Hafnarfjörður - Garðabær - 27.06.2014, Blaðsíða 6

27. júní 2014
Hefurðu búið erlendis?
Þegar mamma og Marinó stjúppabbi
bjuggu í nágrenni við Frankfurt í Þýska-
landi frá 1985-88 eyddi ég sumrunum
hjá þeim.
Ef já, hvernig er Ísland í saman-
burðinum?
Ég fékk Bravo-blöðin viku fyrr í Þýska-
landi.
Hver er stærsti sigur þinn?
Hann er ekki ennþá unninn. Sá stærsti
er handan við hornið.
Hver eru þín helstu áhugamál?
Fyrir utan fjölmiðla og íþróttir hef ég
grunsamlega mikinn áhuga á geim-
ferðum og fylgist stundum með slíkum
í beinni á vef Nasa.
Hver er þinn helsti kostur?
Hvað ég er ofboðslega kurteis. Erfið
spurning annars svo ég spurði konuna.
Hún segir traust vera helsta kostinn
minn.
En galli?
Ég er alveg stjarnfræðilega utan við mig.
Finn stundum ekki ON-takkann fyrir
athyglisgáfuna. Og (2) hvað ég er kurteis.
Hver er fallegasti staðurinn á Íslandi?
Ég heillaðist upp úr skónum af suður-
strönd landsins þegar ég keyrði hr-
inginn. Svo eiga Strandir alltaf stað í
hjartanu.
En í Hafnarfirði?
Hann er beint fyrir aftan húsið okkar
í Arnarhrauni. Þar er friðað „álfa“-
hraun með göngustíg í gegn. Svo er
alltaf jafnfallegt að fá sér göngutúr
frá Arnarhrauninu, vestur Álfaskeið,
í gegnum gamla bæinn niður í Fjörð.
Allar litlu og þröngu göturnar, niður
Mjósundið, gegnum Hverfisgötu og
Austurgötu innan um öll gömlu húsin.
Eftirlætis íþróttafélag?
Geislinn á Hólmavík.
Hvað áttu marga „vini“ á Facebook?
1541.
Uppáhaldstónlistarmaður eða tónlist-
arstefna?
Orginal gruggrokkið, Alice in Chains
og Pearl Jam.
Hvaða bók eða listaverk hefur haft
mest áhrif á þig og hvers vegna?
Ekki kannski beint bók eða listaverk,
heldur kvæðasafnið Hávamál. Þar eru
mörg umhugsunarefni.
Hvert sækirðu afþreyingu?
Sjónvarp, útvarp, bók eða net?
Allt þetta fernt.
Hvað vildirðu verða þegar þú yrðir
stór?
Ég var c.a. 10 ára þegar ég vildi verða
útvarpsmaður. Lá með lítið útvarp uppi
í rúmi og náði næturútsendingum Rásar
2 á Hólmavík í gegnum Gufuna um
helgar. Rásin sjálf náðist þar síðar. Ég
eyddi löngum stundum að leika mér
í plötuspilara ömmu og afa, sem var
einnig með kassettuspilara. Það var
hægt að tengja míkrófón í græjuna og
ég „sendi út“ heilu vinsældarlistana
þar sem ég kynnti lögin. Þessi áhugi
lifði þangað til ég fór í menntaskóla og
þar var það mitt fyrsta verk að komast
í útvarpsráð og verða útvarpsmaður á
framhaldaskólaútvarpsstöðinni Útrás.
Hvert var fyrsta starfið, og hvað
hefurðu tekið þér fyrir hendur fram
að þessu?
Fyrir utan bæjarvinnuna á Hólmavík,
bréfberi í hverfi 104. Svo hlaðmaður hjá
innanlandsflugi Flugleiða, en um leið
útvarpsmaður á Sólinni og svo X-inu.
Hvers vegna valdir þú núverandi
starfsvettvang?
Ég var að vinna í innanlandsfluginu
þegar mér bauðst full dagskrárgerðar-
starf í útvarpinu á X-inu 1998. Það starf
þróaðist á fjölbreytta og skemmtilega
vegu, var m.a. tæknimaður útvarpsþátt-
arins Tvíhöfða frá 1998-2001. Ég fór af
stað með íþróttafréttir á X-inu. Stýrði
síðar íþróttaþætti ásamt Valtý Birni á
hinni upprunalegu Útvarpi Sögu, svo
Skonrokki, eftir að hafa byrjað sem
tæknimaðurinn hans. Ég reyndi fyrir
mér með íþróttafréttir á Stöð 2, (NFS)
sumarið 2006 og hef verið að síðan. Fór
svo yfir til RÚV 2012.
Hvað er skemmtilegast við það starf?
Fjölbreytileikinn, enginn dagur eins,
það eru svo margar hliðar á íþróttum,
svo ótal margir möguleikar til að fjalla
um þær.
