Morgunblaðið - 14.01.2014, Qupperneq 1

ÞRIÐJUDAGUR 14. JANÚAR 2014
ÍÞRÓTTIR
Íþróttir
mbl.is
AFP
Tárvotur Cristiano Ronaldo gat ekki leynt tilfinningum sínum er hann tók við gullboltanum sem besti leikmaður heims fyrir árið 2013.
Tómas Þór Þórðarson
tomas@mbl.is
„Ég vil þakka öllum sem hafa stutt mig. Konan
mín, vinir mínir og sonur. Þetta er ógleymanleg
og tilfinningarík stund,“ sagði tárvotur Cristiano
Ronaldo, haldandi á gullboltanum sem verðlaun-
um fyrir að vera kjörinn besti leikmaður heims á
galakvöldi í Sviss í gærkvöldi.
Þetta er í annað sinn sem Ronaldo er kjörinn sá
besti í heimi en síðast fagnaði hann sigri í kjörinu
árið 2008 eftir að hann tryggði Manchester Unit-
ed Englands- og Evrópumeistaratitil. Síðan þá
hefur eini maðurinn sem getur skákað Portúgal-
anum ótrúlega, Lionel Messi, verið kjörinn sá
besti fjögur ár í röð en einokun hans lauk í gær og
skiptu verðlaunin Ronaldo augljóslega miklu máli
en tilfinningarnar báru hann ofurliði. Messi varð
þriðji í kjörinu að þessu sinni en Frank Ribéry,
leikmaður Bayern München og Frakklands, varð
annar.
Takk!
„Ég vil þakka öllum mínum liðsfélögum hjá fé-
lagi mínu sem og í landsliðinu. Án þeirra framlags
hefði þetta aldrei verið mögulegt. Ég er mjög
glaður enda þarf að leggja hart að sér til þess að
vinna þessi mögnuðu verðlaun,“ sagði Ronaldo
eftir að hann hafði náð að jafna sig og hemja tára-
flóðið. „Það eina sem ég get sagt við alla sem hafa
á einhvern hátt komið að þessu er, takk!“ bætti
Portúgalinn við en sonur hans kom síðan upp á
sviðið og fékk að halda á sigurlaunum föður síns.
Þjóðverjinn Nadine Angerer var kjörin besta
knattspyrnukonan fyrir árið 2013 en hún varð
Evrópumeistari með Þýskalandi á síðasta ári.
Hún er jafnframt fyrirliði
þýska liðsins. Angerer fór
hamförum á Evrópumótinu og
varði m.a. tvær vítaspyrnur í
úrslitaleiknum gegn Noregi.
Silvia Neid, þjálfari þýska
kvennalandsliðsins, var kjörin
þjálfari ársins í kvennaflokki
og Jupp Heynckes, fyrrverandi
þjálfari Bayern München, fékk
sömu verðlaun í karlaflokki.
Landsliðsfyrirliðinn Aron
Einar Gunnarsson kaus Ronaldo bestan en Lars
Lagerbäck, þjálfari Íslands, kaus samlanda sinn,
Zlatan Ibrahimovic. Víðir Sigurðsson, íþrótta-
stjóri Morgunblaðsins, er fulltrúi íslenskra fjöl-
miðla í kjörinu en hann kaus Ronaldo bestan líkt
og Aron.
 Cristiano Ronaldo kjörinn besti knattspyrnumaður heims eftir fjögurra ára
einokun Messis  Tilfinningarnar báru hann ofurliði  Nadine Angerer best
Sá besti
grét af gleði
Nadine
Angerer
Arnór Sveinn
Aðalsteinsson
hefur gert
þriggja ára
samning við
Breiðablik, en
þetta kom fram í
tilkynningu frá
félaginu í gær-
kvöldi. Arnór
Sveinn verður 28
ára gamall í lok
mánaðarins og er uppalinn hjá
Breiðabliki. Hann á að baki fjöl-
marga leiki fyrir liðið og var til að
mynda lykilleikmaður liðsins árið
2009 og 2010 þegar liðið hampaði
bæði Íslands- og bikarmeistaratitl-
inum.
Arnór hefur einnig leikið 12 A-
landsleiki og 9 U21 árs leiki fyrir
Íslands hönd. Síðustu árin eða frá
árinu 2011 hefur Arnór svo leikið
fyrir Hönefoss í Noregi.
