Kópavogur - 15.08.2014, Síða 10

10 15. ágúst 2014
Matarsíða svavars svavar@islenskurmatur.is.
Matar-rúlletta
Það er stundum eins og hálfgert happdrætti að kaupa innflutt grænmeti
og ávexti í íslenskum verslunum. Skyldi það vera í sæmilegu lagi? Það er
þó ekki umfjöllunarefni þessarar síðu að þessu sinni, heldur matarhapp-
drætti af allt öðrum toga. Það er danskt, kallast Matarrúlletta og virðist
ætla að slá í gegn.
Verðlaunuð nýsköpun
MadRouletten, eins og Matarrúllettan
heitir á dönsku, er verðlaunað matar-
tengt nýsköpunarverkefni. Stofnend-
urnir heita Asger Möller Dombernow-
sky og Stine Juul Hansen. Þau eru
bæði ung og skapandi, hann mark-
aðsfræðingur, hún tískuhönnuður.
Leiðir þeirra lágu saman í þverfaglegu
nýsköpunarnámi. Hugmyndin spratt
upp úr skólaverkefni þar sem þau voru
að velta fyrir sér hversdagslegum sam-
skiptum ungs fólks.
Sáu þörfina
Niðustaða þeirra var sú að ungt fólk
vantaði einhvern vettvang til að
kynnast einhverjum nýjum, án þess
að það gerðist í ölæði eða á formlegu
stefnumóti. Matarrúllettan var svarið.
Tilgangurinn er sá að ungt fólk geti
kynnst öðru fólki á sama reki, átt nota-
lega kvöldstund með spjalli og góðum
mat. Þau byrjuðu í Árósum í febrúar í
fyrra, hleyptu af stokkunum vefsíðunni
madrouletten.com og samsvarandi
fésbókarsíðu - og síðan hefur Matar-
rúllettan aldeilis snúist. Nú eru haldin
Matarrúllettukvöld í fleiri borgum og
vinsældirnar aukast stöðugt.
Hvað er Matarrúlletta?
Fyrirbærið er í raun afar einfalt. Fólk
sem vill taka þátt í matarboði með
fimm ókunnugum manneskjum á
aldrinum 20 til 35 ára, skráir sig til
þátttöku á vefsíðunni. Þau hjá Matar-
rúllettunni raða svo fólkinu saman í
sex manna hópa sem borða saman þrí-
réttaða máltíð tiltekið kvöld. Í hverjum
sex manna hópi eru svo tveir og tveir
paraðir saman. Hvert paranna þriggja
sér um einn hluta máltíðarinnar, svo
úr verður þríréttuð máltíð. Já, og í
hverjum hópi er einn sem sérstaklega
hefur boðist til að vera gestgjafi og
hýsir því matarboðið.
Besta úr báðum heimum
Nokkur slík matarboð eru þannig
haldin á sama tíma í einhverri til-
tekinni borg eða bæ. Þegar líða fer á
kvöldið er svo slegið saman í eitt alls
herjar partí þar sem fólkið úr öllum
matarboðunum mætir og blandar geði.
Úr þessu segja þau Asger og Stina að
hafi kviknað nýr kunningsskapur
eða jafnvel vinskapur – og rómantík
hafi jafnvel látið á sér kræla. Aðal til-
gangurinn er þó að tengja saman fólk
sem ekki þekkist fyrir. Þetta mætti
hugsanlega kalla einhvers konar raun-
heima-matar-fésbók. Hér sameinast
margir kostir hefðbundinna matar-
boða og samfélagsmiðla á nýstárlegan
hátt.
Endalausir möguleikar
Matarblaðamaður telur einsýnt að Ís-
lendingar verði fljótir að tileinka sér
hið nýdanska fyrirbæri Matarrúllett-
una. Reykjavík er nógu stór til þess að
þetta geti gengið upp í talsverðan tíma
– þótt líkurnar á að þekkja einhvern
boðsgesta séu meiri en víða annars
staðar. Svo býður þetta líka upp á
endalausar viðbætur og prjón. Þarf
t.d. að miða við 20 til 35 ára? Má ekki
allt eins miða við 50 til 65 ára? Eða 30
til 55 ára? Er hægt að bæta inn í þetta
áhugasviðum, þannig að fólk með
líkan þankagang sé líklegt til að velj-
ast saman í matarboð? Hafi lesendur
áhuga á að kynna sér málið betur, þá
er vefslóðin madrouletten.com ... og
hafi einhver alveg sérstaklega mikinn
áhuga, þá er lénið matarrullettan.is á
lausu þegar þetta er skrifað. Þau Asger
og Stine eru ábyggilega til í samstarf.
Fólkið sem tekur þátt í matarrúllettunni skiptist á að elda og getur maturinn orðið æði fjölbreyttur.
Tónsalir er ryþmískur tónlistarskóli
þar sem leitast er við að viðhalda
gleðinni í hljóðfæranáminu.
Upplýsingar og innritun á
www.tonsalir.is
...BARA GAMAN...
Bæjarlind 12. Sími 534-3700. www.tonsalir.is
Nú er tekið á móti umsóknum á eftirfarandi tónlistarnám:
SKEMMTILEG TÓNLISTARNÁM
* Gítarnám
* Píanónám
* Trommunám
* Rafbassanám
* Söngnám
ónsalir