Barnablaðið - 02.08.2014, Blaðsíða 4
BARNABLAÐIÐ4
Ester Indriðadóttir er 15 ára stelpa sem undanfarið
hefur verið að undirbúa sig fyrir Unglingalandsmót
Ungmennafélags Íslands en þar mun hún keppa í
bogfimi. Ester segir fólk stundum verða svolítið hissa
þegar hún segist æfa bogfimi en hún mælir hiklaust
með íþróttinni sem er skemmtileg að hennar mati.
Ester er ein af fjölmörgum krökkum sem keppa á
Unglingalandsmóti UMFÍ í ár en keppnisgreinar mótsins
eru fjölbreyttar.
Hvenær byrjaðir þú að æfa
bogfimi?
Ég hef verið að fikta við þetta í 1-2
ár.
Af hverju byrjaðir þú að æfa
bogfimi?
Það var vegna þess að pabbi minn
byrjaði að æfa bogfimi fyrir mörgum
árum og hann leyfði mér að prófa, út
frá því smitaðist áhuginn.
Er þetta ekki ný keppnisgrein á
Unglingalandsmóti UMFÍ? ?
Jú.
Hefur þú æft einhverjar aðrar
íþróttir?
Já, ég hef æft skíði og fótbolta.
Hefur þú keppt áður á
Unglingalandsmóti UMFÍ?
Nei.
Er þetta erfið íþrótt?
Í byrjun getur þetta verið erfitt fyrir
suma en þetta er fljótt að lærast
með æfingunni.
Mælir þú með þessu fyrir börn og
unglinga?
Já, hiklaust.
Út á hvað gengur íþróttin og
hvernig æfir maður sig?
Að hitta í miðjuna er alltaf
takmarkið, maður dregur bogann
og miðar. Því þarf maður að æfa
stöðugleika og einbeitingu.
Hverjir keppa á Unglingalandsmóti
UMFÍ?
Það eru krakkar og unglingar
á aldrinum 11-18 ára. Það er
keppt í golfi, körfubolta, fótbolta,
frjálsum íþróttum, strandblaki,
hestaíþróttum, bogfimi, siglingum,
sundi, tölvuleikjum, glímu, upplestri,
motocross, stafsetningu og skák.
Tekur langan tíma að undirbúa sig
undir svona mót?
Já, það getur tekið langan tíma.
Verður fólk ekki svolítið hissa
þegar þú segist æfa bogfimi??
Jú, sumir verða frekar hissa en
öðrum finnst það bara töff.
Eru einhverjar íþróttagreinar á
landsmótinu sem þú ætlar að
fylgjast með?
Nei, ég hef meiri áhuga á
afþreyingunni.
Fyrir börn og unglinga sem langar
til að prófa bogfimi, hvar geta þau
prófað?
Það eru nokkur félög á landinu
þar sem ætti að vera hægt að
heimsækja og fá að prófa og æfa.
Svo er það Bogfimisetrið, þangað
geta allir komið og fengið að prófa
en það er á Akureyri og í Kópavogi.
Hægt er að nálgast allar upplýsingar
um bogfimi á www.archery.is.
Ste
Bogfimi er spennandi
og flott íþrótt
„Að
hitta
í miðjuna
er alltaf
takmarkið.“