Morgunblaðið - 10.04.2014, Blaðsíða 4

FÓTBOLTI
Ívar Benediktsson
iben@mbl.is
„Við búum okkur undir að verða
meira með boltann og æfum með það
í huga að við þurfum að sýna þol-
inmæði, leika vel og skapa okkur
færi,“ segir Freyr Alexandersson,
landsliðsþjálfari Íslands í kvenna-
knattspyrnu, um væntanlega við-
ureign Möltu og Íslands í und-
ankeppni heimsmeistaramótsins á
Centenary-leikvangi á Möltu í dag.
Malta rekur lestina í riðlinum án
stiga eftir fjóra leiki og hefur fengið
á sig 21 mark í leikjunum án þess að
hafa náð að svara fyrir sig. Íslenska
landsliðið vann landslið Ísraels um
liðna helgi, 1:0, og færðist þar með
upp í annað sæti riðilsins.
Freyr segir að áfram verði byggt
á góðum leikjum og úrslitum lands-
liðsins í síðustu leikjum.
„Við verðum að halda áfram að
byggja ofan á það sem hefur verið
gert í síðustu leikjum. Eftir sigurinn
á Ísrael höfum við unnið fjóra leiki í
röð og ætlum að halda sigurgöng-
unni áfram. Það er engin spurning,“
sagði Freyr í samtali við Morg-
unblaðið í gær.
Viljum vera áfram á sigurbraut
„Það er algjörlega nauðsynlegt
fyrir okkur að klára þetta verkefni á
Möltu með sóma og með sigri til
þess að halda þeirri stöðu sem við
erum komin í í riðlinum.
Fyrir leikinn við Ísrael var talað
um að sigur í þeim leik væri skyldu-
sigur. Ég var nú ekki alveg sammála
því en hinsvegar er alveg ljóst að
það er skylduverkefni fyrir okkur að
vinna Möltu. Hér eru þrjú stig sem
við eigum að fara með heim,“ segir
Freyr en Ísland hefur aldrei mætt
Möltu áður í A-landsleik kvenna.
Ólíkt síðustu leikjum þar sem ís-
lenska landsliðið hefur leikið gegn
andstæðingum sem fyrirfram hafa
verið álitnir sterkari eða jafnsterkir
íslenska liðinu þá er Malta með mun
veikara lið en það íslenska. Freyr
segir að nú muni reyna á íslenska
landsliðið þannig að það þori og vilji
vera í leiðtogahlutverki í leiknum.
„Nú verðum við að þora að sýna
að við erum með betra liðið með því
að koma með beint bak til leiks og
þora að „keyra“ á andstæðinginn,“
segir Freyr.
Munu verjast aftarlega
Freyr segir að í ljósi undangeng-
inna leikja Möltu-liðsins sé hætt við
að leikmenn liðsins verjist aftarlega
á leikvellinum og gefi fá færi á sér.
Eftir 11:0 tap fyrir Sviss á dögunum
er hætt við að Möltu-liðið reyni allt
til þess að halda marki sínu hreinu
með öllum tiltækum ráðum. Fyrir
vikið muni leikmenn Möltu ekki
hætta sér mikið fram á leikvöllinn til
sóknar, að minnsta kosti ekki til að
byrja með.
„Ég á ekki von á öðru en að það
verði nánast lagt rútu fyrir framan
vítateiginn. Við verðum að finna leið-
ir framhjá eða í gegnum þá hindrun.
Það verður bara góð æfing fyrir lið
mitt. Leikmenn verða að sýna gæði í
leik sínum. Ég tel okkur vera á góðri
leið með búa okkur undir góðan
leik,“ segir Freyr Alexandersson,
landsliðsþjálfari kvenna í knatt-
spyrnu.
Er leið framhjá rútunni?
 Eftir fjóra sigurleiki í röð sækir íslenska landsliðið botnlið Möltu heim í undan-
keppni HM  Malta steinlá fyrir Sviss á dögunum  Getur kostað þolinmæði
Ljósmynd/KSÍ
Malta Freyr Alexandersson ræðir við leikmenn Íslands á keppnisvellinum á Möltu, Centenary Stadium, en hann er í
bænum Attard á miðri Miðjarðarhafseyjunni og við hliðina á þjóðarleikvanginum Ta’ Qali.
