Morgunblaðið - 23.10.2013, Blaðsíða 4

FÓTBOLTI
Guðmundur Hilmarsson
gummih@mbl.is
Freyr Alexandersson, landsliðsþjálf-
ari kvenna í knattspyrnu, og nýr að-
stoðarmaður hans, Ásmundur Har-
aldsson, tilkynntu í gær 20 manna
landsliðshóp fyrir leik Íslendinga
gegn Serbum í undankeppni HM
sem fram fer í Serbíu í næstu viku.
Af þeim leikmönnum sem skipa hóp-
inn eru tveir sem ekki hafa spilað A-
landsleik en það eru Guðmunda
Brynja Óladóttir frá Selfossi og
Anna Björk Kristjánsdóttir, Stjörn-
unni. Anna Björk var í hópnum í
leiknum á móti Sviss en Guðmunda
Óla ekki. Þá er Þórunn Helga Jóns-
dóttir, leikmaður Avaldsnes í Nor-
egi, komin aftur inn í hópinn.
Ólína ekki leikfær
Ólína G. Viðarsdóttir á við meiðsli
að stríða og er ekki í hópnum og þá
hefur Katrín Jónsdóttir sagt skilið
við landsliðið en hún lék sinn 133. og
síðasta leik í leiknum á móti Sviss.
Íslenska liðið fékk ekki beint óska-
byrjun í undankeppninni en það tap-
aði 2:0 fyrir Svisslendingum á Laug-
ardalsvellinum í síðasta mánuði en
nokkrum dögum áður tók Sviss lið
Serbíu heldur betur í bakaríið á
heimavelli sínum en 9:0 urðu lokatöl-
urnar í þeim leik.
Þurfum að undirbúa okkur vel
„Það var erfiður tímapunktur fyr-
ir Frey að stíga inn fyrir þennan leik
á móti Sviss enda gengið ekki búið
að vera gott undanfarið. Við vitum að
það er langur vegur framundan og
það þarf að vinna í mörgu til þess að
allt komist á rétta braut. Við þurfum
að undirbúa okkur vel fyrir þennan
leik á móti Serbíu og eftir hann kem-
ur góður tími bæði fyrir leikmenn og
nýtt þjálfarateymi að vinna mark-
visst í því að gera síðan góða hluti í
leikjunum sem við spilum í keppn-
inni á næsta ári,“ sagði Ásmundur
Haraldsson, sem á dögunum var ráð-
inn aðstoðarþjálfari landsliðsins.
Er ekki dagskipunin skýr fyrir
leikinn á móti Serbíu. Þið ætlið ykk-
ur sigur og ekkert annað?
Mikill heiður og gott tækifæri
„Það segir sig væntanlega sjálft.
Ef við ætlum að gera vel í þessum
riðli verðum við að vinna þennan
leik. Þó svo að Serbar hafi steinlegið
fyrir Svisslendingunum munum við
ekki fá neitt gefins,“ sagði Ásmund-
ur.
Ásmundur er reyndur þjálfari
sem starfar sem yfirþjálfari Stjörn-
unnar í Garðabæ. Spurður hvort
hann hafi verið fljótur að segja já
þegar honum bauðst að starfa við
hlið Freys sagði Ásmundur: „Já, ég
stökk á þetta eins og skot. Við Freyr
þekkjumst ágætlega og það er mikill
heiður og mikið og gott tækifæri fyr-
ir mig sem þjálfara að koma inn í
þetta umhverfi. Síðustu árin hafa
verið frábær í íslenskum kvennafót-
bolta og landsliðið öflugt á heims-
mælikvarða. Það eru því bara for-
réttindi að fá að taka þátt í þessu
starfi. Fótboltinn er líf manns og
þetta er bara frábær bónus að fá að
vinna með bestu fótboltakonum
landsins.“
Hópurinn kemur saman í Serbíu
mánudaginn 28. október og nær
þremur æfingum fyrir leikinn sem
fram fer á FK Obilic Stadium hinn
31. október. Þeir Freyr og Ásmund-
ur halda utan fyrr því þeir verða á
meðal áhorfenda þegar Danir taka á
móti Serbum en sá leikur fer fram í
Serbíu á laugardaginn.
Freyr segir að styrkleiki Serb-
anna sé sóknarleikurinn en lið þeirra
sæki á mörgum leikmönnum. Veik-
leikinn sé hins vegar að lið þeirra sé
illa skipulagt og varnarlínan er
óreynd. Með liði Serba spilar Danka
Podovac sem varð Íslandsmeistari
með Stjörnunni í sumar en hún skor-
aði 16 mörk í 18 leikjum Garðabæj-
arliðsins. Þá er liðinu Jovana Damnj-
anovic en hún spilar með
Evrópumeistaraliði Wolfsburg. „Það
vilja allir leikmenn okkar spýta í lóf-
ana eftir tapið á móti Sviss,“ sagði
Freyr.
