Morgunblaðið - 10.04.2014, Blaðsíða 2

2 ÍÞRÓTTIR
MORGUNBLAÐIÐ FIMMTUDAGUR 10. APRÍL 2014
HM Í ÍSHOKKÍ
Sindri Sverrisson
Belgrad
Þótt Eistland standi sannarlega enn
stalli ofar en Ísland í íshokkíheim-
inum er sá stallur alltaf að minnka.
Bilið á milli liðanna er í raun orðið það
lítið að ekki þarf nema smáskammt af
heppni til að brúa það, ef marka má
viðureign þjóðanna í fyrstu umferð A-
riðils 2. deildar HM hér í Belgrad.
Eistlendingar voru fyrirfram álitnir
sterkasta þjóð mótsins og það er ekk-
ert skrýtið. Þeir telja sig vera 1. deild-
ar þjóð, enda langflestir atvinnumenn,
og eftir að hafa fallið í fyrra ætla þeir
sér einfaldlega beint upp aftur. Ísland
hefur ekki verið nein fyrirstaða fyrir
þá í gegnum tíðina en nú var raunin
önnur, þótt Eistland hafi vissulega
farið með sigur af hólmi að lokum, 4:1.
Eistland hefur unnið fyrri viður-
eignir þjóðanna með miklum yfirburð-
um, fyrst 16:1 og svo með fimm marka
mun í síðustu tveimur leikjum, 6:1 og
7:2. Leikurinn í gær var hins vegar
jafn og spennandi langt fram í loka-
leikhlutann.
Eistlendingar sóttu stíft að íslenska
markinu í fyrsta leikhlutanum og í
raun leist manni ekkert á blikuna á
þeim kafla. Dennis Hedström sýndi
hins vegar enn á ný hversu góður
markvörður hann er og sá við mörg-
um góðum skottilraunum. Eina mark
Eistlands í fyrsta leikhluta kom úr
skoti sem hann var grátlega nærri því
að verja.
Minni þjóðir mega vara sig
Ísland jafnaði metin með afar lag-
legu marki frá eina atvinnumanni sín-
um, Emil Alengård, sem afgreiddi
pökkinn í hornið eftir góðan undir-
búning Robins Hedström. Leikur ís-
lenska liðsins lofaði mjög góðu á þess-
um kafla en Eistland nýtti sér
brottvísun og komst fljótt yfir á nýjan
leik og bætti við þriðja markinu úr
skyndisókn. Í lokaþriðjungnum var
jafnræði með liðunum en Eistlend-
ingar bættu við fjórða markinu áður
en yfir lauk.
Hin skæða aðalsóknarlína Íslands,
skipuð Emil, Robin og Jóni Benedikt
Gíslasyni, sýndi á köflum í leiknum í
gær hvílíkum usla hún getur valdið
gegn svo sterkum andstæðingi. Megi
minni þjóðir mótsins vara sig. Varn-
arvinna íslenska liðsins var jafnframt
til sóma og Dennis maður leiksins í
markinu eins og stundum áður í gegn-
um árin.
Í hefndarhug gegn Belgum
Þótt þriggja marka tap sé aldrei
eitthvað til að hrópa húrra yfir gefur
leikur Íslands góð fyrirheit um að það
sé ekki bara í nösunum á mönnum að
ætla að ná verðlaunum. Til þess þarf
liðið að jafna eða toppa sinn besta ár-
angur í sögunni, og fyrsta skrefið er
að ná fram hefndum gegn Belgum
sem skelltu Íslandi í fyrsta leik á HM í
fyrra, einnig 4:1. sindris@mbl.is
Þarf lítið til að brúa bilið
Ljósmynd/IIHF
Sókn Jón Benedikt Gíslason og Andri Helgason sækja að Mark Rajevski markverði Eista í leiknum í Belgrad í gær.
Ingvar Jónsson (25) og Aleksandr Ossipov fylgjast með. Íslenska liðið veitti Eistum harða keppni allan tímann.
 Tap gegn „bestu“ þjóðinni, Eistlandi, í fyrsta leik á HM í Belgrad  Emil með
eina mark Íslands sem veitti Eistum keppni í fyrsta sinn  Mæta Belgum í dag
HM í Serbíu
» Ísland er í riðli með Eistlandi,
Belgíu, Serbíu, Ísrael og Ástr-
alíu. Næsti leikur Íslands er
gegn Belgíu í dag kl. 14.30 að ís-
lenskum tíma.
» Ein þjóð kemst upp í 1. deild
en þar spilaði Eistland í fyrra.
