Barnablaðið - 06.09.2014, Blaðsíða 4

BARNABLAÐIÐ4
Frá keppninni
í Kanada.
Á Íslandsmóti
á Akureyri.
Þorgeir Ólafsson, 13 ára:
Dreymir
um að sigla
í kringum
jörðina
Hvenær byrjaðir þú að æfa siglingar?
Ég byrjaði átta ára, þá dró pabbi mig af stað. Í
dag æfi ég þrisvar sinnum í viku í Nauthólsvík,
en þar hefur Siglingafélag Reykjavíkur aðstöðu.
Á hvernig bát ertu?
Ég er svökölluðum Optimist en svo eru
aðrar tegundir sem nefnast Laser
og Secret. Allt eru þetta mis-
munandi gerðir af kænum.
Kæna er lítil opin seglskúta
með eitt mastur og lausan
kjöl án kjölfestu.
Hvernig æfið þið?
Við siglum eftir ákveðnum
brautum sem er merktar
með baujum. Svo förum við
líka oft í alls konar leiki.
Tíu metrar á sekúndu er eiginlega
alveg hámarksvindur fyrir okkur á
æfingum. Sjö metrar á sekúndu er fínt, þá er ég
ánægður.
Ég keppi í flokki 15 ára og yngri.
Hvernig útbúnað þarf maður?
Blautgalla, blautskó, vindjakka, björgunarvesti
og hanska. Varðandi bátinn sjálfan á ég til dæm-
is seglið sjálfur en bátsskelina fæ ég að láni.
Verður maður aldrei hræddur úti á sjó?
Ég verð sjaldan hræddur. Hef samt orðið
sjóveikur, sérstaklega ef maður er búinn að
borða mikið áður en maður fer út á sjó.
Hvað er skemmtilegast við siglingar?
Það er skemmtilegast að vera í miklum vindi,
þá fer maður hraðast.
En hvað er það erfiðasta?
Það er erfiðast að eiga við lognið. Svo getur
líka verið ákveðin kúnst að vera með vindinn í
bakið. Þá þarf maður að stilla seglið rétt.
Á hvaða mótum hefur þú keppt?
Ég hef unnið Íslandsmótið á Optimist síðustu
tvö ár en með þrotlausum æfingum kemur
árangurinn smátt og smátt.
Í sumar keppti ég einnig erlendis, á
Írlandi og í Kanada.
Á Írlandi keppti ég á Evrópu-
meistaramóti 15 ára og yngri
og fórum við tveir keppend-
ur frá Íslandi. 254 kepp-
endur tóku þátt og mikið
umstang er í kringum
svona keppni.
Fyrir hálfum mánuði keppti
ég í Kanada og lenti í 48.
sæti. Ég er mjög ánægður
með þann árangur. Þetta fer
allt í reynslubankann.
Á tímabili voru aðstæður mjög erfiðar
þar sem við sigldum stundum í miklum vindi,
eða nálægt 14 metrum á sekúndu. Þá þarf
maður að hafa fulla einbeitingu. Farnir voru 10
hringir og tekur hver hringur um klukkustund.
Mótið stóð yfir í nokkra daga.
Þegar ég fer á mót erlendis tek ég mitt eigið
segl með en bátinn sjálfan leigjum við á
staðnum.
Eru fleiri í fjölskyldunni sem stunda siglingar?
Pabbi og svo er systir mín líka aðeins.
Hvernig er framhaldið?
Þegar ég verð 16 ára þá fer ég á Laser-bát. Það
eru þrjú segl á honum og maður velur segl eftir
þyngd.
Svo dreymir mig um að sigla einhvern tímann
í kringum jörðina. Taka þátt í Volvo Ocean
Race. Það væri gaman. Þar er keppt á risa-
seglskútum.
Þorgeir Ólafsson er 13 ára sigl-
ingakappi úr Lindaskóla í Kópa-
vogi. Hann æfir þrisvar í viku hjá
Brokey, siglingafélagi Reykjavíkur.
Þorgeir hefur unnið Íslandsmót
15 ára og yngri síðastliðin tvö ár
og keppti á tveimur stórmótum
erlendis í sumar.
„Á
Írlandi kep
pti ég
á Evrópum
eistaramót
i
15 ára og y
ngri og fór
um
við tveir ke
ppendur fr
á
Íslandi. 25
4 keppend
ur
tóku þátt o
g mikið um
-
stang er í k
ringum
svona kepp
ni.“