Akureyri - 01.11.2012, Page 12

12 1. NÓVEMBER 2012
Oddur, er rétt að þér hafi verið hótað persónu-
lega vegna lagningar Dalsbrautar?
Ég vil ekki tjá mig um það.
Hefur Dalsbrautarmálið orðið þér þyngra í
skauti en fyrirséð varð?
Nei. Ég get alveg sagt þér, Björn, að ég skil
alveg fólk sem er á móti Dalsbrautinni á
þeim forsendum að sumir hafa búið lengi á
þessu svæði og svo kemur allt í einu vegur
sem aðrir nota og raskar ró íbúanna. Ég
hins vegar neita að skilja fólkið sem segir
að Dalsbrautin verði hættuleg börnum, við
teljum að með tilkomu brautarinnar batni
umferðaröryggi í heild í hverfinu. En ég held
að ég sé búinn að fá fleiri símtöl sem peppa
mig upp í þessu en skammir. Á opna borg­
arafundinum í fyrra var þetta persónugert
í mér og kannski sem betur fer því ég ætti
að vera kominn með skráp og þola svona
ósanngjarna gagnrýni, en konan mín tekur
þetta stundum inn á sig og er ekki alltaf
ánægð með að ég sé í pólitík vegna þessa.
Verður þetta þitt síðasta kjörtímabil í fram-
varðarsveit stjórnmálanna hér í bænum, stend-
ur það sem þú hefur áður gefið í skyn?
Ég reikna með að hætta en eigum við ekki
að segja bæði í gamni og alvöru að ég muni
fara fram í 6. sætinu næst. Mig langaði síð­
ast að leggja það í dóm kjósenda hvort þessi
hugsjón mín næði út fyrir mig og það sem
ég stend fyrir sem einstakling og okkar
pólitísku andstæðingar gerðu þau mistök
að segja: L­listinn er ekkert annað en Odd­
ur. Það var vanmat því ég hef mjög gott
fólk með mér og því fengum við hreinan
meirihluta.
Þannig að þú lofar því ekki alveg hér og nú
að hætta næst?
Nei, ég hef svo gaman af þessu þrátt fyrir
allt að ég lofa því ekki að hætta alveg að
loknu þessu kjörtímabili.
Nú stendur þú fyrir atvinnulíf, maður sem
rekur eigið fyrirtæki og hefur verið vilhall-
ur stóriðju, t.d. Becromal. En eitt mál skekur
Norðlendinga núna, þ.e.a.s. Blöndulína 3. Bæði
er véfengt flugöryggi hér á Akureyri vegna
lagningar háspennumastra og einnig hefur
verið rætt um að ásýnd bæjarins skaðist. Sumir
segja að þarna takist á annars vegar hagsmunir
almennings og ferðaþjónustu og hins vegar
þröngir hagsmunir stóriðjunnar. Hver er þín
sýn í þessu máli?
Ég er svo mikill framkvæmdamaður að ég
lifi og hrærist þar, framkvæmdir eru hilla
sem ég valdi mér sem starfsvettvang í lífinu.
Það pirrar mig ekkert að sjá þessi möstur
en ég hins vegar skil alveg þá sem láta þau
pirra sig. Mín skoðun er að ef línan hrófl­
ar þótt ekki sé nema agnarögn við hug­
myndinni um að byggja upp alþjóðaflugvöll
hér þá eigi strengurinn að fara í jörð. Við
erum að tala um einhverja átta kílómetra
inni í bæjarlandinu sem eru kannski 2%
af heildarlengd línunnar. Akureyri hefur
mikla sérstöðu sem eina þéttbýlið sem línan
fer í gegnum og þverar útivistarsvæði og
fólkvanga okkar. Þess vegna hafa bæjarbúar
heimtingu á að við þessu verði brugðist.
Þannig að þótt háspennumöstur trufli ekki þín
augu þá er krafa þín að strengurinn fari í jörð?
Já, ég vona að ríkisnefndin sem nú er störf­
um muni taka tillit til sérstöðu Akureyrar
og Eyjafjarðarsveitar í þessu máli.
Þannig að þú munt berjast fyrir jarðstrengjum
með kjafti og klóm?