» Emil Alengård skoraði mark
Íslands eftir sendingu frá Robin
Hedström.
Víðir Sigurðsson
vs@mbl.is
Bayern München, Atlético Madríd,
Chelsea og Real Madríd. Eitt þess-
arra fjögurra liða verður Evr-
ópumeistari í knattspyrnu í vor. Tvö
þau fyrrnefndu bættust í hópinn í
gærkvöld þegar þau slógu út Man-
chester United og Barcelona.
Real Madríd getur unnið keppnina
í 10. skipti, Bayern í sjötta skipti og
Chelsea í annað sinn. Atlético Madr-
íd er hinsvegar nýliðinn í þessum
hópi en í ár eru einmitt 40 ár síðan
liðið lék sinn fyrsta og eina úrslita-
leik til þessa um Evrópumeistaratit-
ilinn.
Það var einmitt gegn Bayern
München, sem þá burstaði Atlético
4:0 í úrslitaleik í Brussel. Þegar
dregið verður til undanúrslitanna á
morgun getur sú staða komið upp að
Bayern og Atlético eigi möguleika á
að endurtaka leikinn, fjórum ára-
tugum síðar. Að þessu sinni fer úr-
slitaleikurinn fram í Lissabon, laug-
ardaginn 24. maí.
Fjórfaldir meistarar Barcelona
lutu í gras í Madríd þar sem Atlético
vann seinni leik liðanna, 1:0, og ein-
vígið þar með 2:1 samanlagt. Þetta
er í fyrsta sinn í sjö ár sem Katalón-
íuliðið kemst ekki í undanúrslit
Meistaradeildarinnar.
Koke skoraði markið strax á 6.
mínútu og leikmenn Atlético gátu
hæglega gert fleiri mörk í kjölfarið
því þeir áttu þrjú skot í stöng og slá
á fyrstu 20 mínútunum. Barcelona
var mun meira með boltann en var
ekki sannfærandi. Katalónarnir
fengu þó sín færi og þeir Neymar og
Lionel Messi hefðu hæglega getað
jafnað metin og knúið fram fram-
lengingu.
Heldur betur stórt kvöld fyrir
Atlético og andlegur styrkur fyrir
liðið í slagnum við Barcelona og
Real Madríd um spænska meist-
aratitilinn. Sú barátta gæti hæglega
endað með úrslitaleik Barcelona og
Atlético á Camp Nou í lokaumferð-
inni.
Draumamark Evra dugði
skammt
Bayern þurfti heldur betur að
hafa fyrir því að brjóta niður Man-
chester United sem lengi vel gaf fá
færi á sér, rétt eins og í fyrri við-
ureigninni á Old Trafford.
Síðan virtist ævintýri í uppsigl-
ingu fyrir David Moyes og hans
menn þegar Patrice Evra skoraði
sannkallað draumamark á 58. mín-
útu. Hann þrumaði boltanum af 20 m
færi beint uppí markvinkil Bæjara.
En sælan var stutt því 22 sek-
úndum eftir að Bayern hóf leikinn á
miðju hafði Mario Mandzukic jafnað
metin, 1:1.
Framlengingu hefði þurft ef það
hefðu verið lokatölurnar en leik-
menn Bayern voru komnir á bragð-
ið. Arjen Robben fór illa með vörn
United, fyrst lagði hann upp mark
fyrir Thomas Müller og innsiglaði
svo sigurinn sjálfur, 3:1, eftir dæmi-
gerðan sprett þvert fyrir framan
vítateig enska liðsins.
Þar með er ljóst að Manchester
United verður ekki með í Meist-
aradeildinni næsta vetur, nema eitt-
hvað ótrúlegt gerist á lokaspretti
úrvalsdeildarinnar.
Tekur vonandi bara eitt ár
„Nú einbeiti ég mér að því að
koma liðinu aftur í þessa keppni.
Vonandi mun sú uppbygging aðeins
taka eitt ár,“ sagði David Moyes við
fréttamenn eftir leikinn.
Hann viðurkenndi að það hefði
verið ákveðin áhætta að tefla Wayne
Rooney fram meiddum í kvöld en
Rooney fékk kvalastillandi sprautu
til að geta spilað. „Mér fannst þetta
stundum há honum í leiknum, að
hann næði ekki nógu góðum spyrn-
um, en hann er okkur svo geysilega
dýrmætur,“ sagði Moyes.
Endurtekið efni
frá árinu 1974?
AFP
Kátir Koke, David Villa og Filipe Luis fagna á Vicente Calderon leikvanginum
í Madríd. Þeir eru komnir með Atlético í undanúrslit Meistaradeildarinnar.