„Knattspyrnudeild Breiðabliks
lýsir mikilli ánægju sinni með að
vera búin að endurheimta Arnór
Svein aftur í Blikabúninginn og
væntir mikils af honum næstu þrjú
árin hið minnsta.“ sport@mbl.is
Arnór Sveinn
kominn heim
til Breiðabliks
Arnór Sveinn
Aðalsteinsson
Tómas Þór Þórðarson
tomas@mbl.is
„Ég kem til með að fá meiri stuðning í starfinu og
kom því tvíefldur til leiks,“ segir Úlfar Jónsson,
landsliðsþjálfari í golfi, við Morgunblaðið um
ástæðu þess að hann er hættur við að hætta sem
landsliðsþjálfari.
Í byrjun desember tilkynnti Golfsamband Ís-
lands að Úlfar hefði látið af störfum og sagði hann
þá réttan tímapunkt fyrir sig að hætta en Úlfar tók
við landsliðinu í nóvember 2011.
„Ég hef gegnt öðru starfi samhliða landsliðs-
þjálfuninni sem íþróttastjóri GKG og mér fannst
álagið bara vera of mikið. Það
eru verkefni á hvorumtveggja
vígstöðvum og þau færast í
aukana. Nú verður smá breyt-
ing á landsliðinu þar sem ég fæ
gott fólk með mér til aðstoðar
en það er of snemmt að fara að
tala um hverjir það verða. Ég
held samt áfram að velja liðin,“
segir Úlfar sem fagnar því að
halda áfram sem landsliðsþjálf-
ari.
„Maður hefur auðvitað mikinn metnað fyrir því
að vera landsliðsþjálfari og landsliðsmálunum í
heildina. Maður er líka á fullu í uppbyggingarstarfi
hjá GKG og saman tengist þetta allt. Ég held svo
að kraftar mínir og reynsla muni nýtast hjá lands-
liðinu,“ segir Úlfar.
Það er spennandi ár framundan í golfinu og nóg
að gera þannig að það var líklega um lítið annað að
ræða en að Úlfar fengi aðstoð.
„Fram að vori eru æfingabúðir hjá afrekshópum
GSÍ og svo eru stóru mótin í sumar. Við tökum þátt
í fjórum Evrópumótum (karla, kvenna, pilta og
stúlkna) sem eru heilmikil verkefni. Þetta er líka
allt að gerast á sama tíma. Það verður kappkostað
við að undirbúa keppendur fyrir þessu mót,“ segir
Úlfar Jónsson, endurráðinn landsliðsþjálfari í golfi.
Úlfar fær meiri aðstoð með landsliðin
 Heldur áfram sem landsliðsþjálfari í golfi  Fær aðstoðarmenn til að sinna álaginu
Úlfar
Jónsson
14. janúar 1985
Tékkneska tennisstjarnan Mart-
ina Navratilova vinnur sitt 100.
mót á ferlinum í
einliðaleik sem at-
vinnumaður í tenn-
is, í Washington.
Hún varð þar með
önnur konan frá
upphafi til að ná
þeim áfanga, á eft-
ir Chris Evert Lloyd, en eini
karlinn sem hafði unnið þetta af-
rek á þeim tíma var Jimmy Con-
nors.
14. janúar 1986
Ísland sigrar Danmörku, 20:17, í
fyrsta leiknum í Eystrasaltsmóti
karla í Árósum. Kristján Arason
skoraði 8 mörk og Þorbergur
Aðalsteinsson 7 þannig að þeir
tveir sáu um 75 prósent marka
íslenska liðsins. „Dönsku leik-
mennirnir reyndu allt hvað þeir
gátu til að stöðva þá en án árang-
urs,“ segir í umfjöllun Morg-
unblaðsins.
14. janúar 2011
Ísland vinnur sannfærandi sigur
á Ungverjum, 32:26, í fyrsta leik
sínum á heimsmeistaramóti
karla í handknattleik í Norrköp-
ing. Aron Pálmarsson gerði 8
mörk og Alexander Petersson 5.
„Sigurinn lyginni líkastur,“ og
„Sá tvítugi hjó á hnútinn,“ sagði í
fyrirsögnum Morgunblaðsins og
í þeirri síðari var vitnað til Ar-
ons.
Á ÞESSUM DEGI
EM2014 Ísland mætir Ungverjalandi í Álaborg klukkan 17 í dag. Stig gulltryggir íslenska liðinu sæti í
milliriðli keppninnar. Ungverjar hafa verið erfiðir mótherjar og eru með reyndan og klókan þjálfara. 2-3