Morgunblaðið - 12.11.2014, Side 26

26 ÍSLENDINGAR
MORGUNBLAÐIÐ MIÐVIKUDAGUR 12. NÓVEMBER 2014
Arnar Halldórsson er doktor í efnafræði og framkvæmdastjórigæðadeildar Lýsis hf. Í þeirri deild eru 25 starfsmenn oghún skiptist í gæðaeftirlit, gæðatryggingu, lyfjaskráningar
og gæðamælingar ásamt rannsóknum og þróun. „Við höfum verið
mjög upptekin við lyfjaskráningar og ýmis þróunarmál undanfarið.
Við höfum einnig verið að þróast hratt úr því að vera bara matvæla-
fyrirtæki í að vera einnig lyfja- og þekkingarfyrirtæki. Það hefur
kallað á umtalsverðar breytingar á gæðastjórnunarkerfi fyrirtæk-
isins sem standa enn yfir. Ég er einnig þessa dagana að undirbúa
120 manna ráðstefnu á vegum norrænu Lipidforum-samtakanna
sem haldin verður í Reykjavík í júní 2015.“
En hvað með áhugamál? „Ég stunda mikið blak, þó aðallega
strandblak. Á sumrin æfum við í Fossvoginum en á veturna inni í
Sporthúsinu. Svo starfa ég sem sérhæfður fjallabjörgunarmaður
eða undanfari hjá Hjálparsveit skáta í Reykjavík. Ég hef líka mikinn
áhuga á Íslandi, stunda fjallahjólreiðar, fjallaskíðun og fjallaklifur
ásamt hefðbundinni útivist. Það skiptist milli árstíða hvað ég stunda
mest, hef verið duglegur að hjóla í haust en nú tekur ísklifrið bráð-
um við og svo eru það skíðin í febrúar. Svo þegar veðrið er slæmt er
hægt að fara í hellaskoðun.“ Maki Arnars er Arnheiður Klausen
Gísladóttir viðskiptafræðingur og svæðisstjóri hjá Fyrirtækjamið-
stöð Landsbankans. Dætur þeirra eru Anna Lilja 10 ára og Aníta
Rún 6 ára, nemendur í Mýrarhúsaskóla en fjölskyldan býr á Sel-
tjarnarnesi. Arnar mun halda lítið fjölskylduboð í tilefni dagsins og
fer svo í strandblak með félögum sínum í kvöld.
Arnar Halldórsson er fertugur í dag
Á toppi Goðatinds Arnar á fjallaskíðum á Austfjörðum.
Stundar fjallamennsku
allt árið um kring
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Reykjavík Aldís Kara Júlíusdóttir
fæddist 4. desember 2013. Hún vó
4.315 g og var 51 cm löng. Foreldrar
hennar eru Birna Eiríksdóttir og
Júlíus M. Jónsson.
Nýir borgarar
Reykjavík Kormákur Dúi Kristinsson
fæddist í Reykjavík 14. nóvember
2013. Hann vó 4.080 g og var 52 cm.
Foreldrar hanns eru Karlotta Einars-
dóttir og Kristinn Már Jónsson.
I
nga Björk fæddist á Akur-
eyri 12.11. 1964, ólst upp í
Þýskalandi og í Bandaríkj-
unum fyrstu sjö árin, en
síðan á Akureyri:
„Ég var á fyrsta árinu þegar við
fluttum til Göttingen í Þýskalandi
þar sem pabbi stundaði nám. Það-
an fluttum við svo til Durham í
Norður-Karólínu í Bandaríkjunum
þar sem pabbi var í námi við Duke
University í fjögur ár.
Ég var að verða sjö ára þegar
við komum heim og settumst að á
Akureyri. En mér fannst ég ekki
vera að koma heim. Hér þekkti ég
enga krakka og mér fannst kalt á
Íslandi. Auðvitað kynntist ég strax
krökkum og lærði að meta Akur-
eyri en þetta var kannski ástæða
þess að ég hef alltaf verið mikil
flökkukind.“
Inga Björk var í Barnaskóla Ak-
ureyrar og Gagnfræðaskólanum á
Akureyri, stundaði síðan nám við
Myndlistaskólann á Akureyri í eitt
ár og við Myndlista- og handíða-
skólann í Reykjavík annað ár, hóf
síðan nám í gullsmíði í Mjölby í
Svíþjóð 1984 og útskrifaðist sem
gullsmiður 1988. Auk þess tók hún
íslenskt sveinspróf í gullsmíði
1993.
Inga Björk starfaði við gullsmíði
á Akureyri á árunum 1989-2005.
Inga Björk Harðardóttir, myndlistarkona og gullsmiður – 50 ára
Stór barnahópur Inga Björk og Jón Óðinn, ásamt börnunum hennar Ingu Bjarkar og sonum Jóns Óðins.
Gullsmiður og myndlist-
arkennari á Akureyri
Morgunblaðið/Skapti Hallgrímsson
Útskrift Inga Björk með útskriftarnemum Myndlistaskólans á Akureyri.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is