Reykjanes - 09.01.2014, Síða 2

2 9. janúar 2013

Reykjanes 1. Tbl.  4. áRganguR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54,  108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta. ar@simnet.is, sími: 847 2779. Myndir: Ýmsir. Umbrot: Prentsnið
Prentun: Ísafoldarprentsmiðja. Upplag: 8.000 eintök. dreifing: Íslandspóstur. Vefútgáfa Pdf: www. fotspor.is
reykjanes er dreift í 8.000 eintökum ókeypis í allar íbúðir á reykjanesi.
Frí blað ið Reykja nes vill gjarn an kom ast í sam band við íbúa Suð ur nesja. Seg ið ykk­
ar skoð un með því að senda inn pist il. Send ið inn fyr ir spurn. Vin sam leg ast send ið
okk ur tölvu póst á net fangið asta. ar@sim net.is eða hring ið í síma 847 2779.
Viltu segja skoðun þína?
Reykjanes kemur næst út
fimmtudaginn 23. janúar.
næsta
blað
Árið 2014 er runnið upp.Hvernig verður þetta nýja ár? Eflaust skiptast á skin og skúrir eins og allta. Það virðist samt gæta mun meiri bjartsýni meðal landsmanna nú en mörg síðustu ár.Óvinsælasta ríkisstjórn
sem nokkurn tíma hefur setið lét af völdum á síðasta ári. Flestir voru búnir
að fá upp í kok af skattpíningarstefnu hinnar tæru vinstri stjórnar. Bjartara
er framundan. Ríkisstjórn Framsóknar- og Sjálfstæðisflokks hefur tilkynnt
aðgerðir til aðstoðar skuldsettu fólki. Fyrstu skref hafa verið stigin í að lækka
skatta. Kjarasamningar hafa tekist við stóran hóp launþega á almenna mark-
aðnum.Það er því eðlilegt að léttara sé yfir mörgum.
Hér á Suðurnesjum er þó ástæða til að hafa áhyggjur af stóra málinu upp-
byggingu atvinnulífsins.Lítið hefur gerst í þeim efnum á jákvæðan hátt. Við
erum að vakna upp við það að frekari framkvæmdir og gangsetning álvers í
Helguvík er ekki í augsýn. Suðurnesjamenn hafa vonast til að úr þessu stærsta
atvinnutækifæri myndi rætast með nýrri og jákvæðari ríkisstjórn. Því miður er
það ekki að gerast. Verulega stórar fjárhæðir liggja því bundnar í steynsteypu
álversins og hafnaframkvæmdum í Helguvík. Nú er sagt að ýmislegt annað
sé á prjónunum til atvinnuuppbyggingar í Helguvík. Vonandi er það rétt,en
það trúa því fáir miðað við það sem á undan er gengið.
Helsti vaxtarbroddurinn í jákvæðri atvinnuuppbyggingu er þjónustan í
ferðamennskunni. Það er flott en nægir ekki eitt og sér.
Í lok maí verður kosið til sveitastjórna. Umræðan á næstu mánuðum mun
örugglega taka mið af því. Málefni einstakra sveitarfélaga og frambjkóðendur
þar verða það sem kjósendur koma til með að meta og vega. Samt er þð nú
svo að í stærri sveitarfélögum þar sem stjórnmálaflokkarnir tefla fram listum
undir sínum bókstaf spila landsmálin inn í. Margra augu munu beinast að
Reykjanesbæ. Mun Sjálfstæðisflokknum takast að halda meirihluta sínum
eða verða þar breytingar?
Það mun mikið velta á því hvernig Björt framtíð og Píratar spila á sín spil.
Þessir hafa byr í seglin samkvæmt skoðanakönnunum. Verði af framboðum hjá
þeim hér á Suðurnesjum kemur það til með að hafa veruleg áhrif. Meirihlutar
verða þá í hættu og gætu hæglega fallið.
Eitt mál á landsvísu getur orðið Sjálfstæðisflokknum dýrkeypt. Fyrir Al-
þingiskosningar fór það ekkert milli mála að flokkurinn lofaði þjóðaratkvæða-
greiðslu um hvort halda ætti áfram aðildarviðræðumvið ESB eða ekki. Það var
talað alveg skýrt af formanni flokksins Bjarna Benediktssyni. Þjóðaratkvæða-
greiðsla fer fram á kjörtímabilinu og ég vil sjá að hún fari fram á fyrri hluta
kjörtímabilsins,sagði Bjarni. Það er ekki hægt að misskilja þessi orð á neinn hátt.
