Hafnarfjörður - Garðabær - 05.04.2013, Side 8

8 5. apríl 2013
Ögmundur Jónasson skrifar:
Flensborgarskólinn
í takt við tímann!
Sérhver skóli reynir að gera eins vel og hann getur á öllum sviðum og bjóða nemendum sínum upp
á afbragðs kennslu og þjálfun. En það
er jafnframt snjall leikur af hálfu fram-
haldsskóla að sérhæfa sig á tilteknum
sviðum. Þetta hefur Flensborgar-
skólinn gert hvað fjölmiðlun áhrærir
með rekstri öflugrar fjölmiðladeildar.
Það má segja að Innanríkisráðu-
neytið hafi líkt og Flensborgarskólinn
einnig sérhæft sig á vissum sviðum
umfram það sem lög kveða á um. Þetta
sérstaka áhugamál okkar í Innanríkis-
ráðuneytinu síðustu misseri er efling
lýðræðis.
Og þarna höfum við lagt í púkk,
Flensborgarskólinn og Innanríkis-
ráðuneytið. Ráðstefnum og fundum
um lýðræðismál á vegum ráðuneytisins
hafa verið gerð rækileg skil af hálfu
Flensborgarskóla, allt tekið upp og
sumt jafnvel sent út jafn óðum, unnið
úr efninu með viðtölum sem síðan eru
aðgengileg á vefnum og úr verður lýð-
ræðisverkfærakista íbúanna. Um þetta
höfum við gert samning.
Hinn 27. febrúar síðastliðinn var
ég viðstaddur opnun á nýjum samfé-
lagsvef, www.netsamfelag.is, á vegum
Flensborgarskóla þar sem allt þetta efni
og miklu meira er aðgengilegt.
Við þetta tækifæri gafst mér kostur
á að skoða skólann og þá ekki síst fjöl-
miðladeildina sem rekin er af miklum
glæsibrag. Afraksturinn er að finna á
ofangreindum vef en einnig á www.
gaflari.is.
Innanríkisráðuneytið hefur gert
rækilega grein fyrir þessu framtaki
enda erum við þar á bæ þakklát fyrir
kraftinn í fjölmiðladeild skólans sem
komið hefur sér vel fyrir ráðuneytið.
Fundir sem sjónvarpað er beint frá
fá vaxandi athygli utan fundarsalar –
þakkir tækninni og þeim sem sérhæfa
sig í að nýta hana til góðs. Síðan er á hitt
að líta, hve mikla þýðingu það hefur að
veita þeirri kynslóð sem er að vaxa úr
grasi sem mesta innsýn í fjölmiðlun og
færni á því sviði.
Að þessu leyti er Flensborgarskólinn
að standa sig í stykkinu og svo sannar-
lega í takt við tímann.
Ögmundur Jónasson, innanríkis-
ráðherra , skipar fyrsta sæti á lista VG
í suðvesturkjördæmi
Flokkur heimilanna
býður fram
Flokkur heimilanna hyggst bjóða fram í öllum kjördæmum í apríl. Heildarlistinn er í vinnslu hjá
uppstillinganefnd flokkksins en efstu
sætin á listanum í suðvesturkjördæmi
skipa:
Pétur Gunnlaugsson, lögfræðingur
og útvarpsmaður
Kristján Ingólfsson, flugrekstrar-
fræðingur
Birgir Örn Guðjónsson, lögreglu-
varðstjóri
Karen Elísabet Halldórsdóttir skrifar:
Skilyrði til
búsetu á Íslandi
Það er stutt í mikilvægustu kosn-ingar Íslands. Kjósendur verða beðnir núna þann 27. apríl að
velja á milli þjóðfélags sem annars
vegar einkennist af áframhaldandi
kyrrstöðu, skattahækkunum og þar
sem að atvinnuleysi er leyst með
landflótta og hins vegar af sókn til
nýrra tækifæra og fjárfestinga þar
sem allt kapp verður lagt í að halda
Íslendingum á Íslandi. Hér hefur
verið viðloðandi landflótti og mikill
mannauður tapast. Flestir sem héðan
flytja eiga það þó sameiginlegt að þeir
hreinlega bíða eftir því að landið taki
við sér svo hægt sé að flytja aftur heim.
