Hafnarfjörður - Garðabær - 01.05.2014, Blaðsíða 2
2 1. maí 2014
Leigufélag í Hafnarfirði
Aðstæður á Íslandi hafa breyst. Áður fyrr kom varla annað til greina hjá okkur íslendingum
en að kaupa íbúð til að búa í. Það var
ekki valkostur að leigja íbúð af öðrum
nema til skamms tíma. Okkar samfélag
hefur breyst. Ungu fólki hrís hugur
við að taka lán til íbúðarkaupa eins og
ástandið er eftir hrun. Í dag blasir sú
staðreynd við að margt ungt fólk sér
ekki fram á að geta flutt að heiman.
Þetta unga fólk sér ekki fram á að
geta keypt sér íbúð, húsaleiga er nú
mjög há og lítið er til af leiguhúsnæði.
Fasteignalán hafa mörg stökkbreyst
og margir hafa misst fasteignir sínar
og eiga ekki annarra kosta völ en að
leigja. Enn aðrir kæra sig ekki um að
eiga fasteign. Eldra fólk vill líka margt
leigja litla íbúð, selja sínar fasteignir og
losa þannig um fjármagn og losna við
viðhald fasteignar.
Að eiga eða leigja
Þannig hafa samfélagslegar breytingar
skapað grundvöll fyrir stofnun leigu-
félaga sem bjóða góðar leiguíbúðir til
leigu fyrir almenning og margir sjá það
sem góðan valkost að leigja frekar en að
eiga fasteign. Leigufélög sem leigja út
íbúðir fyrir sanngjarna leigu og hægt er
að leigja til langs tíma. Hér á ég ekki við
félagslegar íbúðir eða íbúðir þar sem
kaupa þarf hlut í til að öðlast búseturétt.
Ég á við leigufélag sem á íbúðir fyrir
almenning sem kýs að leigja frekar en
að eiga fasteign.
Hafnarfjarðarbær
Mín skoðun er sú að Hafnarfjarðar-
bær á að hafa frumkvæði að stofnun
slíks leigufélags og á að taka þátt í upp-
byggingu þess. Ég vil sjá framboð fjölda
leiguíbúða að mismunandi stærðum og
gerðum. Litlar íbúðir sem henta fyrir
þá sem eru að fara að heiman og eldri
borgara og stærri íbúðir fyrir barna-
fjölskyldur. Fólk getur þannig flutt sig
á milli íbúða innan sama leigufélags
ef það kýs svo, frá því að það flytur að
heiman þar til það er orðið eldri borg-
arar allt eftir þörfum, gerð og stærð
fjölskyldunnar.
Fyrirmyndin
Þessi hugmynd er að danskri fyrir-
mynd en danir hafa átt og rekið slík
leigufélög síðan árið 1945. Ég legg til
að við skoðum vel hvernig að þessu
var staðið í Danmörku á sínum tíma
og hvernig rekstur þessara leigufélaga
er í dag. Ég legg til að við nýtum okkur
reynslu þeirra og fjölgum búsetuúr-
ráðum fyrir alla í Hafnarfirði.
Auglýsingasíminn er 578 1190
Netfang: auglysingar@fotspor.is
Þú færð eldsneytissparandi
dekkin frá
á dekkjahollin.is
Það er í mörg horn að líta, jafnt á baráttudegi verkalýðsins sem alla aðra daga. Mikilvægasta verkefnið er að vinna bug á ójöfnuði. Þar er hins vegar við ramman reip að draga. Við búum nú við ríkisstjórn sem því
miður virðist leggja sig fram um að auka ójöfnuð ef eitthvað er.
Við sjáum það til að mynda á aðgerðum eins og lækkun skatta á hátekjufólk,
brotthvarf hátekjuskatts, lækkun veiðigjalds þegar hagnaður fárra af sameigin-
legri auðlind allra er hinn mesti í sögunni og svo ekki sé minnst á vanhugsaðar
aðgerðir til að lækka skuldir fólks sem ekki þarf á því að halda með tugum millj-
arða af skattfé, meðan skorið er niður í velferðarþjónustunni. Svo ekki gleymist
sá þáttur aðgerðanna sem mun hafa í för með sér tekjufall fyrir sveitarfélögin.
Við svo búið virðist ekki vera bjart framundan. Kjaradeilur og verkföll hafa
þegar sett svip sinn á árið. Ríkisstjórnarmeirihlutinn er fljótur að beita þing-
mönum sínum til að setja lög á löglegar aðgerðir launafólks til að fylgja eftir
sanngjörnum kröfum. Það er miður.
„Ég kalla það ekki laun þó menn, eða konur oftast, geti fengið fleiri krónur
í launaumslagið vegna þess að þær eru lamdar áfram af bónussvipunni. Ég
vil halda mig við þau laun sem þær fá samkvæmt töxtum.“ Þetta kom fram
í þingumræðum um kvótakerfið á sínum tíma, hjá Þórhildi Þorleifsdóttur,
þingkonu Kvennalistans. Það má taka undir með henni, þótt hún tali aðeins um
sjávarútveg og langt sé um liðið. Fólk á að fá mannsæmandi laun fyrir vinnu
sína. Það á ekki að þurfa til yfirvinnu eða bónusa til þess að fólk geti kannski
náð endum saman.
