Morgunblaðið - 12.11.2012, Page 15

Stilling hf. | Sími 520 8000 | www.stilling.is | stilling@stilling.is
Boddýhlutir
í bíla
FRÉTTIR 15Erlent
MORGUNBLAÐIÐ MÁNUDAGUR 12. NÓVEMBER 2012
Guðrún Sóley Gestsdóttir
gudrunsoley@mbl.is
George Entwistle, útvarpsstjóri
Breska ríkisútvarpsins, BBC, til-
kynnti í fyrrakvöld afsögn sína eftir
aðeins 54 daga í starfi. Afsögnin
kemur í kjölfar tveggja hneykslis-
mála sem bæði tengjast kynferðis-
brotum gegn börnum.
Entwistle las upp tilkynningu
sína fyrir utan höfuðstöðvar BBC í
London og í henni kom fram að út-
varpsstjóranum þætti heiðarlegast
að segja starfi sínu lausu eftir það
sem á undan hefði gengið. „Það hef-
ur verið mikill heiður að fá að gegna
starfi útvarpsstjóra BBC, þó svo að
starfstími minn hafi verið stuttur og
að ég hafi sinnt starfinu í afar krefj-
andi kringumstæðum,“ sagði Entw-
istle.
Vinsæll barnaþáttastjórnandi
Annars vegar er um að ræða mál
hins þekkta sjónvarpsmanns,
Jimmy Savile, fyrrum starfsmanns
BBC, en stofnunin hefur legið undir
ámæli fyrir að hætta við sýningu á
þætti um kynferðisbrot hans gegn
börnum. Savile lést í fyrra en hann
var meðal annars kynnir sjónvarps-
þáttanna Jim’ll Fix It og Top of the
Pops sem voru sýndir um árabil á
BBC og nutu mikilla vinsælda.
Hins vegar er um að ræða ásökun
sem fram kom í fréttaskýringar-
þættinum Newsnight nýlega þess
efnis að hátt settur stjórnmálamað-
ur hefði vanið komur sínar á barna-
heimili í Wales og brotið gegn börn-
um. Í kjölfarið var lávarðurinn
McAlpine nafngreindur í þætti
Newsnight. McAlpine hefur neitað
sök og engar sannanir liggja fyrir
um sannleiksgildi ásakananna.
Vegna mikillar óánægju og fjölda-
kvartana sáu forsvarsmenn BBC sig
knúna til að biðjast afsökunar fyrir
hönd þáttastjórnenda Newnight
fyrir að hafa bendlað McAlpine
ranglega við málið.
Samkvæmt því sem fram kemur á
vef fréttastofunnar AFP hefur
stjórnarformaður BBC kallað eftir
róttækum breytingum í starfshátt-
um og skipulagi stofnunarinnar í
kjölfar uppsagnar Entwistle. „Þörf
er á stórtækri yfirhalningu innan
BBC og verður hún að eiga sér stað
án tafar,“ sagði stjórnarformaður-
inn, Chris Patten, í samtali við fjöl-
miðla í gær. Hann bætti við að hann
myndi þó ekki segja af sér í kjölfar
hneykslismálanna.
Upplausn er sögð ríkja í höfuð-
stöðvum BBC og reyna yfirmenn að
endurvekja traust á fréttaflutningi
fjölmiðilsins sem átt hefur í vök að
verjast undanfarnar vikur.
Útvarps-
stjóri BBC
segir af sér
AFP
Axlar ábyrgð Entwistle sagði upp í
kjölfar tveggja hneykslismála.
 Hneyksli skekur breska ríkisútvarpið
BBC í krísu
» Entwistle tolldi aðeins 54
daga í starfi, en hann segir af
sér í kjölfar tveggja hneyksl-
ismála.
» Fréttastofa BBC keppist við
að reyna að endurheimta trú-
verðugleika sinn, sem beðið
hefur hnekki í kjölfar atburð-
anna
» Margir telja þörf á gagngerri
endurskoðun á rekstri og
skipulagi BBC
Guðrún Sóley Gestsdóttir
gudrunsoley@mbl.is
Gjaldþrot blasir við flugfélaginu SAS
samkvæmt fregnum norrænna fjöl-
miðla í gær.
Sænsk yfirvöld funda nú með for-
svarsmönnum fyrirtækisins til þess
að leita leiða til áframhaldandi rekst-
urs. Hlutabréf í fyrirtækinu hafa
hrunið í verði frá því að fréttir af yf-
irvofandi gjaldþroti spurðust út í
gærmorgun. Staðfestu þær þrálátan
orðróm um að rekstur SAS hefði ver-
ið á heljarþröm að undanförnu. Þær
fregnir fengu byr undir báða vængi
eftir að flugfélagið frestaði birtingu
ársfjórðungsuppgjörs síðastliðinn
mánudag.
