Morgunblaðið - 25.02.2013, Blaðsíða 4
4 FRÉTTIRInnlent
MORGUNBLAÐIÐ MÁNUDAGUR 25. FEBRÚAR 2013
BAKSVIÐ
Baldur Arnarson
baldura@mbl.is
„Kæru vinir. Það er mikill heiður að
fá að leiða þennan flokk okkar, lang-
öflugasta og stærsta stjórnmála-
flokkinn á Íslandi, inn í þessar mikil-
vægu kosningar sem eru fram
undan. Fyrir þetta traust er ég
gríðarlega þakklátur hverju og einu
ykkar hér inni. Sjálfstæðisstefnan er
lifandi og hún þróast, þroskast með
okkur,“ sagði Bjarni Benediktsson,
formaður Sjálfstæðisflokksins, í
þakkarræðu í gær eftir að hann var
endurkjörinn formaður á landsfundi.
Greidd voru samtals 1.229 at-
kvæði í formannskjörinu og voru
auð og ógild atkvæði 39. Bjarni hlaut
939 atkvæði eða 78,9% gildra at-
kvæða.
Hanna Birna Kristjánsdóttir kom
næst með 224 atkvæði eða 18,8%
gildra atkvæða en hún var ekki í
framboði til formanns. Séra Halldór
Gunnarsson í Holti kom næstur með
19 atkvæði eða 1,6% gildra atkvæða
en hann bauð sig fram gegn Bjarna.
Aðrir fengu samtals 8 atkvæði.
Bönd sem ekkert fær slitið
Bjarni var fyrst kjörinn formaður
flokksins í mars 2009 en hann er nú
43 ára. Formaðurinn sleit landsfundi
með lokaræðu þar sem hann vék að
því sem sameinaði sjálfstæðismenn.
„Það stendur sem ég hef áður sagt
hér í þessum stól á fyrri fundum að
það tengja okkur sjálfstæðismenn
svo sterk hugsjónabönd að engar
kosningar, engin átök um málefni
eða menn geta slitið þau í sundur …
Við tökum með okkur ást okkar á ís-
lensku þjóðinni og öllu því sem okk-
ur er kærast. Við tökum líka með
okkur löngunina til þess að gera bet-
ur, létta byrðar þeirra sem þess
þurfa með og líka að ýta undir orku
og framtakssemi allra þeirra sem
eru tilbúnir til þess að leggja hönd á
plóg. Við erum hér með lausnir í
þágu heimilanna. Við vitum hvað
þarf að gera til að koma aftur krafti í
atvinnulífið og við ætlum að passa
upp á ríkisreksturinn þannig að
hann verði ekki áfram rekinn í halla
heldur að fjármunir okkar nýtist
sem allra best í þágu allra Íslend-
inga, okkar sameiginlegu fjár-
munir,“ sagði Bjarni en yfirskrift 41.
landsfundar Sjálfstæðisflokksins var
„í þágu heimilanna“.
Jafn margar konur og karlar
Bjarni vék að endurnýjun í
flokknum í ræðu í fyrradag og
hvernig kannanir bendi til að Sjálf-
stæðisflokkurinn fái 25 þingsæti í
kosningunum. Þar af verði 14 nýir
þingmenn, sjö karlar og jafn margar
konur. Til samanburðar sé engin ný-
liðun hjá Samfylkingunni eða VG en
sáralítil nýliðun hjá Framsókn.
Eftir formannskjörið fór fram
kjör til varaformanns flokksins.
Hanna Birna Kristjánsdóttir var
ein í framboði og hlaut um 95%
greiddra atkvæða. Alls voru 1.228
atkvæði greidd í kjörinu og voru
auðir og ógildir seðlar 49. Hlaut
Hanna Birna 1.120 atkvæði, aðrir 59.
Hanna Birna þakkaði gestum
landsfundar fyrir stuðninginn.
„Ég veit varla hvað ég á að segja.
Ég er hrikalega stolt og ofboðslega
þakklát fyrir þennan mikla og af-
dráttarlausa stuðning og þá miklu
vináttu og kraft sem ég finn á þess-
um fundi, sem ég held að skipti
Sjálfstæðisflokkinn miklu máli,
mjög miklu máli,“ sagði Hanna
Birna í þakkarræðu og óskaði
Bjarna til hamingju með formanns-
kjörið.
2. varaformaður endurkjörinn
Síðasta kjörið á landsfundinum í
gær var kjör til 2. varaformanns.
Kristján Þór Júlíusson, þingmað-
ur Sjálfstæðisflokksins, og Aldís
Hafsteinsdóttir, bæjarstjóri í
Hveragerði, voru í framboði en
Kristán Þór var sitjandi 2. varafor-
maður flokksins. Samtals voru
greidd 1.208 atkvæði og voru auðir
eða ógildir seðlar 21. Gild atkvæði
voru 1.187 og fékk Kristján Þór 695
atkvæði, eða 58,6% gildra atkvæða,
og Aldís 489 atkvæði, eða 41,2% at-
kvæða. Aðrir fengu 3 atkvæði.
„Ágætu félagar, kæru vinir. Fyrst
af öllu vil ég þakka það traust sem
þið sýnið mér til þess að gegna
þessu embætti, til að takast á við
þær skyldur og þá ábyrgð sem þessu
fylgir. Ég hlakka til að vinna með
ykkur og ég hlakka til að vinna fyrir
ykkur og í mér brennur þrá eftir því
að fá að ganga til átaka á komandi
vori á grundvelli pólitíkur en ekki
persónulegra árása á einstaka for-
ystumenn Sjálfstæðisflokksins,“
sagði Kristján Þór og þakkaði Aldísi
mótframboðið. Stóðu þá fundar-
gestir upp og klöppuðu fyrir Aldísi.