En blessunarlega skín sólin nú líka þótt oft sé þungbúið. Við skulum ekki gleyma
öllum þeim áföngum sem þegar hafa unnist í áratuga verkalýðsbaráttu. Verk-
efnið er ekki aðeins að sækja fram, heldur einnig að verja það sem hefur unnist.
Þar er sannarlega mótbyr. En mótbyr breytist í meðvind ef við stöndum saman.
Verkefnin framundan eru næg. En munum að sigrarnir vinnast með sam-
stöðunni.
Til hamingju með daginn!
Ingimar Karl Helgason
Samstaðan
skiptir máli
Leiðari
HAFNARFJÖRÐUR / gARÐAbæR
8. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Brynjar
vann
Brynjar Dagur Albertsson, fimmtán ára dansari úr Hafnarfirði, fór með sigur
af hólmi í hæfileikakeppninni Ís-
land got talent, sem haldin hefur
verið á Stöð 2 í vetur. Verðlauna-
féð nemur tíu milljónum króna.
Brynjar sagðist í samtali við
Gaflari.is á dögunum ekki vera
ákveðinn um næstu skref, en
hann mun nú vera erlendis með
skólasystkinum sínum úr Hval-
eyrarskóla.
Vinnustöðvun kennara
Grunnskólakennarar hafa sam-þykkt vinnustöðvun 15., 21.
og 27. maí. Yfirgnæfandi meirihluti
kennara samþykkti vinnustöðvunina,
en hún er gerð í þeim tilgangi að stuðla
að framgangi krafna félagsins.
Höfundur er
Elva Dögg Ásudóttir Kristinsdóttir,
lögmaður og myndlistarkona,
skipar annað sæti
Vinstri grænna í Hafnarfirði
Pollapönkarar eru komnir til Kaupmannahafnar. Það er í mörg horn að líta enda þótt ekki verði stigið á sviðið alveg
strax. Piltarnir flytja lag sitt á þriðjudag og vafalaust verða allir landsmenn spenntir framan við sjónvarpstækin.
Mynd: Facebook síða Pollapönks.
Ræða einkavæðingu FG
Bæjaryfirvöld í Garðabæ hafa látið vinna skýrslu um hvernig bæjarfélagið getur tekið yfir
rekstur Fjölbrautarskólans í Garðabæ.
Meirihluti sjálfstæðismanna í bænum
hefur í nokkur misseri unnið að því
að bæjarfélagið taki rekstur fjölbraut-
arskólans yfir. Rætt hefur verið við
menntamálaráðuneytið um málið, en
niðurstaða er ekki komin. Ekki hefur
verið full sátt um málið, en bæjar-
fulltrúi M-listans hefur meðal annars
spurt ýmissa spurninga um málið.
Í skýrslunni sem nú er rædd í stofn-
unum bæjarins segir meðal annars að
um skólann mætti stofna rekstrarfélag
sem ýmist gæti verið í eigu Garða-
bæjar, eða að hlutafélag utan um
reksturinn með þátttöku fyrirtækja,
félaga og einstaklinga, en meirihluti
yrði í eigu Garðabæjar. Einnig komi
til grein að reksturinn yrði sérstakt
tilraunaverkefni um nokkurra ára
skeið og að því loknu yrði árangur-
inn metinn.
Lagt er til í skýrslunni að reksturinn
fari til Garðabæjar haustið 2015, til
reynslu í fimm ár, eða frá ársbyrjun
2016.
„Leitast verði við að auka sjálf-
stæði skólans miðað við það sem nú
er í samráði við skólameistara FG og
skólanefnd skólans. Í samningnum
verði ákveðinn fjöldi ársnemenda
skólans og jafnframt samið um fjár-
veitingar með hverjum nemanda í
fjárlögum ríkisins,“ segir í skýrslunni
meðal annars.
Andrés bæjarlistamaður
Andrés Þór Gunnlaugsson gít-arleikari hefur verið útnefndur
bæjarlistamaður ársins í Hafnarfirði.
Hann hlýtur eina milljóna króna í
styrk. Tilkynnt var um þetta við athöfn
í Hafnarborg fyrir viku. Þá voru jafn-
framt veittir hvatningastyrkir og styrkir
til menningarstarfsemi og viðburða.
135 bílastæði
Nýi bílakjallarinn á Garðatorgi í Garðabæ verður opnaður form-
lega kl.16 á föstudaginn 2. maí og
af því tilefni verður hátíð á torginu.
Pylsuvagn frá Bæjarins bestu verður á
staðnum, ókeypis pylsur handa öllum.
Bjarni töframaður og Þorgils úr Snigla-
bandinu spila og sprella frá kl.16.135
bílastæði eru í nýja kjallaranum.