Morgunblaðið - Sunnudagur - 02.03.2014, Blaðsíða 20
Þ
egar tiltekin borg elur af sér eitt sigursælasta fótboltalið enskrar
knattspyrnu og vinsælustu popphljómsveit allra tíma getur það
verið vandkvæðum bundið að vekja á sér athygli fyrir nokkuð
annað. Enda er það svo að framangreind atriði eru líkast til það
fyrsta sem nær allir nefna er borgina ber á góma. Það er út af fyrir sig
líka skiljanlegt og borgin dregur töluverðan dám af þessum óskabörnum
sínum; með reglulegu millibili ber eitthvað fyrir augu sem minnir gesti og
gangandi á þá staðreynd að hér eru heimahagar þessara stórstjarna í
heimi tónlistar og íþrótta. Miðbær Liverpool og ekki síður hafnarsvæðið
er einkar skemmtilegt að skoða. Við höfnina mætast nútíminn og fortíðin
og fjöldinn allur af verslunum og veitingastöðum bíður þess að þjónusta
gesti og gangandi. Við Albert Docks er líka upphafspunktur Magical Mys-
tery Tour, skoðunarferðar með rútu þar sem ferðalangar fá um tveggja
tíma reisu um öll þau kennileiti sem tengjast æsku og spilamennsku Bítl-
anna, vítt og breitt um borgina. En fyrir þá sem hvorki hafa áhuga á
knattraki né Bítlamúsík má samt vel mæla með heimsókn til Liverpool
því þar má verja góðum tíma við allt það sem alla jafna heillar í heim-
sóknum til erlendra borga. Verslun, söfn, veitingahús, sjarmerandi gamall
miðbær og saga sem býr í hverjum krók og kima. Við öðru er enda ekki
að búast því borgin á sér sögu sem nær aftur til ársins 1207. Þá er tals-
vert að finna af merkilegum arkitektúr í borginni sem gaman er að skoða
og margar byggingar þar friðaðar bæði og með varanlegan sess á minja-
skrám.
Engu að síður er það svo að þeir sem hafa gaman af Bítlunum og þeirri
ríku fótboltahefð sem býr í Liverpool fá mest út úr heimsókn til borg-
arinnar enda bera þeir sannkallaða pílagrímsferð út úr reisunni með öllu
tilheyrandi. Þeir sem ekki tilheyra framangreindum meirihlutahópum geta
þó alltaf splæst í geisladisk með John, Paul, George og Ringo – eða í
rauða treyju með nafninu Gerrard á bakinu. Meira þarf ekki til.
LÍFIÐ ER LJÚFT Í LIVERPOOL
Boltinn, Bítlarnir og
ótalmargt fleira
HAFNARBORGIN LIVERPOOL ER AÐ SÖNNU ÞEKKTUST FYRIR HIÐ RAUÐKLÆDDA OG
SIGURSÆLA FÓTBOLTALIÐ OG BÍTLANA FJÓRA. EN BORGIN LUMAR Á ÝMSU ÖÐRU.
Jón Agnar Ólason jonagnar@mbl.is
20 MORGUNBLAÐIÐ SUNNUDAGUR 2.3. 2014
Ferðalög og flakk
Steikarstaðurinn Faz-
enda á horni Exchange
Street og Tithebarn
Street er ómissandi fyrir
þá sem vilja upplifa önd-
vegiskjöt uns kjötsvitinn
drýpur af þeim. Fyrir fast
verð, 29 pund, má borða
uns maginn getur ekki
meir, en gæðin eru engu
að síður eins og best
gerist. Carluccio’s við
Met Quarter er fyrirtaks
staður fyrir þá sem kjósa
ítalsk-ættaðan matseðil;
sér í lagi er ravioli-ið
þeirra fyrirtak. Ef ein-
hvern langar í tilgerð-
arlausan sveitamat skal
bent á Flanagan’s Apple
við Mathew Street, þar
sem á borðum eru réttir
eins og Cumberland Sau-
sage Swirl og annað í
þeim dúr.
ÚT AÐ
BORÐA
Í seinna stríði fengu íbúar Liver-
pool sinn skerf af loftárásum
Þjóðverja árið 1941 og fórust
alls um 2500 í þeim hildarleik.
Meðal þeirra bygginga sem
skemmdust er kirkja heilags
Lúkasar. Ekki var gert við kirkj-
una eftir stríðið heldur stendur
hún í dag, í raun bara útveggir
án þaks og turn, sem minn-
ismerki um þá sem týndu lífi í
loftárásunum. Kirkjan er í got-
neskum stíl og sandsteinninn
sem hún er byggð úr hefur tek-
ið talsvert dökkan lit gegnum
árin, en kirkjan var reist á ár-
unum 1811 til 1832. Þar eru
haldnar margs konar sýningar
og viðburðir yfir sumartímann.
KIRKJA
HEILAGS
LÚKASAR
Heimavöllur Liverpool FC er stuðn-
ingsmönnum liðsins hið helgasta vé og
ekki að ósekju. Óvíða er stemningin
meiri eða andrúmsloftið magn-
aðra. Utan vallar er gest-
um nauðsynlegt að
votta styttunni af Bill
Shankly virðingu,
sömuleiðis minn-
ismerkinu um stuðn-
ingsmennina 96 sem fór-
ust í hinu hörmulega slysi
á Hillsborough-vellinum í
Sheffield þann 15. apríl
1989. Ekki má gleyma
Paisley-hliðinu, fremst á
meðfylgjandi mynd, sem nefnt var
svo til heiðurs Bob Paisley en hann var
stjóri liðsins frá ’74 til ’83, sá eini í sög-
unni sem unnið hefur Evrópukeppni
meistaraliða þrisvar sinnum.
ANFIELD