Reykjanes - 09.01.2014, Side 4
4 9. janúar 2013
Hvernig leggst árið 2014 í þig?
Nýtt ár er runnið upp. Reykjanes leitaði til nokkurra aðila og spurði þá, hvernig leggst árið 2014 í þig?
Hjálmar Árnason, framkvæmdastjóri:
Bara birta framundan
Árið 2014 leggst einstaklega vel í mig. Eftir lægðir síðustu ára virðast mörg fræ vera byrjuð
að spíra hér í atvinnulífinu. Svæðið á
betri tækifæri til fjölbreyttra atvinnu-
hátta en flest önnur. Með samstöðu
og skýrum vilja munum við lyfta
Grettistaki. Frammistaða í sam-
ræmdum prófum, heilbrigðari lífs-
hættir og árangur á sviði íþrótta sýnir
að unga fólkið okkar ætlar sér að halda
fána Suðurnesja hátt á lofti. Við sjáum
endalaus ný og spennandi tækifæri hjá
Keili og á Ásbrú.
Í einkalífinu er bara birta framundan
með fjölskyldu, vinum og frábæru
starfsfólki Keilis. Og veiðisumarið
verður að vanda stórbrotið. Lífið er
yndislegt. Njótum þess.
Júlíus Jónsson, forstjóri HS Veitna hf:
Spennandi tímar hjá HS Veitum
Í meginatriðum leggst árið vel í mig. Ég tel að efnahagslífið sé hægt og bítandi að taka við sér m.a. vegna
jákvæðara viðhorfs til atvinnulífsins
þó brýnt sé að vinda ofan af ýmsum
hindrunum sem búnar hafa verið til
á síðustu árum. Hér á Suðurnesjum
eru nokkur verkefni í undirbúningi
sem vonandi verða að veruleika og
svo eru verkefni eins og fiskeldi Stolt
Seafood á Reykjanesi sem þegar hafa
orðið að veruleika og eiga bara eftir
að eflast frekar. Það hefur verið mjög
ánægjulegt að vera þátttakandi í upp-
byggingu orkuveranna í Svartsengi
og á Reykjanesi í yfir 30 ár og sjá
hversu öflug starfsemi hefur myndast
út frá orkuvinnslunni. Þar má fyrst
nefna fjölþætta starfsemi Bláa lóns-
ins í Svartsengi, hótel Norðurljós og
síðan efnavinnslu Carbon Recycling.
Á Reykjanesi eru auk fiskeldis Stolt
Seafood fiskþurrkunarfyrirtækin
Haustak og Háteigur og við bæði
orkuverin eru frekari möguleikar til
skoðunar. Ég sé hinsvegar ekki fyrir
mér að álver verði að veruleika á næst-
unni vegna hins lága álverðs sem nú
er og breytingar þar á ekki sjáanlegar
í kortunum. Þegar samningar voru
undirritaðir í apríl 2007 var álverð
rúmlega 2.700$ en er nú rúmlega
1.700$
Á persónulegu nótunum þá voru
áramótin umtalsverð tímamót þar
sem ég lét af starfi forstjóra HS Orku
en er áfram forstjóri HS Veitna. Við-
brigðin eru töluverð eftir að hafa verið
í framvarðarsveit við uppbyggingu
orkuveranna í yfir 30 ár. Framundan
eru hinsvegar spennandi tímar hjá HS
Veitum en starfsemi Veitunnar er að
mér finnst vanmetin af mörgum. Til
upplýsingar má nefna að ársverk HS
Veitna eru um 60% (ca.80 á móti 50)
fleiri en hjá HS Orku, starfstöðvarnar
eru fjórar þ.e. á Suðurnesjum, Hafnar-
firði, Vestmannaeyjum og í Árborg og
að árleg velta er yfir 5 milljarðar.
Ég vil að lokum nota tækifærið og
færa öllum lesendum blaðsins bestu
óskir um farsæl komandi ár.
