Morgunblaðið - 23.01.2013, Blaðsíða 2

HANDBOLTI
Ívar Benediktsson
iben@mbl.is
„Það er alltaf gaman að fá góðar við-
urkenningar, ekki síst þegar þær
koma manni á óvart,“ sagði Guðný
Jenný Ásmundsdóttir, markvörður
Vals og íslenska landsliðsins, í hand-
knattleik, sem valin var í gær besti
leikmaður fyrri hluta úrvalsdeild-
arinnar, N1-deildarinnar í handknatt-
leik.
Jenný, eins og hún er alltaf kölluð,
hefur verið traust í marki Valsliðsins
sem er efst og taplaust í deildinni það
sem af er.
Guðný Jenný segist ekki vera viss
um að leiktímabilið til þessa sé endi-
lega hennar besta en það hafi að
mörgu leyti verið erfitt og krefjandi
því í mörg horn hafi verið að líta.
„Landsliðið tók þátt í Evrópumeist-
aramótinu í byrjun desember og það
kostaði mikla vinnu. Síðan hefur verið
mikið að gera hjá Val. Þar af leiðandi
hefur verið meira að gera hjá fram til
þessa en stundum áður,“ segir Jenný
sem er þrítug tveggja barna móðir en
auk handknattleiksins þá vinnur hún
hjá Opnum kerfum.
„Þetta er ákveðið púsluspil en um
leið forréttindi að vera á fullri ferð á
fleiri en einum stað. Þess vegna ekki
síst þykir mér vænt um að fá við-
urkenningu af þessu tagi sem ég fékk
í dag,“ segir Jenný.
„Framundan er mikil vinna hjá
okkur í Val. Við ætlum okkur að vinna
alla titla sem í boði eru. Framundan
er lokaspretturinn í deildinni, bik-
arkeppnin og síðan úrslitakeppnin í
vor. Við í Valsliðinu verðum að vera
klárar í slaginn ef okkur á að takast að
vinna titla í þeim mótum sem fram-
undan eru. Það er alveg ljóst. Við
fengum að finna fyrir því gegn Gróttu
um síðustu helgi að það er enginn leik-
ur léttur,“ segir Jenný og bætir við að
hún merki miklar framfarir hjá
stórum hópi stúlkna og kvenna á síð-
ustu tveimur árum. Fyrir vikið megi
eiga vona á jafnari og skemmtilegri
keppni á lokaspretti N1-deildarinnar
á næstu vikum.
Var aldrei sátt við að hætta
Jenný byrjaði að æfa handknattleik
með Fjölni en fór síðan yfir í raðir ÍR-
inga. Þá lék hún um nokkurra ára
skeið með Haukum en fór síðan til
Noregs og lék þar í fjögur ár í næst-
efstu deild. Jenný var einn þriggja
markvarða U20 ára landsliðsins sem
tók þátt í lokakeppni HM í Kína í
kringum aldamótin. Eftir Nor-
egsdvölina tók Jenný sér hlé frá
keppni og eignaðist tvö börn, dreng
sem nú er sex ára og stúlku sem er
fjögurra ára.
„Ég var aldrei sátt við að hætta á
sínum tíma og langaði bæði og vildi
gera betur og ná lengra. Ég ákvað að
stíga skrefið eftir að hafa eignast dótt-
ur mína og byrja að æfa á nýjan leik.
Tilviljun ein réði því að ég fór í Val og
var varamarkvörður fyrsta veturinn,
þá var Berglind Íris Hansdóttir að-
almarkvörður. Hún fór út til Noregs
um vorið og í framhaldinu töluðu for-
ráðamenn Vals við mig og spurðu
hvort ég væri tilbúin að leggja það á
mig sem þyrfti til þess að vera að-
almarkvörður. Ég sló til til vorið 2011
eftir að hafa um veturinn verið vara-
markvörður,“ segir Jenný sem við-
urkennir að það hafi verið gríðarleg
vinna að koma sér aftur í svo gott leik-
form að geta tekið við stöðu Berg-
lindar.
Var ekki í nokkru formi
„Þegar ég byrjaði að æfa á ný 2010
var ég ekki í nokkru formi. En ég er
einstaklega þrjósk og þegar ég bít
eitthvað í mig þá er mér ekki svo auð-
veldlega snúið. Þá tóku við brjálaðar
æfingar með hlaupum, lyftingum og
fleiru sem nauðsynlegt var til þess að
hrista af sér spikið og koma sér í betra
stand. Það tókst að lokum með mikilli
vinnu, en vissulega slaka ég aldrei á.
Það er alltaf eitthvað sem ég þarf að
laga en ég reyndi að gera mitt besta
og gera mitt,“ segir Jenný sem kom af
fullum krafti fram á sjónarsviðið
haustið 2011, ekki bara sem að-
almarkvörður Vals heldur tók hún
sæti í íslenska landsliðinu um leið.
Hún var aðalmarkvörður Íslands á
HM í Brasilíu fyrir rúmu ári og aftur
á EM í Serbíu í desember. Jenný var
að margra mati besti leikmaður ís-
lenska landsliðsins á EM í Serbíu í
fyrri hálfum öðrum mánuði og svo
sannarlega besti markvörðurinn í N1-
deildinni.