Meðan ég ræð einhverju í Akureyrarbæ þá
kemur þessi loftlína aldrei hér í gegn. En
það skal tekið fram að við höfum ekkert
skipulagsvald fyrir Eyjafjarðarsveit.
Víkjum þá talinu að flutningi fatlaðra í
Húsmæðraskólann þar sem Akureyrarakadem-
ían hefur verið til húsa – hvað er gert ráð fyrir
miklum kostnaði vegna þess dæmis?
Við keyptum hlut ríkisins á 45 milljónir og
erum að gæla við að samtals verði kostnað­
ur við þetta upp undir 200 milljónir.
Nú er talað um að kjallari hússins sé ekki vel
farinn. Sumir telja kostnaðaráætlun við þenn-
an pakka mjög vanáætlaðan.
Já en bærinn á sína sérfræðinga í þessum
málum og ég held að húsið sé í betra standi
en áætlað hefur verið.
En það er talað um að ekki sé æskilegt að
húsnæði fyrir skammtímavist fatlaðra sé á
tveimur hæðum. Hefði ekki verið æskilegt að
reisa hreinlega nýtt hús fyrir skammtímavistun
fatlaðra á einni hæð?
Sko, þetta hús var í 75% eigu ríkisins og
var komið í sölu. Við hugsuðum sem svo:
Er það ekki skylda okkar sem bæjarfélags
að hafa áhrif á að það haldist sem mest í
upprunalegri mynd? Guðjón Samúelsson
hannaði þessa byggingu eins og þú veist.
Án inngrips gat skólinn endað sem hótel
eða eitthvað allt annað, það er engin friðun
á því og við hugsuðum: Ef við tökum húsið
og berum virðingu fyrir útliti þess, leyfum
útlitinu að halda sér eins og hægt er þá
erum við að gera skyldu okkar. Fyrst fannst
okkur fáránlegt að hafa þessa starfsemi á
2­3 hæðum en eftir skoðun sérfræðinga
kom í ljós að húsið hentar mjög vel fyrir
skammtímavistun fatlaðra.
En að halda einfaldlega húsinu fyrir þá starf-
semi sem rekin hefur verið í því? Og finna fötl-
uðum annað stað í nýju húsnæði?
Hver átti að borga?
Bærinn. Og skaffa framtíðaraðstöðu fyrir
mennta og fræðistörf í húsinu – kom það ekki
til greina?
Já, ef þú ert að tala um Akureyrarakadem­
íuna þá lít ég ekki á hana sem óvin.
Nei, en Jón Hjaltason sagnfræðingur hefur t.d.
velt upp í Akureyri vikublaði spurningum um
hvort fræðimönnum sem þarna hafa verið að
störfum lengi sé nægileg virðing sýnd í þessu
máli öllu.
Sko, ekki það að ég ætli að fara að þvarga
við þig um þetta en húsið var til sölu og
bærinn hefði aldrei keypt það til þess eins
að Akureyrarakademían hefði getað verið
þarna. Við hefðum ekki getað réttlætt það.
Af hverju ekki?
Ég held við séum öll sammála um að svona
fræðasetur verður að vera og það hefði
kannski verið glæsilegt að hafa svo glæst
hús utan um Akureyrarakademíuna en það
hefði hreinlega verið útópía. Við lifum ekki
í útópíu. Hins vegar er það okkar skoðun að
þar sem ríkið leggur Reykjavíkurakadem­
íunni til fé á fjárlögum eigi það að gilda
hér líka
Í reykfylltu bakherbergi á kontór Odds Helga Halldórssonar í Blikkrás niðri á Eyri settist blaðamaður
Akureyrar vikublaðs gegn guðföður L-listans og rakti úr nokkrar garnir. Kannski kom mest á óvart
þegar Oddur Helgi óskaði eftir enn ágengari og harðari fréttastefnu hjá Akureyri vikublaði ...
Meðan ég ræð einhverju
kemur þessi loftlína
aldrei hér í gegn
ODDUR HELGI HALLDÓRSSON: Finnst ennþá gaman í pólitíkinni þótt stundum gefi á bátinn.