Fanney Dóróthe Halldórsdóttir, skólastjóri:
Viljinn, við og venjurnar
Nýtt, spennandi ár framundan, óskrifað blað. Þessi skil milli þess sem liðið er og þess sem
framundan er eru sjaldan eins augljós
og áþreifanleg eins og akkúrat á þessum
nokkru dögum á ári. Uppgjör þess liðna
og mótun þess nýja. Ég byrja árið á því
að verða árinu eldri og hef verið mjög
meðvituð um þessi tímamót allt frá því
að ég man eftir mér. Tár og kökkur í
hálsi fylgja ávalt þessum dögum, líklega
vegna trega við að sleppa því sem liðið
er, minningar, tilhlökkun og kannski
einhverskonar kvíði fyrir óvissunni og
framtíðarplönum. Ég staldra alltaf við
og velti fyrir mér hvað ég hef lært á liðnu
ári og hvað ég vil fá út úr árinu, hvaða
markmiðum vil ég ná? Þau þurfa ekki
endilega að vera risavaxin eða fyrirferða
mikil. En að setja sér markmið og gera
áætlun um hvernig ég ætla að ná því
hjálpar til við að fókusa. Áramótin eru
tilefni til sjálfsskoðunar, ígrundunar og
ákveðins uppgjörs við þá 8760 stundir
sem hafa liðið frá árinu áður. Stundum
hafa árin verið mjög góð og stundum
skelfilega erfið og þá situr það jafnan
í manni og við sjáum ekki alveg tæki-
færin fyrir framan okkur. Ráðaleysi, nei-
kvæðni og tortryggni hafa að nokkru
leyti einkennt umræðuna í samfélaginu
á liðnu ári. Íslenskt samfélag hefur verið
nokkuð fast í sama hjólfari og umræðan
í samfélaginu beinst í ríku mæli að veik-
leikunum okkar á meðan styrkleikarnir
gleymast oft. Breytingar eiga sér stað
fyrst og fremst „innan frá og út“. Við
þurfum að byrja á að breyta sjálfum
okkur, hugsun okkar. Kerfið er aldrei
sterkara en einstaklingarnar sem skapa
það. Við berum ábyrgð á að þjálfa okkar
eigin færni til að takast á við kröfur
nútímans og búa okkur undir fram-
tíðina. Öll leitum við að raunverulegri
hamingju, tilgangi og sönnum árangri.
Fræðimenn hafa bent á að það sem
einkennir hamingjusamt og árangurs-
ríkt fólk sé jákvæðni, markmið eða til-
gangur, vilji til að vinna, sjálfsagi, gott
innsæi, vera vel að sér og lesa sér til, taka
áhættu, gera væntingar og hugsa stórt.
Jæja það er þá varla flókið! Eða hvað?
Við höfum öll hæfileika til að velja,
það er að segja fortíðin, genin og
hvernig aðrir hafa komið fram getur
án efa haft áhrif en það er ekki þar með
sagt að framtíðin sé algjörlega undir því
komin, það er í valinu sem hamingjan
liggur. Hindúar segja að guð sé í öllu og
að hægt sé að öðlast það sem einblínt er
á. Upp úr þessu hefur máttur aðdrátt-
araflsins verið einfaldaður í: ,,það sem
við einblínum á, það vex“, mátt aðdrátt-
araflsins. Eins og það gerir gott að taka
stöðuna á framgangi lífsins þá er ég ein
af þeim sem er minn eigin, versti dóm-
ari og hef einhverskonar innra „drive“
sem stoppar aldrei. Ég ætla árið 2014
að halda áfram í að æfa mig í að staldra
við í núinu, njóta andartaksins og rækta
kærleikann til alls og ekki síst til mín
og minna. Einblína á það sem ég vil að
vaxi hjá mér og í kringum mig. Talna-
spekin segir að árið verði gott, talan 14
hefur þversummuna 5 (1+4) og er tala
sjálfstæðis og frelsis. Hún er drífandi og
andlega hreinsandi, logandi af ástríðu
og hugsjón. Fimman er annað hvort
eða tala, enda mitt á milli áss og tíu.
Hún fylgir fyrst og síðast eigin sann-
færingu og er hreinskiptin með það.
Það ætti að lofa góðu á ári sem hefst á
kjaraviðræðum og kosningum í landi
elda og ísa þar sem drift, hreinsun og
hugsjónavinna getur skipt sköpum um
framhald lands í uppbyggingu.
Jón Guðlaugsson, slökkviliðsstjóri B.S.:
Bjartar horfur á nýbyrjuðu ári.
Ég lít á nýbyrjað ár með til-hlökkun, og er sannfærður um að erfiðleikar sem fylgdu banka-
hruninu séu að baki og að framundan
séu bjartari tímar.
Á nýbyrjuðu ári sé ég fyrir mér upp-
byggingu nýrrar slökkvistöðvar en á
undanförnum árum hefur verið unnið
að lausn á húsnæðisvanda Brunavarna
Suðurnesja, þar sem núverandi húsnæði
er fyrir löngu orðið alls ófullnæjandi.