Undankeppni HM
» Sviss er í efsta sæti riðilsins
með fullt hús stiga, 15, eftir 5
leiki. Sviss mætir Danmörku í
dag á heimavelli.
» Ísland er í öðru sæti með 6
stig eftir 3 leiki. Ísrael hefur 6
stig eftir 4 leiki og Danir 4 stig
að loknum 3 leikjum.
» Serbía er með 4 stig úr 5
leikjum og Malta er án stiga
eftir 4 leiki.
4 ÍÞRÓTTIR
MORGUNBLAÐIÐ FIMMTUDAGUR 10. APRÍL 2014
Á morgun hefst miðasala fyr-
ir Evrópumótið í hópfimleikum
sem verður haldið í Laugardals-
höll í haust. Íslensku landsliðin
unnu til tvennra gullverðlauna á
síðasta EM og auk þess að
kvennalandslið Íslands sé tvö-
faldur Evrópumeistari er það líka
margfaldur Norðurlandameistari
í hópfimleikum.
Í ljósi þess hve Ísland stend-
ur framarlega í hópfimleikum er
svolítið svekkjandi að ekkert
heimsmeistaramót sé í greininni.
Ástæðan fyrir því er þó einföld.
Til að Alþjóðafimleikasambandið
standi fyrir HM í einhverri teg-
und fimleika þarf að vera keppt í
þeirri tegund fimleika hjá öllum
álfusamböndunum. Sem stendur
er Evrópska fimleikasambandið
eina sambandið sem stendur
fyrir mótum í hópfimleikum.
Um leið er ljóst að við munum
ekki eignast íslenska ólympíu-
fara í hópfimleikum í bráð, því
fyrst ekkert HM er í hópfim-
leikum verður ekki keppt í þeim
heldur á Ólympíuleikum.
Á Ólympíuleikunum í Ríó
2016 verður þó sérstök fim-
leikasýning eða fimleika-gala að
lokinni keppni í öllum tegundum
fimleika á leikunum. Ég velti því
fyrir mér hvort hópfimleikar
gætu farið sem sýningargrein
inn í galasýninguna í Ríó 2016.
Þannig gætum við fengið okkar
besta hópfimleikafólk á Ólymp-
íuleika eftir krókaleiðum. Rétt
eins og við áttum glímumenn á
leikunum 1908 og 1912 þar sem
glíman var sýningargrein.
Hins vegar þekki ég ekki
reglurnar. Kannski þurfa þeir
sem leika listir sínar í fim-
leikasýningunni í Ríó einnig að
hafa lágmark inn á leikina. Von-
andi samt ekki, því þá gæti opn-
ast leið fyrir íslenskt hópfim-
leikafólk.
BAKVÖRÐUR
Þorkell Gunnar
Sigurbjörnsson
thorkell@mbl.is
PÖNTUNARTÍMI
AUGLÝSINGA:
Fyrir kl. 16,
mánudaginn 28. apríl.
NÁNARI UPPLÝSINGAR:
Katrín Theódórsdóttir
kata@mbl.is
Sími: 569-1105
Morgunblaðið gefur út
glæsilegt sérblað um
Íslandsmótið
Pepsí-deild karla í
knattspyrnu 2.maí.
Farið verður um
víðan völl og
fróðlegar
upplýsingar
um liðin sem leika
sumarið 2014.
–– Meira fyrir lesendur
SÉRBLAÐ
ÍSLANDSMÓTIÐ
PEPSÍ-DEILD KARLA Í KNATTSPYRNU 2014
Páskaegg
úr 65% lífrænu
súkkulaði
sem kemur allt
af ekrunni
Madirofolo,
af eyjunni
Madagskar
MOSFELLSBAKARÍ
Háholti 13-15 Mosfellsbæ | Háaleitisbraut 58-60 Reykjavík
s. 566 6145 | mosfellsbakari.is
Nýjung!
Áfram verðum við með
„Dulcey blond“ súkkulaðið
sem er flauelsmjúkt með
karamellubragði ásamt 33%
gæða belgísku súkkulaði.
Eggin eru fyllt með hand-
gerðu konfekti og málshætti
og fást hjá okkur á Háaleitis-
braut 58-60 í Reykjavík og í
Háholti 13-15 í Mosfellsbæ.