Morgunblaðið - Sunnudagur - 05.10.2014, Side 5

MORGUNBLAÐIÐ SUNNUDAGUR 5. OKTÓBER 2014 5
Tölvunarfræðingur,
forritari eða
hugbúnaðar-
sérfræðingur óskast
Prógramm ehf. leitar að starfsmanni í fullt starf.
Ef þú ert áhugasamurog ábyrgur og þyrstir í
fjölbreytt verkefni þá áttu erindi við okkur. Við
erum ört vaxandi fyrirtæki, fjárhagslega sterkt
og bjóðum fína vinnuaðstöðu á besta stað í
Reykjavík.
Helstu verkefni:
 .net, c# forritun, vefþjónustur ( xml/soap)
 nýsmíði, viðhald og þróun hugbúnaðarkerfa
 þróun og viðhald xml/xsl-samskipta
 oracle forritun (plsql) og sql
Æskilegt er að þú hafir klárað (eða sért kominn
langleiðina með) tölvunar- og eða kerfis-
fræðina frá Háskólanum í Reykjavík, Háskóla
Íslands eða frá sambærilegum skólum.
Reynsla úr hugbúnaðargeiranum er kostur og
meðmæli eru æskileg. Vinsamlegast greindu
stuttlega frá þeim verkefnum á hugbúnaðar-
sviði sem þú hefur unnið við og á hvaða hátt
þú komst að þeim.
Ef þú hefur áhuga, sendu þá endilega umsókn
á vinna@programm.is
Starf lögfræðings
hjá Húseigendafélaginu
Húseigendafélagið vill ráða lögfræðing í
fullt starf frá 1. desember næstkomandi.
Í starfinu felst að veita ráðgjöf og aðstoð í
fasteignamálum (fjöleignarhús, húsaleiga,
fasteignakaup, grennd o.fl.), svo og að vinna
að almennum hagsmunamálum félagsins og
kynningar- og fræðslumálum þess.
Nánar er um að ræða viðtöl, ritun bréfa og
álitsgerða, fundi og fundastjórn, fyrirlestra,
greinaskrif og rekstur mála fyrir kærunefnd-
um og stjórnvöldum og eftir atvikum
dómstólum.
Umsækjandi þarf m.a. að hafa góða og
trausta fræðilega undirstöðu, vera vinnu-
samur, ötull, skilvirkur og sjálfstæður og lipur
í mannlegum samskipum.
Umsóknir ásamt meðmælum berist skrif-
stofu félagsins Síðumúla 29, 108 Reykjavík
eða með tölvupósti á netfangið shg@huso.is
Umsóknarfrestur er til 15. október nk.
Spennandi störf hjá Ísafjarðarbæ
• Sviðsstjóri umhverfis- og eignasviðs
• Deildarstjóri í málefnum fatlaðra
• Deildarstjóri launadeildar
• Þjónustufulltrúi á bæjarskrifstofu
Nánari upplýsingar á www.isafjordur.is
Ísafjarðarbær nær yfir Flateyri, Hnífsdal, Ísafjörð, Suðureyri og Þingeyri. Bærinn er
þekktur fyrir stórbrotna náttúru og menningarlíf þar sem tónlist, skíði og fjölbreytt
tómstundastarf skipa veglegan sess. Skólar bæjarins eru vel skipaðir og framsæknir.
Góð þjónusta, verslanir, kaffihús og veitingastaðir gefa bænum notalegan blæ.
Þrátt fyrir að til bóta sé að
ríkisstjórnin hyggist ein-
falda virðisaukaskattkerfi
ferðaþjónustunnar, fela boð-
aðar breytingar í sér tals-
verða flækju. Fyrirvari er
of skammur og takmörkuð
breikkun skattstofna skapar
flækjustig. Þetta kemur
fram í fréttabréfi Samtaka
ferðaþjónustunnar (SAF)
þar sem fjallað er um fjár-
lagafrumvarp næsta árs.
Forysta samtakanna fundar
á næstu dögum með Bjarna
Benediktssyni fjár-
málaráðherra til að ræða
áherslumál ferðaþjónust-
unnar varðandi skatta og
fleira.
Lítið viðhald
veldur óhöppum
Margt er tekið fyrir í
álitsgerð SAF. Lýst er
áhyggjum með hve litlu
skuli varið á næstu árum til
viðhalds og framkvæmda í
samgönguáætlun 2013-2016.
Í fyrirliggjandi fjárlögum
séu fjárframlög til vega-
gerðar skert umtalsvert
miðað við áætlun sem lögð
var fram á vorþingi. Þar
hafi rúmir 23 milljarðar
króna verið undir en í fjár-
lagafrumvarp næsta árs sé
talan 21 milljarður króna.
Þá telur SAF fjárveitingar
til flugvalla ekki nægar. Þar
sé skorið niður, en til að
mæta viðhaldsþörf og sinna
rekstri flugvalla þurfi að
auka framlög um 600 til 700
milljónir kr.