Leiðarahöfundur er á móti því að Ísland gangi í ESB og myndi segja NEI
við spurningunni um áframhaldandi viðræður. Það breytir því ekki að Sjálf-
stæðisflokkurinn lofaði að spyrja þjóðina um framhald viðræðna. Við það
verður að standa.
Yfirlýsingar Össurar Skarphéðinssonar um vinnubrögð ráðamanna í Sam-
fylkingunni hafa að vonum vakið athygli. Össur segir frá því hvernig fyrir-
hugaðar virkjanir í neðri hluta Þjórsár voru notaðar sem skiptimynt í póli-
tískum hrossakaupum við VG til að hægt væri að halda áfram ESB viðræðum.
Samfylkingin féllst á óskir VG um að hætta við virkjanir í stað þess féllist VG
á að svíkja sitt loforð um aandstöðu við ESB. Það vekur óneitanlega athygli
að aðalmaðurinn í öllum þessum pólitísku hrossakaupslýsingum Össurar
skuli vera Oddný G.Harðardóttir,þingmaður hér í kjördæminu og þáverandi
fjármálaráðherra.Varla stuðluðu þessi vinnubrögð að atvinnuuppbyggingu
í kjördæminu.Rétt að árétta að þetta eru yfirlýsingar Össurar eins af forystu-
mönnum Samfylkingarinnar.
Ágætu lesendur. Óska þess að nýbyrjað ár færi okkur frið og ánægju.
Sigurður Jónsson, ritstjóri
Leiðari
Árið 2014
Bæjarstjórn Garðs samþykkti að
rekstri Garðvangs verði haldið áfram
Bæjarstjórn hefur samþykkt að rekstri Garðvangs verði haldið áfram og tryggt að orðið verði
við óskum þess heimilisfólks sem býr
á Garðvangi og þess óska að það geti
búið þar áfram. Jafnframt lýsir bæj-
arstjórn því yfir að hjúkrunarrými
á Garðvangi verði ekki tekin þaðan
gegn vilja bæjarstjórnar Garðs, enda
er heimilisfólk á Garðvangi með lög-
heimili í Sveitarfélaginu Garði.
Bæjarstjórn Garðs lýsir yfir and-
stöðu við samþykkt meirihluta í
stjórn Dvalarheimilis aldraðra á
Suðurnesjum (DS) um að hjúkr-
unarheimilinu Garðvangi verði lokað
og starfsemi þess flutt á Nesvelli í
Reykjanesbæ. Stjórn DS hefur ekki
heimildir til að leggja niður hjúkr-
unarheimilið og flytja starfsemina á
annan stað. Ákvörðun um slíkt er í
höndum heilbrigðisráðherra
Bæjarstjórn Garðs skorar á heil-
brigðisráðherra að sjá til þess að
Garðvangi verði ekki lokað og þannig
virtur vilji bæjarfélaganna, Garðs og
Sandgerðis, um að leggja ekki niður
eina hjúkrunarheimilið í þessum
tveimur bæjarfélögum. Bent er á að
ráðuneytið hefur ítrekað upplýst að
skipan þessara mála sé háð samstöðu
sveitarfélaganna sem standa að DS.
Bæjarstjórn skorar á heilbrigðisráð-
herra að sjá til þess að framlög verði
veitt úr Framkvæmdasjóði aldraðra
og/eða á fjárlögum til að kosta hlut
ríkisins við breytingar á húsnæði
Garðvangs, sem nemi 85% af kostn-
aðnum. Bæjarstjórn lýsir yfir vilja
sínum til að koma að því máli með
svokallaðir leiguleið.
Loks samþykkir bæjarstjórn að fela
bæjarstjóra undirbúning þess að ráða
hönnuð til þess að gera tillögur að
breytingum á húsnæði Garðvangs,
þannig að það standist ýtrustu kröfur
um aðbúnað og húsnæði á hjúkr-
unarheimilum.
Þorrablót á
Nesvöllum
Félag eldri borgara á Suðurnesjum efnir til Þorrablóts laugar-
daginn 1.febrúar á Nesvöllum.
Nánar auglýst þegar nær dregur.
Karlakór Keflavíkur 60 ára:
Stofnun kórsins og starf
Karlakór Keflavíkur var stofnaður 1. desember 1953 og var því 60 ára á síðasta ári. Kórinn hefur
starfað samfellt í þessi 60 ár.
