Morgunblaðið - 10.06.2014, Blaðsíða 7

MORGUNBLAÐIÐ ÞRIÐJUDAGUR 10. JÚNÍ 2014
BÍLAR 7
Mesta úrval landsins af rafgeymum
fyrir húsbíla, hjólhýsi og fellihýsi
Þrátt fyrir aukinn tækni- og ör-
yggisbúnað í bílum sem ætlað er
að gera þá öruggari í umferðinni
hefur hún ekki séð við mann-
legum mistökum bílstjóra.
Tækninni hefur til að mynda
mistekist að hindra aukningu aft-
anákeyrslna í umferðinni, sam-
kvæmt nýjum rannsóknum trygg-
ingafélagsins Accident
Exchange.
Þar kom í ljós að aftanákeyrslur
hafa aukist um 7% á und-
anförnum þremur árum, en félag-
ið segir tjón að jafnaði 2.000
sterlingspund, jafnvirði 380.000
króna, í hverju þeirra.
Mikill meirihluti aftanákeyrslna
á sér stað á hægri ferð í borgum
og bæjum. Eftir sem áður eru þær
þriðjungur allra umferðaróhappa.
Þrátt fyrir tilkomu árekstr-
arvara í bílum, öflugar bremsur
og hemlakerfi með læsivörn hef-
ur aftanákeyrslunum fjölgað jafnt
og þétt frá 2011. Í nýjum bílum frá
Audi, Ford, Honda, Mazda, Skoda,
Volvo og fleiri bílsmiðum er nú að
finna – ekki þó alltaf sem stað-
albúnað – öryggiskerfi sem getur
tekið völdin af ökumanni og
bremsað til að koma í veg fyrir
aftanákeyrslu.
Yfirmaður hjá Accident Ex-
change, Liz Fisher, segir að engin
augljós skýring sé á aukningu aft-
anákeyrslna þar sem á vegunum
sé fullt af öruggari og mun þró-
aðri bílum sem jafnvel séu búnir
tæknibúnaði til að auðvelda öku-
manni að forðast árekstur. „Það
mætti ef til vill halda því fram að
með aukinni netvæðingu í bílum
sé fleira til að trufla ökumann en
bara farsímar og plötuspilarar.“
agas@mbl.is
Aftanákeyrslum fjölgar þrátt
fyrir varnarbúnað
Búnaður til að hindra aftanákeyrslur hefur ekki leitt til fækkunar þeirra.
V
ið síðustu áramót voru
4.980.051 ökutæki á
norsku ökutækjaskránni
og vantaði lítið upp á að
hlutfallið væri einn bíll á hvern
Norðmann, en þeir töldust vera
5.109.056 er árið 2014 gekk í
garð.
Ökutækin eiga fljótt eftir að
verða fleiri en hausarnir því töl-
fræði norsku vegamálastofnunar-
innar og mannfjöldaskrárinnar
sýna að bílum fjölgar hraðar en
mannfólkinu í Noregi.
Og þessar skrár leiða einnig í
ljós hvaða fólksbílar eru fjöl-
mennastir á vegum konungsrík-
isins hins norska. Sigurvegarinn,
ef svo mætti segja, sker sig úr
fjöldanum, en algengasta mód-
elnafnið á ökutækjaskránni er
Volkswagen Golf.
Alls rúlluðu 120.622 Golf-bílar
á vegunum í Noregi í ársbyrjun,
en þar hafa þeir verið algengir í
fjóra áratugi, frá því 1974.
Í öðru sæti er annar bíll úr
smiðju Volkswagen, Passat. Af
þessu módeli, helsta fjölskyldubíl
undanfarinna ára í Noregi, voru
89.576 á skránni um áramótin.
Heimsins söluhæsti bíll um
dagana, Toyota Corolla, er í
þriðja sæti í 69.095 eintökum. Á
heimsvísu hafa rúmlega 60 millj-
ónir Corolla verið seldar um dag-
ana en þetta nafn mun smám
saman fjara út á norsku bíla-
skránni því Toyota skipti um nafn
á Corollu fyrir nokkrum árum og
nefnir bílinn nú Auris. Ólíkt hefur
VW farið að og haldið tryggð við
gömlu góðu nöfnin, Golf og Pas-
sat.
