Barnablaðið - 15.11.2014, Blaðsíða 4
BARNABLAÐIÐ4
Í hvaða skóla ert þú?
Sævar: Langholtsskóla.
Ertu að æfa einhverjar íþróttir?
Sævar: Já, fótbolta.
Horfir þú á fótbolta í sjónvarpinu?
Sævar: Já, stundum.
Með hvaða liði heldur þú?
Sævar: Bara mjög mörgum.
Arnar: Ég held með Þýskalandi.
Hver setti myndbandið af þér að
teikna inn á YouTube?
Sævar: Pabbi, ég bað hann um
það.
Og hvað varstu að teikna á
myndbandinu?
Sævar: Flugvél frá Icelandair.
Mér finnst þær svo flottar. Í
myndbandinu teiknaði ég eina
flugvél sem heitir Hekla.
Hefur þú farið í svona flugvél?
Sævar: Já, ég fór til Svíþjóðar á
þessu ári.
Arnar: Ég hef farið til Tyrklands en
ekki með Icelandair.
En af hverju fórstu að teikna
flugvélar?
Sævar: Vinur minn var mjög oft að
teikna flugvélar og eitthvað fleira.
Ég er mjög oft að leika við hann
og þess vegna fór ég bara líka að
teikna flugvélar.
Og ertu búinn að sýna einhverjum
vinum þínum myndbandið?
Sævar: Já, þeir segja að það sé
flott.
Hvað er skemmtilegast að teikna?
Sævar: Flugvél!
Ætlar þú að gera fleiri myndbönd í
framtíðinni?
Sævar: Ég veit það ekki, kannski
þegar ég verð aðeins eldri og fer
að gera aðeins flottari myndir.
Teiknar þú eitthvað annað
stundum?
Sævar: Já, stundum teikna ég bíla
í svona þrívídd.
Sem sagt ekki bara eina hlið
heldur sést framan á bílinn og á
eina hlið. Og stundum teikna ég
fólk, t.d. í skólanum ef við fáum
eitthvað verkefni. Þá á maður
kannski að teikna mynd af sér á
einhverja forsíðu.
Arnar: Ég teikna stundum jólatré.
Litar þú myndirnar þínar?
Sævar: Já, mjög oft. Þá nota ég
tréliti.
Hvar lærðir þú að teikna?
Sævar: Ég veit það
ekki alveg, ég er
bara búinn að
æfa mig svo
mikið.
En hvaða
flugvél
er þetta á
borðinu hjá
þér?
Sævar: Ég fékk hana
frá Icelandair um daginn.
Það var einn maður sem kom
með hana. Hann kom hérna
í anddyrið og sagði: ,,Býr
Sævar Reynisson hér? Hér er
gjöf.’’ Svo fékk ég líka poka
með bókum og pennaveski
og eitthvað fleira. Ég var bara
rosalega glaður. Ég ætla að
teikna í bækurnar, litlar skissur
eða eitthvað.
Og hvar geymir þú svo flugvélina?
Sævar: Bara út um allt sko, mér
finnst gaman að leika með hana
og láta hana fljúga. Þessi flugvél
er aðeins öðruvísi en sú sem ég
teiknaði.
Hver er munurinn?
Sævar: Það eru fleiri hurðir á þeirri
sem ég teiknaði.
En þekkir þú einhverja
flugstjóra, flugþjóna
eða flugfreyjur?
Sævar: Já, frændi
minn er flugmaður
hjá Icelandair.
En þú hefur teiknað
nokkrar mismunandi
flugvélar, er það ekki?
Sævar: Jú, ég hef t.d.
teiknað flugvél sem heitir Hekla
og aðra sem heitir Snæfellsjökull.
Þær eru nefndar eftir eldstöðvum,
ein heitir Katla og ein heitir Krafla.
Þú hefur greinilega brennandi
áhuga á flugvélum?
Sævar: Já, ég er með forrit í
Ipadinum, þar getur maður fylgst
með öllum flugvélum í heimi sem
eru að fljúga. Maður getur ýtt á
„Maður
verður að æ
fa
sig heima o
g
kannski lík
a í
skólanum“
FINNST
SKEMMTILEGAST
AÐ TEIKNA
FLUGVÉLAR
Sævar Reynisson er
virkilega flottur listamaður.
Bræðurnir Sævar og Arnar eru með
svipuð áhugamál.
Sævar Reynisson er níu ára gamall listamaður. Sævar er snillingur í að teikna og
hefur æft sig mikið undanfarið. Skemmtilegast finnst honum að teikna flugvélar.
Fyrir stuttu setti pabbi Sævars myndband á YouTube sem sýndi Sævar teikna stóra
þotu frá Icelandair. Það myndband fékk mikla athygli enda er um sannkallað
listaverk að ræða. Barnablaðið heimsótti Sævar um daginn og fékk að spjalla við
hann og bróður hans, Arnar Reynisson, sem er fimm ára.