Manstu eftir einhverjum sérstökum
ævintýrum í tengslum við starfið eða
óvæntum uppákomum?
Ég var einu sinni að lesa langa frétt undir
myndum í beinni sjónvarpsútsendingu
þegar ég fór allt í einu að sjá hvítt og
missti andann. Náði ekki að klára
fréttina og varð að skipta yfir í næstu
tilbúnu frétt án þess að lesa innganginn
að henni. Þetta var hið dularfyllsta mál
sem ég hef enn ekki fengið botn í.
Svo man ég eftir öðru atviki frá því ég
var tæknimaður á útvarpsstöðinni Tal-
stöðinni. Útvarpskonan Ragnheiður
Gyða Jónsdóttir var að flytja pistil um
bölvun egypska farósins Tútankamon
þegar rafmagnið fór og útsending rofn-
aði. Við reyndum að endurflytja pistil-
inn morguninn eftir en þá fór rafmagnið
aftur. Þessu tengt er gaman að segja frá
því að ég fór til Egyptalands og heimsótti
gröf Tútankamons í dal konunganna
ásamt hópi Íslendinga og fyrir tilviljun
var Ragnheiður Gyða leiðsögumaður í
þeirri ferð. Hún gat rifjað upp söguna
um rafmagnsleysið fyrir viðstadda.
Ef þú værir ekki að vinna við það sem
þú gerir, hvað gerðir þú þá?
Ég satt best að segja veit það ekki. Sé mig
ekki fyrir mér í öðru. Kannski bara enn
að hlaða töskum í flugvélar.
Hvað er að þínu mati mikilvægast fyrir
Hafnarfjörð?
Að hér sé heiðarlegt fólk við völd, sem
ég held að sé raunin. Veit ekki betur
alla vega.
Að því sögðu, hvað mættu bæjaryfir-
völd gera betur?
Beita sér fyrir því að umferðaljósin á
Reykjavíkurveginum verði tímastillt
þannig að það komi ekki alltaf rautt á
næstu ljósum þegar maður kemur að
þeim.
Hvaða stundir í lífinu eru gleðileg-
astar?
Afslappandi frídagar og samverustundir
með og vinum og ástvinum.
Hvað finnst þér skemmtilegast að
gera?
Þó ég hafi aldrei tekið þátt í fegurðar-
samkeppni þá eru ferðalög og að vera
innan um skemmtilegt fólk það lang-
skemmtilegasta sem ég geri. Maður er
manns gaman.
Leiðinlegast?
Að bíða, þvo þvott og tala við dónalegt
fólk.
Hvað gerir þú þegar þér leiðist eða
ferð í fýlu?
Þá tuða ég. Bít svo á jaxlinn, öskra inni
í mér og jafna mig á því.
Hvenær líður þér best?
Meðal annars þegar ég næ að slappa af
eftir brjálaða vinnutörn. Aleinn með
sjálfum mér, helst eftir miðnætti þegar
þögnin er allsráðandi og ónæðið ekkert.
Hvað er framundan hjá þér?
Nú er ég á kafi í HM í fótbolta, að lýsa
leikjum og gera íþróttafréttir. Svo tekur
við kærkomið sumarfrí í lok júlí og planið
er að eyða tíma í paradísinni bak við
húsið, vonandi í góðu veðri. Og fara í golf.
Lífsmottó:
Þau eru tvö; (1) Það er ekkert víst að það
klikki. Og (2) gömul klisja sem er bara
svo hollt að lifa eftir; að koma fram við
aðra eins og þú vilt að aðrir komi fram
við þig. Ef maður einbeitir sér að því þá
er ekkert víst að annað klikki.
6
Hans Steinar Bjarnason:
Paradísin bak við húsið
Hans Steinar Bjarnason íþróttafréttamann á Rúv þarf vart að kynna fyrir
lesendum. Hann hefur nú í sumar staðið í eldlínunni í lýsiningum af HM
í knattspyrnu karla sem fer fram í Brasilíu, en áður en hann fór í íþrótta-
fréttirnar átti hann farsælan feril sem útvarpsmaður. Hansi, eins og hann
er kallaður af vinum og kunningum, er uppalinn á Hólmavík, en hefur
lengi búið í Hafnarfirðinum. Kona hans er Sigríður Þóra Þórðardóttir, en í
fjölskyldunni eru tveir synir Sigríðar og „skáafadæturnar“ Alexandra Ósk
og Embla Marín. Með fullt lögheimili hjá Hansa og Sigríði er svo hann
Sófus, sem er tíu ára, „loðinn og norskur“ eins og Hansi segir frá. Hans
Steinar Bjarnason er í yfirheyrslunni að þessu sinni.
Hansi við störf.
í góðum hópi.