Morgunblaðið - 23.10.2013, Blaðsíða 3

ÍÞRÓTTIR 3
MORGUNBLAÐIÐ MIÐVIKUDAGUR 23. OKTÓBER 2013
Kristinn Jak-obsson
dæmir leik Swan-
sea og Kuban
Krasnodar frá
Rússlandi í Evr-
ópudeild UEFA
annað kvöld.
Leikurinn er í A-
riðli. Swansea
hefur unnið báða sína leiki til þessa
en Krasnodar er án stiga. Aðstoð-
ardómarar Kristins verða þeir Sig-
urður Óli Þorleifsson og Áskell Þór
Gíslason og fjórði dómari Gunnar
Sverrir Gunnarsson. Aukaaðstoð-
ardómarar verða þeir Þóroddur
Hjaltalín og Gunnar Jarl Jónsson.
  
Steve Kean, fyrrverandi knatt-spyrnustjóri enska liðsins
Blackburn, hefur verið ráðinn þjálf-
ari Brunei DPMM í olíuríkinu Bru-
nei. Kean, sem yfirgaf Blackburn
fyrir ári, tekur til starfa í næsta
mánuði. Liðið er eitt þriggja er-
lendra liða sem spila í deildarkeppn-
inni í Singapúr og er þar í 7. sæti af
12 liðum þegar þrjár umferðir eru
eftir.
  
Hollendingurinn Gertjan Ver-beek var í gær ráðinn þjálfari
þýska úrvalsdeildarliðsins Nürn-
berg. Hann tekur við starfi Michael
Wiesingers sem var rekinn frá störf-
um fyrr í þessum mánuði vegna
slaks árangurs liðsins en það er í
þriðja neðsta sæti deildarinnar. Ver-
beek var nýlega sagt upp störfum
hjá hollenska liðinu AZ Alkmaar en
með því leika Jóhann Berg Guð-
mundsson og Aron Jóhannsson.
  