 Atlético og Bayern gætu mæst á
ný í úrslitaleik Meistaradeildarinnar
Meistaradeild Evrópu
8-liða úrslit, seinni leikir:
Bayern München – Manch. Utd ............. 3:1
Mario Mandzukic 59., Thomas Müller 68.,
Arjen Robben 76. – Patrice Evra 58.
 Bayern München í undanúrslit, 4:2 sam-
anlagt.
Atlético Madríd – Barcelona.................. 1:0
Koke 6.
 Atlético í undanúrslit, 2:1 samanlagt.
UEFA-mót U17 karla
Leikið í Belfast:
Norður-Írland – Ísland............................ 1:0
Wales – Færeyjar..................................... 2:0
 Wales er með 6 stig, Norður-Írland 6, Ís-
land 0 og Færeyjar 0. Ísland og Færeyjar
mætast á morgun.
KNATTSPYRNA
Olís-deild kvenna
8-liða úrslit, annar leikur:
Grótta – Fram................................... 22:21
 Grótta í undanúrslit, 2:0.
HK – Stjarnan................................... 15:22
 Stjarnan í undanúrslit, 2:0.
Þýskaland
Minden – Hamburg.......................... 28:34
 Vignir Svavarsson skoraði ekki fyrir
Minden.
B-deild:
Aue – Hildesheim............................. 29:30
 Árni Þór Sigtryggsson skoraði 7 mörk
fyrir Aue en Bjarki Már Gunnarsson og
Sigtryggur Rúnarsson skoruðu ekki.
Sveinbjörn Pétursson ver mark Aue og
Rúnar Sigtryggsson þjálfar liðið.
Frakkland
St. Raphael – Chambéry ................. 28:27
 Arnór Atlason skoraði 2 mörk fyrir St.
Raphael.
Noregur
8-liða úrslit karla, riðlakeppni:
Bodö – Arendal ............................... 33:21
 Einar Ingi Hrafnsson leikur með Ar-
endal.
Umspil karla, annar leikur:
Nötteröy – Viking Stavanger......... 24:20
 Hreiðar Levý Guðmundsson ver mark
Nötteröy.
 Nötteröy vann 48:47 samanlagt og
heldur sæti sínu í úrvalsdeildinni.
8-liða úrslit, riðlakeppni:
Stabæk – Vipers Kristiansand ....... 33:23
 Þórey Rósa Stefánsdóttir skoraði 1
mark fyrir Vipers sem hefur lokið
keppni.
Danmörk
Úrslitakeppnin:
SönderjyskE – KIF Kolding ........... 24:23
 Aron Kristjánsson þjálfar KIF.
HANDBOLTI
NBA-deildin
Atlanta – Detroit ................................ 95:102
Minnesota – San Antonio................... 110:91
Miami – Brooklyn................................. 87:88
Utah – Dallas ........................................ 83:95
Sacramento – Oklahoma City ........... 92:107
LA Lakers – Houston ...................... 130:145
KÖRFUBOLTI
KÖRFUKNATTLEIKUR
Undanúrslit karla, þriðji leikur:
DHL-höllin: KR – Stjarnan (2:0) ........ 19.15
1. deild kvenna, annar úrslitaleikur:
Dalhús: Fjölnir – Breiðablik (0:1) ....... 19.15
HANDKNATTLEIKUR
Úrvalsdeild karla, Olís-deildin:
Framhús: Fram – ÍR............................ 19.30
Schenkerhöll: Haukar – Akureyri ...... 19.30
Kaplakriki: FH – HK ........................... 19.30
Vestmannaeyjar: ÍBV – Valur ............ 19.30
KNATTSPYRNA
Deildabikar karla, Lengjubikarinn:
Selfossvöllur: Selfoss – Valur................... 19
Í KVÖLD!
HM karla
2. deild, A-riðill, í Belgrad:
Ísland – Eistland ...................................... 1:4
Ísrael – Ástralía ............................... (frl.) 4:3
Belgía – Serbía.......................................... 8:3
Staðan:
Belgía 1 1 0 0 0 8:3 3
Eistland 1 1 0 0 0 4:1 3
Ísrael 1 0 1 0 0 4:3 2
Ástralía 1 0 0 1 0 3:4 1
Ísland 1 0 0 0 1 1:4 0
Serbía 1 0 0 0 1 3:8 0
 Ísland mætir Belgíu klukkan 14.30 í dag.
Leiknum verður lýst beint á mbl.is.