Eitt mikilvægasta verkefnið sem
ný ríkisstjórn tekur að sér í vor, er
að skapa skilyrði á þann veg að fólk
vilji eiga hér sitt heimili og ala fjöl-
skyldu. Skapa hér atvinnuöryggi sem
er forsenda heimilishalds. Þetta eru
atriði sem við öll getum sameinast
um óháð flokki en greinir á um að-
ferðarfræðina að þessu marki. Sjálf-
stæðisflokkurinn hefur það á sinni
stefnuskrá að auka ráðstöfunartekjur
heimilanna. Þetta gerum við með því
að lækka skatta á einstaklinga og fyr-
irtæki og beita aðhaldi í ríkisrekstri en
gæta að helstu grunnstoðunum sem
ekki lengur þola niðurskurð og má þar
nefna heilbrigðis- og menntakerfið
og löggæslu.
Við horfum raunsætt á vanda
heimilanna sem nú mörg hver eru
komin í mikinn vanda með afborg-
anir af sínum húsnæðislánum. Lánin
hafa mörg hver hækkað langt umfram
það sem hægt er að meta eignina á í
endursölu. Landsfundur ályktaði að
nauðsynlegt sé að þeir sem það kjósa
geti afsalað eign sinni til lánastofn-
anna án þess að til komi til persónu-
legs gjaldþrots, svokallað lyklafrum-
varp. Önnur ályktun var þess efnis að
koma ætti í veg fyrir keðjuverkandi
áhrif greiðsluþrots einstaklinga vegna
veðsetninga eigna og taldi að eðlilegt
væri að jafnræði ríkti á meðal láns-
veðveitanda óháð eðli fjármálafyr-
irtækis. Þetta tel ég vera gríðarlega
mikilvæg áhersluatriði sem tilvondi
þingmenn allra flokka hljóta að ein-
beita sér að á nýju kjörtímabili.
Við verðum líka að átta okkur á að
unga fólkið okkar á fáa möguleika til
íbúðakaupa og því er bráðnauðsyn-
legt að aðstoða þann hóp með því
að afnema stimpilgjöld. Tekjur rík-
issjóðs af stimpilgjöldum eru um 1,8
milljarður á ári. Það er ekki há tala ef
miðað er við samlegðraáhrifin af því
að fólk fari hér að íhuga fasteignakaup
í meira mæli en hefur verið undan-
farin ár.
Raunhæfar aðgerðir í þágu heim-
ilanna strax í vor. Kjósum Sjálfstæð-
isflokkinn.
Karen Elísabet Halldórsdóttir skipar
skipar 7.sæti Sjálfstæðisflokksins í
Suðvesturkjördæmi
Margrét Gauja Magnúsdóttir skrifar:
Leikskólinn er lykilinn
Ég þakka fyrir það á hverjum degi hvað við eigum frábæra leik-skóla á Íslandi. Leikskóla þar
sem tekið er á móti börnunum mínum
á hverjum degi með bros á vör og ég
veit að þau fá alla þá hlýju og örvun,
hvatningu og kennslu sem þau þurfa.
Á meðan fæ ég tækifæri að vera virk
kona og vinna við það sem ég mennt-
aði mig til.
Ég er fædd 1976 og fór aldrei á leik-
skóla, það var ekkert hlaupið af því að
fá pláss og þótti í raun óþarfi þar sem
mamma mín var heimavinnandi. Í dag
eru yfir 90% barna á Íslandi í leikskóla
og byrja flest á öðru aldursári, sem
þýðir að þau eru þar í fjóra vetur að
jafnaði. Í dag eru yfir 50% starfsmanna
leikskóla með starfsréttindi og háskóla-
próf í uppeldisfræðum og er gerð krafa
um framhaldsnám á háskólastigi til
þess að þeir öðlist full starfsréttindi.
