Barnablaðið - 18.10.2014, Síða 7

BARNABLAÐIÐ 7
Fljúgandi spilið
Töframaðurinn Einar Mikael sýnir lesendum Barnablaðsins hérna hvernig á að láta spil svífa í lausu lofti.
Galdur:
Þú sýnir eitt spil og heldur því bak við hendurnar og lætur það svífa í lausu lofti.
Leyndarmál:
Þú festir spilið undir neglurnar á þumlunum og hreyfir báða fingurna upp og niður. Þetta er alveg mögnuð
sjónhverfing, það lítur hreinlega út fyrir að spilið svífi í lausu lofti.
Erfiðleikastig: 1
Fylgihlutir: Eitt töfrahetjuspil.
Hafðu báðar hendurnar fyrir framan spilið og festu spilið
undir neglurnar þumlunum.
Hreyfðu núna báða þumlana upp og niður og í hringi og þá
lítur það út eins og spilið svífi í lausu lofti. Gættu þess að
enginn sjái bak við hendurnar svo fólk átti sig ekki á
leyndarmálinu. Æfðu þig fyrir framan spegil og sjáðu
hversu raunverulegt þetta lítur út fyrir að vera.
Völundarhús
Getur þú hjálpað kanínunni að finna gulrótina? Þín eigin þjóðsaga eftir Ævar Þór Benediktsson
er skemmtileg ævintýrabók. Bókin gengur út á
það að lesandinn fær að velja sjálfur hvað gerist
næst, lesandinn er í rauninni
aðalpersóna bókarinnar. Ef eitthvað slæmt gerist
og þú lendir í vandræðum geturðu alltaf farið til
baka í næsta kafla og valið aðra leið. Ævintýrið
getur endað illa en ef þú ert heppinn þá endar
það vel. Í bókinni koma fyrir skemmtilegar þjóð-
sagnapersónur eins og Sæmundur fróði,
Lagarfljótsormurinn, Grýla og djákninn á Myrká.
Sumar persónur bókarinnar eru illar en aðrar
persónur eru sem betur fer góðar. Þín eigin
þjóðsaga er mjög spennandi og frumleg bók.
Það er ótrúlega gaman að fá að vera sjálfur
söguhetjan og ákveða örlög sín í bókinni.
Maður verður samt að passa að velja bestu
leiðina, því annars gæti maður endað á því
að vera étinn. Bókin er mjög skemmtileg og
fyndin og ég mæli með því að allir splæsi í
eintak.
Fimm stjörnur frá mér!
Halldóra Elín Einarsdóttir
12 ára
Bókarýni
Drátthagi blýanturinn