„Segja má að undanfarin nærri tvö
ár hafi verið eitt öskubuskuævintýri
hjá mér. Það hefur verið gaman að
þessu öllum saman. Viðurkenningar
eins þessi sem ég fékk núna hvetja
mig síðan enn frekar til dáða,“ segir
Guðný Jenný Ásmundsdóttir, sem
stefnir ótrauð áfram að því að standa
vaktina í marki Vals og íslenska
landsliðsins á næstu mánuðum.
Eitt ösku-
buskuævin-
týri hjá mér
Morgunblaðið/Golli
Endurkoma Guðný Jenný Ásmundsdóttir lagði hart að sér til að komast aftur
í toppform í handboltanum og hefur uppskorið vel með Val og landsliðinu.
 Landsliðsmarkvörðurinn var hættur
 Ekki sátt, vildi gera betur og ná lengra
Guðný Jenný
Ásmundsdóttir
» Hún er þrítug og hefur verið
aðalmarkvörður Vals og íslenska
landsliðsins síðastliðið hálft
annað ár.
» Hún varð Íslandsmeistari með
Val vorið 2010, aftur 2011 og á
ný vorið 2012. Einnig bik-
armeistari á síðasta ári.
» Jenný var aðalmarkvörður ís-
lenska landsliðsins á HM 2011
og á EM 2012.
» Hún á tvö börn, sex ára dreng
og fjögurra ára stúlku.
2 ÍÞRÓTTIR
MORGUNBLAÐIÐ MIÐVIKUDAGUR 23. JANÚAR 2013
Fabio Capello, landsliðsþjálfari Rússa í knattspyrnu, tilkynnti í dag 26 manna
hóp fyrir vináttulandsleikinn gegn Íslandi sem fram fer á Marbella á Spáni 6.
febrúar.
Capello valdi ekki tvo leikmenn úr ensku úrvalsdeildinni, þá Andrei Arshavin
frá Arsenal og Pavel Pogrebnjak frá Reading, en þeir voru heldur ekki í síðasta
hópi hans fyrir áramótin.
Tveir nýliðar eru í hópnum, báðir leikmenn frá Terek Grozny, en það eru
miðjumaðurinn Oleg Ivanov og framherjinn Igor Lebedenko. Ivanov hefur áður
verið í hópnum, á EM 2008, án þess að spila.
Rússneska liðið er á mikilli siglingu undir stjórn Capellos og vann fyrstu fjóra
leiki sína í undankeppni HM í haust.
Hópurinn er þannig skipaður:
Markverðir:
Igor Akinfejev (CSKA Moskva), Anton Shunin (Dinamo Moskva), Vladimir
Gabulov (Anzhi)
Varnarmenn:
Alexander Anjukov (Zenit), Alexei Berezutskij (CSKA Moskva), Vasily Bere-
zutskij (CSKA Moskva), Sergei Ignashevich (CSKA Moskva), Kirill Nababkin
(CSKA Moskva), Andrei Jeshchenko (Anzhi), Vladimir Granat (Dinamo Moskva)
Miðjumenn:
Igor Denisov (Zenit), Roman Shirokov (Zenit), Vladimir Bistrov (Zenit), Viktor
Faizulin (Zenit), Alan Dzagojev (CSKA Moskva), Denis Glushakov (Lokomotiv
Moskva), Alexander Samedov (Lokomotiv Moskva), Dmitri Kombarov (Spartak
Moskva), Juri Zhirkov (Anzhi), Oleg Ivanov (Terek Grozny), Alexander Riaz-
antsev (Rubin Kazan)
Framherjar:
Alexander Kerzhakov (Zenit), Alexander Kokorin (Dinamo Moskva), Fjodor
Smolov (Anzhi), Igor Lebedenko (Terek Grozny), Maxim Grigorjev (Lokomotiv
Moskva)
Arshavin og Pogrebnjak ekki í náðinni hjá Cappello
Fótbolta.net-mót karla
A-DEILD, 1. riðill:
Stjarnan – Keflavík ................................. 2:3
Hörður Árnason, Atli Jóhannsson – Magn-
ús Sverrir Þorsteinsson, Hörður Sveins-
son, Jóhann Birnir Guðmundsson.
Staðan:
Keflavík 3 3 0 0 8:4 9
Selfoss 2 1 0 1 3:3 3
FH 2 1 0 1 3:4 3
Stjarnan 3 0 0 3 4:8 0
 Keflvíkingar unnu þar með riðil eitt í A-
deild með fullu húsi stiga. Þeir spila til úr-
slita við sigurliðið í riðli tvö en þar geta
Breiðablik, ÍA og ÍBV öll náð toppsætinu.
England
Deildabikar, undanúrslit, seinni leikur:
Aston Villa – Bradford City ................... 2:1
Christian Benteke 24., Andreas Weimann
89. – James Hanson 55.
 Bradford í úrslit, 4:3 samanlagt, og mæt-
ir Swansea eða Chelsea.