Laun þeirra í dag eru aftur á móti í
engu samræmi við slíkar menntun-
arkröfur. Innan við 5% faglærðra eru
karlmenn og ég tel það eitt brýnasta
verkefnið í menntamálum að fjölga
karlmönnum í stétt leik- og grunn-
skólakennara. Leiðrétting launa skiptir
þar meginmáli. Engin félagssálfræði-
leg vísindi, engin átaksverkefni, engin
ímyndarvinna mun skila okkur nálægt
því markmiði heldur launahækkun.
Það liggja mörg tækifæri fyrir
menntakerfið okkar í heild á leik-
skólastiginu. Í
nýlegri rann-
sókn Gerðar
Óskarsdóttur,
fyrrverandi
fræðslustjóra
Reykjavíkur-
borgar kemur
skýrt kemur
fram hversu
mikil endur-
tekning er á milli skólastiga hér á
landi. Í dag er verið að kenna á leik-
skólastiginu hluta þess sem einnig er
kennt í fyrstu bekkjum grunnskóla og
flest sveitarfélög eru farin af stað með
tilraunaverkefni með 5 ára bekkjum í
grunnskóla, en á forsendum þeirrar
kennslufræði sem þróast hefur innan
leikskólans. Þessi leið er að reynast
mörgum börnum vel, sem eru tilbúin
að takast á við ný verkefni og nýtt um-
hverfi eftir langa leikskólavdvöl.
Samkvæmt OECD þá rekum við eitt
dýrasta skólakerfi í Evrópu en erum
eingöngu að ná meðalárangri. Við
eigum Evrópumet í brottfalli nemanda
úr framhaldsskóla og menntakerfið
virðist ekki koma til móts við þarfir
atvinnulífsins. Við getum þó stolt sagt
frá því að flestum börnum líður vel í
skóla á Íslandi, þó margt bendi til þess
að drengjum mætti líða betur.Þar tel ég
að skortur á karlmönnum í kennara-
stétt geti átt sinn þátt. .
Við verðum að hafa bæði frelsi og
kjark til að ræða um skólakerfin okkar,
kosti þeirra og galla. Við verðum að
skoða hvernig þau vinna saman og
gera þær breytingar sem við teljum
nauðsynlegar og muni skila samfé-
laginu betri niðurstöðu.
Eitt af því sem ég tel að eigi að njóta
forgangs í þeirri yfirferð, er að skoða
með hvaða hætti við getum dregið úr
endurtekningum í skólakerfinu og
þannig stytt samanlagðan heildar-
námstíma leik,- grunnn-, og fram-
haldsskóla. Þar tel ég að tækifærin liggi
ekki síst á leikskólastiginu.
Ef okkur tekst að skipuleggja skóla-
kerfin okkar þannig að nemendur
útskrifist úr framhaldsskólum eða
iðnsskólum einu eða tveimur árum
fyrr en nú er, sköpum við um leið þá
hagræðingu sem þarf til að styrkja enn
frekar þær stoðir sem kerfið byggir
á. Þá hagræðingu ættum við meðal
annars að nota til að hækka laun þeirra
sem sinna kennslu. . Þannig rúllum
við boltanum af stað, , við fáum betri
kennara og fleiri karlmenn, betri náms-
árangur, betri líðan og meiri lífsgæði.
Grunnurinn er í leikskólanum og lyk-
illinn er sú þekkingin sem þar býr.
Höfundur skipar 4. sæti á
framboðslista Samfylkingarinnar í
Suðuvesturkjördæmi
Píratar bjóða fram
Píratar, nýr stjórnmálaflokkur hefur birt skipan manna í efstu sætum listans í Suðvesturkjör-
dæmi. Þau eru:
1. Birgitta Jónsdóttir
2. Björn Leví Gunnarsson
3. Hákon Einar Júlíusson
4. Árni Þór Þorgeirsson
5. Berglind Ósk Bergsdóttir
Margrét Gauja
Magnúsdóttir
Karen Elísabet Halldórsdóttir
Ögmundur Jónasson.