Hafnarfjörður - Garðabær - 28.06.2013, Qupperneq 8

8 28. júní 2013
Viðtal við Steinar Björgvinsson, nýjan framkvæmdarstjóra
Skógræktarfélags Hafnarfjarðar
Hóf störf hjá
Skógræktinni
á fermingarárinu
Steinar Björgvinsson er nýr fram-kvæmdarstjóri Skógræktarfélags Hafnarfjarðar. Hann hefur alltaf
haft áhuga á náttúrunni og þá sérstak-
lega gróðri og fuglum og ætlaði sér
alltaf að verða fuglafræðingur.
Steinar fæddist í Óðinsvéum í Dan-
mörku árið 1968. Hann ólst upp að
mestu leyti í Norðurbænum. „Móðir
mín var dönsk en pabbi er Gaflari,
‘‘ segir hann. Steinar er garðyrkju-
fræðingur, blómaskreytir og skóg-
fræðingur að mennt. Hann starfaði
áður meðal annars hjá Skógræktar-
félagi Reykjavíkur, Fagrahvammi í
Hveragerði, Garðshorni, Blómaval
og Blómálfinum. Einnig hefur hann
starfað erlendis. Frá árinu 2010 hefur
Steinar verið fastráðinn hjá Skóg-
ræktarfélagi Hafnarfjarðar og Gróðra-
stöðinni Þöll.
Steinar byrjaði í sumarvinnu hjá
Skógræktarfélagi Hafnarfjarðar ferm-
ingarárið sitt árið 1982 hjá Ólafi Vil-
hjálmssyni afabróður sínum. „Hann
hvatti mig til að fara í skóg- eða garð-
yrkjunám, ‘‘ bætir hann við.
Það var þó ekki fyrr en hann hóf
störf hjá Skógræktarfélagi Reykjavíkur
sem Steinar tók þá ákvörðun að skella
sér í garðyrkjunám, eins og hann orðar
sjálfur. „Fuglarnir eru svo bara áhuga-
mál sem ég get jafnvel sinnt samhliða
vinnu minni í skóginum og gróðrar-
stöðinni, ‘‘ segir Steinar.
Var örfoka land
Skógræktarfélag Hafnarfjarðar var
stofnað árið 1946. „Á þessum tíma var
uppland bæjarins meira og minna ör-
foka land, ‘‘ segir Steinar. Hann segir að
girða þurfti af alla ræktun vegna sauð-
fjár. Því var ekki talað um skóga heldur
girðingar. Skógurinn í Gráhelluhrauni
var kallaður Gráhelluhraunsgirðing
og Höfðaskógur bar nafnið Hval-
eyrarvatnsgirðing. Steinar segir að
það hafi verið fyrst í kringum 1980
sem uppland bæjarins var girt af og
lausagöngu sauðfjár var hætt.
Skógræktarfélag Hafnarfjarðar er
eitt af aðildarfélögum Skógræktarfé-
lags Íslands og segir Steinar að félagið
sé annað fjölmennasta skógræktarfélag
landsins með um 850 félaga. „Sérstaða
okkar felst meðal annars í því að fé-
lagið rekur sína eigin gróðrarstöð sem
einkahlutafélag. Gróðrarstöðin Þöll
framleiðir og selur allar hugsanlegar
tegundir trjáa og runna í garða, sum-
arhúsalóðir og til skógræktar. ‘‘
Félagið hefur
vaxið og dafnað
Helsta hlutverk félagsins er að Steinars
sögn að skapa og sinna útivistarsvæð-
inu í upplandi bæjarins. Einnig að
sinna hvers kyns fræðslu um náttúr-
verndarmál og skógrækt. „Markmið
okkar er að skapa hér eitt allra besta
útivistarsvæði landsins þar sem flestir
geta fundið eitthvað við sitt hæfi. Gildi
góðs útivistarsvæðis í nágrenni byggðar
er ómetanlegt. ‘‘ Steinar bendir einnig á
að rannsóknir sýna að útivist í grænu
og rólegu umhverfi hefur góð áhrif á
líkama og sál. „Við sjáum að aðsókn
fólks í skóginn eykst ár frá ári. Úti-
leiktæki, upplýsingaskilti, fjölbreyttur
og heilbrigður skógur eru þættir sem
við munum meðal annars vinna að á
næstu árum. ‘‘
Steinar tók við stöðu framkvæmdar-
stjóra af Hólmfríði Finnnbogadóttur
sem starfað hefur hjá félaginu í 33 ár
og gegnt stöðu formanns og fram-
kvæmdarstjóra um langt skeið. Í
stjórnartíð hennar tók öll aðstaða í
Höfðaskógi stakkaskiptum. Þegar
hún tók við var félagið með tvo litla
verkfæraskúra á sínum snærum en nú
hefur félagið tvö hús til umráða, Höfða
og Selið.
„Ég tók við góðu búi ef svo má segja
af Hólmfríði, ‘‘ segir Steinar. „Félagið
hefur vaxið og dafnað og við höldum
því góða starfi áfram. Hlutirnir breyt-
ast og það koma alls kyns verkefni inn
á borð hjá okkur eða inn í skóg réttara
sagt. ‘‘ Steinar segir að gagnlegt væri að
gera rannsókn á fjölda gesta sem heim-
sækja skóginn. Einnig hvað það er sem
þeir sækjast eftir og hvað mætti betur
fara. „Þannig fær maður leiðbeiningar,
‘‘ segir hann. „Við teljum okkur samt
sem áður vera í ágætu sambandi við
hinn almenna notanda enda erum við
alltaf til staðar í bækistöðvum félagsins
í Höfðaskógi við Kaldárselsveg. ‘‘
Leggja þarf aukna
áherslu á grisjun
Steinar segir að leggja þurfi aukna
áherslu á grisjun skógarins enda margir
trjálundirnir orðnir býsna háir og
þéttir. Auk þess þarf að bæta merk-
ingar og koma upp upplýsingaskiltum
um gönguleiðir og þess háttar eins og
fram hefur komið.
Steinar segir að grunnskólarnir
heimsæki skógræktina á vorin og allir
grunnskólar bæjarins hafa sína eigin
landnemaspildu þar sem gróðursett er
og hlúð að gróðrinum. Í sumar verða
stígar yfirfarnir og einhverjir nýir
lagðir. Steinar vonast til að gróðursett
verði í sumar en undanfarin sumur
hafa verið svo þurr að lítið hefur verið
hægt að gróðursetja. „Við erum svo
heppin að fá að njóta starfskrafta frá
Landsvirkjun og Vinnuskóla Hafnar-
fjarðar yfir sumarmánuðina. Þetta
vinnuframlag skiptir sköpum fyrir
félagið. ‘‘
Í Höfðaskógi er heilmikið trjáasafn
að sögn Steinars þar sem gefur að líta á
þriðja hundrað mismunandi tegundir
trjáa og runna. Einnig er þar rósasafn
sem unnið hefur verið í samstarfi við
Rósaklúbb Garðyrkjufélags Íslands. Á
heimasíðu félagsins, skoghf.is má finna
alls kyns upplýsingar um félagið. Þar
er einnig dagskrá félagsins yfir árið.
LHÞ
„Ætlaði alltaf að verða fuglafræðingu! segir Steinar Björgvinsson, fram-
kvæmdastjóri Skógræktarfélags Hafnarfjarðar. Mynd: Þórður Ingi
Steinar hefur starfað lengi í skógræktar og blómaskreytingargeiranum. Mynd: Þórður Ingi