Morgunblaðið - 10.06.2014, Blaðsíða 12
12 FRÉTTIRInnlent
MORGUNBLAÐIÐ ÞRIÐJUDAGUR 10. JÚNÍ 2014
Suðurver | Mjódd | Glæsibær | Húsgagnahöllin | Smáratorg | Austurver
Útskriftir
Brúðkaup
Afmæli
Erfidrykkjur
Fundir
Vinir okkar á Facebook geta
unnið allskyns góðgæti!
Nánari upplýsingar
í síma 533 3000
Kjartan Kjartansson
kjartan@mbl.is
Endurbættar stofur á kvennadeild
Landspítalans sem Líf, styrktarfélag
deildarinnar, afhenti formlega fyrir
skömmu hafa gjörbreytt aðstöðunni
á deildinni. Stofurnar voru gerðar
upp fyrir söfnunarfé sem ævin-
týrakonan Vilborg Arna Gissurar-
dóttir og Kristín Guðmundsdóttir
handboltakona öfluðu.
Annars vegar er um að ræða að-
standendaherbergi og setustofu fyrir
sjúklinga sem hafa hlotið nöfnin Vil-
borgarstofa og Pólstjarnan og hins
vegar stofu fyrir konur sem missa
barna á meðgöngu. Síðarnefnda stof-
an hlaut nafnið Kristínarstofa.
Vilborg Arna tileinkaði för sína á
suðurpólinn starfi kvennadeildar
spítalans en Kristín stóð fyrir áheita-
leik í úrslitakeppni Fram og Vals til
styrktar Lífi eftir að hún missti tví-
bura á meðgöngu fyrir þremur árum.
Hefur gjörbreytt aðstöðunni
„Þetta hefur gjörbreytt aðstöð-
unni. Það er ómetanlegt að eiga
svona styrktaraðila. Peningar eru af
skornum skammti á Landspítalanum
til þess að gera eitthvað og innrétta.
Við vorum með gömlu blettóttu sóf-
ana en núna er búið að kaupa allt
nýtt og reyna að gera stofurnar hlý-
legar,“ segir Hrund Magnúsdóttir,
deildarstjóri á kvenlækningadeild
21A.
Kristínarstofa er nýbreytni á
deildinni en með tilkomu hennar
þurfa konur sem missa barn eftir
tólftu viku meðgöngu ekki lengur að
liggja innan um fæðandi konur og
börn þeirra á deildinni eins og Krist-
ín lenti í. Hrund segir að stofan sé af-
drep fyrir fólk í erfiðum aðstæðum.
Nú þurfi þær konur eða aðstand-
endur þeirra ekki lengur að leita út
fyrir herbergið um neitt meðan á
dvölinni stendur.
„Kristín kom á ákveðinni hug-
arfarsbreytingu gagnvart þessu mál-
efni innanhúss með því að vekja at-
hygli á þessu. Í dag er þetta hugsað
meira út frá notandanum,“ segir Þór-
unn Hilda Jónasdóttir, fram-
kvæmdastjóri Lífs.
Alls söfnuðust þrjár milljónir
króna í söfnun Kristínar en um 34
milljónir í tengslum við pólför Vil-
borgar Örnu. Þórunn Hilda segir að
hluti söfnunarfjár Vilborgar Örnu
hafi farið í endurbæturnar nú en það
sé aðeins fyrsti áfangi frekari fram-
kvæmda.
„Það sem Vilborg gerði er náttúr-
lega stórkostlegt afrek og það er
ótrúlega mikil lukka að hana rak á
okkar fjörur,“ segir hún.
Aðstaðan bætt á
kvennadeildinni
Gert upp með stuðningi „ómetanlegra“ styrktaraðila
Styrkur Vilborg Arna Gissurardóttir pólfari og Kristín Guðmundsdóttir, handboltakona, styrktu kvennadeildina.
Páll Fannar Einarsson
pfe@mbl.is
Páll Halldórsson, formaður Félags
íslenskra náttúrufræðinga, segir að
meðlimir félagsins muni ekki taka
boðun til vinnustöðvunar af borðinu
en Félagsdómur úrskurðaði á dög-
unum að fyrrum boðað verkfall nátt-
úrufræðinga á Landspítalanum væri
ólöglegt. Aðspurður hver næstu
skref í málinu verða segir Páll: „Við-
ræður eru í gangi og ég veit svo sem
ekki hvernig þær þróast en maður
vonar það besta. Það er alveg í
spilinu að boða aftur til verkfalls ef
viðræður ganga ekki upp en við
verðum bara að sjá til,“ segir Páll en
hann mun funda með ríkissáttasemj-
ara annaðhvort í dag eða á morgun.
Náttúrufræðingar á Landspítal-
anum samþykktu að boða til verk-
falls frá og með 4. júní síðastliðnum
en ekki varð af því. Yfirgnæfandi
meirihluti félagsmanna samþykkti
verkfallsboðið í atkvæðagreiðslu en
náttúrufræðingar á Landspítalanum
eru ósáttir við kjör sín og segja þau
mun lakari en laun náttúrufræðinga
annars staðar hjá ríkinu.
„Í spilinu að boða
aftur til verkfalls“
Viðræður halda áfram næstu daga
Morgunblaðið/Þórður
Viðræður Náttúrufræðingar á Landspítalanum eru ósáttir við stöðu sína.