótrú-
legustu hluti og við búum vel að því
að eiga safnara í okkar röðum sem
hafa haldið þessu til haga,“ segir
Gunnlaugur Bragi.
Þá er framundan hjá skátunum
skátaveröld í Hljómskálagarðinum á
menningarnótt og alþjóðlegt friðar-
þing í Hörpu um miðjan október með
erlendum gestafyrirlesurum frá
ýmsum löndum.
Morgunblaðið/Eggert
Vatnsbyssuslagur Þessir ungu menn ákváðu að kæla sig niður og vopnast vatnsbyssum.
Fjör Þessi hópur var á röltinu og eflaust á leið að gera eitthvað skemmtilegt enda nóg um að vera.
Matarröð Glaðar Kópastúlkur.
DAGLEGT LÍF 11
MORGUNBLAÐIÐ FÖSTUDAGUR 27. JÚLÍ 2012
w w w . o p t i c a l s t u d i o . i sNÝTT RAY-BAN FOLDING AVIATOR
TE
G
:L
IN
D
B
E
R
G
SP
IR
IT
TEG: RAY•BAN
OPTICAL STUDIO
FRÍHÖFN LEIFSSTÖÐ
Verslaðu á hagstæðara verði
í okkar fullbúnu gleraugnaverslun
á fríhafnarsvæðinu í Leifsstöð
Á L E I Ð T I L Ú T L A N D A