Morgunblaðið - 08.04.2014, Qupperneq 1

KÖRFUBOLTI
Þorkell Gunnar Sigurbjörnsson
thorkell@mbl.is
Það liðu 14 ár milli Íslandsmeistaratitla hjá Öldu
Leif Jónsdóttur, en hún varð Íslandsmeistari
kvenna í körfubolta með Snæfelli á sunnudag.
Alda varð síðast meistari með Íþróttafélagi stúd-
enta, ÍS, árið 2000. „Þessi vetur hefur verið frekar
erfiður fyrir mig persónulega. Ég fór í aðgerð á
báðum hnjám og að ná að koma til baka og vera
með liðinu í lokin var æðislegt. Að ljúka leiktíðinni
sem meistari var svo auðvitað það sem mig langaði
klárlega til að gera,“ sagði Alda Leif Jónsdóttir,
35 ára reynslubolti í liði Snæfells sem varð Ís-
landsmeistari kvenna í körfubolta í Stykkishólmi á
sunnudagskvöld.
Frá því Alda varð Íslandsmeistari síðast hefur
hún átt þrjú börn og lent í meiðslum, en það hefur
þó aldrei komið til greina að hætta í körfubolt-
anum á þessum tíma. „Áhuginn er ennþá til stað-
ar. Þegar ég meiddi mig síðast þá vildi ég ekki
hætta. Ég vildi leggja skóna á hilluna á mínum
eigin forsendum – ekki þurfa að hætta vegna
meiðsla,“ segir Alda Leif sem hefur þó ekki ákveð-
ið hvort skórnir séu komnir upp í hillu eða hvort
hún leiki áfram á næstu leiktíð.
Ekki búin að ákveða hvort hún heldur áfram
„Ég hefði ekki viljað fara í marga leiki í viðbót.
Það hefði ekki verið gott fyrir skrokkinn. En ég
hef ekkert ákveðið með framhaldið. Nú sé ég bara
hvernig ég kem út úr þessu öllu saman og ákveð
mig bara í rólegheitunum hvort ég spila einn vetur
í viðbót eða ekki,“ segir Alda sem leikið hefur með
Snæfelli síðustu ár. Hún hóf þó ferilinn með Val,
en hefur lengst af leikið með ÍS, að frátöldum ein-
um vetri í Keflavík og svo sitt á hvoru árinu í Dan-
mörku og Hollandi.
Alda segir andrúmsloftið í Stykkishólmi hafa
verið ótrúlegt í kringum úrslitakeppnina og er
gríðarlega þakklát fyrir stuðninginn. „Ég átti
bara bágt með mig eftir að titillinn var í höfn.
Þetta var bara geggjað. Fólkið hérna í bænum
hefur verið svo ótrúlegt. Mætingin á leikinn var
frábær – ég held að svona góð mæting hafi ekki
sést á kvennaleik áður. Stuðningurinn var ótrú-
legur frá fólkinu, og allir í kringum liðið stóðu sig
svo vel,“ sagði Alda sem neitar því þó ekki að úr-
slitakeppnin hafi þó ekki verið neinn dans á rós-
um.
Snæfell missti Chynnu Brown, bandaríska leik-
manninn sinn, í meiðsli í miðri úrslitakeppni og
fyrir vikið lék hún lítið í leikjunum gegn Val í und-
anúrslitum og Haukum í úrslitunum. „Það var
mikið sjokk þegar við misstum erlenda leikmann-
inn í meiðsli. Þá fór maður einhvern veginn strax
að hugsa að nú væri öll vinnan í vetur fyrir bí,
fyrst hún yrði ekki með á lokakaflanum. Við hugs-
uðum kannski fullmikið um það fyrst eftir að hún
meiddist. En svo ákváðum við bara að hætta að
hugsa um hana. Ef hún spilaði væri það bara frá-
bært, en við gætum ekkert breytt því ef hún yrði
ekki með. Eftir þetta fórum við bara að einbeita
okkur að því að við gætum klárað þetta Íslands-
mót með titli án hennar. Hún var samt með okkur
í öllu og mætti á allar æfingar, þó hún hefði ekki
getað verið með. En hún var auðvitað mjög svekkt
að missa eiginlega bara af úrslitakeppninni,“ sagði
Alda Leif sem átti þó auðvelt með að setja sig í
spor Chynnu Brown, því Alda meiddist sjálf rétt
áður en úrslitakeppnin hófst í fyrra.
Átti þrjú börn milli titla
 14 ár liðu milli Íslandsmeistaratitla hjá Öldu Leif Jónsdóttur  Erfiðum vetri
hennar lauk með titli  Sjokk að missa Brown  Þakklát fyrir stuðninginn
Djásnið Alda Leif Jónsdóttir með allt djásnið sitt. Börnin sín þrjú, Elínu Eygló, Jón Breka og Dagnýju
Köru ásamt bikurunum fyrir að verða Íslandsmeistari kvenna í körfubolta með Snæfelli á sunnudag.
ÞRIÐJUDAGUR 8. APRÍL 2014
ÍÞRÓTTIR
Evrópukeppnin Ísland verður í öðrum styrkleikaflokki þegar dregið er í riðla fyrir EM 2016 á föstudaginn.