B-deild:
Blackburn – Brighton .............................. 1:1
Staða efstu liða:
Cardiff 28 19 3 6 50:30 60
Leicester 28 15 5 8 49:23 50
Hull 28 15 5 8 39:31 50
Cr. Palace 28 13 9 6 50:35 48
Middlesbro 28 15 2 11 47:39 47
Watford 27 14 4 9 53:37 46
Ítalía
Bikarkeppnin, undanúrslit, fyrri leikur:
Juventus – Lazio....................................... 1:1
Skotland
Celtic – Dundee United ........................... 4:0
 Efstu lið: Celtic 46, Inverness 37, Mot-
herwell 37, Hibernian 33, Aberdeen 31, St.
Johnstone 30, Dundee United 29.
KNATTSPYRNA
Símabikar kvenna
Bikarkeppni HSÍ, 16-liða úrslit:
Stjarnan – HK......................................... 32:34
Mörk Stjörnunnar: Jóna Margrét Ragnars-
dóttir 7, Esther Ragnarsdóttir 6, Rakel
Dögg Bragadóttir 6, Kristín Clausen 5, Þór-
hildur Gunnarsdóttir 4, Hanna Guðrún Stef-
ánsdóttir 3, Indíana Nanna Jóhannsdóttir 1.
Mörk HK: Brynja Magnúsdóttir 11, Val-
gerður Ýr Þorsteinsdóttir 8, Arna Björk Al-
marsdóttir 7, Emma Havin Sardarsdóttir 3,
Gerður Arinbjarnar 2, Jóna Sigríður Hall-
dórsdóttir 1, Sóley Ívarsdóttir 1, Nataly Sæ-
unn Valencia 1.
Haukar – Grótta ..................................... 22:24
Mörk Hauka: Karen Helga Díönudóttir 9,
Gunnhildur Pétursdóttir 5, Viktoría Valdi-
marsdóttir 3,
Ragnheiður Ragnarsdóttir 2, Agnes Ósk
Egilsdóttir 1, Áróra Eir Pálsdóttir 1, Herdís
Hallsdóttir 1.
Mörk Gróttu: Þórunn Friðriksdóttir 6, Eva
Björk Davíðsdóttir 5, Laufey Ásta Guð-
mundsdóttir 4, Harpa Baldursdóttir 4,
Sunna María Einarsdóttir 2, Arndís María
Erlingsdóttir 2, Tinna Laxdal Gautadóttir 1.
Danmörk
Tvis Holstebro – Randers ......................32:29
 Þórey Rósa Stefánsdóttir skoraði fjögur
mörk fyrir Holstebro. Rut Jónsdóttir og
Auður Jónsdóttir skoruðu ekki.
HANDBOLTI
KÖRFUKNATTLEIKUR
Úrvalsdeild kvenna, Dominos-deildin:
Grindavík: Grindavík – Snæfell........... 19.15
Toyotahöllin: Keflavík – Njarðvík ...... 19.15
Schenkerhöllin: Haukar – Valur ......... 19.15
DHL-höllin: KR – Fjölnir.................... 19.15
HANDKNATTLEIKUR
Bikarkeppni kvenna, Símabikarinn:
Fylkishöll: Fylkir – FH........................ 19.00
Grafarvogur: Fjölnir – Selfoss ............ 19.15
KNATTSPYRNA
Reykjavíkurmót karla:
Egilshöll: Fylkir – Fram........................... 19
Egilshöll: Leiknir R. – Víkingur R .......... 21
Í KVÖLD!
Forsetabikarinn
Leikur um 17. sæti og Forsetabikar:
Argentína – Alsír...................................23:29
Leikur um 19. sæti:
Katar – Sádi-Arabía ..............................29:29
 S-Arabía vann eftir vítakeppni.
Leikur um 21. sæti:
Svartfjallaland – Suður-Kórea.............27:30
Leikur um 23. sæti:
Síle – Ástralía........................................ 32:23
8-liða úrslit í dag
17.15 Rússland – Slóvenía
18.00 Spánn – Þýskaland
19.45 Danmörk – Ungverjaland
20.30 Frakkland – Króatía
HM Í HAND-
BOLTA 2013
MARKVÖRÐUR:
Guðný Jenný Ásmundsdóttir, Val
VINSTRA HORN:
Dagný Skúladóttir, Val
VINSTRI SKYTTA:
Stella Sigurðardóttir, Fram
MIÐJUMAÐUR:
Simona Vintila, ÍBV
HÆGRI SKYTTA:
Þorgerður Anna Atladóttir, Val
HÆGRA HORN:
Hanna Guðrún Stefánsdóttir,
Stjörnunni
LÍNUMAÐUR:
Elísabet Gunnarsdóttir, Fram
BESTI LEIKMAÐUR:
Guðný Jenný Ásmundsdóttir, Val
BESTI ÞJÁLFARINN:
Stefán Arnarson, Val
Úrvalslið deildarinnar
UPPGJÖR EFTIR FYRRI UMFERÐ N1-DEILDAR KVENNA
Morgunblaðið/Eggert
Bestur Stefán Arnarson er með
Valsliðið á toppnum.