Lærisveinar Dags Sigurðssonar íþýska liðinu Füchse Berlin
drógust á móti HC Meshkov Brest
frá Hvíta-Rússlandi í 3. umferð
EHF-keppninnar í handknattleik en
dregið var til hennar í gær. Guð-
mundur Árni Ólafsson og félagar
hans í danska liðinu Mors-Thy mæta
Constanta frá Rúmeníu og sænska
liðið Kristianstad, sem Ólafur Guð-
mundsson leikur með, mætir Stiinta
Municipal Dedeman Bacau frá Rúm-
eníu. Haukabanarnir í Benfica dróg-
ust á móti ungverska liðinu Pick
Szeged.
Fólk folk@mbl.is
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Öflug fjáröflun
fyrir hópinn
Samsettir fjáröflunarpakkar eða sérsniðnir eftir óskum hópsins
HANDBOLTI
Ívar Benediktsson
iben@mbl.is
„Finnska liðið hefur ekki mikla
reynslu af stórmótum en er með
innan sinna raða fullt af fram-
bærilegum leikmönnum. Fyrir vikið
er ljóst að við verðum að vera á tán-
um frá fyrstu mínútu,“ segir Ágúst
Þór Jóhannsson, landsliðsþjálfari
kvenna í handknattleik, um vænt-
anlega viðureign við Finna í und-
ankeppni Evrópumótsins í hand-
knattleik. Leikurinn fer fram í
Vodafone-höllinni í kvöld og verður
flautað til leiks klukkan 19.30.
Ágúst segir að fram yfir leikinn
við Finna muni íslenska liðið ekki
hugsa um viðureignina við Slóvaka
en fyrirfram er reiknað með að bar-
áttan um annað sætið í riðlinum
standi á milli íslenska og slóvenska
landsliðsins. Frakkar eru að öllu
óbreyttu með besta liðið í riðlinum.
„Við erum bara með þannig lið að
við höfum ekki efni á að vanmeta
neinn andstæðing. Sökum þess för-
um við af fullum krafti og með há-
markseinbeitingu í leikinn við
Finna,“ segir Ágúst.
Finnska landsliðið hefur ekki rið-
ið feitum hesti frá undankeppni
stórmóta undanfarin ár. Í aðdrag-
anda EM 2012 töpuðu Finnar fyrir
Bretum með samtals 16 marka mun
í tveimur leikjum í forkeppni að
undankeppninni. Árið eftir vegnaði
Finnum einnig illa í undankeppni
heimsmeistaramótsins. Þá voru þeir
í riðli með Slóvakíu, Sviss og Grikk-
landi og töpuðu öllum leikjum,
stærst fyrir Slóvökum, 38:18.
Förum í leikinn
af fullum krafti
„Finnskur kvennahandbolti hefur
ekki verið hátt skrifaður. Fáir leik-
menn landsliðsins hafa leikið með
félagsliðum utan Finnlands. Þessar
staðreyndir breyta því ekki að við
förum í leikinn af fullum krafti. Í
ljósi tapleikja fyrir Tékkum í und-
ankeppni HM í vor getum við ekki
annað en tekið alla andstæðinga al-
varlega. Einnig skiptir miklu máli
að hefja undankeppnina vel og end-
urheimta sjálfstraust eftir við-
ureignirnar við Tékka. Úrslitin í
þeim leikjum voru okkur mikil von-
brigði,“ segir Ágúst og bætir við að
leikmenn íslenska landsliðsins
treysti á góðan stuðning áhorfenda í
leiknum við Finna í kvöld.
„Við höfum yfirleitt fengið góðan
stuðning í leikjum okkar og treyst-
um á að engin breyting verði á nú.
Leikurinn fer fram í Vodafone-
höllinni. Þar líður okkur vel.
Keppnishöllin býður upp á góða
stemningu. Ég vil því hvetja fólk til
þess að koma. Margir leikmenn ís-
lenska landsliðsins leika í útlöndum
í sterkustu deildum Evrópu og eru
svo sannarlega góðar fyrirmyndir,
utan vallar sem innan.“
Hrafnhildur er inni í myndinni
Það vakti athygli þegar landsliðs-
hópurinn var valinn á dögunum að
reyndir leikmenn eins Hrafnhildur
Skúladóttir og Rakel Dögg Braga-
dóttir hlutu ekki náð fyrir augum
landsliðsþjálfarans. Hrafnhildur er
leikjahæsti leikmaður landsliðsins
frá upphafi með 170 landsleiki og
640 mörk. Ágúst segir að þótt
Hrafnhildur hafi ekki verið valin að
þessu sinni þýði það ekki að dagar
hennar með landsliðinu séu taldir.
„Hún er enn inni í myndinni. Það
getur verið að hún verði valin
næst,“ svaraði Ágúst. „Ég ákvað að
velja hana ekki að þessu sinni. Rak-
el hefur átt í meiðslum og ekki get-
að æft af fullum krafti með Stjörn-
unni. Henni standa enn opna dyr
landsliðsins.
Við Einar [Jónsson aðstoðarþjálf-
ari] ákváðum að velja aðeins yngri
hóp að þessu sinni. Það eru margar
ungar og efnilega stúlkur að koma
upp og berja á dyr landsliðsins um
þessar mundir. Sumar þeirra hafa
aðeins fengið smjörþefinn af síðustu
verkefnum, aðrar ekki. Þar nefni ég
til dæmis Esther Ragnarsdóttur,
Karolínu Lárudóttur og Unni Óm-
arsdóttur. Þær fá nú allar tækifæri
til þess að láta ljós sitt skína í al-
vöruleikjum.“
Breyttur varnarleikur
Ljóst er að m.a. við brotthvarf
Rakelar og Önnu Úrsúlu Guð-
mundsdóttur, sem nýlega eignaðist
barn, geta orðið breytingar á varn-
arleik íslenska landsliðsins, sem
þær hafa leikið stórt hlutverk í á
síðustu árum. Ágúst segir að fjar-
vera þeirra hafi eitthvað að segja en
maður komi í manns stað. „Við ætl-
um að prófa okkur áfram með ann-
arskonar vörn en við höfum verið að
leika síðustu árin, það er framliggj-
andi vörn og það getur vel verið að
við prófum okkur áfram með hana í
leiknum við Finna. Við sjáum til.
Það hefur ekki gefist mikill tími til
þess að gera miklar breytingar.
Eins höfum við verið að koma að
tveimur nýjum atriðum í sókn-
arleiknum á þessum fáu æfingum
sem við höfum,“ segir Ágúst Þór
Jóhannsson, landsliðsþjálfari
kvenna í handknattleik.
Höfum ekki efni á að
vanmeta andstæðinginn
Morgunblaðið/GolliÖflug Rut Jónsdóttir, ein af lykilkonum
íslenska kvennalandsliðsins, verður í
eldlínunni í kvöld í leiknum við Finna.
 Íslenska landsliðið hefur undankeppni EM með leik við finnska landsliðið í kvöld
Undankeppni EM
» Ísland er í riðli með Finnum,
Frökkum og Slóvökum.
» Leikið verður við Finna í
kvöld á heimavelli og gegn Sló-
vökum ytra á sunnudag.
» Í mars leikur íslenska lands-
liðið við Frakka í tvígang.
» Riðlakeppnin heldur áfram í
vor með útileik við Finna og
heimaleik við Slóvaka.
» Tvær efstu þjóðirnar komast
í lokakeppni EM sem fram fer í
Ungverjalandi og Króatíu í des-
ember 2014.