Mikilvægt að ná langt í keppninni í Póllandi til að eiga möguleika á Ólympíuleikum. 4
Íþróttir
mbl.is
Gylfi Þór Sig-
urðsson og fé-
lagar í Totten-
ham létu
fullyrðingar Sky
Sports um að
knattspyrnu-
stjórinn Tim
Sherwood yrði
látinn fara í sum-
ar ekki hafa nein
áhrif á sig í gær-
kvöld, þegar þeir völtuðu yfir Sun-
derland, 5:1. Sherwood gerði samn-
ing til sumarsins 2015, þegar hann
tók við af André Villas-Boas í vetur,
en verður ekki treyst til að halda
áfram eftir þetta tímabil, samkvæmt
frétt Sky. Litlu virðist skipta þó að
honum takist að stýra Tottenham til
6. sætis, og þar með í forkeppni Evr-
ópudeildarinnar á kostnað Eng-
landsmeistara Manchester United.
Sunderland komst yfir snemma
leiks í gær eftir slæm varnarmistök
Vlads Chiriches, en mörk frá Gylfa,
Christian Eriksen, Harry Kane og
tvö frá Emmanuel Adebayor
tryggðu Tottenham sigur. Gylfi
skoraði lokamarkið í uppbótartíma,
eftir að hafa komið inná 10 mínútum
fyrr.
Gylfi hefur þar með skorað fimm
mörk í úrvalsdeildinni í vetur og er
fjórði markahæstur hjá Tottenham,
sem tókst loksins að losna við mínus-
táknið framan af markatölu sinni.
sindris@mbl.is
Gylfi batt
slaufuna á
„kveðjugjöf“
Gylfi Þór
Sigurðsson
Þorkell Gunnar Sigurbjörnsson
thorkell@mbl.is
Magnús Stefánsson frá Fagra-
skógi, leikmaður ÍBV í Olísdeild
karla í handknattleik, mun ekki
leika neitt í bráð með liðinu á Ís-
landsmótinu. Magnús meiddist illa
í öxl í deildarleik gegn ÍR í lok síð-
asta mánaðar og hefur verið með
mikla verki síðan.
„Ég er bara langt frá því að
vera góður. Ég fer í skoðun á
morgun [í dag] hjá axlar-
bæklunarskurðlækni sem tekur
stöðuna á þessu,“ sagði Magnús
þegar Morgunblaðið ræddi við
hann í gær.
Meiðslin líta þó ekki vel út hjá
Magnúsi. „Það lítur allt út fyrir
það að liðband í öxl, sem heldur
herðablaðinu niðri við axlarliðinn,
sé slitið. Ég fékk talsverða byltu í
leiknum gegn ÍR, og í henni hefur
liðbandið slitnað. Það er hins veg-
ar ekki ljóst hvort ég þarf aðgerð
eða ekki,“ segir Magnús sem neit-
ar að trúa því að tímabilinu sé lok-
ið hjá honum, þó hann spili klár-
lega ekki síðustu tvo deildarleikina
með Eyjamönnum.
Útilokar ekki að spila
„Það er svo langt síðan maður
hefur verið í svona miklu dauða-
færi að taka titilinn. Maður hefur
oft komist í fjögurra liða úrslit. Ég
finn bara hvað býr í liðinu og mér
finnst við eiga virkilega möguleika
á því að verða Íslandsmeistarar.
Þannig að það væri sérstaklega
sárt að vera frá út leiktíðina. Ég
mun allavega ekki útiloka það að
spila aftur á þessari leiktíð nema
læknirinn segi mér það á morgun
[í dag],“ sagði Magnús Stefánsson
með keppnisskapið í lagi þó öxlin
sé það greinilega ekki.
Magnús ekki í úrslitakeppninni?
 Langt frá því að vera orðinn góður eftir að hafa meiðst í öxl í leik gegn ÍR
8. apríl 1966
Íslenska karlalandsliðið í körfu-
knattleik burstar Norðmenn,
74:39, í fyrsta leik
sínum á Norð-
urlandamótinu í
Kaupmannahöfn.
Þorsteinn Hall-
grímsson skorar 16
stig, Einar Matt-
híasson 15 og Kol-
beinn 15 fyrir íslenska liðið.
8. apríl 1977
Ísland sigrar Lúxemborg,
106:88, í síðasta leik sínum í C-
keppni Evrópumóts karla í
körfuknattleik í Hampstead á
Englandi og hafnar í fimmta sæti
með þrjá sigra og tvö töp. Jón
Sigurðsson og Pétur Guðmunds-
son eru báðir valdir í úrvalslið
keppninnar.
8. apríl 2000
Íslenska kvennalandsliðið í
knattspyrnu nær óvæntu jafn-
tefli, 0:0, gegn heimsmeisturum
Bandaríkjanna í vináttulandsleik
í Charlotte. Þessum úrslitum nær
liðið með öguðum varnarleik og
frábærri markvarsla Þóru B.
Helgadóttur.
Á ÞESSUM DEGI