Það er langur vegur framundan
 Tveir nýliðar í 20 manna landsliðshópi kvenna í knattspyrnu sem mætir Serbum í undankeppni HM
 Allir vilja spýta í lófana eftir tapið gegn Sviss í síðasta mánuði  Mæta Íslandsmeistara í Serbíu
Morgunblaðið/Golli
Leikur Sara Björk Gunnarsdóttir og Dóra María Lárusdóttir eru báðar í landsliðshópnum sem mætir Serbíu.
Hópurinn
Þóra Björg Helgadóttir, Malmö
Guðbjörg Gunnarsdóttir,
Avaldsnes
Sandra Sigurðardóttir,
Stjörnunni
Dóra María Lárusdóttir, Val
Margrét L.Viðarsdóttir,
Kristianstad
Hólmfríður Magnúsdóttir,
Avaldsnes
Sara Björk Gunnarsdóttir,
Malmö
Katrín Ómarsdóttir, Liverpool
Rakel Hönnudóttir, Breiðabliki
Sif Atladóttir, Kristianstad
Hallbera G. Gísladóttir, Piteå
Fanndís Friðriksdóttir, Kolbotn
Dagný Brynjarsdóttir, Val
Harpa Þorsteinsdóttir,
Stjörnunni
Glódís Perla Viggósdóttir,
Stjörnunni
Þórunn H. Jónsdóttir,
Avaldsnes
Elísa Viðarsdóttir, ÍBV
Anna María Baldursdóttir,
Stjörnunni
Anna Björk Kristjánsdóttir,
Stjörnunni
Guðmunda Brynja Óladóttir,
Selfossi
4 ÍÞRÓTTIR
MORGUNBLAÐIÐ MIÐVIKUDAGUR 23. OKTÓBER 2013
Eftir að Englendingurinn Gregg
Oliver Ryder var ráðinn þjálfari
Þróttar úr Reykjavík um síðustu
helgi hafa verið vangaveltur um
hvort hann verði yngsti þjálfarinn
sem hefur stýrt liði í efstu tveimur
deildunum hér á landi. Ryder, sem
var aðstoðarþjálfari ÍBV í ár, er 25
ára gamall.
Svo er þó ekki og í það minnsta
þrír yngri þjálfarar hafa starfað í
þessum deildum.
 Ríkharður Jónsson var aðeins
21 árs þegar hann gerðist spilandi
þjálfari Skagamanna og þeir urðu
Íslandsmeistarar í fyrsta skipti und-
ir hans stjórn árið 1951. Það var
reyndar áður en Íslandsmótinu var
skipt í tvær deildir árið 1955.
 Hermann Gunnarsson heitinn
var spilandi þjálfari Akureyrar í
efstu deild árið 1970, þá aðeins 23
ára gamall. Hann varð þá marka-
kóngur deildarinnar með 14 mörk í
14 leikjum.
 Hlöðver Örn Rafnsson var 24
ára þegar hann stýrði Austra á Eski-
firði í næstefstu deild árið 1978 sem
spilandi þjálfari. Austramenn komu
þá geysilega á óvart og blönduðu sér
í baráttuna um sæti í efstu deild.
Ef lesendur Morgunblaðsins eru
með upplýsingar um fleiri þjálfara á
þessum aldri eru þær vel þegnar.
vs@mbl.is
Ryder er ekki
yngsti þjálfarinn
 Ríkharður þjálfaði ÍA 21 árs gamall
Morgunblaðið/Golli
Ríkharður Jónsson var ungur
þegar hann þjálfaði Skagamenn.
Viðskiptavinir Kjaran
eru lítil og stór
fyrirtæki, stofnanir og
prentsmiðjur sem eiga
það sameiginlegt að
gera kröfur um gæði
og góða þjónustu.
bizhub C35 er sannkallað fjölnotatæki
bizhub C35 er prentlausn sem hentar flestum fyritækjum.
Prentari, ljósritunarvél, faxtæki og skanni í einu nettu tæki sem
prentar 30 blaðsíður á mínútu, hvort sem er í svart-hvítu eða lit.
Kynntu þér rekstrarkostnaðinn því hann kemur á óvart. Þú þarft
ekki annað tæki en bizhub C35.
Verð: 379.900 kr.
Konica Minolta fjölnotatækin eru margverðlaunuð fyrir
hönnun, notagildi, umhverfisvernd og áreiðanleika.
Síðumúla 12 - 510 5520 - kjaran.is