Samkvæmt því sem fram kemur á
vef fréttastofunnar AFP fara sænsk
stjórnvöld nú yfir málið með forsvars-
mönnum flugfélagsins til að meta þau
áhrif sem gjaldþrot gæti haft. Talið er
að félagið þurfi 4,7 milljarða sænskra
króna til að komast hjá gjaldþroti.
Að sögn sænska dagblaðsins Da-
gens Nyheter stendur endurskipu-
lagning flugfélagsins yfir og hefur
starfsmönnum fyrirtækisins verið til-
kynnt að til að hægt eigi að vera að
bjarga rekstrinum verði þeir að sætta
sig við launalækkun, yfirvinnubann
og stytt frí eða missa að öðrum kosti
vinnuna.
Flugfélagið hefur þurft að kljást
við mikla rekstrarörðugleika undan-
farin ár en há laun, lífeyrisgreiðslur
og gamall flugfloti eru talin megin-
ástæður þeirra.
Starfsfólk flugfélagsins hefur þeg-
ar tekið á sig launalækkun, en hún
átti sér stað árið 2010. Í dag starfa um
20 þúsund manns hjá flugfélaginu.
Skv. upplýsingum AFP hafa Dan-
mörk, Noregur og Svíþjóð sótt um
leyfi til Evrópusambandsins fyrir
lánaveitingu sem tryggja mun áfram-
haldandi rekstur félagsins. Ríkis-
stjórnir landanna þriggja eiga sam-
anlagt 50% hlut í fyrirtækinu. Vegna
þrýstings frá yfirvöldum í Stokkhólmi
hafa 5 af 6 stærstu bönkum landsins
samþykkt að víkja til hliðar lánum að
verðmæti 549 milljónum evra, gegn
því skilyrði að skuldirnar verði rík-
istryggðar.
SAS á barmi gjaldþrots
AFP
Brotlending Hlutabréf í SAS hrundu í kjölfar frétta um mögulegt gjald-
þrot. Framkvæmdastjóri SAS, Rickard Gustafson, er þögull um stöðu mála.
 Kalla eftir hjálp Norðurlandaþjóðanna  20.000 starfsmenn myndu missa vinnuna ef flugfélagið
verður gjaldþrota Stjórnvöld Svíþjóðar, Danmerkur og Noregs eiga 50% hlutafjár fyrirtækisins
Norðurlöndin til bjargar?
» SAS á barmi gjaldþrots eftir
langvarandi rekstrarvanda.
» Stjórnvöld Danmerkur, Nor-
egs og Sviþjóðar hafa sóst eft-
ir samþykki Evrópusambands-
ins fyrir lánum sem gera
áframhaldandi rekstur SAS
mögulegan
» Talið er að félagið þurfi 4,7
milljarða sænskra króna til að
komast hjá gjaldþroti.
Nýlegum árásum
á Ísrael verður
mætt með meiri
hörku en gert
hefur verið síð-
ustu misseri.
Þetta sagði Ben-
jamin Net-
anyahu, forsætis-
ráðherra Ísrael á
blaðamanna-
fundi í gær. Var-
aði hann Palestínumenn við því að
árásum á landið yrði svarað af
fullri hörku. Hörð átök hafa nú
geisað í um sólarhring á landamær-
um Gazastrandarinnar en þau hóf-
ust þegar palestínskir uppreisn-
armenn sprengdu ísraelskan
herjeppa austur af Gazaborg að-
faranótt sunnudags. Í sprenging-
unni slösuðust 4 ísraelskir her-
menn, þar af einn lífshættulega.
Ísraelar hófu loftárásir vegna
þessa og létust 6 Palestínumenn í
þeim, 4 almennir borgarar og 2
uppreisnarmenn. Ísraelski herinn
segir að minnst 36 flugskeytum hafi
verið skotið frá Gaza. Netanyahu
sagði jafnframt að her sinn væri að
berjast gegn hryðjuverka-
samtökum á Gazaströndinni.
Mæta árásum
Palestínumanna af
aukinni hörku
Benjamin
Netanyahu
ÍSRAEL
Niðurstöður for-
kosninga í Slóv-
eníu tóku óvænta
stefnu í gær þeg-
ar í ljós kom að
sitjandi forseti
landsins, Danilo
Turk, hlaut ekki
flest atkvæði í
fyrri umferð for-
setakosninga, en
skoðanakannanir höfðu einróma
spáð því að Turk myndi fá flest at-
kvæði. Fram kemur á vef frétta-
stofunnar AFP að 97% atkvæða
hafi nú verið talin. Hlaut Turk 36%
atkvæða en fyrrverandi forsætis-
ráðherra Slóveníu, Borut Pahor
40%. Þriðji í röðinni var Milan Zver
með 24%. Síðari umferð kosning-
anna fer fram 2. desember næst-
komandi á milli Turk og Pahor.
Turk sagði í samtali við blaðamenn
að hann væri öruggur um sigur í
seinni umferðinni og kenndi slakri
kjörsókn um úrslit þeirrar fyrri.
Óvænt úrslit
forkosninga
Danilo Turk
SLÓVENÍA