Morgunblaðið - Sunnudagur - 02.03.2014, Blaðsíða 18

Þótt ótrúlegt megi virðast sýnist manni vorið vera á næsta leiti hér á Freder-
iksberg – það er jú bara febrúar! Síðustu dagar hafa verið svo mildir, hitamæl-
irinn sýnir plús-gráður, gul og hvít blóm eru byrjuð að spretta víða og trén að
grænka! Það er því ekki hægt að þvertaka fyrir að maður sé kominn í smá
„vorfíling“.
Göngutúrar um götur hverfisins eru ófáir þessa dagana, enda um að gera
að njóta veðurblíðunnar. Oftar en ekki enda þeir í Frederiksberg Have, enda er
sá garður með þeim fallegri. Þar sem hann liggur svo nálægt dýragarðinum í
Kaupmannahöfn fengum við smá ókeypis „forsýningu“ á fílunum þar á dög-
unum – en þeir voru allir komnir út eftir veturinn. Maður getur hæglega litið
á þá sem enn einn vorboðann, rétt eins og það að búið er að opna allar Parad-
is-ísbúðirnar á ný (en þær eru lokaðar yfir vetrarmánuðina). Við þangað!
Bestu kveðjur, Erla Dögg, Morten & Lilja Margrét
Gul og hvít lítil blómin, sem stinga orðið víða upp kolli eins og
sjá má, eru skýrt merki þess að vorið sé á næsta leiti í Danaveldi.
Fjölskyldan kann vel við hverfið
sitt og ekki síst garðinn góða.
Vorboðarnir víða í hverfinu
Telja má fílana með vorboðunum.
PÓSTKORT F
RÁ FREDERIK
SBERG
Í
rómversk-kaþólskum löndum hefur löngum verið hefð fyrir að gera vel við
sig í hvívetna áður en langafasta gengur í garð, 40 dögum fyrir páska. Þrátt
fyrir að lúterskur siður hafi fyrir löngu verið tekinn upp hér á landi, má
segja að enn eimi eftir af af þessari hefð, þótt trúarlega tengingin farist ef-
laust fyrir víða. Bolludagur og sprengidagur gefa í öllu falli klár tilefni til að
borða á sig gat (eða þar til „maður springur“), sem er gott ef fasta fylgir.
Í dag hafa mörg hver hátíðhöldin í aðdraganda föstunnar öðlast miklar vin-
sældir ferðamanna, enda mikið sjónarspil. Laða þau til sín fjölda fólks ár hvert.
Eftirtaldir viðburðir eru allir þess virði að sækja fyrir ferðaþyrsta á þessum
tíma árs, og fleiri til:
– Ríó de Janeiro, Brasilíu – Vafalaust þekktasta kjötkveðjuhátíð í heimi.
Sjónarspilið er stórkostlegt, með litríkum viðburðum á borð við skrúðgöngur,
tónlist, skemmtun og dans. Hátíðin nær hámarki á sunnudags- og mánudags-
kvöldinu, þegar nemendur stærstu sambaskólanna tólf, þramma eftir hinum 75
þúsund sæta Sambódromo-leikvangi (sex skólar hvort kvöld). Fyrr um helgina
feta nemendur smærri dansskóla sama veg, fyrir framan dómnefnd – í von um
að fá að skemmta með þeim „stóru“. 28. febrúar til 3. mars.
– Feneyjar, Ítalíu – Karnivalið í Feneyjum er hið elsta og sögufrægasta sem
menn þekkja. Kveða heimildir frá 11. öld um slík hátíðahöld í borginni. Grím-
urnar, sem þátttakendur bera, eru einkennandi fyrir hátíðina. Minna þær á
forna tíma, en þær voru bannaðar með öllu undir lok 18. aldar, rétt eins og
karnivalið í heild. Heldri Feneyjabúar héldu þó áfram að brúka grímur og halda
hátíðina heima við. Karnivalið ruddi sér smám saman leið til baka og var að lok-
um formlega endurvakið árið 1979. 15. febrúar - 3. mars
– Nice, Frakklandi – Karnivalið í frönsku borginni Nice, við Miðjarðarhafið,
er fyrir margt löngu orðið sögufrægt fyrir litadýrð, fagra vagna, blóm og fjör.
Ár hvert er valið eitt þema. Í ár var það „Konungur matargerðarlistarinnar“. 14.
febrúar-4. mars
– Köln, Þýskalandi – Mikil hefð er fyrir karnivali í hinum germönsku löndum,
en þar kallast hátíðahöldin oftar en ekki Fasnacht. Börn og fullorðnir klæðast
þá búningum og gera sér glaðan dag. Víða er fimmtudagurinn fyrir hátíðahöldin
tileinkaður konum, sem taka þá völdin, og setja þar með hátíðahöldin. 27. febr-
úar-3. mars
– New Orleans, Bandaríkjunum – Í New Orleans er einnig blásið til mikilla
hátíðahalda á þessum tíma árs en þau má rekja til tíðar Frakka á svæðinu. Há-
tíðahöldin ná hámarki á „Feita þriðjudeginum“ (fr. Mardi Gras) eins og víðar.
Skrúðgöngurnar hafa reyndar ekki komist inn í franska hverfi borgarinnar frá
1972, sökum stærðar, en fara eins nálægt því og komist er. 15. febrúar-4. mars.
FAGNAÐ FYRIR FÖSTU UM VÍÐA VERÖLD
Karnival í ýms-
um myndum
KJÖTKVEÐJUHÁTÍÐIR FARA VÍÐA FRAM NÚ UM HELGINA.
ÞÓTT GRUNNUR ÞEIRRA MARGRA SÉ TRÚARLEGS EÐLIS, FER
MISMIKIÐ FYRIR ÞEIRRI TENGINGU. Í DAG EINKENNAST HÁ-
TÍÐAHÖLDIN MIKLU FREKAR AF GLEÐI, SKRAUTI OG SKEMMT-
UN, OG MAT OG DRYKK Í RÍFLEGU MAGNI.
Gunnhildur Ásta Guðmundsdóttir gunnhildur@mbl.is
Kynjaverur af ýmsum toga fara á kreik á kjötkveðjuhátíðum.
Frá Sambódromo-leikvanginum í Ríó de Janeiro. Kjötkveðjuhátíðin þar í
borg er án vafa þekktust slíkra hátíða. Sjónarspilið er óvíða mikilfenglegra.
Grímuklæddir gestir í Feneyjum.
„Konungur matargerð-
arlistarinnar“ er þema
karnivalsins í Nice í ár.
AFP
Í Köln setja konurnar karnivalið á fimmtudegi.
Ferðalög
og flakk
Keppt í pönnukökuhlaupi
*Fyrir þá sem eiga leið til Bretlands í vikunni er ekki úr vegiað fagna „pönnukökudeginum“ þar, sem ber upp á sprengi-dag hér. Er þá til siðs að gæða sér á ótal pönnukökum.Víða um borgir og bæi fara fram svokölluð „pönnuköku-hlaup“, þ.e. kapphlaup liða með pönnukökur á pönnummeðan á hlaupinu stendur. Er sem dæmi keppt í slíkuhlaupi við þinghúsið, til styrktar góðu málefni og etja þar
kappi þingmenn og fjölmiðar.
Nánari upplýsingar: www.timeout.com.