Á síðasta ári var unnið að stofnun
byggðasamlags um rekstur B.S. en sam-
kvæmt nýjum sveitarstjórnarlögum
verður samstarf sveitarfélaga að vera
í formi byggðasamlaga og þarf þeirri
formbreytingu á rekstri B.S. að vera
lokið í síðasta lagi 15.október 2014. Með
þeirri breytingu verða samþykktir fyrir
félagið færðar í nútíma horf en eldri
samþykktir eru frá árinu 1974, þegar
Brunavarnir Suðurnesja voru stofnaðar
og þá í samvinnufélagsformi.
Frá árinu 1988 hefur B.S. sinnt sjúkra-
flutningum á Suðurnesjum fyrir utan
Grindavíkur, á síðustu árum hefur verið
um skammtímasamning að ræða til eins
árs í senn. Ég hef vonir til þess að á þessu
ári verið hægt að horfa til lengri fram-
tíðar og að gerður verði samningur við
Sjúkratryggingar Íslands til lengri tíma,
en það mun eyða þeirri óvissu sem fylgir
skammtímasamningum.
Á Suðurnesjum eru rekin öflug
slökkvilið íbúum Suðurnesja til heilla
og hafa sveitarfélögin sem standa að
rekstri B.S. verið öflugur bakhjarl, en
það sýndu þau enn og aftur með þeirri
samþykkt að hefja það ferli að koma
slökkviliðinu í nýtt húsnæði á fitjum.
Ég óska Suðurnesjamönnum gleði-
legs árs og þakka ánæjulegt samstarf
liðinna ára.
Kjartan Eiríksson, Kadeco:
Tækifærin allt í kringum okkur
Árið 2014 er spennandi og leggst vel í mig. Mér finnst tíminn líða allt of hratt og
trúi því varla að 2013 sé liðið. Það er
þó góð áminning um að staldra við,
njóta þess og meta það sem við höfum í
kringum okkur. Þar á ég við fjölskyldu,
vini, einstaka náttúrufegurð landsins
og öll þau ómældu tækifæri sem okkar
frábæra land hefur upp á að bjóða.
Tækifærin eru allt í kringum okkur
og ég er sannfærður um að mörg verða
nýtt árið 2014.
Mér finnst bjarsýnin i samfélaginu
vera að aukast og fólk á Suðurnesjum
vera farið að bera höfuðið hærra en
undanfarin ár. Umræðan um svæðið
hefur verið of neikvæð sem smitast
hefur yfir anda íbúanna á svæðinu
og jafnvel skert sjálfstraust fólks að
hluta. Þrátt fyrir tímabundna erfið-
leika er ekki innistæða fyrir of mikilli
neikvæðni. Við verðum líka að gleðj-
ast yfir litlu sigrunum – megum ekki
gleyma því sem vel hefur tekist. Hér er
búið að skapa sterkan grundvöll sem
mun skila mikilli uppbyggingu til langs
tíma litið.
Þurfum að lyfta andanum og vera
stolt af því samfélagi sem við búum
í – öðru vísi getum við ekki sannfært
aðra um þau tækifæri sem sannanlega
eru hér til staðar.
Berglind Kristinsdóttir, framkvæmdastjóri SSS:
Áfram jákvæðni á árinu 2014
Þegar klukkan læðist nær mið-nætti og nýtt ár er alveg að ganga í garð, lætur maður huga reika
til baka. Maður fyllist þakklæti yfir því
sem vel hefur gengið á árinu og því sem
afrekað hefur verið hvort sem það er
stórt og smátt.
Þar sem ég er mikil bjartsýnismann-
eskja að eðlisfari verð ég að segja að
árið 2014 leggst vel í mig.
Undanfarin ár hafa reynst okkur
Íslendingum erfið en ég hef trú á
því að nú fari að sjást til lands. Ef ég
mætti óska mér einhvers fyrir hönd
okkar Suðurnesjamann, þá væri það
að allir þeir sem nú eru án atvinnu,
fengju vinnu við sitt hæfi. Vonandi ber
okkur gæfu til þess að nýta okkur öll
þau tækifæri sem eru svo sannarlega til
staðar, okkur öllum til heilla.
Ég ætla að halda áfram að temja mér
jákvæðni á árinu 2014 og bind vonir
til þess að næsta sumar verði sólrík og
hlýtt fyrir íbúa Suð-vesturhornsins. Við
eigum það svo sannarlega skilið eftir
rigningarsumarið 2013!