Bjarni endurkjörinn formaður
Hlaut 78,9% gildra atkvæða á landsfundi Boðar lausnir fyrir heimilin komist flokkurinn til valda
Hanna Birna með yfirburðakosningu í varaformannssætið Kristján Þór áfram 2. varaformaður
Morgunblaðið/Ómar
Í Laugardalshöll Fjölmenni var á landsfundi Sjálfstæðisflokksins um helgina. Þetta var 41. landsfundur Sjálfstæðisflokksins sem var stofnaður 1929.
Morgunblaðið/Ómar
Forystan Hanna Birna Kristjánsdóttir, varaformaður, Bjarni Benediktsson,
formaður, og Kristján Þór Júlíusson, 2. varaformaður, þakka stuðninginn.
Tómas Ingi Olrich var einn karla
kjörinn formaður nefndar á
landsfundi, nánar tiltekið utan-
ríkismálanefndar með 575 at-
kvæðum. Áslaug María Friðriks-
dóttir var kosin form. allsherjar-
og menntanefndar með 579
atkv. Þá var Bryndís Haralds-
dóttir kjörin form. atvinnuvega-
nefndar með 539 atkvæðum og
Karen Elísabet Halldórsdóttir
kosin form. efnahags- og við-
skiptanefndar með 522 atkv.
Þá var Erla Ósk Ásgeirsdóttir
kosin formaður fjárlaganefndar
með 703 atkv. Ennfremur var
Katrín Helga Hallgrímsdóttir
kosin formaður stjórnskipunar-
og eftirlitsnefndar með 649
atkv. og Margrét Björnsdóttir
var kjörin formaður umhverfis-
og samgöngunefndar með 488
atkv. og Kristín Heimisdóttir
kosin formaður velferðar-
nefndar með 377 atkv.
Konur taka
yfir nefndir
MIKIL SÓKN KVENNA
Tvær ályktanir vöktu mesta athygli á lands-
fundi Sjálfstæðisflokksins.
Annars vegar ályktun utanríkismálanefndar
um að viðræðum við Evrópusambandið skuli
hætt og þær ekki hafnar að nýju nema með
samþykki þjóðarinnar í þjóðaratkvæða-
greiðslu. Það þjóni hagsmunum Íslands betur
að standa utan ESB. Gekk hún lengra en
ályktun utanríkismálanefndar á landsfundi
Sjálfstæðisflokksins haustið 2011 þegar nefnd-
armenn ályktuðu að það bæri að gera hlé á við-
ræðunum og þær ekki hafnar á ný nema með
undangengnu samþykki þjóðarinnar. Hags-
munum Íslands sé betur borgið utan ESB.
Bjarni Benediktsson, formaður Sjálfstæðis-
flokksins, steig í pontu þegar ályktunin var til
umræðu á laugardag og sagðist þá skilja hana
svo að ekki yrði efnt til þjóðaratkvæðagreiðslu
um að hefja viðræður á ný nema til þess væri
skýr meirhlutavilji hjá þjóðinni. Það gæti til
dæmis gerst með því að í alþingiskosningum
ynnu tveir flokkar sem hefðu skýra stefnu um
að ganga í ESB. Slíkt væri skýr kosningasigur
þeirrar stefnu sem gæfi þeim flokkum skýrt
umboð til að hefja viðræður, að fengnu sam-
þykki þjóðarinnar. „Hvað þýðir það að gera
hlé? Ég hef ávallt skilið það svo að það væri
hlé eins og aðrar þjóðir hafa gert, [að það sé] í
raun og veru að stöðva viðræðurnar.“
Ályktað um skuldavanda heimilanna
Þá var ályktað að landsfundur „mótmæli
íhlutun sendiherra Evrópusambandsins á Ís-
landi [þ.e. Timo Summa] í stjórnmálaumræðu
þjóðarinnar“. ESB skuli gert að loka Evrópu-
stofu, kynningarstofu sambandsins hér.
Hin ályktunin sem mesta athygli vakti varð-
aði skuldavanda heimilanna en fram kom til-
laga í efnahags- og viðskiptanefnd um niður-
færslu á höfuðstól verðtryggðra og
gengistryggðra lána. Er vikið að húsnæðis-
málunum í samþykktri ályktun nefndarinnar.
„Sjálfstæðisflokkurinn leggur áherslu á að
forgangsverkefni nýrrar ríkisstjórnar á fyrsta
starfsári verði markviss og tímasett áætlun
um að verðtryggð húsnæðis- og neytendalán
verði ekki almenn regla líkt og verið hefur.“
Var því hafnað að fara í almennar afskriftir
á verðtryggðum og gengistryggðum lánum.
Loks má nefna tillögu sem borin var upp á
laugardag um að við lagasetningu á Íslandi
skuli ávallt taka mið af kristnum gildum og
hefðum þegar það á við. Var tillagan sam-
þykkt. Leitað var afbrigða til að kjósa um
hana í gær og var hún þá felld með yfirburð-
um.
Viðræður við ESB
verði stöðvaðar
Morgunblaðið/Ómar
Tvær kynslóðir Matthías Bjarnason og Björn Jón Bragason ræðast við á fundinum. Friðrik
Sophusson bað gesti að klappa fyrir Matthíasi sem hefði setið landsfund frá stríðsárunum. Frið-
rik bað gesti að klappa ekki of lengi, þá gæti Matthías farið að íhuga formannsframboð.