Eins og vænta má hefur starfið átt sínar
hæðir og lægðir en ávallt hafa starfað
í kórnum kraftmiklir einstaklingar af
öllum Suðurnesjum.
Á fyrri árum þegar framboð af tóm-
stundum og afþreyingu var minna en nú
má segja að kórinn hafi notið sérstöðu og
kraftar kórmanna dreifst minna en nú
er. Að öllum líkindum hefur innra starf
kórsins risið hæst á þeim árum þegar
kórinn byggði sitt glæsilega félagsheimili
að Vesturbraut 17-19 í Keflavík.
Á þessum árum hefur kórinn gefið
út hljómplötuna „Karlakór Keflavíkur“
(1981) og hljómdiskana“Suðurnesja-
menn“ (1996), „Tónaberg“ (2003) og „Þú
lýgur því“ (2008), sem inniheldur lög eftir
popptónskáld okkar Suðurnesjamanna;
Rúnar Júlíusson, Magnús og Jóhann,
Magnús Kjartansson, Gunnar Þórðar-
son og fleiri.
Kórinn hefur verið fastur liður í menn-
ingarlífi Suðurnesja allan þennan tíma.
Starfið.
Innra starf kórsins er öflugt og skemmti-
legt. Fyrir utan vikulegar æfingar heldur
kórinn árlega ýmis skemmtikvöld með fé-
lögum. Má þar nefna sviðakvöld eða ný-
liðakvöld þar sem kórfélagar koma saman
og kynna starfið fyrir áhugasömum
einstaklingum, árlega árhátíð kórsins,
jólatónleika, vortónleika og vorferðir.
Þess utan hefur kórinn farið í all-
margar utanlandsferðir svo sem til Fær-
eyja, Kanada og nú síðast til Pétursborgar
í Rússlandi.
Kórinn hefur einnig tekið þátt í
mörgum söngviðburðum með öðrum
kórum, sungið við ýmsar athafnir í
kirkjum m. a. við jarðarfarir. Þá hefur
kórinn sungið við ýmis tilefni; í af-
mælum, heimsótt stofnanir og sungið á
hátíðisdögum í bæjarfélögum á svæðinu.
Má þar nefna 17. júní, Ljósanótt, Sjóar-
ann síkáta, Sandgerðisdaga og fleira.
Kórinn heldur sínar reglubundnu
æfingar á fimmtudagskvöldum þar
sem oft er mikið fjör. Þótt einbeiting
og agi einkenni æfingarnar eru innan
raða kórsins miklir karakterar sem gera
starfið skemmtilegt. Tónlistin hefur þann
eiginleika að skapa samhljóm í félags-
skapnum og menn halda endurnærðir
heim að lokinni hverri æfingu.
Eiginkonur núverandi og fyrri kór-
manna hafa með sér öflugan félagsskap,
Kvennaklúbb Karlakórs Keflavíkur, sem
stendur fyrir ýmsum uppákomum og
styður við starf kórsins með ýmsum
hætti.
Karlakórinn hélt sína árlegu árshátíð
7. desember s. l. í félagsheimili sínu við
Vesturbraut og var mikið um dýrðir i
tilefni afmælisins.
Framundan
Eftir áramót mun kórinn hefja undirbún-
ing vortónleika með því að halda í æf-
ingabúðir um helgi og í vor er áformað að
halda hina árlegu vortónleika og vorferð
þar sem kórinn mun koma fram utan
heimabæjarins.
Haustið 2015 mun kórinn standa fyrir
svonefndu „Kötlumóti“ í Reykja nesbæ.
Katla er Samband sunnlenskra karlakóra.
Þá munu karlakórar af sunnanverðu
landinu koma saman í Reykjanesbæ
og bjóða upp á fjölda tónleika auk þess
sem kórarnir allir koma saman og mynda
um 600 manna kór sem syngur fyrir
Suðurnesjamenn.
Núverandi stjórnandi kórsins er Helga
Bryndís Magnúsdóttir.
„Kertatónleikar„
Í vetur hélt kórinn sína árlegu „Kerta-
tónleika„í Ytri-Njarðvíkurkirkju 5. des-
ember. Þetta voru jólatónleikar þar sem
sköpuð var hátíðleg jólastemming á að-
ventunni með skemmtilegri kertalýsingu
og jólasöngvum.
Að þessu sinni voru Kvennakór
Suðurnesja og Barnakór Holtaskóla
gestasöngvarar