Í fjórða sæti og skammt á eftir
Corolla er önnur góð og gegn
Toyota, Avensis, í 66.941 eintök-
um. Mörgum kann að koma bíll-
inn í fimmta sætinu á óvart. Þar
er um að ræða Mercedes-Benz
af E-gerð, en á norsku skránni
voru 56.566 eintök af þessum
bílum. Hann endist vel og hefur
verið lengi á skránni.
Í sætum sex til tíu voru svo
Audi A4 (54.327 eintök), Volvo
S70/V70 (51.133), Toyota Yaris
(49.609), Ford Mondeo (48.606)
og Ford Focus (48.298).
agas@mbl.is
Golf heldur áfram að gera það gott
Mest af Golf á
vegum Noregs
Volkswagen Golf hefur þjónað Norðmönnum vel í fjóra áratugi og ekki sér fyrir endann á vinsældunum.
Röng og alltof hátt glymjandi
tónlist – harðir og áreitnir tónar
og alltof hraður taktur – kallar
fram púkann í bílstjórum. Rétt
tónlist og ekki of hátt stillt bætir
hins vegar ökumenn, gerir þá
blíða sem engla og nærgætna.
Þetta eru niðurstöður ítrek-
aðra rannsókna, nú síðast á veg-
um bílaleigufyrirtækisins Eu-
ropcar í Svíþjóð. Fékk það
hljóðfræðing og tónlistarfram-
leiðanda til að leggja í púkk og
búa til safn tónverka undir heit-
inu „Sounds for Driving“, eða
aksturshljómar. Var þeim ætlað
að gera leigjendur bíla hjá Eu-
ropcar að betri bílstjórum.
Tónlist þessi hefur verið í öllum
bílum bílaleigunnar frá í apríl og
þykir hafa gefið góða raun. Lögin
voru að minnsta kosti átta mín-
útna löng og samin með tilliti til
aksturs við sjö mismunandi að-
stæður. Til dæmis allt frá róleg-
heitaakstri í dreifbýli til hrað-
brautaaksturs og svo í
innanbæjarakstri.
Rannsóknir hafa almennt leitt í
ljós að hæfni mannsins til að
leysa úr vandamálum eykst um
allt að 30% í réttu hljóðumhverfi.
Sannað þótti í rannsókn við Me-
morial-háskólann í Nýfundna-
landi í Kanada að hávær tónlist
yki viðbragðstíma ökumanna um
allt að 20%. Ennfremur að taktur
umfram 60 slög á mínútu skerti
akstursfærni ökumanna og þar
með umferðaröryggi.
Hin vísindalega útskýring á
þessu er að mismunandi teg-
undir tónlistar hafi áhrif á geðs-
lag fólks, virki á þann hluta
taugakerfisins sem stýrir ósjálf-
ráðri hegðun mannslíkamans.
„Röng“ músík gæti örvað hjart-
slátt og aukið blóðþrýsting og
kallað fram aukna losun stress-
hormóna. „Rétt“ tónlist kalli hins
vegar fram aukna losun dópam-
íns er kallar fram gleði eins og yf-
ir góðum árangri, sigri.
Takthraði tónlistarinnar hefur
einnig áhrif. Hröð, æpandi og
hörð hrynjandi getur leitt til þess
að ökumaður aki skrykkjótt, stígi
fastar og fastar á bensíngjöfina
og aki því umfram hámarks-
hraða. Róleg músík og lág-
stemmdari, svo sem klassísk tón-
list, hefur þveröfug áhrif og kallar
fram doða hjá bílstjóranum. Lyk-
illinn að góðum og öruggum
akstri sé því að finna rétta jafn-
vægið, einhvers staðar þarna á
milli.
agas@mbl.is
Tónlist hefur hefur áhrif á aksturinn
Rétta músíkin kallar fram
betri bílstjóra
Tónlist hefur áhrif á manninn sem
undir stýri situr, að því er virðist.