Sjóðir hafa greitt leið
fólks til mennta
„Viðhaldsleysi á sam-
göngumannvirkjum er nú
þegar farið að valda óhöpp-
um á vegum víða um land
og er það með ólíkindum að
vegna niðurskurðar í ríkis-
fjármálum sé flugöryggi og
samgöngum á Íslandi stefnt
í voða. Nauðsynlegt er að
veita auknu fjármagni í við-
hald til að bæta öryggi not-
enda enda samgöngukerfið
hér á landi lífæð byggðaþró-
unar og ferðaþjónustu,“
segir í greinargerð ferða-
þjónustufólks.
SAF segir að miður sé að
framlög til starfsmennta séu
skorin niður, svo sem til
Vinnustaðanámssjóðs og
Þróunarsjóðs starfsnáms.
Fyrirtæki í ferðaþjónustu
hafi mörg sótt um styrki
vegna vinnustaðanáms.
Áhyggjuefni sé ef áður-
nefndir sjóðir fái ekki fram-
lög, enda hafi starfsemi
þeirra greitt mörgum leið
til mennta. Það sé og miður
hve litlum fjármunum sé
varið til rannsókna í ferða-
þjónustu. Miklu sé varið til
slíkra verkefna á sviði sjáv-
arútvegs, landbúnaðar og
orkuframleiðslu. Ferðaþjón-
ustan sé hins vegar af-
gangsstærð, sem sé miður
enda séu á vettvangi hennar
mörg verkefni sem rann-
saka þurfi til hlítar.
sbs@mbl.is
Skammur tími til skatta-
breytinga skapar flækjur
 Ferðaþjónustan segir lítið veitt til vega og flugs  Starfs-
menntafé skorið niður  Rannsóknir eru afgangsstærð
Morgunblaðið/Eggert
Rútur Umsvifin í ferðaþjónustu eru slík, að stundum er eins og enginn sé morgundagurinn. Það
hefur leitt af sér vaxtarverki og fulltrúar greinarinnar vilja að skattareglum hennar sé breytt.
Ferðastúlkur Lesið í landið af kortinu og ákvörðun tekin um
næsta áfangastað. Myndin er tekin í norður Mývatnssveit.
Ríkisstjórnin er með fyrirætl-
unum í lífeyrismálum að rjúfa
samkomulag um jöfnun á ör-
orkubyrði sem var ein af for-
sendum kjarasamninga 2005.
Samkomulag þetta var lög-
fest ári síðar á Alþingi. Þetta
segir í ályktun sem samþykkt
var í vikunni á fundi Eflingar
– stéttarfélags. Þar segir að í
fjárlagafrumvarpinu sem ný-
lega var lagt fram séu kynnt
áform um að fella niður
greiðslur til jöfnunar á ör-
orkulífeyrisbyrði lífeyris-
sjóða. Það leiði til skerðinga
bóta félaga í sjóðum þar sem
örorkubyrði sé mikil.
Gildi er lífeyrissjóður
margra félaga í Eflingu og er
talið að hlutur 4,5% þeirra
gæti skerst verulega ef breyt-
ingar ná fram að ganga.
„Ríkisstjórnin sem nú situr
telur að forsendur hafi breyst
og því sé rétt að taka þetta
fyrirkomulag til endurskoð-
unar. Ljóst er að engin rök
mæla með því að þessu fyrir-
komulagi verði breytt ef
stjórnvöld vilja standa við
fyrirheit um jöfnun lífeyris-
skuldbindinga eins og lögfest
hafði verið á sínum tíma. Þess
vegna eru áform ríkisstjórn-
arinnar nú aðför að lífeyris-
kjörum þeirra lakast settu í
landinu,“ segir Efling. Er í
umsögn félagsins tekið undir
þau sjónarmið sem Gildi hef-
ur sett fram, að ekki séu for-
sendur til breytinga á ör-
orkubyrði.
Eykur á mismun
„Þá er ljóst að þessi áform-
aða breyting mun ekki jafna
lífeyrisréttindi opinberra
starfsmanna og starfsmanna
á almennum markaði, sem
var eitt af markmiðum breyt-
inganna, heldur auka þennan
mismun þar sem opinberir
starfsmenn fá skerðingar
sjóðanna bættar frá skatt-
greiðendum eins og verið hef-
ur. Þess vegna munu þessi
áform leiða til þess ef þau ná
fram að ganga að sjóðfélagar í
lífeyrissjóðum almenns
verkafólks og sjómanna munu
hafa minna fé í ellilífeyri og
þannig munu kjör þessa hóps
versna,“ segir Efling.
Félagsmenn segja enn-
fremur í ályktun að það sé
hrópleg ósanngirni ef sjóð-
félagar eigi að taka á sig
ábyrgð á örorku. Eðlilegt sé
að samfélagið allt komi að
þeim málum, en ekki bara
launafólk sem sinnir slítandi
og hættulegum störfum.
sbs@mbl.is
Áformin eru aðför
að lífeyriskjörum
 Eflingarfélagar ósáttir  Mótmæla
breytingum á lífeyri  Ósanngjarnt að
launafólk beri ábyrgð á örorkubótum
Morgunblaðið/Sigurður Bogi
Mannlíf Efling segir að áform ríkisstjórnarinnar nú séu aðför
að lífeyriskjörum þeirra lakast settu í landinu.
Morgunblaðið/Golli
Höfnin Fjölbreytt störf til sjós og lands og stéttarfélaganna er
að tryggja fólkinu góð kjör, í víðustu merkingu þeirra.