Morgunblaðið - Sunnudagur - 29.09.2013, Síða 24
*Heimili og hönnunFimm manna fjölskylda hefur komið sér vel fyrir í bjartri og líflegri íbúð í Vesturbænum »26
M
eistaramánunuður er að fara af
stað 1. október, þriðja árið í röð.
Þetta er nokkurskonar þjóðar-
átak sem öllum er frjálst að taka
þátt í. Með átakinu er fólk hvatt til að skora
sjálft sig á hólm með til dæmis hollu mat-
aræði, hreyfingu og heilsusamlegra líferni.
Markmið Meistaramánaðar er að vera meistari
eigin lífs.
Vöruhönnuðurinn Harpa Björnsdóttir tók
þátt í Meistaramánuði í október síðastliðnum
og ögraði sjálfri sér með því að teikna mynd á
dag og í kjölfarið birta myndirnar á netinu. „Í
lok mánaðarins eftir að hafa fengið miklar og
jákvæðar undirtektir netáhorfenda ákvað ég
að setja upp sýningu á verkunum,“ segir
Harpa en verkin eru nú til sölu og sýnis í
versluninni GK Reykjavík á Laugavegi 66.
Myndirnar mynda eitt heildstætt verk sem er
nokkurskonar dagbók listamannsins og inn-
blásturinn er hver dagur fyrir sig. Harpa vinn-
ur aðallega með margskonar túss, vatnsliti og
blýanta í verkunum sínum.
Hvenær fékkstu áhuga á teikningu?
„Ég var alltaf teiknandi sem barn og gat
setið tímunum saman við að teikna. Ég
gleymdi mér alveg í þessum heimi og yfirleitt
voru miklar pælingar á bak við hverja mynd.
Ég hafði mikið úthald í að nostra við hluti og
hætti ekki fyrr en ég varð ánægð með útkom-
una. Ég hef farið á nokkur teikninámskeið,
meðal annars var ég í módelteikningu í FB og
í Iðnskólanum og á ég það enn til að gleyma
mér algjörlega í þessum heimi. Þegar ég sótti
um í Listaháskóla Íslands voru eiginlega bara
teikningar í möppunni minni og var ég mjög
hissa að komast inn í vöruhönnun nánast ein-
göngu vegna teikninga.“
Er einhver sérstök aðferð sem þú notar við
teikningu?
„Hausinn á mér er iðulega á fullu og mér
finnst ég alltaf vera að fá hugmyndir að ein-
hverju sniðugu. Ég byrja yfirleitt á því að
skrifa niður það sem ég er að hugsa og vinn
síðan út frá því. Ég skrifa mikið í verkin mín,
oft það sem ég er að hugsa, stundum texta úr
lagi sem ég er með á heilanum, orð sem mér
finnst skrítin eða ljóð sem hafa haft áhrif á
mig. Textarnir sjást ekkert endilega í mynd-
unum enda falla þeir oft inn í teikninguna. Ég
las ljóðabókina „Það sem ég hefði átt að segja
næst – þráhyggjusögur“ eftir Ingunni Snædal
og hef verið að teikna út frá ljóðunum hennar
þessa dagana.“
Áttu þér uppáhaldsteiknara?
„Ég fylgist mikið með öðrum listamönnum
og er Ísak Óli í miklu uppáhaldi núna. Hann er
einstaklega góður í að gera myndir af teikni-
myndafígúrum og nær þeim óútskýranlega vel.
Hefur þú meðvitað þróað þinn teiknistíl?
„Ég held ekki, nema bara með æfingu. Þeg-
ar maður hefur löngun til að verða betri í því
sem maður er góður í og sýnir því þolinmæði
þá er gaman. Stíllinn þróast svo bara með æf-
ingunni. Það er mjög gaman að skoða gamlar
teikningar og sjá hvernig stíllinn hefur breyst
og þróast.“
Hvað er skemmtilegast við teikningu?
„Teikning er eins og spa, afslappandi eins og
heitur pottur, hressandi eins og jarðarberja-
sturta, stressandi en góð eftir á eins og kaldi
balinn, hreinsandi og endurnærandi eins og
gufa. Ef maður nær öllum þessum skala, þá er-
um við að tala um meistaraverk sjáðu til og þá
er skemmtilegt.“
Telur þú teikningu vera visst tjáningarform?
„Já, mér finnst ég geta tjáð mig í gegnum
verkin mín og tengi oft teikningarnar mínar við
viss tímabil í lífi mínu. Svo getur áhorfandinn
auðvitað túlkað verkin á allt annan hátt.
Ég hef líka áhuga á listmeðferðarfræði og
finnst mér sú fræðigræn vanmetin. Mér finnst
svo merkilegt að hægt sé að hjálpa fólki að tjá
tilfinningar sínar og hugarheim gegnum mynd-
ræna nálgun án orða og skilja þannig sjálft sig
betur.“
Meistaramánuður hefst þiðjudaginn 1. októ-
ber og hægt er að fylgjast með meist-
araverkum Hörpu á www.behance.net/harpabj.
Þeim sem vilja kynna sér Meistaramánuð
betur og jafnvel skrá sig til leiks er bent á vef-
síðuna www.meistaramánuður.is.
Harpa tileinkaði móður sinni, Guðrúnu V. Stefánsdóttur, þessa mynd
en hún á afmæli 1. október. Myndin er unnin með tússi og vatnslitum.
Þessa skemmtilegu mynd gerði Harpa á þvottadegi þegar
hún fann enga samstæða sokka.
Teikning er
eins og spa
HARPA BJÖRNSDÓTTIR FÓR AÐRA LEIÐ EN FLESTIR Í ÁTAKINU MEIST-
ARAMÁNUÐI Í FYRRA OG SETTI SÉR ÞAU MARKMIÐ AÐ TEIKNA MYND Á
DAG Í MÁNUÐ. VERKIN BÁRU HEITIÐ MEISTARAVERK OG BÝR HARPA SIG
NÚ UNDIR AÐ ENDURTAKA MEISTARAMÁNUÐ, SEM HEFST 1. OKTÓBER,
MEÐ SERÍUNNI MEISTARAVERK TVÖ.
Sigurborg Selma Karlsdóttir sigurborg@mbl.is
Harpa Björnsdóttir leggur yfirleitt stofuna undir sig heima hjá sér þegar hún vinnur að teikning-
unum enda margir pennar, blýantar, blöð og úrklippur sem hún notar við verkin sín.
Morgunblaðið/Golli
Myndir Hörpu endurspegla tilfinningar og ástand og eru nokkurskonar dagbók listamannsins.
Myndin er tileinkuð Emblu Einarsdóttur, dóttur Hörpu, sem
varð átta ára í október. Loftbelgirnir mynda margar áttur.