Morgunblaðið - 10.06.2014, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 10. JÚNÍ 2014
3 m/s - raforkuframleiðsla hefst 15 m/s 28 m/s 34 m/s - raforkuframleiðsla stöðvastKjöraðstæður til raforkuvinnslu
Það er allt í lagi
að það blási svolítið
Í Búrfellsstöð við Þjórsá er gagnvirk orkusýning og skammt
norður af stöðinni eru fyrstu vindmyllur Landsvirkjunar.
Þeim er ætlað að veita vísbendingar um framtíðarmöguleika
í beislun íslenska roksins. Við vonum auðvitað að sumarið
verði gott en okkur finnst líka allt í lagi þó það blási hressilega
í 50 metra hæð yfir hraunsléttunni fyrir norðan Búrfell.
Gagnvirk orkusýning í Búrfellsstöð er opin alla daga kl. 10-17.
Einnig tekur starfsfólk á móti gestum við vindmyllurnar norðan Búrfells
alla laugardaga í júlí kl. 13-17.
Jarðvarmasýning í gestastofu Kröflu er skemmtilegur áfangastaður fyrir
norðan. Þar er opið alla daga kl. 10-17.
Við Kárahnjúkastíflu tekur leiðsögumaður á móti gestum alla miðvikudaga
og laugardaga kl. 14-17.
Velkomin í heimsókn í sumar!
www.landsvirkjun.is/heimsoknir
Una Sighvatsdóttir
una@mbl.is
Reykjanesbrautin, frá Hafnarfirði að
Keflavík, var eitt sinn mesta slysa-
gildra landsins og voru banaslys í um-
ferðinni nær árlegur viðburður. Hinn
29. nóvember árið 2000 létust hjón og
ungur faðir í hörðum árekstri á
Reykjanesbrautinni en það hörmu-
lega slys var kornið sem fyllti mælinn
hjá Suðurnesjamönnum, sem beittu
sér í kjölfarið af krafti fyrir vega-
umbótum. Árangurinn af þeirri sam-
vinnu leynir sér ekki, því í maí á þessu
ári voru 10 ár liðin án þess að bana-
slys yrðu á tvöfaldri Reykjanesbraut.
Lokuðu veginum
Þrefalda banaslysið olli bæði sorg
og reiði á Suðurnesjum, en rúmri viku
eftir slysið tóku um 100 manns sig til
og lokuðu Reykjanesbrautinni í þrjár
og hálfa klukkustund í mótmæla-
skyni, með því að leggja tugum bíla
þvert yfir veginn. Lögregla leit að-
gerðirnar alvarlegum augum þótt
valdbeiting hafi ekki átt sér stað í það
sinn, en þegar leitað var til Steinþórs
Jónssonar, sem fór á sínum tíma fyrir
hópi áhugafólks um örugga Reykja-
nesbraut, ákvað hann að beita sér í
baráttunni og færði hana upp úr far-
vegi reiðinnar og reyndi frekar að
höfða til stjórnvalda með uppbyggi-
legum hætti. Áhugahópur um örugga
Reykjanesbraut var stofnaður í kjöl-
farið. Hópurinn var grasrótarframtak
nokkurra einstaklinga en hafði þó
mikinn skriðþunga því að baki honum
stóð samfélagið allt á Suðurnesjum.
Hópurinn barðist fyrir tvöföldun
Reykjanesbrautar og hófst sú barátta
með borgarafundi í Stapa í Njarðvík í
janúarbyrjun 2001, líklega einum
þeim fjölmennasta innandyra á Ís-
landi. Þangað mættu um 1.000
manns, ásamt sveitar-
stjórnarmönnum, þingmönnum og
ráðherrum.
Slysatíðnin jókst á Reykjanes-
brautinni eftir því sem bílum fjölgaði
og umferðarhraði jókst. Sem dæmi
má taka að á árunum 2000 til 2003
létu 11 manns lífið á Reykjanesbraut,
að meðaltali einn á 99 daga fresti.
Hefði ekkert verið gert og banaslys
orðið áfram með sömu tíðni má áætla
að hátt í 40 manns hefðu látist á síð-
ustu árum.
Hugmyndin ekki ný af nálinni
Hugmyndir um tvöföldun vegarins
höfðu komið til umræðu öðru hverju
um margra ára skeið. Tillaga til
þingsályktunar þess efnis var fyrst
flutt á Alþingi árið 1988 og sambæri-
legar tillögur voru reglulega lagðar
fram næstu árin en ekkert gerðist.
Um aldamót var tvöföldunin þó
komin á vegaáætlun, en stefnt var að
því að verkið yrði að mestu unnið á ár-
unum 2007-2010. Það má því án nokk-
urs efa þakka það baráttu
Suðurnesjamanna að framkvæmdum
var flýtt. Sturla Böðvarsson sam-
gönguráðherra tók fyrstu skóflu-
stunguna 11. janúar 2003, með árit-
aðri skóflu sem honum hafði verið
afhent til verksins nákvæmlega
tveimur árum fyrr á borgara-
fundinum í Stapa.
Reykjanesbrautin er þó enn ekki
fullkláruð. Á sínum tíma var talið að
tvöföldun vegarins dygði til og ekki
væri þörf á að setja upp víravegrið
milli veghlutanna. Annað hefur komið
í ljós og hefur Vegagerðin ákveðið að
setja upp víravegrið milli akbraut-
anna alla leið frá Hafnarfirði til Kefla-
víkur. Samkvæmt upplýsingum frá
Vegagerðinni miðar verkinu ágæt-
lega og er stefnt að verklokum árið
2015.
Börðust fyrir tvöföldun vegarins
 Á árunum 2000 til 2003 létu 11 manns lífið á Reykjanesbraut  Þrefalt banaslys var kornið sem fyllti
mælinn Áhugahópur um örugga Reykjanesbraut var í kjölfarið stofnaður Brautin er ekki fullkláruð
Ljósmynd/Árni Torfason
Öryggi Svo virðist sem tvöföldun vegarins hafi bjargað mannslífum.